Jeremías 9:10 - Qullan Arunaca

¹⁰ “Jachapjjam, aykopjjaraquim kollunacatjja, suma ch'ojjña orakenacatsti jachasisa k'ochupjjam, ucanacasti k'ala naqhantatäjjiwa, janiraquiw qhitis uca cheka pascjjeti, janiraquiw uywanacan wararitapas ist'ascjjeti, jamach'inacasa, monte animalanacasa jayaruw sarjjapjjatayna.

Aymar Bibliia 1986

¹⁰ “Jachapjjam, aykopjjaraquim kollunacatjja, suma ch'ojjña orakenacatsti jachasisa k'ochupjjam, ucanacasti k'ala naqhantatäjjiwa, janiraquiw qhitis uca cheka pascjjeti, janiraquiw uywanacan wararitapas ist'ascjjeti, jamach'inacasa, monte animalanacasa jayaruw sarjjapjjatayna.

Qullan Arunaka DC

¹⁰ 10 (9) “Qullunakata, wasaranakat jachapxam, ayqupxarakim, suma ch'uxña uraqinakat jachapxam, ukanakasti q'ala nakhantatäxiwa, janirakiw khitis uka chiqa sarakipkxiti, janiw uywanakan wararitapas ist'askxiti, jamach'inakasa, monte laq'unakasa jayaruw sarxapxatayna.

Jeremías 9:10 Jak'a apnaqawi uñst'ayäwi

Isaías 41:15

Nayaw jumarojj trigo yawthapiñar uñtat tucuyascäma, machaka, uqhamaraqui suma ari lacanacani; montenac yawthapïta, lak'aruraquiw tucuyaraquïta, jisc'a kollunacsti jichhuruw tucuyaraquïta.

Isaías 49:19

Marcamajj k'ala aynacht'atänwa, tucjata, khella tucuyataraqui; ucampis jichhajj orakemajj take jakenacamataquejj pisïniwa. Jumar tucjirinacasti jayancjjewa.

Jeremías 12:10

Uñisirinacan jach'a jilïrinacapasti uva yapojj-jja t'unjapjjewa, orakenacajjsa taquisipjjaraquiwa. Nayan wali munata orakejjsti llaquiscañ wasararuraquiw tucuyapjje.

Jeremías 12:11

Llaquiscaña wasararuw tucuyawayapjje; nayasti jichhajj jupar jachasquirwa uñjaracta. Take aca orakpachaw jichhajj wasara tucuta, ucampis janiw qhitis llaquiscaraquiti.

Jeremías 12:4

¿Cunapachcamas orakejj wañäni, pampanacan koranacas wañsuscaraquini? Animalanacasa, jamach'inacasa jiwarasipquiwa, aca marcan jaquir jakenacan ñankha luratanacap laycu, jupanacasti janiw luratanacapjja jumajj uñjcasmas uqham amuyapquiti.

Jeremías 14:6

Pampa asnonacasti, wasara kollu patanacan sayarasqui, thayacraqui mank'apjjaraqui kamakenacar uñtata, nayranacapasti chhurct'jjaraquiwa jan cuna pastos mank'añataqui utjatap laycu.”

Jeremías 2:15

¿Cunatraqui leonanacjama nuwantapjjesti, jach'at warart'asisa? Orakepjja k'ala tucjatwa antutawayapjje, marcanacapasti ninampi naqhantayataraqui, janiraquiw qhitis ucanacanjja kheparcjjeti.

Jeremías 2:6

Nayar thaktañatsti janiw llaquisipcaraquiti, nayaw jupanacarojj Egiptot apsunta, wasaranjam irparacta, sinti waña orakenjama, uqhamarac jach'a jakhe jakhe taypnama, jan umani orakenjama, uca orakesti cunayman jan walt'añanacansa phokhantataraqui, cawqhantejj jan qhitis jacquiti uqhamaraqui, jan qhitis sarnakqui uca orakenjama.

Jeremías 23:10

Aca marcasti wachoka jucha lurir jakenacan phokhantatawa, ñankha lurañaru jalir jakenacana phokhantatawa, ch'amanacapsti jan walinac lurañataquiquiw apnakapjje. Ucatwa Tatitojj aca orakjja maldecïnjja, aca orakesti wañsuwayjjaraquiwa, wasara tokenquir pastonacasa k'alaw pharsuwayjjaraqui.

Jeremías 50:3

Amsta toketwa mä marcajj jupataqui jutantaraqui, marcapsti wasararuw tucuyaraquini. Janipuniwa jakesa, uywanacasa ucanjja wasitat jacjjapjjaniti, takeniw jaltjjapjjaraquini” sasa.

Jeremías 7:29

¡Jerusalén, ñic'utam mururasim ucatsti liwtam! ¡Wasara kollu patanacansti llaquiscañ k'ochunac k'ochuraquim! Tatitusti jakenacamataquejj coleratawa, apanucjjaraquiwa, jaytjjaraquiwa.

Jeremías 8:18

Usuyasitajjajj janiw kollañjamäcjjeti, chuymajjas cawcst'araquituwa.

Lamentaciones 1:16

Take ucanacasti nayarojj jachayituwa, nayrajjasti jachampi phokhantataraquiwa, janiraquiw nayar qhiti chuymachiris utjquiti, janiw nayar qhiti ch'amañchiris utjquiti. Wawanacajjasti t'unjata perkanac taypincasquiwa, uñisirinacasti nanacat sipansa juc'ampi ch'amaniraquiwa.

Lamentaciones 2:11

Jachcäwisa nayrajj usjjetuwa, chuymas waystañjamacwa munjjetu. Jakenacajjan marcapa t'unjata uñjasajja, callenacan wawanacaru mank'atjama jiwarasquiri uñjasasa janiw ch'amajj utjcjjetuti.

Lamentaciones 5:18

Sión kollusti jichhajj k'ala t'unthapitawa, kamakenacaquiw ucanjja aywtjjaraqui.

Ezequiel 14:15

“Nayatejj mä marcaru cunayman monte animalanac qhitirista, uca marcan utjir jakenacaru jiwarayapjjañapataqui, uca marcjja ch'usa wasararu tucuyapjjaspa, uqhamat uca chekjja jan qhitis ajjsarañatjja pasañ muncaspati, uca animalanacar ajjsaratap laycu.

Ezequiel 27:2

“Jumajj, chacha, aca alma imäwi k'ochu k'ochum,

Ezequiel 29:11

Janipuniw jakenacasa, animalanacasa uca cheknamjja pascaniti. Pusi tunca maraw ucanjja janipuni qhitis jaccaniti.

Ezequiel 33:28

Aca orakerusti wasara tucuyaraquï, k'alwa tucjaraquëjja, cawquïri ch'amapattejj wali jach'a jach'a tucupqui ucsti tucjaraquïwa. Israel marcan kollunacapasti wasararuw tucuraquini, janiraquiw qhitis uca chekjja pascaniti.

Ezequiel 6:6

Cawquïri marcanacantejj jumanacajj jacapcta uca marcanacasti takpachaw t'unjatäni, yakha diosanacar yupaychañ altaranacamasa k'ala t'unjatäniwa. Altaranacamajj k'ala t'unjatapunïniwa, diosanacapas jisc'a jisc'a tucjataraquïniwa; incienso loktasiña altaranacapas pampa tucuyataraquïniwa, take cuntejj jumanacajj lurapcta ucanacasti k'ala chhaktayatäniwa.

Oseas 4:3

Ucatwa aca marcajj lutt'at sarnakasqui; aca marcan jaquirinacasti jan ch'amaniquëjjapjjewa; pampanquir animalanacasa, jamach'inacasa, jach'a kotanquir chawllanacasa jiwarjjapjjaquiwa.

Joel 1:13

Jumanacasti sacerdotenaca, Diosan altarapan irnakerinaca, chhanqha isinacampi isthapisipjjam, llaquisiñatsa jachapjjaraquim, Diosan templopana jan trigosa, ni vinosa ofrenda churañataqui utjatap laycu.

Joel 1:19

“¡Jumaruw art'asinsma Tatay, wasaranquir pastonacsa, pampanquir kokanacsa ninaw k'al naqhantawayjje!

Amós 5:1

Ist'apjjetay arunacajja israelitanaca; cuna llaquisiñtejj jumanac contra arsctjja ucanaca:

Amós 5:16

Aqham siw take ch'amani Tatitu Diosajja: “Take plazanacanwa jachañajj utjani, take callenacanwa warariñajj utjani, pampan utjirinacarusti llaquisiñaruraquiw jawsapjjani, uqhamarac jachiri jakenacarusti jachañaruraqui.

Miqueas 2:4

Qhaya urunacansti jumanacataquejj larusisaw jachañ k'ochunac k'ochupjjani. Sapjjaraquïtamwa: ‘K'ala tucjatapunïtanwa; jiwasa, Tatitun marcapasti, yakha uywirinëjjtanwa, janiraquiw qhitis ‘janiw’ sasajj jarc'akquiti; jiwasan orakenacasasti atipjirinacasaru laquinokataraquiwa’ sasa.

Miqueas 3:12

Ucatpï Diosan Jerusalén marcapajj jumanacan juchanacam laycu khollinokata uñjasinejja, mayjaru willthapitaraqui, templojj cawqhancquitejj uca kollus koran korantataw uñjasini.”