Jeremías 9:11 - Qullan Arunaka DC

¹¹ 11 (10) “Jerusalén markarux qala chhaxwaruw tukuyä; qamaqinakan putunakaparuw tukuyarakï; Judá uraqinkir markanakarusti mä ch'usa wasararuw tukuyä; jan jaqiniw qhiparxapxani.”

Aymar Bibliia 1986

¹¹ “Jerusalén marcarojj mä kala chhajjwaruw tucuyä; kamakenacan putunacaparuw tucuyaraquï; Judá oraken marcanacsti mä wasararuw tucuyaraquï; jan jakeniw kheparjjapjjaraquini.”

Qullan Arunaca

¹¹ “Jerusalén marcarojj mä kala chhajjwaruw tucuyä; kamakenacan putunacaparuw tucuyaraquï; Judá oraken marcanacsti mä wasararuw tucuyaraquï; jan jakeniw kheparjjapjjaraquini.”

Jeremías 9:11 Jak'a apnaqawi uñst'ayäwi

Nehemías 4:2

2 (34) masinakap nayraqatana, Samariankir ejército nayraqatan judionakat larusïna akham sasa: “Manq'at jiwat judionakax ¿kuns amuyasipxpacha? ¿Wasitat marka sayt'ayasaxa, wilañchanak luqtasipkakïwa, sapxpachati? ¿Mä urunak lurañ tukuyapxä, sasat amuyapxpacha? ¿Jan ukax, uka allthapit taypit machaq qalanak apsupxä sapxpachacha?” sasa.

Salmos 107:43

Ch'ikhi jaqix ukanak amuypan, Tatitun munasiñap amuyt'arakpan.

Salmos 44:19

19 (20) Ukampis jan walt'añ chiqanakan aynacht'ayapxista, ¡Axsarkañ ch'amakampiw muyuntayapxista!

Salmos 79:1

¡Diosaxay, Tatitur jan uñt'ir jaqinakaw uraqimarux mantantanipxi! ¡Qullan utamaruw ñanqhachapxi, Jerusalenarusti t'unjat markaruw tukuyapxi!

Isaías 13:22

Reyinakan utjañ utanakapansti pampa anunakakiw wararxani, suma k'ajkiri utanakapansti qamaqinakakiw utjxani. Babilonia, mutuñ urumax niyaw purinxi.”

Isaías 25:2

Markanaksti qala chhaxwanak tukuytaxa, suma pirqantat markanaksti q'al t'unthaptaxa; uñisirinakan reyi utanakapsa q'al allthaptaxa, janirakiw mayampis utachatäkxaniti.

Isaías 34:13

Reyi utanakapansti, jach'a pirqanakapansa, itapallunakampi, kunayman ch'aphi quranakampiw jilantxani. Qullu anunakan utjäwipaw tukxani, suri jamach'inakan utjäwiparuw tukxani.

Isaías 44:26

Ukampisa khitinakatix nayan luqtirixäpki ukanakan arunakap phuqhayapuntwa, khithatanakaxan amtatanakapsa suma mistuyarakta. Nayaw Jerusalenan wasitat jaqinïxañapatak arsta, Judá uraqinkir markanakas wasitat sayt'ayatäxañapataki: Aynacht'atanakapatsti nayaw jupanakarux sartayä.

Jeremías 1:15

Naya, Tatituw uk arsta, amsta tuqinkir marka apnaqäwinakaruw jawsarakï. Reyinakapasti jutasinxa, pachpa Jerusalén marka mantañaruw reyi qunuñanakap uskusipxani, muyuntki uka pirqanakapa uñkatasiru, Judá uraqin utjir taqi markanak nayraqataru.

Jeremías 10:22

¡Wal ist'apxam! ¡Mä jan wali yatiyäwiw purini! Amsta tuqit mä jach'a ejercitow jutanti, ukasti Judá uraqinkir markanakxa ch'usa wasararuw tukuyani, qamaqinakakiw ukan jakxapxarakini.

Jeremías 16:10

“Kunapachatix aka arunak jaqinakar yatiykäta ukapachasti, jiskt'apxarakïtamwa: ‘¿Kunatsa Tatitux nanakatak uka jan walt'añ apayani? ¿Kuna jan walsa lurapxtxa? ¿Kuna juchsa Dios Tatitu nayraqatan lurapxtxa?’ sasa.

Jeremías 25:11

Taqi aka markasti, laqayanakar tukuyat t'unjatäniwa. Paqallqu tunka mararakiw aka markanakax Babiloniankir reyin apnaqat uñjasipxani.

Jeremías 25:18

Jerusalén markaru, Judá uraqinkir taqi markanakaru, reyinakapampi taqi jilïrinakapampi umañapatakiw churta, ukhamat jupanakan t'unjatäñapataki, markanakapas q'ala tukjat apanukutäñapataki, axsarkaña mulljaskañ tukjatäñapataki. Aka arunak qillqaski ukkhakamas uka markanakan axsarkañaru, mulljaskañaru, ñanqhar tukutäñapataki.

Jeremías 26:18

“Ezequiasax aka Judá uraqi apnaqkän uka urunakanxa, Moréset sat chiqat jutir Miqueasaw Tatitun sutipxar taqi jaqinakar yatiyäna, akham sasa: ‘Taqi ch'aman Tatitux akham siwa: Sión qullux mä qhullinukut yapjamaw qhiparani, Jerusalenasti laqayanakjam mayjar willthapitaw uñjasini, Tatitun utapax utachatäki uka qullusti, quranakampi phuqhantataw uñjasini’ sasa.

Jeremías 26:9

¿Kamisarak jumasti Tatitun sutipxar parläta, aka Tatitun utapax kunjämatix Siló chiqankir templox t'unjatäkän ukhamäniwa, aka Jerusalén markas t'unjatarakïniwa, jan jaqiniw qhiparani sasasti?” sasa. Ukatsti taqi jaqinakaw Jeremiasar katuntañatakix muyuntapxäna.

Jeremías 34:22

Uka uñisirinakarusti wasitat aka markarux kutt'ayanirakï, ukatsti tukjayarakïwa, katuntasinsti ninampiw phichhantayarakï. Judá uraqinkir yaqha markanakarusti ch'usa wasarar jan jaqin tukuyarakï. Naya, Tatituw uk arsta.”

Jeremías 4:27

Tatitux siwa: “Taqi aka uraqpachaw tukjatäni, ukampis janiw q'al tukjkarakïti.

Jeremías 44:2

“Israelan taqi ch'aman Diosapax siwa: ‘Jumanakax uñjapxtawa kuna t'aqhisiñanaktix Jerusalén markxaru, Judá uraqinkir yaqha markanakxarus apayankta taqi ukanaka. Jichhax uka markanakax q'ala aynacht'atawa, janirakiw khitis uka markanakan jakkxiti,

Jeremías 49:33

Hasor markasti wiñayatak ch'usa wasarar tukuyatäniwa, qamaqinakan putuparakïniwa, janipuniw khitis ukan jakañ munkaniti.”

Jeremías 50:3

Amsta tuqit mä markax jutanti, Babilonia markar nuwantasin t'unjani. Jaqinakasa, uywanakasa, taqiniw ukkhat jaltxapxani, janirakiw khitis ukan wasitat jakxaniti” sasa.

Jeremías 51:37

t'unjata, mayawjar qulluchthapitaw qhiparani, qamaqinakan putunakapar tukuyatäniwa, jaqinsa jan mayampi jak'kañar tukuyatäniwa, taqinirus mulljaskañaru, axsarthapiyañar tukuyatäniwa.

Jeremías 8:22

¿Janit kuna qullas Galaad chiqan utjkpacha? ¿Janit ukan khiti qullt'iris utjkpacha? ¿Kunatarak markaxasti jan qullt'atäpachasti?

Lamentaciones 1:4

¡Jerusalén markan thakhinakapax llakiskayawa! ¡Janiw khitis phunchhäwinakar kusisir jutirix utjkxiti! Markan punkunakapasti ch'usa wasarar tukutawa; sacerdotenakax wal jachapxi, tawaqunakas wal llakisipxi, Jerusalén markax walpun t'aqhisi.

Lamentaciones 2:2

Tatitux Jacobun utanakap jan mayan t'unjawayi; Suma Judá markan pirqanakapsti phiñasiñapan atipjataw q'al t'unjawayi; reyirux qunuñap apaqawayi, jilïrinakaparusti wal p'inqachjawayaraki.

Lamentaciones 3:47

axsarañanakampi, sipitanakampi, t'unjatäñanakamp katuqapxta.

Levítico 26:32

“Jumanakan markanakamsti q'al t'unjä, uñisirinakamatix ukar jakir jutapxani ukkhasti, ukham t'unjat uñjasax wal musphasipxani.

Miqueas 1:6

Ukat Tatitux saraki: “Samaria markxa mayxaruw t'unthapï, uva yapuchañ yapu tukuyä. Markan qalanakapsa qhirwa aynacharkamaw willintarakï, Ukhamat uta qalltanakapas qhanar uñstañapataki.

Miqueas 3:12

Jumanakan juchanakam laykuw Tatitun Jerusalén markapax q'ala tukjata uñjasini, mayjaru willthapitarakïniwa, kawkhankkitix Tatitun utapax uka qullus quran qurantataw uñjasini.

Miqueas 6:16

Jumax Omrí reyina, Ahab reyin wila masinakapan arsutanakapa, luräwinakap lurtaxa, kunjämtix jupanakax sarnaqkäna ukhamarak sarnaqtaxa. Ukat jichhax jumatsa, jaqinakamatsa, axsarayaskaña, laruskañ tukuyapxäma, markaxan p'inqapasti jumxarurakiw purini.”

Deuteronomio 29:23

23 (22) Kunapachatix jiwasan uraqinakas uñjapxani ukkhasti, azufrempi, nakhantat jayumpi, laq'ampik uñjapxani. Janirakiw kunas uka uraqirux satañjamäkaniti, uka uraqix janiw kunsa achuykaniti; janiw mä jisk'a quras uka uraqin jilkarakiniti, kamisatix Sodoma, Gomorra, Admá, Seboím markanakax t'unjatäsin uñjaskän ukhama, Diosaw jach'a axsarkañ q'apisiñapamp uka markanak t'unjäna.

Apocalipsis 18:2

Wali jach'at art'asirakïna: “¡Aynacht'xiwa, jach'a Babiloniax t'unjatawa! ¡Supayanakan utjäwiparuw tukuwayi, kunayman ñanqha ajayunakan putuparuw tukuwayi, kunayman q'añu jamach'inakan tapaparuw tukuwayi, q'añu qhuru uñisit animalanakan tapaparuw tukuwayxaraki!