Jeremías 4:27 - Qullan Arunaca

²⁷ Tatitojj siwa: “Take aca orakpachaw tucjatäni, ucampis janiw k'ala tucjcaraquïti.

Aymar Bibliia 1986

²⁷ Tatitojj siwa: “Take aca orakpachaw tucjatäni, ucampis janiw k'ala tucjcaraquïti.

Qullan Arunaka DC

²⁷ Tatitux siwa: “Taqi aka uraqpachaw tukjatäni, ukampis janiw q'al tukjkarakïti.

Jeremías 4:27 Jak'a apnaqawi uñst'ayäwi

2 Crónicas 36:21

phokhasiñapataqui cunatejj Diosajj Jeremías profetap toke siscäna uqhamaru. Uqhamawa marcajj samarañapäna suma cusisiñana; uqhamatwa samaräna tucjatäcäna uca maranacana, pakallk tunca mara pasañapcama.

Nehemías 9:31

Ucampis jach'a qhuyapayasiñama laycusti janiw take tucjctati, ni jaytanuccaractasa; jumajja suma qhuyapayasiri Diosätam laycu.

Isaías 17:6

cawqhantejj mä kawkha jilt'irinacaqui armt'atäquejj uqhama; jan ucajj cunjämtejj olivos kokajj thalsutäqui, ucatsti mä kawkha aceitunanacaqui jilt'jjejja uqhama, jan ucajj mä pusi jan ucajj mä pheska aceitunanacaqui jilt'jjejj uqhama.” Uqham siwa Israelan Tatitu Diosapajja.

Isaías 24:1

Uñtapjjam, Tatitojj aca orakjja tucjaniwa, k'al tucjani alliquiparaquiniwa, jakenacarusti ucsar acsaruw willitataraquini.

Jeremías 18:16

Uqhamatwa marcapjja mä wasararu tucuyjjapjje, muspharcaña, sustjascaña tucuyapjjaraqui. Qhitinacatejj uca cheka pasapcani ucanacasti, takeniw mayjt'asiñata p'eke qhiwipjjani.

Jeremías 25:11

Take aca marcasti t'unjatäniwa, lakayanacaruquiw tucjjani. Pakallko tunca mararaquiw aca marcanacajj Babilonianquir mä reyin apnakata uñjasipjjani.

Jeremías 30:11

Naya Tatituw ucjja arsta, nayaw jumampïscta, jumar khespiyañataquejja. Cawquïr marcanacarutejj ananuccayäsma uca marcanacsti t'unjaraquïwa, ucampis jumarojj janiw t'unjcämati, jan ucasti juchamatjamacwa mutuyäma, juchamatsti mutuyapuniraquïmawa.”

Jeremías 4:20

Jan walt'añanacat yatiyäwinacaw puriniraqui; take marcpachaw jichhajj t'unjataraqui. Campamentonacajjas acatjamat t'unjataw uñjasipjje, carpanacajjas k'ala t'unjatapuniwa.

Jeremías 4:7

Leonajj niyaw putupat mistuni; marcanac tucjiristi niyaw jutanti; marcapatwa mistuniwayi, marcama t'unjañataqui, wasara, k'ala t'unjatwa marcanacamjja tucuyani.

Jeremías 44:6

Ucatwa colerasiñajjampi khoruchasiñajjampi aktänjja, ucatsti ninjamaraquiw Judá orakenquir marcanacan naqharaquïnjja, uqhamaraqui Jerusalén callenacansa. Take ucanacasti jichhürcama tucjataraquiwa, wasararu tucuyataraquiw uñjasipjje.

Jeremías 46:28

Naya Tatituw ucjja arsta. Jacobon marcapa, nayan uywatajja, jan ajjsaramti, nayaw jumampïscta. Cawqui marcanacarutejj ananucsma uca marcanacsti nayaw k'ala t'unjaraquï; ucampisa jumarojj janiw t'unjcämati, jan ucasti mayisitamjamaruraquiw chekacharaquïma, mutuyäwimsti churapuniraquïmawa.”

Jeremías 5:10

¡Jichhajj uñisirinacapajj mantanpan ucatsti uva yapunacjja tucjpan, janisa takpach tucjapcchini ucasa! ¡Layminacapsa khakharapjjpan, janiw jichhajj uva yapöjjäcjjeti!

Jeremías 5:18

Tatitusti sascaquiwa: “Uca urunacansti janiraquiw takpacha t'unjcäti.

Jeremías 7:34

Judá oraken marcanacapatsti, uqhamaraqui Jerusalén callenacatsa cusiscañ fiesta k'ochunacsa, casarasiñ k'ochunacsa chhaktayäwa; take marcpachasti ch'usa wasararu tucutaraquïniwa” sasa.

Jeremías 9:11

“Jerusalén marcarojj mä kala chhajjwaruw tucuyä; kamakenacan putunacaparuw tucuyaraquï; Judá oraken marcanacsti mä wasararuw tucuyaraquï; jan jakeniw kheparjjapjjaraquini.”

Lamentaciones 2:7

Tatitojj altarapjja apanucuwa, kollan utapsa jisc'acharaquiwa. Marcaru imiri jach'a perkanacsa uñisirinacan amparaparuw catuyaraqui. ¡Tatitun utapansti jakenacan arnakasitapaquiw ist'asi, mä fiesta urücaspasa uqhama!

Ezequiel 11:13

Nayan uqhama Tatitun sutipjjaru parlañajjcamasti, Benaniasan yokapa Pelatías jakesti jiwataw liwnoktawayi. Nayasti p'ekejja orakeru puriyañcamaraquiw alt'asta, wali jach'at art'aracta aqham sasa: “¡Ay Tata! ¿Israelat mä juc'a jilt'irinacarojj tucjaraquïtati?” sasa.

Ezequiel 20:17

Ucampisa jupanacajj wasaranjja llaccañaw sarnakapjjaraquïna, ucatwa jan jupanacarojj k'ala tucjcaractti.

Ezequiel 33:28

Aca orakerusti wasara tucuyaraquï, k'alwa tucjaraquëjja, cawquïri ch'amapattejj wali jach'a jach'a tucupqui ucsti tucjaraquïwa. Israel marcan kollunacapasti wasararuw tucuraquini, janiraquiw qhitis uca chekjja pascaniti.

Ezequiel 6:14

Jupanacar mutuyañataquejj amparajjwa aytaraquï, aynacha toke wasarat kalltasina, amsta token Ribla sisqui ucacamajja, take aca orakenacapjja, take marcanacapsa ajjsarcañ wasararuw tucuyaraquëjja. Ucapachaw yatipjjani nayan Tatitütajja” sasa.

Levítico 26:31

jumanacan marcanacamsti, uqhamarac kollana chekanacamsa t'unjaraquïwa; uqhamarac cuntejj jumanacajj nayaru loktanipquitäta ucanacatsti janiw juc'ampi cusiscjjaraquïti.

Levítico 26:44

“Take ucanaca pasquipansa uqhamarac jumanacajj uñisirinacaman marcapana jacapcäta ucasa, janiw nayajj jumanacarojj apanucupcämati, janiraquiw jisc'achapcämasa; janiraquiw jumanacarojj t'unjapcämati, uqhamarac cuna amtäwinacarutejj nayra awquinacamampi purcäyätjja ucanacatsa amtasipuniraquïwa, nayätwa jumanacan Tatitu Diosamajj uca laycu.

Sofonías 1:18

“Tatitun colerasïwi urupanjja, janiw jakerojj khespiycaniti, kollkepasa, koripasa, Diosan ninar uñtat colerasïwipaw takpach marcaru naqhantani uca laycu. ¡Take acapachan jaquir jakenacaraquiwa jan mayani, janc'ac tucjatäni!”