Biblia Todo Logo
La Biblia Online
- Anuncios -




NEHEMIA 9:25 - Hawa Naga Bible 2001

25 Mmiqsaz rueq nolaungx ghaqshungc htenc, ghaq vbur mungx, tsak vnyvmx mvrc yaq yuimx htenc, khut tvyoalc yoalx yuix jumx htenc, olip jungx htenc, pulx thuey jungx htenc, svpiq sunc htenc. Tsuingshiq rueq vroc phauk saq wuez vtueq yungx luz wuez tueq; mnoz rueq kuq toq vhvlx phvnx htenc kuex lvp vtueq tsuingshiq kokez wuez yaq.

Ver Capítulo Copiar

ASII LAKDAP Bible (BSI)

25 Ümsengi nok raq long maq aruk chela thun wiita khat wan raüta jii wanto; hiqpo hiqwin hiqshong ramsea asi, jam awak chaq nai seng tum aphong, jamkea na khappong theje, Olip petsi ro chhije, petsi wiqtsam ro aphong, kiimaq spiqro aphong chhije kuq wan laü. Krai mren, tsangshiq ka wok phetak tak maq, rongboq phaqsiq wanto. Ümtin khan wa ümniiraq ahea awa phan, tsangshiq ma kuq wan laü, tsangshiq raq polokhiq phaqsiq wanto.

Ver Capítulo Copiar




NEHEMIA 9:25
25 Referencias Cruzadas  

Mnoz max nuex guimz lawc wvnc jix hez htauk nuex muinz mnoz yaq toq mvrax kuex yunghvlc rvtueq. Mnoz rueq ngaz kuex tvdux gay ruiux nawk palx tvkoc yac yuimx htenc kuex tvhungx vtueq ngvy thuinz tvkhaq phux.


Raungx tvjvp vngoz raungnuiyq Solomon rueq mungx miqsaz htenc kuex miqmac yuimx nuex tvyek tueq. Tsuingshiq rueq muinz vpiq muex tvtsvmc kvmc kuq wuez ruiux, vpiq nvrc waz Dawid nuiyc vpiq miqsaz Israel muex Yehowa ruimruimc kuy ningkhvnc nuex vkoz vkez maq miqmac yuimx nuex yek waung wuez tueq.


Hokhvmx bix kuex mnoz rueq vkuq yungx luz rungwanx yaq mungx nuex httax tueq baunglaung mruimrix lvp luz wvnc tueq rulc rv-ngvlc mmiqsaz kuex guimz wuez tueq; yuq muinz tsuingshiq rueq mvrax kuex koayc wuez muq, m-yauk shuimc muinz shuimx muq.


Vpiq rueq tsuingshiq muex vganc jix ghaq htenc kuex kuq koq tueq, tsuingshiq rueq wuik vnax htenc kuex nyvlc lvp wvnc tueq.


Mnoz rueq vhvlx lvmx guyc ningkhvnc nuex yut gvnz wvnc tueq vthuey vngoz htenc kuex paung yaq nyix! Mnoz httuiuc vtuiux baung ruip saz nuex phungc yungx rungc yungx tvyaungc toq.


Kvruex htauk nuex jvnc vtueq ngaz rueq lvp luz ruiux yuq, ngaz rueq mnoz kuex roc mauk ngoz tueq jungx ikhiq. Yuq muinz ngaz htemrvmz ruiux kuex ngaz rueq vguiuq raz tueq, ngvy Tishox muex yvlc svy juing tvyaungc ishaungx.


Kvruex yimaq vpiq rueq ngaz muex, “Miq htenc kvruex thuinz kuex tvbvruz tuz gay shuiuz, tsuinghez nac htenc tvbawx gay shuiuz, muik htenc tvmawz gay shuiuz, kvkaq tsuingshiq rueq khiz lot muq, tay lot muq nuiyc tuiuz muq rvshuex. Tsuingshiq kvkhoc yaungx wvnc ruiux yuq, tsuingshiq kuex ngvy kox nuex kvroz yek vtueq tvhvlc tvsawc kuy rvhumc tuex,” ngoz tueq jungx phuex.


Ngaz kuex Yehowa vpiq rueq menjenc lungwawx yaq kuex jungx shaungx; naungshiq tvkoc vpiq rueq shuimx wvnc tueq lotlaz kvmac ngaz rueq tvtsvmc vshaungx. Vpiq lungwawc nuiyc vpiq menjenc ningkhvnc nuex Israel miqsaz muex ruimrix rungwanx kuq tueq.


Ngaz rueq nuimshiq kuex ghaq vbur mungx nuex tuiz vtsvmz nuiyc vganc vhvlx phvnx ruip saz kuex tv-phuiuz svy tvkoc shvlx wvnc phaungx. Yuq muinz tsuingshiq rueq ngvy mungtan kuex tvbac gay tueq; tsuingshiq muex ngaz rueq vkuq mungtan kuex tvshuy shac gay tueq.


Ngaz rueq shomc waz bix muex phuiuz vsvy hvlc hvlc maq tvmvrc kuq shaungx ngvy miqsaz muex rax yaq phvnx lotlaz kuex thuinz tvsuing kuq shaungx. Ngaz, Yehowa rueq jungx vshaungx,” ngoz tueq jungx tueq.


Yuq muinz tsuingshiq kuex vruex mungx vyuq httuiuc waung vtueq, vruex mungx kuex guimz lvp wvnc tueq nuex, tsuingshiq kuex mnoz rueq nvr toq htenc muinz, mnoz rueq tvluing kuq vshuiux kvkhoc httaz tvkoc muinz tay phvnx wuez muq; tsuingshiq rueq shuimc tvkoc mnoz rueq nvr toq kuex tsuingshiq rueq yvmx muinz shuimx muq. Kvkhoc rvtueq mnoz rueq tsuingshiq htauk nuex vruex tvbac tac gay lvmz lotlaz tvdung kuq toq.


Kvruex ngaz rueq tsuingshiq kuex Ejip mungx wawc tvdung wvnc vtueq mungtan lotlaz htauk nuex vhvlx pinhtumc ghaq vraungx puix nuiyc nyaq ngurx kaz yaq mungx ngoz yaq tsuingshiq tvkoc ngaz rueq vthvl shec mungtan nuex shvlc wvnc tvkoc bomkhvmc taq tauk.


Vrungx vwanx kox hong mungx vshiz kuex honc tvsvmc lvmz vguez maq piq rueq khvt vtueq vjix vwaz tamx uraq muinz shuimx muq doc phvnx kuex shuimx shuex. Kvruex yimaq piq rueq vyix phvnx jix hez muex ralx lungc wawc vlvp taungx vwawx nuiyc tsak vnyvmx htenc kuex phvlx kuq shuex. Piq rueq nolaungx ghaqshungc htenc kuex khvt tvkoc tvhungx shuex, yuq muinz piq vkhing kuex mtanc rvmuq nuex dvyx htumx wvnc tuex.


Yuq muinz nuimshiq kuex vhvlx ghaq vraungx nuex nyuip lvp vtueq, phuiuz vsvy phoay laz phauk saq lvp wvnc shuinx nuex nuimthuinz hvlx wuez ruiux, nuimshiq ngamc ngax wvnc vtueq ngaz kuex lauk gay phuinx.


Yuq muinz Israel miqsaz htenc kuex Yehowa tsuingshiq Tishox kox nuex nuiyc tsuingshiq hokhvmx Dawid suiuz vsaz kox nuex yek waungc vkhing httuiuc wvnc tuex. Kvruex yimaq tsuingshiq kuex Yehowa muex hiyaz tvtsanc nganc wvnc vtueq, vpiq kox wawc vhvlx yauk noalc htenc lvp wvnc wuez shuex.


Rvmuq ngoz ruiux mnoz rueq vpiq menjenc yunghvlc kejux kvmuinz, thuinz maq nanx vtueq, thuinz tvluz vshuiux kvmuinz mnoz rueq wvlc guez ruez vshuiux. Tishox rueq mnoz muex tharc tvhumc tvkoc lvmx shvlx kuq yaq ningkhvnc nuex vpiq menjenc thuinz httax yaq lvmx kuex mnoz rueq vsuing tuiuz vshuiux rvtueq.


Kvruex miqghaq htenc kuex ghaq palx ruk muinz johvlc, palx kaluix htenc nuiyc palx kaluix taung juing htenc httax yaq ningkhvnc nuex phaungx duingduing hvlc ghaqshungc htenc rvtueq. Ruk guez palx guez ghaq htenc muinz paunghvlc httax yaq.


“Vpiq rueq tsuingshiq muex kuz vkanx vjoz htenc kuex tvguimz kuq ruiux, nax wawc dung yaq vthuey vngoz kuex tv-phauk saq tueq. Tsuingshiq rueq lung rauk wawc nyaq nguirx kuex humc tueq; lung phawx rawx htenc nuex olip jungx htenc kemz yaq.


Tsuingshiq khelx vmanx htenc wawc puix kuex yvlx shuex yvlx dung yaq; vhvlx phvnx khelbuenx nuiyc khelx vmanx kuex lvp taq tueq, vhvlx pinhtumc nyensaz tsvmz nuiyc svpiq tix shauk kuex nuingx wuez yaq.


“Yehowa miqsaz kuex rungwanx wuez tueq, yuq muinz ralx muex yaungx kaz; vsumc vkvmc phuiuz svy maq tsuingshiq phoay rungx yaq. Tsuingshiq tvdungc sungc jix Tishox kuex tuip gay ruiux, Hungc vlaungc vhttax maq palc wvnc jix waz kuex tvdux wuez yaq.


Síguenos en:

Anuncios


Anuncios


¡Síguenos en WhatsApp! Síguenos