NEHEMIA 9:29 - ASII LAKDAP Bible (BSI)

²⁹ Ümniiraq tsangshiq ma phaqthak nithak, ümtri khong na, siwan ronglaq nguta ümtin khan wa, trantsii wan laü. Shatmaq tsangshiq shiikong tsantsii asi kha maq, ümniiraq akuq haü thungtri, rilung tsitsü raü kra, lang mak maq shipoq wanto. Tsangshiq ka nilan, tsangtsantsii ka wan shak shak. Tsangshiq raq ümbomtsi ka, lang wan mak riito.

Hawa Naga Bible 2001

²⁹ Mnoz rueq tvtharc vshuiux kuex phvnc tvkoc tsuingshiq muex honc tvsvmz kuq toq, mtvrac kuex phvnx ruiux yuq miqmac thuiuzthuic tvraungx juing lvmx rvtueq, yuq muinz tsuingshiq kuex ngamc boq vtueq mtvrac htenc kuex tvdux gay tueq. Tsuingshiq kuex pinhtumc khux tvtsanc vtueq kvjaz kuex tvlvlc wuez tueq.

NEHEMIA 9:29 Referencias Cruzadas

2 HOKHVMX 17:13

Tatiwe raq akiimwetiim nai ashammibi thun tiiki raüta Israil mungti nai Juda mungti ma honlam tsütsa akha tiichonghoto: “Namshiq raq ajiq lam phan tlan kra miimbaiq ronglaq. Lanta ngi raq akuqha aming thun kra lang rong laq. Kriithun ka ngi raq namtitiim ma Thungtri lakdap kuqkang kriijaq asi kiimaq kriika ngi raq namshiq ma ijaqshisetiim shammibi lümaq kuq wan kang.”

2 HOKHVMX 17:14

Shatmaq tsangshiq raq taimak tlea wanto; tsangshiq ka tsangtitiim kiikha nilan, wan shakshak, tsangshiq raq Tatiwe tsangshiq Shiikeawe ma kammak riito.

2 KAÜWA WERAÜ 24:19

Tatiwe raq tsangshiq phana hon chongketi shammibi thun tiikito. Raüta tsangshiq ka apaiq wokhong na jang wan nong miitu tsü chong kuqto. Shatmaq mungmaiqse raq taimak riito.

2 KAÜWA WERAÜ 33:10

Tatiwe raq Manase nai asenginok ma honkam wan tsü ka chongkuqto. Shatmaq tsangshiq ka lan laqlaq li sito.

2 KAÜWA WERAÜ 36:15

Tatiwe, tsangtitiim Shiikeawe raq shammibi thun tiiki raüta mungmaiqse ma hon atsii ka tiichong kuq ruq chongkuq wanto. Jamkhano ngukla apaiq raq tsangshiq nai Shomjam kra tiiwongke wanro riito.

NEHEMIA 13:15

Ngi raq kra akhing na, Juda wang na siti Israilnok raq, Asii Niitiitsak Ranaiq ranaiq na spiqtsi tsai ka tiikit nyat tlo chhikang. Kiimaq mungmaiqse abiti riika, püwong, che, spiqtsi, phupmuptsi, kiimaq laihin huk asam thun kra, tsangshiq kumtoq kaütiim raikhü na miirea chhikang. Raüta tsangshiq raq kra hupsam thun ka, Jerusalem na hoho tlo chhikang. Kra chhilatiishe, ngi raq tsangshiq ka kiq atsin maq ason riikang. Kiimaq Asii Niitiitsak Ranaiq ranaiq na jamlai phan min ari athii shata raamak nguta aming kuqkang.

NEHEMIA 9:10

Ümniiraq Pharao khuthaq na, apaiq jaqthü wanti welabi khuthaq na, asengi mungmaiqse khuthaq na, awang chang jaqsham tiichhikuq wan laü. Jamkhano ngukla tsangshiq raq, ümsengi Israilnok ka pinthum, tiichamchao wanto nguta asap haü. Kra laüta ümkhushü tiijong laü ihata, kra ümkhushü jong ka ümchaü min asi.

NEHEMIA 9:16

Shatmaq naititiim ka ashkong she riiwanto. Kiimaq nilan miishe jawanto. Kiimaq ümniiraq aming akuq haü, lang wan mak she riito.

NEHEMIA 9:26

“Shatmaq ümsenginok raq, maiqmii wela jawanto, ümbom taimak, ümkiq akhii riiwanto. Tsangshiq ma akuq haü, Thungtri ka jainong nü maq shungbaiq wanto. Tsangshiq ma tsii chongke wanti, shammibi ka atsea riibaiqto. Ümniipha na jang wan ronglaq nguta, bom chongke wanti shammibi wiita, tsatbaiq wanto. Tsangshiq raq ümniika bliiq kiki, shummii shipoq wanto.

NEHEMIA 9:30

Li jiimin, ümniiraq tsangshiq ma, rawiitek tsan tiibum laüta, hon kam wan tsii chongkuq laü. Ümniiraq ümshammibi tiiki laüta, tsan achhü maq ümbomtsi, tiichong kuq laü. Shatmaq ümsenginok ka nitangnok. Kriikha niishe ümniiraq tsangshiq ka, maiq mung ahinti ma, tiikhat laüta rewe jaqkhon mong na, kiinong kuq wan laü.

DUNGWVNC 10:3

Krai mren Mosheq nai Aron ka hokhamwe phana wato. Raüta apaiq ma nguto, “Tatiwe, Hibrunok Shiikeawe raq ngutlo, ‘Ümniika ibom taimaü ikiq khiiruq ka ümtincho na saüli wa mikhiisiq haü? Isenginok ka tiiwalaq. Raüta tsangshiq raq Ngi mishomnoqlaq.

JEREMIA 17:23

Tsangtitiim raq ibom taimak riito. Kiimaq tsantsii kuq mak riito. Ibom taiwan rii na, tsangshiq ka nilan kong ma jawanto. Kiimaq ngi raq ashrinkuqha ka tlang wan mak riito.

JEREMIA 19:15

Tsangshiq ma chongkang, Tati Ningkun Ajongwe raq akha nguto nguta, “Ngi raq ara chela khuthaq na nai ara tho apha na chela thun sitlaq tlotli na, ngi raq ümtinkhan chamchao mo mitiihoha ngutiiwa chongkang thun kra, kunkun she mitiihoha. Jamkhano ngukla namshiq ka nilan wanshak shaknok kiimaq Ngi raq jamlai wa chongtiikang kra taiman tlea tlan.”

JEREMIA 42:19

Kiijiishe ngi raq chong kang, “Tatiwe raq namshiq Juda mung na aso tiichongki lanti thun ka Ejip mung na naq laüho rongkiq nguta ngutlo. Arningkhan ümchaü ngi raq namshiq ma tsiilam bomtsi chong tiikang.

JEREMIA 43:2

Kiijiishe Hoshaia se Ajaria kiimaq Karea se Johanan kiimaq mungmaiqse phong wa ashkongtamli siti kong rai adam maq ikiq ka akhiishe khiito, “Ümniika arot. Tatiwe nashiq Shiikeawe raq ümniika naishiq ma Ejip mung na naqsiki rongkiq nguta tiichongki mak.

JEREMIA 44:10

Shatmaq ümchaü ranaiq niitaq saüli, namshiq tsantsii ka klai wan man dea. Namshiq raq Ngi ka shreng wan man dea, kiimaq Ngi raq namshiq ma nai namtitiim ma kuq wan kang tri raütu kra lang lanta siwan man riitlan.

JEREMIA 7:26

Kra taü maq dongdii min, jurmin tsangshiq bom ka taiman. Kiimaq tsantsii kuq man shishe wan lan. Tsangshiq bom tai wan rii na, namshiq ka namtitiim thaq niimin nilan kiimaq kiqkhii srurii wan kli shiichaqtlan.

EJEKIEL 20:11

Ngi raq tsangshiq ma Ngi aming thun kuqkang. Lata jurwa langtlaqti ma rilungketi itri raütu thun kra shrinkuq kang.

DANIEL 5:20

Shatmaq, apaiq ka shiikonghea she, wanshakshak, kiimaq maiq ka ji maq nishishi haihü wanto; kriikha niishe apaiq ka hokham ngachang wa lambaiqto. Raüta apaiq khushü jong ka mokito.

Hosea 6:5

Arningkhan Ngi raq ijaqshisetiim shammibi, namshiq phana tiikikang, isintsang saühotlo nguta tiichongkikang. Namshiq mishthen baiqha she nguta, atsi dada tsütsa tiichongki kang.

LEWI 18:5

Ngi raq jamkha singa chang ngutiiwa chongkuq kang kra phan phan sirong laq. Kiimaq Ngi raq namshiq ma Thungtri kuqkang kra lang lanta sironglaq. Ümniiraq ara lang haüla ümrilung ka mitiichhii haü. Ngi ka Tatiwe.”

Matthew 19:17

Kiijiishe, “Ümniiraq ngi ma ahea lamlu ka jaram wa waitlaü?” nguta Jesuq raq treto. “Shiikeawe kli maiqshaq. Ümniiraq rilung lap ro tlaü jiika, aming thun ka lang laq.”

Luke 10:28

Jesuq raq treto, “Riikhaqli. Ara chong tlaü ara klolaq. Haü la, pattup pat-sa tsitsü ka milap haü.”

Romans 10:5

Mosheq raq maiqse ka Jehudinok Thungtri kra lang raü jiitiq Shiikeawe raq, apaiq rai wehea ma tiija wan tlo, nguta chongkuq tlaq kiijiika, “Jurwa Thungtri aming thun kra lang raüta sitlaq, kriiti ka thungtri aming lang tlaq kra lümaq, atra misi wan,” nguta waiqthüto.

Galatians 3:12

Shatmiitiq, Thungtri riika, kamtsantsii rai pong dam chang lam ahü. Asii bomtsi na, “Jurwa phanrap phanrii ka, Thungtri raq jaü tlaq kra phanphan, akhiismin tiishut mak maq sham tlaq, kriiti kli atra misi lot,” nguta chongtlo.

TRI CHONGKE 31:21

Kiimaq tsangshiq khuthaq na phiiptsi chang pahea chamchao misaü. Shatmaq ara shi nge arka shinge wan ruq li miraq. Kiimaq ara ashi arka tsangshiq tiishut wan saqse miishe mija wan. Ümchaü dongdii min, Ngi raq tsangshiq ma mung ashi mikuqha nguta kiq kham kuqkang mung kiijaq mishea wanha shaq niimin, tsangshiq tsan mong na jamlai wa tiimatlaq kra Ngi raq asapha.”

TRI CHONGKE 31:27

Ngi raq asapha tsangshiq ka nilan wanshak shak kiimaq Tatiwe kiq khii srutinok. Tsangshiq ka iri lung na Tatiwe kiq khii wanti. Kiimaq ngi ahü jijai niika tsangshiq raq Tatiwe kiq khii ka sruhea she miheng wan.

TRI CHONGKE 4:26

Ümchaü ranaiq akhing na ngi raq ramungtan nai mangjong hiq ka namshiq shrati saqse keti ma tiijalata chongtiikang, namshiq raq ibom chong ara tlea hanla, namshiq ka kra mung kiiwa wiita she mimo wan han. Namshiq ka ümchaü Jordan rai jin wan lamta jiiwan tlan kra mung na alu ka shong nga wan lot man mirhan. Namshiq ka chongthum ma tiijatlii raüta mitiithum baiq.

PHOWEBI 6:10

Ngi raq namshiq ma Ngi ka namshiq Tatiwe, namshiq Shiikeawe nguta chongkuq kang. Arkha na namshiq raq, ümchaü namshiq riishe jiiwan lan arjaq siti, Amoraiqnok phra thun ka shomnoq maimak nguta chongkuq kang. Shatmaq namshiq raq ibom taiman tlea lan.”