NEHEMIA 9:27 - Hawa Naga Bible 2001

²⁷ kvkhoc rvtueq mnoz rueq ralx nuk muex tsuingshiq kuex tvkhvt tvguimz gay toq. Tsuingshiq kuex kuilc daz rvhumc ningkhvnc nuex romc kuy tvkoc mnoz gvl wuez yaq, mnoz rueq raungx mungtan maq tay kuq vshuiux. Mmenjenc thuinz yunghvlc ningkhvnc nuex tsuingshiq kuex palc wvnc tvkoc walaungx bix kuex tvkaz toq.

ASII LAKDAP Bible (BSI)

²⁷ Kriikha niishe tsangshiq ka, tsang jaqtibi ma, kiinong kuq baiq laü. Raüta tsang jaqtinok riishe tsangshiq ka, khat raüta jamsha wanto. Tsang lit tsi miishe tiq, tsangshiq raq ümman na hoqsii wanto. Krai mren ümniiraq tsangshiq achu jaü ka, ramungtan maq tre kuq laü. Ümmangchan jong mong miishetiq, tsangshiq khuthaq na, ashun ashea wanti welabi tiiki laü. Tsangshiq riishetiq, tsang jaqtinok jaqkhon mong wa, dokda kuqto.

NEHEMIA 9:27 Referencias Cruzadas

2 HOKHVMX 13:5

Yehowa rueq Siria miqsaz yauk wawc tsuingshiq kuex palx wvnc jix vyungx vlaungx washiz Israel kox nuex tvkaz koq tueq, kungkhux nuex ikhoc nomic maq httax tueq.

2 HOKHVMX 14:27

Yuq muinz Israel miqsaz htenc kuex pattup tvsuimz tvlanc tvbac gay muex Yehowa rueq dvnc yaq rvmuq ningkhvnc nuex Hokhvmx Jeroboam II maq raz tueq vpiq rueq tsuingshiq kuex palc wvnc tueq.

2 HOKHVMX 17:20

Yehowa rueq Israel miqsaz lotlaz kuex tvdux gay ruiux vtvsuip nuex vpiq htumc wawc tsuingshiq kuex yurc gay tueq nuex httuiuc laz, tsuingshiq muex murx tvgurc ruiux guirguenc jix ralx waz yauk nuex tsuingshiq kuex tvshuk kuq gay tueq.

2 HOKHVMX 17:39

Yehowa nuimshiq Tishox rvtauk ngvy kvjaz kuex nuimshiq rueq phvnx wuez shuinz, nuimshiq ralx waz yauk wawc nuimshiq kuex ngaz rueq palc wvnc phaungx.”

2 KAÜWA WERAÜ 36:17

Kvkhoc rvtueq Yehowa rueq tsuingshiq kuex khvt kay tvkoc Babelon hokhvmx waz kuex tvkaz tueq. Hokhvmx waz rueq Shomc Yuimx mungx nuex httax yaq Yuda yalxrox bix nuex httuiuc laz thvt gay tueq. Piq rueq nyuiuz waz, nosaz, miqwaz yalxjuik, vthuiuz vsac jix, miq hvlx jix, ukhaq muex muinz menjenc muq. Tishox rueq tsuingshiq lotlaz kuex piq yauk nuex lekuq gay tueq.

NEHEMIA 9:19

Yuq muinz mmenjenc thuinz yunghvlc ningkhvnc nuex, mnoz rueq tsuingshiq kuex kumtsvy tvnx nuex tuip gay shec muq. Raungnuiyq nuex tsuingshiq muex lvmx shvlx kuq yaq phuemx tul nuiyc raungwvrx nuex lvmx tvlez kuq yaq wvr htung muinz mnoz rueq lvmz gay muq.

Tvtsvmc 136:24

Vpiq rueq naungshiq kuex naung- shiq ralx hez yauk wawc tvdung wvnc phuex; vpiq lungwawc kuex pattup httax yaq.

LEWI 26:17

Ngaz kuex nuimshiq kox wawc kvwek wvnc taungx, nuimshiq kuex ralx sumx vtueq ralx rueq guimz lawc wvnc rvhumc tuinx; nuimshiq kuex pinhtumc kawc yawc wuez vtueq vyurc jix vguez rvyruiux yuz wvnc wuez tuinx.

Obadia 1:21

Yerusalem wawc lotlaungc taungx wvnc jix hez rueq Edom kuex khvt ruiux kvruex mungx kuex guimz wuez shuex. Kvmaq Yehowa vpiq pumz shauk kuex Hokhvmx yaungx tuex.”

PHOWEBI 2:18

Yehowa rueq Israel miqsaz shunshvlc jix vyungx vlaungx washiz kuq shuex ruip rawx, Yehowa kuex kvruex waz rullungx wvlex piq muex romc kuq vtueq, ralx htenc yauk wawc miq htenc kuex palc wvnc ruiux shuex. Tsuingshiq rvhumc yaq kuilc daz jamjaux nuiyc tuinghtuing rvhumc vtueq kvbot nyvnx wuez yaq ningkhvnc nuex Yehowa rueq tsuingshiq muex menjenc kuq tueq.