NEHEMIA 9:25 - ASII LAKDAP Bible (BSI)

²⁵ Ümsengi nok raq long maq aruk chela thun wiita khat wan raüta jii wanto; hiqpo hiqwin hiqshong ramsea asi, jam awak chaq nai seng tum aphong, jamkea na khappong theje, Olip petsi ro chhije, petsi wiqtsam ro aphong, kiimaq spiqro aphong chhije kuq wan laü. Krai mren, tsangshiq ka wok phetak tak maq, rongboq phaqsiq wanto. Ümtin khan wa ümniiraq ahea awa phan, tsangshiq ma kuq wan laü, tsangshiq raq polokhiq phaqsiq wanto.

Hawa Naga Bible 2001

²⁵ Mmiqsaz rueq nolaungx ghaqshungc htenc, ghaq vbur mungx, tsak vnyvmx mvrc yaq yuimx htenc, khut tvyoalc yoalx yuix jumx htenc, olip jungx htenc, pulx thuey jungx htenc, svpiq sunc htenc. Tsuingshiq rueq vroc phauk saq wuez vtueq yungx luz wuez tueq; mnoz rueq kuq toq vhvlx phvnx htenc kuex lvp vtueq tsuingshiq kokez wuez yaq.

NEHEMIA 9:25 Referencias Cruzadas

1 HOKHVMX 14:9

Ümniiriika ümniima kongkhu pat na ümchu riiwa mung peng wantaq, kriiti thun wiita thaq na ngarai jonghea she klo wan laü. Ümniiraq Ngi ka no na miimbaiq laü. Laüta sumla phra thun haiwanlaü kiimaq ashomnoqchang jin ngam sumla thun tiiq wan laüta itsankhiq henghea tiinyii wan laü.

1 HOKHVMX 8:66

Ratiichat angu ranaiq niishetiq Solomon raq mungmaiqse thun ka tsangshiq hiqshong niishe tiiwa baiqto. Tsangshiq tarü raq apaiq ka tiitsam kamto. Raüta maiqmii jam na chojong chise she wawanto. Jamkhano ngukla Tatiwe raq ajaqshi Dawit ma nai asengi Israilnok ma achu shiiman jonghea achonglot mai pahea kuqto.

NEHEMIA 9:35

Ümramkham maq tiibok kuq laü, hokhambi raq ümsengi ahea maq peng wanto. Tsangshiq ka tümlüm tümli, hiqpo hiq win tan, ümniiraq akuq haü hiqshong na shongto. Shatmaq tsangshiq ngarai lamphan thaq mak riito. Raüta Tisho ümnaq shomnoq alaq riito.

Tvtsvmc 105:44

Apaiq raq tsangshiq ma pongmungti hiqshong rahai thun kuqto raüta tsangshiq ma kriinok wak ram thun kra kuqto,

Tvtsvmc 65:11

Laüta ümthuktsom maq tsam tlap laüta pinthum rongboq tiija tlaü! Ümnaq ümbano kitlaü kiijaq tsam rongboq tlap tlaü.

TAKSU LAK 30:9

Ngi ka rongboqhea riihala, ümniika moshipoq mirha sham, kiimaq ngi ka miitsan hea riihala, i ramtsi ma ahuk mojakai miraq, lata Shiikeawe mang motibi miraq.

ISAIA 6:10

Kra nguraütiishe apaiq raq ngi ma chongto, “Arnok khutsai ka ahü ma tiijabaiqlaq. Tsangni ka biila miishe tiijabaiqlaq. Kiimaq tsangshiq mak ka makchuk ma tiijabaiqlaq. Kraimren tsangshiq raq chhimak she, kiimaq taimak she kiimaq takmak she mirlaq. Tsangshiq raq chhi raü jiika, tai raüjiika, takraü jiika iwokhong na miwa wan wa. Raüta tsangshiq ngarai tsi si ka atiihea mirkuqha wa.”

ISAIA 63:7

Ngi raq Tatiwe mangchan tiipitmak phan kra michongha; Ngi raq apaiq tiitsam tiikang nashiq miitu ümtinkhan wa jaq shamkuqtaq khana. Apaiq raq Israilnok ka pinthum asho awo shiiman kuqto apaiq tiihang wan tsii nai tiipit mak phan mangchan raüta kuqto.

JEREMIA 2:7

Ngi raq tsangshiq ka hiqpo hiq win mung na tsuq wan kang, aphe arong ma shongnga wan miitu ahea awa phan lap phaq sea wan miitu. Shatmaq tsangshiq raq ihiqshong ka khoti tiithen baiqto; ngi raq tsangshiq ma akuqha mung ka tiisheshi baiqto.

JEREMIA 31:14

Ngi raq ramwebi ka phaqsea ahea pinthum miishe midung hiq wanha, kiimaq isenginok ma jamlai wa rong ratlaq kra, wiita wok phetaktak she midung hiqha. Arka Ngi, Tatiwe raq toqtan tiikang.”

JEREMIA 32:23

Shatmaq tsangshiq ka ümtiikiiwa armung na saüwantaq, raüta armung ka jiiwantaq, raüta hiq ka lap wantaq, tsangshiq raq ümniiraq akuq haü aming raütu thun ka lang wan mak riito. Kiimaq ümniiraq ashrinkuq haü, tri raütu kra phanphan siwan mak riito. Ümniiraq ümchuwa aming thun tsangshiq ma kuq laü thun kra akhiismin lang mak riito. Kriikha niishe ümniiraq tsangshiq khuthaq na atin khan thenjen chamchao she tiisaü kuq laü.

EJEKIEL 20:6

Kra akhing na, Ngi raq tsangshiq ma tsangshiq ka Ejip mung wa ashea mirwanha. Lata Ngi raq tingsang atsea arwanha hiqpo hiqwin mungtan ashi, mangjong tlot li na ahea pinthum mung kiijaq mishea wanha nguta ikiq khamkuq kang.

DANIEL 11:24

Apaiq raq maiqmung chiithejong jong mungti ka, tiihanghiiq hiiq miili mikhat. Raüta atitiim raq klo mak phan ashut miklo wan. Raüta kra mungwa tsiiq nai nyam sepat lopi tsuq wantaq kra, asengi liipan na mipheakuq. Apaiq raq phentiip kiitelong maq aruk thun kra khat wan miitu chiqchap rechap misürii wan. Shatmaq apaiq ma akhing ka atiitoq she mirbaiq.

Hosea 13:6

Tsangshiq hiqpo hiqwin mung niishe saüto. Tsangshiq wok phetaktak she riito. Awintsi ma ashkong she riikito. Tsangshiq raq ngi alaqshe riibaiqto.

Hosea 3:5

Shatmaq akhing ashi misaü wan, Israilnok ka tsangshiq Tati Shiikeawe wokhong na hali mijang wan nong. Raüta tsangti Dawit saüse phan wa tsangshiq hokham ma shong wantlaq kriiwe puk niishe hali mishang wan nong. Kra akhing niishetiq tsangshiq ka Tatiwe ma haisong tsantsii kra mithü wan nong. Krai mren, tsangshiq raq Tatiwe achu shiiman ahea kongphiq thun kriishe milap wan nong.

Romans 2:4

Arka namshiq raq, Shiikeawe raq namshiq ma, mangchan tsii jonghea rüm tlaq kra shishe lam na khat tlo. Kiimaq apaiq raq namshiq shutphit ka mangchan tsi ma, namshiq ka atsea wan chang wiimin, tsat son n mak maq, anin riiwan tlo, kiimaq ranaiq shishi kla, namshiq raq tsii michhi wan han ahiq, nguta tsan tiibum raüta, namshiq tsantsii klai wan ka khe tlo. Shiikeawe raq namshiq ka kai lungwii tlo nguta namshiq riimin asap han. Shiikeawe raq namshiq mangchan tlaq arka, namshiq raq ngarai tsantsii kra miklai tlo laq, nguta ngo maq mangchan tlo.

TRI CHONGKE 3:5

Arthun chela ka trotam na kiitelong maq diiluwiq maq aruk siisaq. Kiimaq kilamchong thun kilü asi siisaq, kiimaq kilü lachong ka jinpan siisaq atiihong riito. Kiimaq kiitelong maq hiqshong tro na ruk hü hiqshong kiimin pahea riito.

TRI CHONGKE 32:13

“Apaiq raq tsangshiq ma ku akin thun ka tiipeng wanto, kiimaq tsangshiq raq wak ram na acham kra tiiphaq siq wanto. Tsangshiq raq longraq thun na ngiq ngu humsiq wanto; tsangshiq olip petsiro ka long rongtili wak na hearai wanto.

TRI CHONGKE 32:14

Tsangshiq minsaü kaü thun nai chhechhi kaü thun raq nyakpü chamtraq kuqto; tsangshiq skukong, chhechhi kong, kiimaq minsaü kong ka ahea pinthum riito, bunwong ka ahea pinthum, tsangshiq spiqtai ka ahea pinthum.

TRI CHONGKE 32:15

“Tatiwe senginok ka chiithe jawanto, shatmaq kiqkhii sruti riito; tsangshiq ka apüwiq, phaqsea chamtraq rongboq. Shatmaq tsangshiq raq Shiikeawe tsangshiq phansangti miimbaiqto, kiimaq tsangshiq chhiiti ningkun henghea riimtiwe shipoqto.