JEREMIA 42:19 - ASII LAKDAP Bible (BSI)

¹⁹ Kiijiishe ngi raq chong kang, “Tatiwe raq namshiq Juda mung na aso tiichongki lanti thun ka Ejip mung na naq laüho rongkiq nguta ngutlo. Arningkhan ümchaü ngi raq namshiq ma tsiilam bomtsi chong tiikang.

Hawa Naga Bible 2001

¹⁹ Kvruex yimaq ngaz rueq, “Yuda mungx nuex kvjungx yaq miq htenc kuex Ejip mungx nuex kaz wvnc muq tvkoc Yehowa rueq nuimshiq muex jungx tueq. Majuiuc muinz ngaz rueq

JEREMIA 42:19 Referencias Cruzadas

2 KAÜWA WERAÜ 24:19

Tatiwe raq tsangshiq phana hon chongketi shammibi thun tiikito. Raüta tsangshiq ka apaiq wokhong na jang wan nong miitu tsü chong kuqto. Shatmaq mungmaiqse raq taimak riito.

NEHEMIA 9:26

“Shatmaq ümsenginok raq, maiqmii wela jawanto, ümbom taimak, ümkiq akhii riiwanto. Tsangshiq ma akuq haü, Thungtri ka jainong nü maq shungbaiq wanto. Tsangshiq ma tsii chongke wanti, shammibi ka atsea riibaiqto. Ümniipha na jang wan ronglaq nguta, bom chongke wanti shammibi wiita, tsatbaiq wanto. Tsangshiq raq ümniika bliiq kiki, shummii shipoq wanto.

ISAIA 21:12

Ngi raq trekang, “Ranap rawüho she. Shatmaq rawa ka thongshi hali misaü wan nong. Ümniiraq awai wa nong rotlaü jiika, thongshiri hali ngi phana jang wa nongkiq. Laüta wai wa nongkiq.”

JEREMIA 38:21

Shatmaq ümniiraq Tatiwe bom kra tai maü tlea laüta tsangshiq puk na nyap maü raüla, ümniima chamchao jonghea asi miraq nguta Tatiwe raq ngi ma riisham mak maq tiichhikuqto.

EJEKIEL 17:15

Shatmaq Juda mung hokhamwe raq kra tongshong kiqkham kra jinto. Raüta Ejip mung hokhamwe phana kumrang kong nai phenlabi pahea tiisheakai kiimwebi tiikito. Riita apaiq raq kra munglap wan nong miitu reshun tlaq ka mitang sha? Apaiq raq tongshong raütu runtlaq kriika mo hohü maq hangkilot mak!

EJEKIEL 2:5

Kra ikiqkhii sruti raq ümbom ka taijiiq sha taimak wa riijiiq, li jiimin tsangshiq raq tsangshiq phana shammi weshi ka tiikitodea nguta misap.

EJEKIEL 3:21

Kiimaq ümniiraq maiqshaqti weshi ka ngarai naqtangkiq nguta tsii chongkuq haüla kiimaq apaiq raq ümbom chong kra tai raüta ngarai tang mak she tsaqki raüla, apaiq ka atra misi, kiimaq ümrilung kiimin mitiiwongkuq.”

WEAWEA 14:3

Tatiwe raq nashiq ka kra mung na jaram wa tsuq wantla? Nashiq ka re na mitsai rong i. Kiimaq nachaktiim nai nasetiim thun ka re raq shumwi kong ma mitsuq wan. Kra nam miika, Ejip mung na jangho nong riiwe khoti ahea lin miraq riimak sha?”

Acts 2:40

Petar raq akha tri bomtsi atsin maq trap tru raüta, tsangshiq ma chongkuqto. Kiimaq, arthaq niimin chat raüta, apaiq raq tsangshiq ma, bomtsi ahin miimin, tran tiitsii chongkuqto. Apaiq raq tsangshiq ma akha chong kuqto, “Riita, ümchaü min, Shiikeawe raq Jesuq tsea baiq wanti, ara ngarai maiqsetiim, ara mung na siti khu thaq na, chamchao jonghea tiisaü tlaq kriiwa, namshiq ka tiichhii wan tlo ronglaq!”

Ephesians 4:17

Riita ara chong tiikang arningkhan, ngi raq Tatiwe mang maq, namshiq ma honlam tsii chong kuq tiipha ara, tiitsang tairong laq: Namshiq ka ümchaü sanha, thatsang maiqse sitlaq ikha naq sirongkiq she. Tsangshiq tiima tsantsii ka thiihü shaqmii rüm tlo.

TRI CHONGKE 17:16

Hokhamwe raq apaiq phenlabi miitu kumrang kong ka pahea thü mai mak. Kiimaq apaiq raq asenginok ka Ejip mung wa kumrang kong tri kai tiikai maimak. Jamkhano ngukla Tatiwe raq asenginok ka kra mung na ümtiikiimin jangkai maimak nguta nguto.

TRI CHONGKE 31:21

Kiimaq tsangshiq khuthaq na phiiptsi chang pahea chamchao misaü. Shatmaq ara shi nge arka shinge wan ruq li miraq. Kiimaq ara ashi arka tsangshiq tiishut wan saqse miishe mija wan. Ümchaü dongdii min, Ngi raq tsangshiq ma mung ashi mikuqha nguta kiq kham kuqkang mung kiijaq mishea wanha shaq niimin, tsangshiq tsan mong na jamlai wa tiimatlaq kra Ngi raq asapha.”

1 Thessalonians 4:6

Riita, ara chongtiikai ata awii liipan na shongnga lam phan na, jurmin phungmaiqse phunaino ma, ashut klo raa mak. Kiimaq kongti nansea raa mak. Ara bomtsi ara khuthaq na, naishiq raq namshiq ma kongkhuji niimin, namshiq ma tsii chongkuq kai she. Kiimaq ümchaü min, asiq areng maq chongkuq nong tiikai. Ümriiti riiwa, ara tri jinjiiq, Tatiwe raq kriiti ma mo mitiiho.