Apocalipsis 18:2 - Qullan Arunaca

² Wali jach'ataraqui art'asïna: “¡Aynacht'jjewa, aynacht'jjewa jach'a Babiloniajja! ¡Supayanacan utjäwipawa tucuwayjjaraqui, take casta ñankha ajayunacan putuparaqui, uqhamarac k'añu uñisita jamach'inacan tapaparaqui!

Aymar Bibliia 1986

² Wali jach'ataraqui art'asïna: “¡Aynacht'jjewa, aynacht'jjewa jach'a Babiloniajja! ¡Supayanacan utjäwipawa tucuwayjjaraqui, take casta ñankha ajayunacan putuparaqui, uqhamarac k'añu uñisita jamach'inacan tapaparaqui!

Qullan Arunaka DC

² Wali jach'at art'asirakïna: “¡Aynacht'xiwa, jach'a Babiloniax t'unjatawa! ¡Supayanakan utjäwiparuw tukuwayi, kunayman ñanqha ajayunakan putuparuw tukuwayi, kunayman q'añu jamach'inakan tapaparuw tukuwayi, q'añu qhuru uñisit animalanakan tapaparuw tukuwayxaraki!

Apocalipsis 18:2 Jak'a apnaqawi uñst'ayäwi

Isaías 14:23

Mä ñek'e mic'ayaruw tucuyaraquï, ucansti jucunacaraquiw utjapjjani. Pichañampjamaraquiw tucjasin pichanucü.” Uqham siw take ch'amani Tatitojja.

Jeremías 25:30

“Jumasti Jeremías, take acanacjja nayan sutejj-jjaru yatiyascaquim, jupanacarusti saraquim: ‘Tatitojj jach'a arupampiw arsu, alajjpachatpacha, cawqhantejj jacqui uca kollan utjäwipatpacha. Tamapataquisti cunjämatejj uva ch'irwirinacajj arnakasipjjejj uqhamaraquiw arnakasi, take jakenac tokjja.

Jeremías 51:37

t'unjata, mayjjaru montonthapitaw khepararaquini, kamakenacan putunacaparu tucuyataraquïniwa, jakensa jan mayampi jaccañaru tucuyataraquïniwa, takenirusa sustjascaña, uqhamarac ajjsarthapiyañaru tucuyatäniwa.

Jeremías 51:8

Ucampisa acatjamatwa Babiloniajj jisc'a jisc'a t'unjat uñjasi. ¡Jichhajj jupatjam jachapjjam! Kollanac chhojjrinacapataquejj apanipjjam, uñjañäni, inacha kollasini.”

Joel 3:16

Cunapachatejj Tatitojj jach'a arupa Sión kolluna, uqhamarac Jerusalenan ist'asiyi ucqhajja, alajjpachas, acapachas qhathatiwa. Ucampis Tatitojj israelitanacan arjjatiripawa, jupanacajj marcapäpjjatap laycu.

Sofonías 2:14

Utanacapan lawanacapas jakonucutäniwa, uca utanacasa ovejanacan uyuparu tucuyatäniwa, uqhamaraqui take casta animalanacaw ucan jacapjjani. Jucumpi, añathuyar uñtata ch'aphirar animalanacampiw uta mantañ lawanacan iquipjjani, siwik'aranacasa wararipjjaniwa ventananacana, uqhamarac uta patanacana.

Apocalipsis 1:15

Cayunacapasti wali lliphipquirïnwa mä suma llijquiri, uqhamarac hornon ninamp nacsuyata broncer uñtata. Arupasti wali ch'amaniraquïnwa, walja jawiranacas sarcaspa uqhama.

Apocalipsis 10:3

Ucatsti mä leonar uñtataraquiw wali jach'at art'asïna. Cunapachatï art'ascäna ucqhajj pakallko khejjokhejjonacaw ist'asiraquïna.

Apocalipsis 11:8

Amayanacapasti, cawquintejj Tatitojj ch'accatatäcäna uca jach'a marcan callenacapanwa jiwat jaktatäscani. Uca marcasti mä arunjja Sodoma, uqhamarac Egipto sataraquiwa.

Apocalipsis 14:15

Tatitun templopatsti yakha angelaraquiw mistuni, ucatsti uca kenay patan kont'atäquis ucaruw jach'at aqham sas art'i: “¡Uca yawiñ hosimampi yawthapjjam cosechjja, horasäjjew apthapiñajja, yapusti k'elluratäjjaraquiwa!” sasa.

Apocalipsis 14:8

Ucatsti yakha angelaraquiw uñsti aqham sasa: “Aynacht'jjewa, aynacht'jjewa jach'a Babiloniajja, marcanacarusti vinompjamawa macharayi jan wali sarnakäwipampi” sasa.

Apocalipsis 16:13

Ucatsti uñjaractwa dragonan lacapatsa, uca jach'a ajjsarcañ animalan lacapatsa, uqhamarac c'ari profetan lacapatsa, quimsa ñankha ajayunaca mistusinquiri, ucanacasti jamp'atur uñtataraquïnwa.

Apocalipsis 16:19

Jach'a marcasti quimsaruw jaljtäna, yakha marcanacasti k'alaraquiw t'unthaptäna. Diosasti amtasiraquïnwa Babilonia jach'a marcataqui cuna mutuyäwitï waquichatäcänjja uca churañataqui jach'a colerasiñapampi.

Apocalipsis 17:18

Cuna warmtï uñjcta ucasti cawquïri marcatï aca orakena take reyinacaru apnakquis uca marcawa” sasa.

Apocalipsis 17:5

Paraparusti mä suti kellkataraquiw utjäna, uca sutisti aqhamänwa: “Jach'a Babilonia, juchararanacan taycapa, cunatejj acapachan ajjtañäquis ucan taycapa” sasa.

Apocalipsis 18:10

Jayaruraquiw jithektjjapjjani, uca mutuñapar ajjsarasa, ucatsti sapjjaraquiniwa: “¡Ay! ¡Babilonia jach'a marca, cunaruraqui purtasti! ¡Janc'aquiraquis mutuyäwimajj purinejjä!” sasa.

Apocalipsis 18:21

Ucatsti munañani mä angelaraquiw mä jach'a kala apti molin kalar uñtata, ucatsti jach'a kotaruraquiw jakonti aqham sasa: “Aqhamaraquiw jach'a Babilonia marcajj jakontatäni, janiraquiw mayampsa cuttancjjaniti.

Apocalipsis 5:2

Ucatsti uñjaractwa mä wali munañani angelaru, wali jach'at art'asa aqham sasa jisct'asquiri: “¿Qhitis asquejja aca libro jist'arañataqui, uqhamarac uca sellonacsa ch'iyarañataquejja?” sasa.