Jeremías 8:22 - Qullan Arunaca

²² ¿Janit cuna kollas Galaad chekanjja utjcpacha? ¿Janit ucanjja qhiti kollt'iris utjcpacha? ¿Cunataraqui marcajjarusti jan kollapjjesti?

Aymar Bibliia 1986

²² ¿Janit cuna kollas Galaad chekanjja utjcpacha? ¿Janit ucanjja qhiti kollt'iris utjcpacha? ¿Cunataraqui marcajjarusti jan kollapjjesti?

Qullan Arunaka DC

²² ¿Janit kuna qullas Galaad chiqan utjkpacha? ¿Janit ukan khiti qullt'iris utjkpacha? ¿Kunatarak markaxasti jan qullt'atäpachasti?

Jeremías 8:22 Jak'a apnaqawi uñst'ayäwi

Génesis 37:25

Ucjjarusti mank'asiñataquiw kont'asipjjaraquïna. Uqhamäquipanwa uñjapjjän mä viajero jakenac jutasquiri, ucanacasti ismaelitanacänwa, Galaad toketwa jutasipcaraquïna, camellonacatsti suma k'apquir perfumenaca, bálsamo, mirra ucanaca Egiptor apasipcaraquïna.

Génesis 43:11

Ucatsti awquipajj saraquïnwa: —Uqham lurañapun waquischi ucqhajj lurapjjacchïtaya. Costalanacamar mä regalo uca jaketac apapjjam cunatejj orakesan achqui ucanacat mä juc'acama: Bálsamo, misq'i, perfume, mirra, nueces, almendra ucanaca.

Jeremías 14:19

Tata, ¿Judá marcarojj k'alpunti apanucjjta? ¿Sión marcampisa karitäjjaractati? ¿Cunataraqui uqham jan kollkaña chhojjriñchjapjjestasti? Nanacajj sum sarnakañwa suyt'asipcäyäta, ucampis jan walt'añaquiw purinipjjetu. C'umara sarnakasiñwa suyt'asipcäyäta, ucampis jichhajj sustjasiñaquiw utj-jje.

Jeremías 22:6

Tatitusti Judá reyin palaciopatjja aqhama siwa: “Jumajj nayataquejj Galaad kolljamätawa, Líbano kollu patar uñtata, ucampisa juramentompiw arsta, jumarojj wasararuw tucuyäma, jan jakenacani orakeruw tucuyäma.

Jeremías 46:11

“¡Egipto marca, Galaad oraker saram kolla thakeri! ¡Ucampisa kawkha kollampisay kollasiscam, janiw ucanacajj cunataquis asquïcaniti, kollasti janiw jumataquejj utjcjjeti!

Jeremías 51:8

Ucampisa acatjamatwa Babiloniajj jisc'a jisc'a t'unjat uñjasi. ¡Jichhajj jupatjam jachapjjam! Kollanac chhojjrinacapataquejj apanipjjam, uñjañäni, inacha kollasini.”

Jeremías 6:7

Jerusalenatwa ñankha lurañajj mistu, cunjämatejj umajj mä phuch'ut mistojj uqhama. Uca marcansti nuwasiñanacampi ch'ajjwañanacampiquiw ist'asisqui; ucansti chhojjriñchasiñanacaqui, usuyasiñanacampicwa uñjaractjja,

Jeremías 9:1

¡Nayranacajjan jachapajj mä uma jalsjamäspa, walja jaliri umanacjama, uqhamat uruy aruma jachañajjataqui, marcajjan jiwarat jakenacatjja!

Jeremías 9:11

“Jerusalén marcarojj mä kala chhajjwaruw tucuyä; kamakenacan putunacaparuw tucuyaraquï; Judá oraken marcanacsti mä wasararuw tucuyaraquï; jan jakeniw kheparjjapjjaraquini.”

Lamentaciones 2:13

Suma muncaña Jerusalén marca, ¿cunampiraqui jumarusti chicachasiyirisma? Suma muncaña Sión marca, ¿cunampiraqui jumarusti chuymachirisma? Juman t'unjäwimasti jach'a kotar uñtata jach'araquiwa; ¿qhitirac jichhasti jumaru chuymachiristamsti?

Ezequiel 27:17

Judá marcasa, Israel marcasa jumampejj alaquipjja luraraquiquïnwa, ucatsti Minit sisqui uca chekan pokori trigompiw pagapjjaraquïyätamjja, uqhamaraqui pastelanaca, misq'i, aceite, bálsamo sisqui ucanacamp cuna.

Números 32:1

Rubén, uqhamarac Gad tribunacajj walja uywanacanïpjjänwa. Cunapachatejj jupanacajj uñjapjjäna Jazer, uqhamarac Galaad orakenacan sumätapjja uywanac uywañataquejja,

Lucas 8:43

Uca taypinsti mä warmiw utjäna, jupasti tunca payan marawa wila apa usumpi usurnucstatäna. Jupasti kollirinacaruw take cunaps inamay k'al tucjasitayna, janiw qhitis juparojj waliptaycänti.