Jeremías 9:11 - Qullan Arunaca “Jerusalén marcarojj mä kala chhajjwaruw tucuyä; kamakenacan putunacaparuw tucuyaraquï; Judá oraken marcanacsti mä wasararuw tucuyaraquï; jan jakeniw kheparjjapjjaraquini.” Aymar Bibliia 1986 “Jerusalén marcarojj mä kala chhajjwaruw tucuyä; kamakenacan putunacaparuw tucuyaraquï; Judá oraken marcanacsti mä wasararuw tucuyaraquï; jan jakeniw kheparjjapjjaraquini.” Qullan Arunaka DC 11 (10) “Jerusalén markarux qala chhaxwaruw tukuyä; qamaqinakan putunakaparuw tukuyarakï; Judá uraqinkir markanakarusti mä ch'usa wasararuw tukuyä; jan jaqiniw qhiparxapxani.” |
masinacapa nayrakatanjja, uqhamarac Samarianquir ejército nayrakatansa, aqham sasa: —Aca mank'at jiwat judionacasti ¿cunjämaraqui amuyasipjje? ¿Jupanacasti amuyasipcaquiti sacrificionaca wastat loktañjja? ¿Jan ucajj uca lurañjja mä urunaccha tucuyapjjaspajja? ¿Jan ucasti uca naqhantata allthapitanacatcha machak kalanaca apsupjjanejja? —sasa.
ucampis jan walt'añ chekanacan aynacht'ayapjjesta, ajjsarcañ ch'amacampiw imjjatapjjesta.
Diosajjay, Tatitur jan uñt'ir jakenacaw orakemarojj mantantanipjje, kollan templomaruw ñankhachapjje, Jerusalenarusti t'unjat marcaruw tucuyapjje.
Reyinacan utjañ utanacapansti kollu anunacaquiw wararjjani, suma c'ajquiri palacionacansti kamakenacaquiw utj-jjani. Babilonian urupasti jac'ancjjaraquiwa, janiw walja urunaca kheparcjjeti.”
Marcanacsti kala chhajjwanacacwa tucuyaractajja, suma perkantat marcanacsti k'al t'unthapiractajja; uñisirinacan palacionacapsa k'al t'unthapiractajja, janiraquiw mayampis utachatäcjjaniti.
Palacionacapansti ch'aphinacaw jilantjjani, athapillunacampi, cunayman yakha koranacaw perkanacapansa jilani. Kollu anunacan utjäwipaw tucjjaraquini, avestruz jach'a jamach'inacan utjäwiparaqui.
Ucampisa qhitinacatejj nayan sirvirejjäqui ucanacan arunacapsti phokhayapuntwa, uqhamaraqui qhitatanacajjan amtatanacapsa suma mistuyaractjja. Nayaw Jerusalenan wasitat jakenëjjañapataqui arstjja, uqhamaraqui Judá orakenquir marcanacasa wasitat sayt'ayatäjjañapataqui: Aynacht'atanacapatsti nayaw jupanacarojj sartayä.
Naya Tatituw ucjja arsta, amsta tokenquir take reinonacaruw jawsaraquëjja. Reyinacapasti jutasinjja, pachpa Jerusalén marca mantañaruw trononacapjja uscusipjjani, take perkanacapajj muyuntquis uca uñcatasiru, uqhamaraqui Judá oraken utjiri take marcanaca nayrakatarusa.
¡Wal ist'apjjam! ¡Mä yatiyäwiw purini! Amsta tokenquir mä marcat mä jach'a ojjtañaw juti, ucasti Judá orakenquir marcanacjja wasararuw tucuyapjjani, kamakenacaquiw ucanjja jacjjapjjaraquini.
“Cunapachatejj aca arunaca jakenacar yatiyäta ucapachasti jisct'apjjaraquïtamwa: ‘¿Cunatsa Tatitojj nanacataqui uca jach'a jan walt'aña apayani? ¿Cuna jan walsa lurapjjtjja? ¿Cuna juchsa lurapjjtjja Dios Tatitu nayrakatanjja?’ sasa.
Take aca marcasti t'unjatäniwa, lakayanacaruquiw tucjjani. Pakallko tunca mararaquiw aca marcanacajj Babilonianquir mä reyin apnakata uñjasipjjani.
Jerusalén marcaruw churta umañapataqui uqhamaraqui Judá orakenquiri take marcanacarusa, reyinacapampi take jilïrinacapampi umapjjañapataqui, uqhamat jupanacajj t'unjatäñapataqui, pampa tucjata apanucuñataqui, ajjsarcaña qhathatcaña tucjatäñapataqui, uqhamata mayninacajj yatekasipjjañapataqui cunjäma maldicionarutejj jalt'qui uca toketa, jichhürcamasa uqhamaquïsipcañapataqui.
“Ezequiasajj aca Judá orake apnakcän uca urunacanjja, Moreset sat chekat jutiri Miqueasaraquiw, uqhama Tatitun sutipjjaru take jakenacaru parlänjja aqham sasa: ‘Take ch'amani Tatitojj aqham siwa: Sionajj mä khollinucuta yapjamaw kheparani, Jerusalenasti mayjaru willthapita lakayanacaquiw uñjasiraquini, templojj utachatäqui uca kollusti koranacampi phokhantataraquiw uñjasini’ sasa.
¿Cunjämsa jumajj parltajja Tatitun sutipjjaru, aca templojj cunjämatejj Silo chekanquir templojj t'unjatäcän uqhamaraquïniwa, uqhamaraqui aca marcasa t'unjataraquïniwa jan mä sapa jakeniraquiw kheparani sasajja?” sasa. Ucatsti take jakenacaw templonjja Jeremiasaru muyuntasin catuntapjjäna.
Uca uñisirinacarusti wasitatwa aca marcaru cutt'ayaniraquï, ucatsti tucjayaraquïwa, catuntasinsti ninampiw naqhantayaraquï. Judá orakenquiri yakha marcanacarusti ch'usa wasaran jan jakeni tucuyaraquëjja. Naya Tatituw ucjja arsta.”
Tatitojj siwa: “Take aca orakpachaw tucjatäni, ucampis janiw k'ala tucjcaraquïti.
“Israelan take ch'amani Diosapasti siwa: ‘Jumanacajj uñjapjjtawa cuna casta t'akhesiñanactejj Jerusalén marcjjaru uqhamaraqui Judá orakenquiri yakha marcanacjjaru apayancta take ucanacjja. Jichhajj uca marcanacajj k'ala aynacht'atawa, janiraquiw qhitis uca marcanacanjja jaccjjeti,
Hazor marcasti wiñayataqui wasarar tucuyatäniwa, kamakenacan putuparaquïniwa, janipuniw qhitis ucan utjañataquejj cuttancaniti ni sarcamayasa.”
Amsta toketwa mä marcajj jupataqui jutantaraqui, marcapsti wasararuw tucuyaraquini. Janipuniwa jakesa, uywanacasa ucanjja wasitat jacjjapjjaniti, takeniw jaltjjapjjaraquini” sasa.
t'unjata, mayjjaru montonthapitaw khepararaquini, kamakenacan putunacaparu tucuyataraquïniwa, jakensa jan mayampi jaccañaru tucuyataraquïniwa, takenirusa sustjascaña, uqhamarac ajjsarthapiyañaru tucuyatäniwa.
¿Janit cuna kollas Galaad chekanjja utjcpacha? ¿Janit ucanjja qhiti kollt'iris utjcpacha? ¿Cunataraqui marcajjarusti jan kollapjjesti?
¡Sionan thaquinacapajj llaquiscayawa! ¡Janiw qhitis cusisiñaru jutirejj utjcaraquiti! Marcan puncunacapasti ch'usa wasarar tucutawa; sacerdotenacasti jachapjjaraquiwa, tawakonacas wali jachapjjaraqui, Jerusalén marcasti wali t'akhesiraqui.
Tatitojj Jacobun utanacapjja jan mayanwa pampa t'unjawayi, Judá marcana suma perkanacapsti, colerasiñapanjja janq'aquiw t'unjawayi. Marcarusa, uqhamaraqui jilïrinacaparusa pampa sarjayawayaraqui.
“Jumanacan marcanacamsti k'alwa t'unjaraquëjja, uñisirinacamas jutaraquiniwa ucanacan jacañataqui, ucampisa musphataw uñjasipjjani uqham t'unjata uñjasajja.
Ucatwa Tatitojj saraqui: “Samaria marcjja mayjjaruw t'unthapï, uva yapuchañ yapu tucuyaraquï. Uca marcan kalanacapsti vallercamaw willintaraquï, cimientonacapsa khanaruw apsü.
Ucatpï Diosan Jerusalén marcapajj jumanacan juchanacam laycu khollinokata uñjasinejja, mayjaru willthapitaraqui, templojj cawqhancquitejj uca kollus koran korantataw uñjasini.”
Jumajj Omri jakena, uqhamarac Acab jaken familianacapan arsutanacapa, uqhamaraqui luräwinacapwa lurtajja uca laycu, ucatsti cunjämtejj jupanacajj sarnakcänjja uqhamracwa sarnaktajja. Ucatwa jichhajj jumatjja, uqhamarac jakenacamatsa mä ajjsarayascaña, laruscañraqui lurapjjämajja, marcajjan p'enkapasti jumjjaruraquiw purini.’ ”
Ucatsti uñjapjjaraquiniw take orakejj azufreru, jayuru, naqhantat lak'aru tucutätapa. Janiraquiw cunsa uca orakerojj satañ puedipcaniti, ni cunas achcaniti; janiraquiwa mä jisc'a koras jilcaraquiniti, cunjämatï t'unjasïnjja Sodoma, Gomorra, Adma, Zeboim sat marcanacajja, cawquïrtï Diosajj t'unjäna jach'a ajjsarcañ colerasiñapampi uqhama.
Wali jach'ataraqui art'asïna: “¡Aynacht'jjewa, aynacht'jjewa jach'a Babiloniajja! ¡Supayanacan utjäwipawa tucuwayjjaraqui, take casta ñankha ajayunacan putuparaqui, uqhamarac k'añu uñisita jamach'inacan tapaparaqui!