РЫМЛЯНАЎ 8:30 - Кнігі Святога Пісання - Біблія - Біблія — пераклад Чарняўскага (выданне 2017 года)

Тых жа, якіх прызначыў, тых і паклікаў, а якіх паклікаў, тых і апраўдаў, а якіх апраўдаў, тых і ўславіў.

Біблія (пераклад А.Бокуна)

А каго прадвызначыў, тых і паклікаў; а каго паклікаў, тых і апраўдаў; а каго апраўдаў, тых і ўславіў.

Біблія (пераклад В. Сёмухі)

а каго Ён наканаваў, тых і паклікаў; а каго паклікаў, тых і апраўдаў; а каго апраўдаў, тых і ўславіў.

РЫМЛЯНАЎ 8:30 Крыжаваныя спасылкі

ІСАІ 41:9

якога спахваціў Я з канца зямлі, і з далёкіх ускрайкаў яе паклікаў цябе і сказаў табе: “Ты мой паслугач: Я выбраў цябе і не адкінуў цябе.

ЯНА 17:22

І славу, якую Ты Мне даў, Я перадаў ім, каб яны былі адно, як і Мы адно,

ЯНА 17:24

Ойча, хачу, каб тыя, якіх Ты Мне даў, былі са Мной там, дзе Я, каб бачылі славу Маю, якую Ты Мне даў, бо Ты Мяне палюбіў перад стварэннем свету.

ЯНА 5:24

Сапраўды, сапраўды кажу вам: хто слухае Маё слова ды верыць Таму, Хто Мяне паслаў, мае жыццё вечнае, ды не ідзе на суд, але ад смерці перайшоў да жыцця.

РЫМЛЯНАЎ 1:6

сярод якіх знаходзецеся і вы, пакліканыя Ісусам Хрыстом,

РЫМЛЯНАЎ 11:29

Бо дары і пакліканне Божае нязменныя.

РЫМЛЯНАЎ 8:1

Значыць, няма цяпер ніякага асуджэння тым, што ў Хрысце Ісусе не паводле цела, а паводле Духа ходзяць;

РЫМЛЯНАЎ 8:21

што і стварэнне таксама будзе вызвалена з няволі сапсаванасці на волю славы дзяцей Божых.

РЫМЛЯНАЎ 8:28

Ведаем таксама, што ўсё садзейнічае на дабро тым, што любяць Бога ды якія пакліканы па Яго пастанове.

1 КАРЫНФЯНАЎ 1:2

Божай царкве, што ў Карынце, асвечаным у Ісусе Хрысце ды пакліканым святым разам з усімі, што прызываюць імя Госпада нашага Ісуса Хрыста ў кожным месцы, у іх ды ў нас:

1 КАРЫНФЯНАЎ 1:9

Верны Бог, Якім вы пакліканы да супольнасці з Сынам Яго Ісусам Хрыстом, Госпадам нашым.

1 КАРЫНФЯНАЎ 2:7

але гаворым мудрасць Божую ў таямніцы, што прыхавана, якую Бог прызначыў перад вякамі на славу нашу,

1 КАРЫНФЯНАЎ 6:11

І такімі былі некаторыя з вас. Але вы абмыліся, але вы асвяціліся, але вы апраўдаліся ў імя Госпада нашага Ісуса Хрыста і праз Духа Бога нашага.

2 КАРЫНФЯНАЎ 4:17

Бо караткачасовае, лёгкае гора наша творыць нам важкую славу ў празмерным вечным узвышэнні.

ГАЛЯТАЎ 1:15

Калі ж спадабалася Богу, Які выбраў мяне яшчэ ва ўлонні маці маёй і паклікаў ласкай Сваёй,

ГАЛЯТАЎ 1:6

Дзіўлюся я, што гэтак хутка перакінуліся вы ад таго, які паклікаў вас да ласкі Хрыстовай, да іншага евангелля,

ГАЛЯТАЎ 5:8

Перакананне гэта не ад Таго, Які вас кліча.

ЭФЭСЯНАЎ 1:11

У Ім былі пакліканы да ўдзелу і мы, што прызначаны наперад паводле рашэння Таго, Які спраўляе ўсё паводле пастановы волі Сваёй,

ЭФЭСЯНАЎ 1:5

Ён прызначыў нас на ўсынаўленне Сабе праз Ісуса Хрыста з ласкавасці волі Сваёй,

ЭФЭСЯНАЎ 2:6

і ўваскрасіў разам, і пасадзіў разам у нябёсах у Хрысце Ісусе,

ЭФЭСЯНАЎ 3:11

паводле адвечнай пастановы, што ўчыніў у Хрысце Ісусе, Госпадзе нашым,

ЭФЭСЯНАЎ 4:4

Адно цела і адзін Дух, як пакліканыя вы ў адной надзеі паклікання вашага.

КАЛАСЯНАЎ 3:4

Калі аб’явіцца Хрыстос, жыццё ваша, тады і вы аб’явіцеся з Ім у славе.

1 ФЕСАЛОНІКІЙЦАЎ 2:12

просячы і пацяшаючы, пераконвалі жыць дастойна Бога, Які паклікаў вас да Валадарства Свайго і славы.

2 ЦІМАФЕЯ 2:11

Вернае слова: калі мы з Ім памерлі, дык з Ім жыць будзем;

ГАБРЭЯЎ 9:15

Вось таму Ён ёсць Пасярэднік Новага Запавету, каб праз смерць адкупіць злачынствы, дапушчаныя пры першым запавеце, і каб пакліканыя да вечнай спадчыны даступіліся да абяцанага.

1 ПЯТРА 2:9

Але вы – выбранае племя, валадарнае святарства, святы народ, люд набыты, каб абвяшчалі дасканаласці Таго, Хто паклікаў вас з цемры ў цудоўнае святло Сваё;

1 ПЯТРА 3:9

не адгаджайце ліхам за ліха, ані праклёнам за праклён, але, наадварот, дабраслаўляйце, ведаючы, што на тое вы пакліканы, каб атрымаць у спадчыну дабраславенне.

1 ПЯТРА 5:10

А Бог усякае ласкі, Які вас паклікаў да вечнай славы Сваёй у Хрысце Ісусе, пасля нядоўгага цярпення [вашага] Сам вас удасканаліць, зробіць непарушнымі, угрунтуе, падмацуе.

2 ПЯТРА 1:10

Дык тым больш, браты, старайцеся ўгрунтаваць сваё пакліканне і выбранне. Гэтак бо робячы, ніколі не спатыкнецеся.

АДКРЫЦЦЁ 17:14

Яны будуць ваяваць супраць Ягняці, і Ягня пераможа іх, бо Ён – Госпад пануючых і Валадар валадароў; і разам з Ім пакліканыя, і выбраныя, і верныя».

АДКРЫЦЦЁ 19:9

І кажа мне: «Напішы: “Шчасныя пакліканыя на вячэру шлюбную Ягняці”». І кажа мне: «Гэта сапраўды словы Божыя».