Jeremías 25:11 - Qullan Arunaca

¹¹ Take aca marcasti t'unjatäniwa, lakayanacaruquiw tucjjani. Pakallko tunca mararaquiw aca marcanacajj Babilonianquir mä reyin apnakata uñjasipjjani.

Aymar Bibliia 1986

¹¹ Take aca marcasti t'unjatäniwa, lakayanacaruquiw tucjjani. Pakallko tunca mararaquiw aca marcanacajj Babilonianquir mä reyin apnakata uñjasipjjani.

Qullan Arunaka DC

¹¹ Taqi aka markasti, laqayanakar tukuyat t'unjatäniwa. Paqallqu tunka mararakiw aka markanakax Babiloniankir reyin apnaqat uñjasipxani.

Jeremías 25:11 Jak'a apnaqawi uñst'ayäwi

2 Crónicas 36:20

Jiwarayañata jilt'irinacjja Babiloniaruwa apayäna, ucansti jupan esclavonacapawa tucupjjäna, uqhamarac wawanacapasa imperio persa tucuñapcama,

Isaías 5:6

apanucuraquïwa. Janiraquiw qhuchhurt'apcanisa korsupcaraquinisa, koranacampi, ch'aphinacampiw chhaktayaraquini. Kenayanacarusti “Jan jupanacjjar jallumti” saraquïwa.

Jeremías 25:12

Cunapachatejj uca pakallko tunca maranacajj phokhasjjani ucapachasti, Babilonianquir reyerojja, marcaparusa, luratanacapa wayt'araquï juchanacapatjja, uqhamaraqui caldeonacan marcaparusa, wiñayataquiw t'unjaraquï. Naya Tatituw arsta.

Jeremías 25:38

Mä leonajj putupat mistunqui uqhamaw mistuniraqui, ucatsti jupanacan marcapajj pampa t'unjataw uñjasiraqui, Tatitun colerasiñapajj mä ninjam naqhatap laycu, uqhamaraqui mä jach'a nuwasïwi apayanitapata.

Jeremías 27:22

‘Take uca yänacjja Babiloniaruw apasjjapjjani, ucatsti ucancaraquiniwa cunapachatejj nayajj wasitat aca chekaru cuttayanjjañ munä ucqhacama. Naya Tatituw uca arunacjja arsta.’ ”

Jeremías 27:7

Take marcanacasti juparu catuyatawa, jupaw apnakaraquini, wawapampi, allchhipampi, cunürutejj marcaparu yakha jach'a marcanacampi apnakatäñajj wact'cani uca urcama.

Jeremías 28:14

Naya, Israelan Diosapa take ch'amani Tatituw arsta: Take marcanacan cuncanacapjjarusti nayaw mä hierrot lurat yugo uchta, uqhamat jupanacajj esclavot Babilonianquiri Nabucodonosor reyiru sirvipjjañapataqui. Montenquiri animalanacsa jupan amparaparuw catuyta’ ” sasa.

Jeremías 29:10

“Naya Tatituw sista: ‘Cunapachatejj Babiloniaru pakallko tunca marajj phokhasjjani, ucapachasti nayajj jumanacatjja amtasjjäwa, cuntejj jumanacataqui arscta uca arsutajjsti phokharaquïwa, jumanacarusti cuttayanjjapjjaraquïmawa aca pachpa chekaru.

Jeremías 4:26

Uñatatasta, ucatsti jardinanac uñtta, ucanacasti wasararu tucuyatäpjjaraquïnwa, take marcanacasti k'ala t'unjatäpjjänwa. Take acanacsti Tatitun jach'a colerasiñapaw uqham luratayna.

Jeremías 4:27

Tatitojj siwa: “Take aca orakpachaw tucjatäni, ucampis janiw k'ala tucjcaraquïti.

Jeremías 43:10

Jupanacarusti saraquim: ‘Take ch'amani Israelan Tatitu Diosapasti aqham siwa: Nayasti Nabucodonosor sirvirejjwa irptayanï, Babilonia marcan reyiparu, ucatsti konuñapsa uqhamaraqui carpanacapsa cawqharutejj uca kalanaca imantcta uca patjjaruw utt'ayaraquï.

Jeremías 44:22

Ucatpï Tatitojj jan juc'ampi jumanacan jan wali luratanacamjja uñjañ muncjjäntejja, uca luräwinacamasti juparojj ñankhachänwa. Ucataracwa jumanacan marcanacamajj k'ala t'unjatajja, janiraquiw ucanacanjja maynis jaccjjeti, takenin uñjcata maldecitaw tucuraqui, ajjsarcañaraquiwa.

Ezequiel 12:19

Aca oraken jakeri jakenacarusti Jerusalén marcan jakerinacarusa, uqhamaraqui take Israelita jakenacarusa: ‘Aqham siw Tatitojja: Mank'anacamjja wali llaquisiñampi mank'apjjäta, umañanacamsti wali ajjsarasaraquiw umapjjäta; aca marcasti k'ala t'unjata, uqhamaraqui ch'usaquiraquiw tucuraquini jakenacapan jan walinac lurapjjatap laycu.

Ezequiel 29:11

Janipuniw jakenacasa, animalanacasa uca cheknamjja pascaniti. Pusi tunca maraw ucanjja janipuni qhitis jaccaniti.

Ezequiel 6:14

Jupanacar mutuyañataquejj amparajjwa aytaraquï, aynacha toke wasarat kalltasina, amsta token Ribla sisqui ucacamajja, take aca orakenacapjja, take marcanacapsa ajjsarcañ wasararuw tucuyaraquëjja. Ucapachaw yatipjjani nayan Tatitütajja” sasa.

Daniel (hebreo) 9:2

Cunapachatejj jupajj mä mara apnakcän ucapachaw naya Daniel Jeremías profetan libropa leescaraquïyäta, pakallko tunca mara pasañapäquis uca toketa, Jerusalén marcan t'unjatäñapataqui, cunjämtejj Tatitojj profetaru siscatayna uqhamarjama.

Levítico 26:32

“Jumanacan marcanacamsti k'alwa t'unjaraquëjja, uñisirinacamas jutaraquiniwa ucanacan jacañataqui, ucampisa musphataw uñjasipjjani uqham t'unjata uñjasajja.

Miqueas 7:13

Aca orakejj ch'usa wasararu tucuyatäniwa, jakenac laycu, jan walinac lurapjjatap laycu.

Zacarías 1:12

Tatitun angelapasti siwa: —Take ch'amani Tatitu, pakallko tunca maraw niy coleratäjjtajja Jerusalén marcampi, Judá marcanacampejja, ¿kawkha marampïscanisa wasitat qhuyapt'ayascäta ucqhacamajja? —sasa.

Zacarías 7:5

“Take marcpacharu, uqhamarac sacerdotenacampiru aqham saraquim: ‘Jumanacajj ayuno lurapjjtawa, lutosiñsa imapjjaractawa pheskëri, pakallköri phajjsina ucqhat jichhacamajj pakallko tunca maräjjewa. Ucsti janiw nayar jach'añchañataqui lurapctati.