Jeremías 34:22 - Qullan Arunaca

²² Uca uñisirinacarusti wasitatwa aca marcaru cutt'ayaniraquï, ucatsti tucjayaraquïwa, catuntasinsti ninampiw naqhantayaraquï. Judá orakenquiri yakha marcanacarusti ch'usa wasaran jan jakeni tucuyaraquëjja. Naya Tatituw ucjja arsta.”

Aymar Bibliia 1986

²² Uca uñisirinacarusti wasitatwa aca marcaru cutt'ayaniraquï, ucatsti tucjayaraquïwa, catuntasinsti ninampiw naqhantayaraquï. Judá orakenquiri yakha marcanacarusti ch'usa wasaran jan jakeni tucuyaraquëjja. Naya Tatituw ucjja arsta.”

Qullan Arunaka DC

²² Uka uñisirinakarusti wasitat aka markarux kutt'ayanirakï, ukatsti tukjayarakïwa, katuntasinsti ninampiw phichhantayarakï. Judá uraqinkir yaqha markanakarusti ch'usa wasarar jan jaqin tukuyarakï. Naya, Tatituw uk arsta.”

Jeremías 34:22 Jak'a apnaqawi uñst'ayäwi

2 Samuel 16:11

Ucjjarusti Abisai jakempiru, uqhamaraqui take oficialanacapampirusti saraquïnwa: —Nayan pachpa wawajjatejj nayaru jiwayañ amtchitu ucasti, ¡juc'ampi amuyumpiw mayni Benjamín tribunquir jakejj jiwayañ munpachïtojja! ¡Jichhajj juparojj jaytapjjam, ñankhachascaquitpan, Tatituw juparojj uqhama luram sispacha!

2 Reyes 25:6

Caldeonacasti reyir catuntasinjja Babilonianquir reyin ucaruw apapjjäna, jupasti Hamat orakena Ribla sat chekancascänwa. Qhayanwa Nabucodonosor reyejj juchañchäwipa arsüna Sedequías reyitaqui.

2 Reyes 25:9

Jupasti ninampiwa naqhantayäna temploru, reyin palacioparu, uqhamarac marcan utanacarusa, jilt'atpuni tucjänjja wali aytata jakenacan utanacapa.

2 Crónicas 36:17

Ucatsti Tatitojj jupanac tokejj jutantayänwa caldeonacan reyiparu, templo pachparuwa waynanacarojja cuchillompi jiwarayäna, janiw qhititsa qhuyapt'ayascänti waynanacatsa, tawakonacatsa, awquinacatsa, cojonacatsa. Takeniruwa Tatitojj amparaparcama catuyäna.

Isaías 13:3

Wali ch'amani jakenacajjarojj niyaw jawsjjta, guerran alek nuwasirinacajjarusti arojja churaractwa, qhitinacatejj atipjatajjat cusisipqui ucanacaru, mutuyäwejja uñacht'ayañapataqui.”

Isaías 24:12

Marcasti k'ala aynacht'atapuniwa, puncupas k'ala jisc'a jisc'a tucjatawa.

Isaías 37:26

Ucampisa ¿janit jumajj yatcayäta nayan Tatitütajj-jja? ¿Janit yatcta nayan take ucanacjja uqham lurayatajj-jja? Nayra urunacatpachwa uqham lurañanacjja amtayäta, jichhasti ucanac phokhascaractjja; ucatracwa jumas suma perkantata marcanacjja t'unjasctajja, mayjaru montonthapiscaractajja.

Isaías 6:11

Nayasti jisct'aractwa: —¿Cunapachcamaraquïni ucasti, Tata? —sasa. Jupasti saraquituwa: —Cunapachatejj marcanacajj k'ala t'unjatäni, uca marcanacansti janiraqui mä jakes utjcaniti ucqhacamäniwa. Utanacas jan jakeni uñjasini, pampanacas ch'usa wasarar tucuyata,

Isaías 64:10

Kollana marcanacamasti ch'usa wasararu tucuyatawa, Jerusalenasti tucjatawa, k'ala aynacht'ataraquiwa.

Jeremías 2:15

¿Cunatraqui leonanacjama nuwantapjjesti, jach'at warart'asisa? Orakepjja k'ala tucjatwa antutawayapjje, marcanacapasti ninampi naqhantayataraqui, janiraquiw qhitis ucanacanjja kheparcjjeti.

Jeremías 32:29

Caldeo jakenacasti, cawquïrinacatejj jichhajj marcaru nuwantañataqui waquichasisipqui ucanacasti mantasinjja ninampiw aca marcjja phichcatapjjani. Cawquïri uta patanacantejj Baal diosaru incienso loktasipjjerïcäna, uqhamaraqui vinonacsa yakha jan uñt'ata diosanacaru ch'allasipjjerïcäna ucanacamppachwa naqhantayapjjani, uqham yakha diosanacaru loktasisasti nayaruw ñankhachapjjetänjja.

Jeremías 33:10

Tatitojj siwa: “Jumanacajj sapjjtawa: ‘Aca chekajj wasararu tucutawa, janiraquiw jakenacas ni uywanacas utjquiti,’ sasa; Jerusalén marcan callenacapasa, Judá oraken marcanacapasa ch'usaquiwa, janiraquiw ucanjja qhitisa, ni jakenacasa, uywanacasa jacapquiti, sasa. Jichhajj waliquiwa, acanwa suma fiesta k'ochunacajj ist'asini;

Jeremías 34:2

“Naya Tatitu, Israelan Diosapaw sisma, nayan sutejjaru Judá oraken Sedequías reyiparu saniñamataqui aqham sasa: ‘Nayaw aca marcjja Babilonianquiri reyiru catuyä ninampi phichhantañapataqui.

Jeremías 38:23

Jeremiasasti reyerojj sascaquïnwa: —Reyin take warminacapasa, uqhamaraqui wawanacapasa caldeonacaru catuyatäniwa, juma jach'a reyisti janiw jupanacan amparapatjja jaltcaraquïtati, jan ucasti Babilonianquiri reyiru catuyataw uñjasïta, aca marcarusti ninampiw naqhantayapjjaraquini —sasa.

Jeremías 39:8

Caldeo jakenacasti reyin palacioparojj ninampiw phichhantapjjäna, uqhamaraqui take utanacarusa, marcarusti ninampiw naqhayapjjaraquïna, Jerusalén marcan perkanacapasti k'alwa allinucupjjaraquïna.

Jeremías 4:7

Leonajj niyaw putupat mistuni; marcanac tucjiristi niyaw jutanti; marcapatwa mistuniwayi, marcama t'unjañataqui, wasara, k'ala t'unjatwa marcanacamjja tucuyani.

Jeremías 44:22

Ucatpï Tatitojj jan juc'ampi jumanacan jan wali luratanacamjja uñjañ muncjjäntejja, uca luräwinacamasti juparojj ñankhachänwa. Ucataracwa jumanacan marcanacamajj k'ala t'unjatajja, janiraquiw ucanacanjja maynis jaccjjeti, takenin uñjcata maldecitaw tucuraqui, ajjsarcañaraquiwa.

Jeremías 50:13

Nayajj colerasïwa, jan jakeni jaytaraquëjja, wasararu tucuyata jaytaraquëjja. Qhitinacatejj uca cheka pasapcani ucanacasti walwa sustjasipjjani uca mutuyäwipa catokatapa uñjasajja.

Jeremías 52:13

Ninampiw templo phichhantaraquïna, reyin palaciopsa, uqhamarac marcan take utanacsa, nayrakatjja jach'a jilïri jakenacan utanacapjja k'alwa naqhantayaraquïna.

Jeremías 52:7

Ucatwa jupanacajj mä jach'a p'iya lurasipjjäna uca marca perka jac'arojja, caldeonacajj jupanacaru muyuntatäcchïna ucasa. Reyimpi, soldadonacampisti arumawa uca chekanjam jalsuwayjjapjjäna. Pä perka taypincquis uca puncunjamwa mistuwayjjapjjäna, reyin jardinanacap taypi sarquis uca thaquinjama, ucatsti Jordán valle tokeru sarquis uca thaquinjamwa sarjjapjjaraquïna.

Jeremías 9:11

“Jerusalén marcarojj mä kala chhajjwaruw tucuyä; kamakenacan putunacaparuw tucuyaraquï; Judá oraken marcanacsti mä wasararuw tucuyaraquï; jan jakeniw kheparjjapjjaraquini.”

Lamentaciones 1:1

¡Walja jakenacani marcajj cunja sapaquis uñjasjje! Marcanacan jilïripa marcajja mä ijma warmir uñtataquëjjewa. Ch'ama irnacañanacampi t'akhesiyataw jichhajj uñjasi, uñtcañ suma marcajja.

Ezequiel 13:22

Jumanacajj c'arisiñanacamampejj asqui jakenacarojj llajlla tucuyapjjtajja, uca lurañsti janiw nayajj muncäyätti, ucampisa ñankha lurir jakenacarojj juc'ampi ch'amañcht'apjjaractajja juc'ampi jan wali luräwinaca lurapjjañanacapataqui, uqhamat nayajj jan jupanacaru jacañ churañajjataqui.

Amós 3:6

Cunapachatejj trompetan tuct'asitapajj marcan ist'asi ucqhaw jakejj wal sustjasi; cuns Tatitojj apayani ucqhaw marcanjja jan walinacajj utjejja.

Miqueas 7:13

Aca orakejj ch'usa wasararu tucuyatäniwa, jakenac laycu, jan walinac lurapjjatap laycu.

Zacarías 1:12

Tatitun angelapasti siwa: —Take ch'amani Tatitu, pakallko tunca maraw niy coleratäjjtajja Jerusalén marcampi, Judá marcanacampejja, ¿kawkha marampïscanisa wasitat qhuyapt'ayascäta ucqhacamajja? —sasa.

Zacarías 7:14

Ucatpï ucsar acsar tucjtjja mä jach'a tutuca thayampjama jan uñt'apcänti uca marcanac taypiru, uca pasatatjja orakepajj mä wasararu tucutaw kheparawayi, ucansti janiw qhitis jaccjjeti. ¡Mä suma marcjja jupanacajj k'alwa tucjawayapjje!”

Mateo 22:7

Ucapachaw uca reyejj wal colerasïna, ucatwa soldadonacaparojj qhiti uca jiwayir jakenacar jiwarayaniñapataqui, marcapsti ninampi phichhantañapataquiraqui.