NEHEMIA 9:27 - ASII LAKDAP Bible (BSI)

²⁷ Kriikha niishe tsangshiq ka, tsang jaqtibi ma, kiinong kuq baiq laü. Raüta tsang jaqtinok riishe tsangshiq ka, khat raüta jamsha wanto. Tsang lit tsi miishe tiq, tsangshiq raq ümman na hoqsii wanto. Krai mren ümniiraq tsangshiq achu jaü ka, ramungtan maq tre kuq laü. Ümmangchan jong mong miishetiq, tsangshiq khuthaq na, ashun ashea wanti welabi tiiki laü. Tsangshiq riishetiq, tsang jaqtinok jaqkhon mong wa, dokda kuqto.

Hawa Naga Bible 2001

²⁷ kvkhoc rvtueq mnoz rueq ralx nuk muex tsuingshiq kuex tvkhvt tvguimz gay toq. Tsuingshiq kuex kuilc daz rvhumc ningkhvnc nuex romc kuy tvkoc mnoz gvl wuez yaq, mnoz rueq raungx mungtan maq tay kuq vshuiux. Mmenjenc thuinz yunghvlc ningkhvnc nuex tsuingshiq kuex palc wvnc tvkoc walaungx bix kuex tvkaz toq.

NEHEMIA 9:27 Referencias Cruzadas

2 HOKHVMX 13:5

Krai mren Tatiwe raq Israil mung sheati maiq wela ashi shongkuqto. Raüta Sirianok jaq mong wa tiichhiito. Raüta Israil mung ka kongkhu pat na kiikha mungtsing maq sito.

2 HOKHVMX 14:27

Shatmaq kriika Tatiwe tsantsii na Israilnok ka tiithumpak pattup pat-sa miitu tiithenbaiq chang ngutiika ahü thüwan mak dongdii. Kra ningkhan apaiq raq tsangshiq ka Hokhamwe Jeroboam II lümaq tiichhiikuq wanto.

2 HOKHVMX 17:20

Tatiwe raq Israilnok ka kunli no na tsuqbaiq wanto. Raüta tsangshiq ma pinthum mo tsihea tiiho wanto. Raüta tsangshiq ka chiqse rewe pinthum biheanok jaq khon mong na kiinong kuqbaiqto. Kra raütiishe atiisup niishe tsangshiq ka amakki wiishe alu na jobaiqto.

2 HOKHVMX 17:39

Namshiq ka iwokhong niili misihan. Ngi ka namshiq Tatiwe, nam Shiikeawe, kiimaq Ngi raq namshiq ka namjaqtinok jaq wa mitiichhii kuq wanha.”

2 KAÜWA WERAÜ 36:17

Kra ningkhan Tatiwe raq tsangshiq tlong kai miitu Bebilon mung hokhamwe kriishe tiikito. Hokhamwe raq Juda mungti jerobi thun kra jiip baiqto. Shomjam mong wa taqtaq tsatbaiqto. Apaiq raq jumin tiihang wan mak she riito. Jero jiimin, nyungwe jiimin, maiqwe jiimin riimakla jechak nyung jiimin, atsiti jiimin, aheati jiimin tiihang mak riito. Shiikeawe raq tsangshiq ka wiitarü apaiq jaq khon mong niishe kiinong kuqbaiqto.

NEHEMIA 9:19

Shatmaq ümniiraq tsangshiq ka, rumnyangkhi kumtsaiphii na, miimbaiq thü maü dea. Jamkhano ngukla, tsangshiq miitu ümniiraq, tiihang wan mangchan ka, jonghea thü wan tlaü. Tsangshiq ma ranaiq na lam sheaketi phumkham, kiimaq rawa na sheaketi wakham ka, lambaiq maü riilaü.

Tvtsvmc 136:24

apaiq raq nashiq ka re jaqkhon wa tiichhiito; apaiq lungwii ka pattup pat-sa.

LEWI 26:17

Ngi ka namshiq ma wesang miishe mijakiha. Krai mren namshiq ka re raq khat raüta mitang. Krai mren namshiq ngengtinok raq namshiq khuthaq na nga raüta mung ka mipeng. Namshiq ka phiip ajiiptsi raq tsai lanta, maiq raq ajo wanti ahü li ngu raü min namshiq ka tsaihü jihüshe miju han.

Obadia 1:21

Jerusalem chelati ka rekhat tang wan raüta, arü ariiq wawan tlaq kong raq, Edom mung ka mikhat wan. Raüta mitang wan. Raüta Edom mung ka misiq wan. Kiimaq kra akhing na, Tatiwe apaiq kli Hokhamwe ma mija wan,” nguta Tatiwe raq chongtlo.

PHOWEBI 2:18

Ümtiikiiwa Tatiwe raq Israilnok ma wela ashi shongkuq tlaq, Tatiwe raq apaiq kra khrumkuq tlo. Raüta apaiq atra sishat wiiwii mungmaiqse ka chiqse rewe jaqkhon mong wa tiiwong kuqtlo. Tatiwe raq chiqse rewe jaqkhon mong na tsangshiq chamchao kaidi hansii trang nai aho trang kra tairaüta, tsangshiq ma tiihang wan mangchan kuqtlo.