ЁВА 16:4 - Кнігі Святога Пісання - Біблія - Біблія — пераклад Чарняўскага (выданне 2017 года)

Мог і я гаварыць падобна, як вы, ды няхай бы душа ваша была на месцы маёй душы. Распачаў бы я да вас прамову і ківаў бы на вас галавою сваёй,

Біблія (пераклад А.Бокуна)

І я падобна як вы гаварыў бы, калі б было ў душы вашай тое, што ў маёй. І вёў бы я пра вас гаворку, і ківаў бы на вас галавой сваёй,

Біблія (пераклад В. Сёмухі)

І я мог бы гэтак сама сказаць, як вы, калі б душа вашая была на месцы маёй; узбурваўся б на вас словамі і ківаў бы на вас галавою маёю;

ЁВА 16:4 Крыжаваныя спасылкі

4 ЦАРСТВАЎ 19:21

Гэта слова, якое сказаў Госпад пра яго: “Брыдзіцца табою, кпіць з цябе дзева, дачка Сіёна; за табой ківае галавой дачка Ерузаліма.

ЁВА 11:2

«Ці ж таму, хто шмат гаворыць, нельга адказаць? Або ці чалавек гаваркі апраўдаецца?

ЁВА 16:5

падбадзёрваў бы вас вуснамі сваімі і не стрымліваў бы руху вуснаў маіх.

ЁВА 35:16

надарма Ёў адчыніў вусны свае і бяздумна словы памнажае».

ЁВА 6:14

Хто пазбаўляе сябра свайго міласэрнасці, той пагарджае павагай да Усемагутнага.

ПСАЛТЫР 109:25

І я стаў для іх пасмешышчам: убачылі яны мяне і сталі ківаць галовамі сваімі.

ПСАЛТЫР 22:7

Але ж я — чарвяк, а не чалавек, зняважаны людзьмі і адрынуты народам.

ПСАЛТЫР 22:8

Усе, якія бачылі мяне, блюзнілі на мяне, крывячы вусны, ківалі галавою.

ПСАЛТЫР 44:14

Ты выставіў нас на ганьбу нашым суседзям, на пагарджанне і на пасмешышча тым, што жывуць навокал нас.

ВЫСЛОЎІ 10:19

У шматслоўнасці не будзе недахопу ў грахах, а той, хто ўтрымлівае вусны свае, — самы разважлівы.

ЭКЛЕЗІЯСТА 10:14

Неразумны шмат гаворыць: «Не ведае чалавек, што будзе потым, і, што па ім станецца, хто можа яму паказаць?»

ІСАІ 37:22

гэта вось слова, якое сказаў Госпад наконт яго: “Брыдзіцца табою, кпіць з цябе дзева, дачка Сіёна: за табою ківае галавой дачка Ерузаліма.

ЕРАМІІ 18:16

каб зямлю сваю ўчыніць пустыняй ды адвечным пасмяяннем. Кожнага, хто будзе праходзіць праз яе, ахопіць здзіўленне, і будзе ён ківаць галавою сваёй.

ЕРАМІІ 48:27

Ці не быў табе ў насмешку Ізраэль? Хіба апынуўся ён між зладзеямі, што ты ківаў галавою, калі аб ім гаварыў?

ПЛАЧ 2:15

Пляскалі ў далоні дзеля цябе ўсе праходзячыя дарогай; свісталі ды ківалі галовамі сваімі дзеля дачкі Ерузаліма: «Дык гэта мае быць горад, які называлі цудам прыгажосці, радасцю ўсяго свету?»

САФОНА 2:15

Гэта гаманлівы горад, які жыве бяспечна, які казаў у сэрцы сваім: «Я — і, акрамя мяне, ніхто больш!» Як стаў ён пустэчаю, лежбішчам дзікіх звяроў? Кожны, хто праз яго праходзіць, засвішча і рукою сваёй махне.

МАЦЬВЕЯ 7:12

І ўсё, што толькі хочаце, каб вам рабілі людзі, вы і самі ім рабіце. Гэта ёсць закон і прарокі.

РЫМЛЯНАЎ 12:15

Радуйцеся з тымі, хто радуецца, плачце з тымі, хто плача.

1 КАРЫНФЯНАЎ 12:26

Такім чынам, калі церпіць адзін член, церпяць з ім усе члены. Падобна, калі славіцца адзін член, радуюцца з ім усе члены.