ЭКЛЕЗІЯСТА 10:14 - Кнігі Святога Пісання - Біблія - Біблія — пераклад Чарняўскага (выданне 2017 года)

¹⁴ Неразумны шмат гаворыць: «Не ведае чалавек, што будзе потым, і, што па ім станецца, хто можа яму паказаць?»

Біблія (пераклад А.Бокуна)

¹⁴ Бязглузды памнажае словы, хоць ня ведае чалавек, што будзе потым, і што пасьля яго станецца, хто распавядзе яму?

Біблія (пераклад В. Сёмухі)

¹⁴ Дурны шмат чаго нагаворыць, хоць ня ведае чалавек, што будзе, і хто скажа яму, што пасьля яго станецца?

ЭКЛЕЗІЯСТА 10:14 Крыжаваныя спасылкі

ВЫСЛОЎІ 15:2

Язык мудрых лье веды, вусны бязглуздых выкрыкваюць бязглуздасць.

ЭКЛЕЗІЯСТА 8:7

бо не ведае ён, што станецца потым, бо хто ж яму абвесціць, што адбудзецца?

ЭКЛЕЗІЯСТА 6:12

Бо хто ведае, што добра для чалавека ў жыцці, у нямногіх днях марнасці сваёй, якія пражывае, як цень? Або хто зможа выявіць яму, што будзе пасля яго пад сонцам?

ЭКЛЕЗІЯСТА 5:3

Калі ў чым прысягнуў Богу, не марудзь споўніць: не падабаецца Яму неразумнае абяцанне; дык, калі ў чым прысягнуў — выканай.

ЭКЛЕЗІЯСТА 3:22

І ўцяміў я, што нічога няма лепшага для чалавека, як цешыцца працай сваёй; бо такі лёс яго. Бо хто ж прывядзе яго, каб ён даведаўся, што будзе пасля яго?

ВЫСЛОЎІ 10:19

У шматслоўнасці не будзе недахопу ў грахах, а той, хто ўтрымлівае вусны свае, — самы разважлівы.

ЁВА 35:16

надарма Ёў адчыніў вусны свае і бяздумна словы памнажае».

ЁВА 34:37

Бо ён дадае да грахоў сваіх злачынства, сярод нас пляскае ў далоні, ды яшчэ больш павялічвае свае прамовы супраць Бога».

ЭКЛЕЗІЯСТА 7:14

У добры дзень пацяшайся з дабра, а ў дзень ліхі падумай: як тое, так і гэтае стварыў Бог, каб чалавек не даведаўся нічога пра будучыню.

ЭКЛЕЗІЯСТА 9:1

Усё гэта сабраў я ў сэрцы маім, каб дэталёва асэнсаваць, што справядлівыя і мудрыя і іх учынкі — у руцэ Божай. Што любоў, а што нянавісць, — чалавек зусім не ведае: усё — перад ім.

ЭКЛЕЗІЯСТА 10:15

Праца неразумных будзе абцяжарваць тых, хто не ведае, як ісці ў горад.

ЕЗЭКІІЛЯ 35:13

І ўзвысіліся вы адносна Мяне вуснамі сваімі, і пракрычалі вы словы свае супраць Мяне; і Я пачуў гэта”.