NEHEMIA 9:26 - ASII LAKDAP Bible (BSI) “Shatmaq ümsenginok raq, maiqmii wela jawanto, ümbom taimak, ümkiq akhii riiwanto. Tsangshiq ma akuq haü, Thungtri ka jainong nü maq shungbaiq wanto. Tsangshiq ma tsii chongke wanti, shammibi ka atsea riibaiqto. Ümniipha na jang wan ronglaq nguta, bom chongke wanti shammibi wiita, tsatbaiq wanto. Tsangshiq raq ümniika bliiq kiki, shummii shipoq wanto. Hawa Naga Bible 2001 “Yuq muinz mmiqsaz rueq khawx lvlx vtueq mkvjaz kuex tay muq; tsuingshiq rueq mnoz Tvrac kuex tvdux gay wuez tueq. Tsuingshiq muex honc tvsvmc kuy jix nuiyc, mnoz kox nuex kvyez tvkoc jungc kuy jix, shvmmax bix kuex tsuingshiq rueq thvt gay tueq. Tsuingshiq rueq mnoz muex lauk wvruip ruip yomnamc wuez tueq, |
Ümniiriika ümniima kongkhu pat na ümchu riiwa mung peng wantaq, kriiti thun wiita thaq na ngarai jonghea she klo wan laü. Ümniiraq Ngi ka no na miimbaiq laü. Laüta sumla phra thun haiwanlaü kiimaq ashomnoqchang jin ngam sumla thun tiiq wan laüta itsankhiq henghea tiinyii wan laü.
Riita ümniiraq taimaü shea riilaü, Jejebel raq Tatiwe shammibi thun tsatbaiq tlaq akhing na, ngi raq tsangshiq phong wa shammibi shishi ka kongnai na triiphea lata roqbiingingi maq longsha mong na paü kang. Lata tsangshiq ma tsam nai kham tiikuq walata dungkang?
Kra ningkhan, ümtiikiiwa Jejebel raq Tatiwe shammibi thun tsatbaiq wantaq akhing na, Obadia raq shammibi shishi kra sheahoto. Raüta tsangshiq ka longsha mong na kongnai ma roqbiingingi na tiiphea raüta paü thüto. Raüta tsangshiq ma dung nai kham kuq raüta dungto.)
Kiijiishe apaiq raq treto, “Tatiwe Ajong Pinthum Shiikeawe lei, ngi raq irilung wiilü ümniili shiililii wan kang, ümniili dongdii shomnoq wan kang. Shatmaq Israilnok raq ümniirai tongshong bomtsi athü wan ka wiita she jinbaiq wanto. Raüta ümnaq shomnoq chang berong-wacha thun wiita runbaiqto. Raüta ümshammibi thun min wiitashe tsatbaiqto. Ngi lamlam se li she tiichong tiikang. Kiimaq tsangshiq raq ngi tseabaiq tantlo!”
“Hokhamwe Manase raq arthun maiqphai asi ngarai jaqsham, Kannan phan maiqse raq jamlai wa abi klo wantaq kriithaq niimin bihea kloto. Kiimaq apaiq raq asumla phra phong pahea klo raüta, Juda mungti ka ngarai tsaühea na tiidea baiqto.
Shatmaq tsangshiq raq Shiikeawe jaqshibi thun ka shummii laqpiili shipoq baiq wanto. Raüta apaiq bomtsi kra shishe wanto. Kiimaq apaiq shammibi ka naikü sherü li shipoq baiq wanto. Kra ningkhan she atiithum niishe sanha asenginok khuthaq na Tatiwe tsankhiq ka henghea she, tsangshiq lun wan chang lamlu ka ahü she riito.
Tsangshiq raq minsaü pongwe sumla hai wanto. Raüta, ‘Ahata Ejip mung wa nashiq shea wanti phra kaü ira!’ nguta, noq wanto. O, Tatiwe lei, tsangshiq raq ümniika pinthum, tairai wanto!
Ümniiraq tsangshiq ma phaqthak nithak, ümtri khong na, siwan ronglaq nguta ümtin khan wa, trantsii wan laü. Shatmaq tsangshiq shiikong tsantsii asi kha maq, ümniiraq akuq haü thungtri, rilung tsitsü raü kra, lang mak maq shipoq wanto. Tsangshiq ka nilan, tsangtsantsii ka wan shak shak. Tsangshiq raq ümbomtsi ka, lang wan mak riito.
Li jiimin, ümniiraq tsangshiq ma, rawiitek tsan tiibum laüta, hon kam wan tsii chongkuq laü. Ümniiraq ümshammibi tiiki laüta, tsan achhü maq ümbomtsi, tiichong kuq laü. Shatmaq ümsenginok ka nitangnok. Kriikha niishe ümniiraq tsangshiq ka, maiq mung ahinti ma, tiikhat laüta rewe jaqkhon mong na, kiinong kuq wan laü.
Ngi raq ümniima tsii chongkuq phata akhii riilaü; ümniiraq ngi aming raütu no na tsuq baiqlaü.
Raüla, tsangshiq ma Tatiwe raq jamlai wa chongtaq kra chongkuqlaq. ‘Namtitiim pat na tsangshiq ka iwokhong wa donghoto. Raüta phanhin sumla phra thun shomnoq wanto. Raüta tsangshiq raq Ngi ka miimbaiq thüto. Kiimaq tsangshiq raq ibomchong tri raütu ka langmak riito.
Ngi raq ümniima mo tiihokang. Shatmaq kriika ümniima jam achu min ahüli jatlo. Ngi raq ümniika trantsii la nguta tiima phala, ümniiraq ibom tai maü. Hangsi kaü ahok aho giwan tlaq ikha, ümniiraq üm shammibi tsatbaiq laü.
Ngi raq tsangshiq ka hiqpo hiq win mung na tsuq wan kang, aphe arong ma shongnga wan miitu ahea awa phan lap phaq sea wan miitu. Shatmaq tsangshiq raq ihiqshong ka khoti tiithen baiqto; ngi raq tsangshiq ma akuqha mung ka tiisheshi baiqto.
Shatmaq tsangshiq ka ümtiikiiwa armung na saüwantaq, raüta armung ka jiiwantaq, raüta hiq ka lap wantaq, tsangshiq raq ümniiraq akuq haü aming raütu thun ka lang wan mak riito. Kiimaq ümniiraq ashrinkuq haü, tri raütu kra phanphan siwan mak riito. Ümniiraq ümchuwa aming thun tsangshiq ma kuq laü thun kra akhiismin lang mak riito. Kriikha niishe ümniiraq tsangshiq khuthaq na atin khan thenjen chamchao she tiisaü kuq laü.
Kiijiishe ngi raq chong kang, “Tatiwe raq namshiq Juda mung na aso tiichongki lanti thun ka Ejip mung na naq laüho rongkiq nguta ngutlo. Arningkhan ümchaü ngi raq namshiq ma tsiilam bomtsi chong tiikang.
“O, Tatiwe lei, naishiq raq ümtri jin wan kai. Laita ngarai tang kai, kiimaq ümniiraq ümchaü niitaq, naishiq ngarai ka diikuq maü dea.
“Shatmaq kriipatti mungmaiqse riimin lanlaqlaq ikiq ka khii wanto. Tsangshiq raq itri raütu ka jin wanto. Kiimaq Ngi raq akuqha aming raütu, thun, jurwa langtlaq kriiti ma rilung tsitsü keti aming thun ka lang mak shishe baiqto. Tsangshiq raq Asii Niitiitsak Ranaiq ka atiishe shi riiwanto. Ngi ka itsankhiq walü nyaitlaq kra tsangshiq khuthaq na kumtsaiphii mung maq chaqbaiq laq nguta tiima wan kang. Lata tsangshiq ka jiipbaiqlaq nguta tiima kang.
Shatmaq, wakkheng shamseati nok raq adisetiim ka lap raüta, weshi ka atea riito. Kiimaq weshi ka lap raüta atsea riibaiqto. Kiimaq weshi ka long maq thong raüta tiiqbaiqto.
Riita, namtitiim raq, shammibi ka wiitarü tiichamchao wan je siisaq riito. Shiikeawe raq apaiq kechu Kolise tiikitlaq kra tsütsa chongke miitu, man na rathup rapha ji niiphü, apaiq tsütsa chongke wanti shammibi ümchuwa tiikitaq thun kriika, tsangshiq raq wiita tsatbaiq wanto. Krai mren, ümchaü namshiq riimin, apaiq luqkhapse ka tiishaü baiq lan. Lanta, apaiq ka tsatbaiq lan.
Tsangshiq minsaü kaü thun nai chhechhi kaü thun raq nyakpü chamtraq kuqto; tsangshiq skukong, chhechhi kong, kiimaq minsaü kong ka ahea pinthum riito, bunwong ka ahea pinthum, tsangshiq spiqtai ka ahea pinthum.
“Tatiwe senginok ka chiithe jawanto, shatmaq kiqkhii sruti riito; tsangshiq ka apüwiq, phaqsea chamtraq rongboq. Shatmaq tsangshiq raq Shiikeawe tsangshiq phansangti miimbaiqto, kiimaq tsangshiq chhiiti ningkun henghea riimtiwe shipoqto.
Israilnok raq thongshi ri hali Tatiwe man na ngarai ka tangto. Tsangshiq raq Baal phra thun nai Astartes phra thun, kiimaq Siria mungti phra thun, Sidon wangti phra thun, Mob mungti phra thun, Ammon mungti phra thun, kiimaq Philistain mungti phra thun shomnoq nongto. Tsangshiq raq Tatiwe ka miimbaiqto, raüta apaiq ka shomnoq mak she riito.