ПСАЛТЫР 11:6 - Кнігі Святога Пісання - Біблія - Біблія — пераклад Чарняўскага (выданне 2017 года)

Дажджом праліе Ён на грэшнікаў вуголле; агонь, і серка, і подых навальніц — доля келіха іх.

Біблія (пераклад А.Бокуна)

Дажджом спашле Ён кары на бязбожнікаў; агонь, і серка, і вецер палючы будуць часткаю келіха іхняга,

Біблія (пераклад В. Сёмухі)

Дзеля пакутаў убогіх і стогнаў гаротнікаў сёньня паўстану, кажа Гасподзь, і дам бясьпеку таму, каго хочуць злавіць.

ПСАЛТЫР 11:6 Крыжаваныя спасылкі

БЫЦЦЁ 19:24

Тады Госпад спусціў на Садом і Гамору дождж серкі і агню ад Госпада з неба,

БЫЦЦЁ 43:34

прымаючы порцыі, якія атрымлівалі ад яго; і большая порцыя дасталася Бэньяміну; яна ўпяцёра пераўзыходзіла іншыя порцыі. І пілі яны, і захмялелі разам з ім.

ЁВА 18:10

Схаваная на зямлі пастка [для] яго, а сіло [для] яго — на сцежцы.

ЁВА 18:15

Ты жывеш у палатцы, якой ужо няма ў яго, у жытле яго рассыпаецца серка.

ЁВА 20:23

Хай напоўніць ён жывот свой: спашле на яго Бог гнеў абурэння Свайго і вылье на яго вайну Сваю.

ПСАЛТЫР 105:32

Учыніў Ён ім град замест дажджу і агонь палымяны ў зямлі іх.

ПСАЛТЫР 16:5

Госпад — доля спадчыны маёй і келіха майго: Ты той, Хто трымае лёс мой.

ПСАЛТЫР 18:13

Перад бляскам позірку Яго праплывалі хмары, град і агністае вуголле.

ПСАЛТЫР 32:10

Пакуты бязбожніка шматлікія, а таго, хто на Госпада спадзяецца, Ён атачае міласэрнасцю.

ПСАЛТЫР 75:8

Бо Бог — суддзя: аднаго прынізіць, а другога ўзвялічыць.

ІСАІ 51:17

Прабудзіся, прабудзіся, устань, Ерузалім, які піў з рукі Госпада келіх гневу Яго; выпіў ты чару слабасці, напіўся,

ІСАІ 51:22

Гэта кажа Валадар твой, Госпад і Бог твой, Які заступаецца за народ Свой: «Вось жа выняў з рукі тваёй келіх слабасці, чару абурэння Майго; не наважышся болей, каб піць з яго.

ЕРАМІІ 13:25

Такі твой лёс і доля, адмераная Мною табе, — кажа Госпад, — бо ты забыўся пра Мяне, і паверыў у ашуканства.

ЕЗЭКІІЛЯ 13:13

Таму вось што кажа Госпад Бог: «І Я прывяду дух непагоды дзеля лютасці Маёй, і будзе праліўны дождж дзеля Майго абурэння, ды град дзеля гневу, каб усё знішчыць;

ЕЗЭКІІЛЯ 38:22

І буду судзіць яго пошасцю, і крывёй, і праліўным дажджом, і градам, як камяні; агонь і маланку спашлю на яго, і на яго войска, і на многія народы, якія з ім,

АБАКУМА 2:16

Ты перапаўняешся ганьбаю дзеля славы; дык напіся сам і пакажы сорам свой! Дасягне і цябе чара правіцы Госпадавай, і ганьба пакрые славу тваю.

ЛУКАША 17:29

аж у дзень, калі Лот выйшаў з Садома, паліліся з неба дажджом агонь ды серка і выгубілі ўсіх.

ЯНА 18:11

Сказаў тады Ісус Пётры: «Схавай меч свой у похвы; келіх, які даў Мне Айцец, ці ж не Мне яго піць?»

1 ЦАРСТВАЎ 1:4

Такім чынам, прыходзіў дзень, і Элькана ўскладаў ахвяру і даваў жонцы сваёй Фанэне і ўсім яе сынам і дочкам па частцы,

1 ЦАРСТВАЎ 9:23

І сказаў Самуэль кухару: «Падай тую частку, якую я даў табе і загадаў, каб ты адклаў яе асобна ў сябе».