Jeremías 51:37 - Qullan Arunaca

³⁷ t'unjata, mayjjaru montonthapitaw khepararaquini, kamakenacan putunacaparu tucuyataraquïniwa, jakensa jan mayampi jaccañaru tucuyataraquïniwa, takenirusa sustjascaña, uqhamarac ajjsarthapiyañaru tucuyatäniwa.

Aymar Bibliia 1986

³⁷ t'unjata, mayjjaru montonthapitaw khepararaquini, kamakenacan putunacaparu tucuyataraquïniwa, jakensa jan mayampi jaccañaru tucuyataraquïniwa, takenirusa sustjascaña, uqhamarac ajjsarthapiyañaru tucuyatäniwa.

Qullan Arunaka DC

³⁷ t'unjata, mayawjar qulluchthapitaw qhiparani, qamaqinakan putunakapar tukuyatäniwa, jaqinsa jan mayampi jak'kañar tukuyatäniwa, taqinirus mulljaskañaru, axsarthapiyañar tukuyatäniwa.

Jeremías 51:37 Jak'a apnaqawi uñst'ayäwi

2 Crónicas 29:8

Ucatwa Tatitojj Judá, Jerusalén ucanacampi colerasïna, ucatsti wali sustjascaña, uqhamaraqui ajjsarcañaruwa tucuyäna cunjämtï jumanacajj ujapjjtajja uqhama.

Isaías 14:23

Mä ñek'e mic'ayaruw tucuyaraquï, ucansti jucunacaraquiw utjapjjani. Pichañampjamaraquiw tucjasin pichanucü.” Uqham siw take ch'amani Tatitojja.

Jeremías 18:16

Uqhamatwa marcapjja mä wasararu tucuyjjapjje, muspharcaña, sustjascaña tucuyapjjaraqui. Qhitinacatejj uca cheka pasapcani ucanacasti, takeniw mayjt'asiñata p'eke qhiwipjjani.

Jeremías 19:8

Aca marcsti mä wasararuw tucuyaraquï, wali sustjascañaraquïniwa. Take aca marca cheka pasirinacasti wali sustjata mayjt'ataw uñjasipjjani uqhama k'ala t'unjata uñjasajja.

Jeremías 25:12

Cunapachatejj uca pakallko tunca maranacajj phokhasjjani ucapachasti, Babilonianquir reyerojja, marcaparusa, luratanacapa wayt'araquï juchanacapatjja, uqhamaraqui caldeonacan marcaparusa, wiñayataquiw t'unjaraquï. Naya Tatituw arsta.

Jeremías 25:18

Jerusalén marcaruw churta umañapataqui uqhamaraqui Judá orakenquiri take marcanacarusa, reyinacapampi take jilïrinacapampi umapjjañapataqui, uqhamat jupanacajj t'unjatäñapataqui, pampa tucjata apanucuñataqui, ajjsarcaña qhathatcaña tucjatäñapataqui, uqhamata mayninacajj yatekasipjjañapataqui cunjäma maldicionarutejj jalt'qui uca toketa, jichhürcamasa uqhamaquïsipcañapataqui.

Jeremías 25:9

Jichhajj amsta tokenquir take marcanacaruw jawsayä, uqhamaraqui Nabucodonosor sirvirejjarusa, jupasti Babilonia oraken reyipawa, jupanacajj jutasin aca marcaru nuwjapjjañapataqui, take jakenacaru uqhamaraqui take jac'anquir marcanacarusa. Ucanacarusti k'alpunwa t'unjäjja. Jupanacarusti wiñayataqui t'unjataruw tucuyä, sustjascaña, ajjsarcañwa tucuyaraquëjja.

Jeremías 29:18

Jumanacarusti guerrampi, mach'ampi, cunayman usunacampiraquiw arcnakapjjäma. Take aca orakenquiri marcanacampisti ajjtasiyapjjaraquïmawa, jumanacarusti takenin uñjcañwa maldecipjjaraquïma, mä p'enkwa tucjapjjaraquïma, cawquïri marcanacarutï apanucuta uñjasipcäta ucansti jumanacajj ajjsarcaña, sustjascañäpjjaraquïtawa.

Jeremías 49:17

Tatitojj siwa: “Edom marcan t'unjatäñapajj wali jach'äniwa, ajjsarcañaraquïniwa. Take qhitinacatejj uca cheka pasapcani ucanacasti wali sustjasipjjani uca mutuyäwip uñjasajja, Sodoma, Gomorra sat marcanacjamaraquïniwa, uca jac'anacanquiri marcanacjamaraquïniwa, cunapachatejj t'unjatäpcän uqhama. Janiraquiw qhitis uca marcanacanjja jaccjjapjjaniti, ni sarcamayasa ucan utjcjjapjjaniti.

Jeremías 49:33

Hazor marcasti wiñayataqui wasarar tucuyatäniwa, kamakenacan putuparaquïniwa, janipuniw qhitis ucan utjañataquejj cuttancaniti ni sarcamayasa.”

Jeremías 51:29

Aca orakejj qhathatiwa, ajjsarthapiraquiwa, Tatitun amtatanacapa phokhascatap laycu, Babiloniarojj mä ajjtascaña wasararuw tucuyaraqui.

Jeremías 9:11

“Jerusalén marcarojj mä kala chhajjwaruw tucuyä; kamakenacan putunacaparuw tucuyaraquï; Judá oraken marcanacsti mä wasararuw tucuyaraquï; jan jakeniw kheparjjapjjaraquini.”

Miqueas 6:16

Jumajj Omri jakena, uqhamarac Acab jaken familianacapan arsutanacapa, uqhamaraqui luräwinacapwa lurtajja uca laycu, ucatsti cunjämtejj jupanacajj sarnakcänjja uqhamracwa sarnaktajja. Ucatwa jichhajj jumatjja, uqhamarac jakenacamatsa mä ajjsarayascaña, laruscañraqui lurapjjämajja, marcajjan p'enkapasti jumjjaruraquiw purini.’ ”

Nahúm 3:6

Jumjjarusti k'añunacracwa warjjatäma; p'enkachatäñampiw jumarojj phokt'araquïma, jakens uñtcaña.

Sofonías 2:15

Uqhamawa cawquïri marcatï wali jach'a jach'a tucusa jaccäna ucajja, uqhamaraqui jakenacapasa sapjjäna: ‘Janiw aca marcjamajj utjquiti aca orakenjja’ sasa. ¡Cunjäma uca marcajj t'unjatasa, jan cunani, monte animalanacan putuparu tucuyataraqui! Qhitinacatejj uca cheka pasapcani ucanacasti qhuyusipjjaniwa, jisc'achapjjaraquiniwa.”

Apocalipsis 18:2

Wali jach'ataraqui art'asïna: “¡Aynacht'jjewa, aynacht'jjewa jach'a Babiloniajja! ¡Supayanacan utjäwipawa tucuwayjjaraqui, take casta ñankha ajayunacan putuparaqui, uqhamarac k'añu uñisita jamach'inacan tapaparaqui!