Nehemías 4:2 - Qullan Arunaca

² masinacapa nayrakatanjja, uqhamarac Samarianquir ejército nayrakatansa, aqham sasa: —Aca mank'at jiwat judionacasti ¿cunjämaraqui amuyasipjje? ¿Jupanacasti amuyasipcaquiti sacrificionaca wastat loktañjja? ¿Jan ucajj uca lurañjja mä urunaccha tucuyapjjaspajja? ¿Jan ucasti uca naqhantata allthapitanacatcha machak kalanaca apsupjjanejja? —sasa.

Aymar Bibliia 1986

² masinacapa nayrakatanjja, uqhamarac Samarianquir ejército nayrakatansa, aqham sasa: —Aca mank'at jiwat judionacasti ¿cunjämaraqui amuyasipjje? ¿Jupanacasti amuyasipcaquiti sacrificionaca wastat loktañjja? ¿Jan ucajj uca lurañjja mä urunaccha tucuyapjjaspajja? ¿Jan ucasti uca naqhantata allthapitanacatcha machak kalanaca apsupjjanejja? —sasa.

Qullan Arunaka DC

² 2 (34) masinakap nayraqatana, Samariankir ejército nayraqatan judionakat larusïna akham sasa: “Manq'at jiwat judionakax ¿kuns amuyasipxpacha? ¿Wasitat marka sayt'ayasaxa, wilañchanak luqtasipkakïwa, sapxpachati? ¿Mä urunak lurañ tukuyapxä, sasat amuyapxpacha? ¿Jan ukax, uka allthapit taypit machaq qalanak apsupxä sapxpachacha?” sasa.

Nehemías 4:2 Jak'a apnaqawi uñst'ayäwi

Esdras 4:4

Ucatsti uca orakenquir jakenacajja Judá jakenacar mayjt'ayiriw jutapjjäna, uqhamata luraña apanucuyañataqui.

Nehemías 12:27

Jerusalén perka loktañ uru purinïna ucqhajja, thaktapjjänwa levitanacarojja cawqha chekanacantejj jacapcäna ucqhanaca, ucatsti irpapjjänwa Jerusalenaru cusisiñampi, yupaychasina, uqhamarac k'ochusina loktapjjañapataqui, platillonacampi, arpanacampi, uqhamarac liranacampi cuna.

Nehemías 12:43

Qhaya urunjja walja sacrificionacawa loktasïna, jakenacasti walipuniwa cusisipjjäna Diosajj jupanacaru jach'a cusisiñampi phokt'atap laycu. Warminacasa, wawanacasa wali cusisitäpjjaraquïnwa, ucatsti Jerusalenana cusisiñajj utjcäna ucajja jayatpachwa ist'asïna.

Nehemías 4:10

Ucatjja Judänquir jakenacajj sapjjänwa: “K'epirinacan ch'amapasti karjtiwa uca walja allinucuta nayrakatana, nanacasa janiw ch'amanïcjjapjjti wasitat perka sayt'ayañataquejja” sasa.

Nehemías 6:15

Perkasti tucuyatäjjänwa pä tunca pheskan uru sarakataru, Elul sat phajjsina, uca luräwinsti pheska tunca payan urunacanwa tucuyatäna.

Salmos 83:4

Jupanacajj nanacar t'unjiriw jutañ amtapjje, marcarojj chhaktayañ munapjje, Israelan sutipan jan mayamp amtatäñapataqui.

Jeremías 26:18

“Ezequiasajj aca Judá orake apnakcän uca urunacanjja, Moreset sat chekat jutiri Miqueasaraquiw, uqhama Tatitun sutipjjaru take jakenacaru parlänjja aqham sasa: ‘Take ch'amani Tatitojj aqham siwa: Sionajj mä khollinucuta yapjamaw kheparani, Jerusalenasti mayjaru willthapita lakayanacaquiw uñjasiraquini, templojj utachatäqui uca kollusti koranacampi phokhantataraquiw uñjasini’ sasa.

Jeremías 33:24

“¿Amuytati cunjämsa jakenacajj parlapjje nayan Judá orakeru, uqhamaraqui Israelaru apanucutajjatjja? ¡Ucatwa marcajjarojja jisc'achañampi uñjapjje, janiraquiw mä marcarjamas uñjapquiti!

Daniel (hebreo) 9:25

Jichhajj acwa yatiñama, amuyt'añamaraqui: Cunapachattejj Jerusalén marcajj wasitata uñstayañataqui sayt'ayañataqui arsutäni, Tatitur loktatäqui uca jach'a jilïrin puriniñapcama, pakallko semananacaw pasascañapa, Jerusalén marcan wasitata sayt'ayatäñataqui callenacapasa, perkanacapasa, sojjta tunca payani semananacanwa lurasini, ucampisa uca urunacajj wali t'akhesiña urunacäniwa.

Habacuc 3:2

“Cuntejj jumat ist'tjja, take luräwinacamata, ucasti wali muspharañaraquiw nayataquejja. Jichhasti luraraquimay jacäwinacajjana, cunj jach'a luräwinactejj qhä urunacan lurcäyätajja, uqhamat nanacajj uñt'apjjañajjataquiraqui. Jichhasti qhuyapt'ayasiñama uñacht'ayapjjeta, colerasiñaman jicjjatascasasa.

Zacarías 12:8

Naya Tatituw imaraquëjja Jerusalenan jaquirinacarojja. Jupanacatjja wali t'uqhäpquis ucanacas rey Davidjam wali ch'amaniw tucupjjanejja, Tatitun angelapjama, qhititejj sarantascaraqui jupanacan nayrakatapa.

Zacarías 4:10

Qhitinacatejj jani yäkapcänti jisc'a kalltäwinacjja, ucanacasti jichhajj cusisipjjaniwa Zorobabelan uca luräwinac tucuyjjatapatjja’ sasa. Uca khepatsti angelajj yapt'araquiwa: “Aca pakallko lamparanacasti Tatitun nayranacapawa, ucasti uñch'uquiyasquiwa take acapacharu.”

1 Corintios 1:27

Ucampis Diosajj jakenacan pisi amuyunit uñt'at jakenacaruw ajllisi jach'a amuyuninacar p'enkachañataqui. Uqhamaraquiw Diosajj ajllisi jakenacan pisi ch'amanit uñt'atanacaru, uqhamat jila ch'amaninacar p'enkachañataqui.