Miqueas 1:6 - Qullan Arunaca

⁶ Ucatwa Tatitojj saraqui: “Samaria marcjja mayjjaruw t'unthapï, uva yapuchañ yapu tucuyaraquï. Uca marcan kalanacapsti vallercamaw willintaraquï, cimientonacapsa khanaruw apsü.

Aymar Bibliia 1986

⁶ Ucatwa Tatitojj saraqui: “Samaria marcjja mayjjaruw t'unthapï, uva yapuchañ yapu tucuyaraquï. Uca marcan kalanacapsti vallercamaw willintaraquï, cimientonacapsa khanaruw apsü.

Qullan Arunaka DC

⁶ Ukat Tatitux saraki: “Samaria markxa mayxaruw t'unthapï, uva yapuchañ yapu tukuyä. Markan qalanakapsa qhirwa aynacharkamaw willintarakï, Ukhamat uta qalltanakapas qhanar uñstañapataki.

Miqueas 1:6 Jak'a apnaqawi uñst'ayäwi

2 Samuel 17:13

Mä marcaru imantascani ucasa, take israelita jakenacaw lazonaca apasiñäni, ucatsti k'alwa uca marcjja mayat mayat kalanacapsa jawirarcama khocht'añäni, uca marcansti janiraquiw mä kalas kheparcaniti —sasa.

2 Reyes 18:10

Ucat quimsa mara pasatatjja uca marcjja catuntasïnwa. Ucapachasti Ezequías reyejj sojjta marawa apnakascäna, uqhamarac Israel marcana Oseas reyejj llätunca mara apnakascaraquïna ucqhawa Samaria marcajj catuntatäjjäna.

2 Reyes 18:9

Ezequías reyejj pusi mara apnakascäna ucqhasti Ela chachan Oseas yokapajj pakallk maraw Israel marcan apnakascaraquïna, ucapacharaquiw Asirianquiri Salmanasar reyejj Samaria marcar muyuntasina nuwantäna.

2 Reyes 19:25

Ucampis ¿janit yatcäyätajja naya Tatituna take acanaca wact'ayatajj-jja? Nayrapachanacatpachwa acanacjja wact'ayta, jichhasti ucjja lurtwa; ucatwa jumajj tucjtajja nuwasiñatac perkampi lurat marcanacjja, tucjata montonanacaruwa tucuyaractajja.

Isaías 17:1

Damasco marca toke profecía arunaca: “Damascojj janiw juc'ampi marcäcjjaniti, jan ucasti mä t'unjat marca mayjaru allthapitaquëjjaniwa,

Isaías 25:12

Tatitusti uca jach'a alto thuru perkanacapjja liwisiyaniwa; jakotattayaniwa, oraker jakositwa apanucuwayaraquini.

Isaías 25:2

Marcanacsti kala chhajjwanacacwa tucuyaractajja, suma perkantat marcanacsti k'al t'unthapiractajja; uñisirinacan palacionacapsa k'al t'unthapiractajja, janiraquiw mayampis utachatäcjjaniti.

Jeremías 31:5

Samaria kollu tokenacarusti wasitataracwa uva yapuchasjjäta, uva yapunac yapuchasirinacasti, uca achunacatwa mank'asipjjaraquini.

Jeremías 51:25

Nayajj jumataquiw sayt'tjja, t'unjiri kollu, jumasti take aca orakpacharuw t'unjaractajja. Naya Tatituw ucjja arsta. Jichhajj amparajj aytä jumar mutuyañataqui, karka parquinacatpach jumarojj korumiyaniraquïma, mä naqhantata kollururaquiw tucuyäma.

Jeremías 51:37

t'unjata, mayjjaru montonthapitaw khepararaquini, kamakenacan putunacaparu tucuyataraquïniwa, jakensa jan mayampi jaccañaru tucuyataraquïniwa, takenirusa sustjascaña, uqhamarac ajjsarthapiyañaru tucuyatäniwa.

Jeremías 9:11

“Jerusalén marcarojj mä kala chhajjwaruw tucuyä; kamakenacan putunacaparuw tucuyaraquï; Judá oraken marcanacsti mä wasararuw tucuyaraquï; jan jakeniw kheparjjapjjaraquini.”

Lamentaciones 4:1

¡Cunjämaquiraqui koristi ch'iyärquipawayjjesti! ¡Ucqha suma koris janiw c'ajcjjaraquiti! Tatitun kollana utapanquiri kalanacas esquinanacanwa willirtasqui.

Ezequiel 13:14

Cuna perktejj jumanacajj jank'or tucuyapcta ucsti liwinucüwa, pamparuw liwinucü, cimientonacapsa khanaruw apsuraquëjja. Jïsa, uca perkajj liwisiniwa, jumanacasti uca perkampi liwjjattataw jiwarapjjäta. Ucapachaw jumanacajj yatipjjäta nayan Tatitütajja.

Oseas 13:16

Samaria marcasti mutuyäwi catokaraquini, Dios contra sayt'asitap laycu. Espadampi jiwarayatäpjjaniwa, wawanacapasti oraker jisctascama jiwarayataraquïniwa, usur jake warminacan puracanacapas jist'ataraquïniwa.

Amós 5:11

Janiw kalat lurasipcta uca suma utanacan jacapcätati, janiraquiw uca suma uva yapunac yapuchasipcta ucats vino umapcätati. Pobrenacar taquichasipjjatamata, uqhamarac trigotsa impuesto apsupjjatamampitjja.

Amós 6:8

Tatitu quipcaw juramento lurawayi; take ch'amani Tatitu Diosasti siwa: “Uñistwa Jacobun marcapan jach'a jach'a tucutapjja, uñisiractwa palacionacapsa, marcsa, uqhamaraqui cunanacatejj ucan utjqui ucamppacha, uñisiriruraquiw catjjaruyäjja.”

Miqueas 3:12

Ucatpï Diosan Jerusalén marcapajj jumanacan juchanacam laycu khollinokata uñjasinejja, mayjaru willthapitaraqui, templojj cawqhancquitejj uca kollus koran korantataw uñjasini.”

Habacuc 3:13

Jumasti mistuntawa marcamaru yanapt'iri, juma quipca ajllisctasa uca reyimpiru. Jan wali amtañani jakenacan jilïripsa tucjaractawa, takpachaniruw k'alala jan cunani tucjaractajja.

Mateo 24:2

Jesusasti jupanacarojj saraquïnwa: —¿Uñjapjjtati take acanaca? Khanacwa sapjjsma, acawjanjja janiw mä kalasa yakha kaljjaru kheparcaniti, takpachapuniw t'unjatäni —sasa.