JEREMIA 16:11 - ASII LAKDAP Bible (BSI)

¹¹ Raüla, tsangshiq ma Tatiwe raq jamlai wa chongtaq kra chongkuqlaq. ‘Namtitiim pat na tsangshiq ka iwokhong wa donghoto. Raüta phanhin sumla phra thun shomnoq wanto. Raüta tsangshiq raq Ngi ka miimbaiq thüto. Kiimaq tsangshiq raq ibomchong tri raütu ka langmak riito.

Hawa Naga Bible 2001

¹¹ Kvruex yimaq Yehowa rueq vkhoc ngoz wuez ngoz tueq tsuingshiq muex jungx shuiuz: ‘Mjix m-waz tamx kuex ngaz kox wawc kvroz wvnc vtueq vganc tishox htenc kuex nawk palx ruiux shuimx lvmz kuq wuez yaq. Tsuingshiq rueq ngaz kuex tuip gay ruiux ngaz rueq tvluing shaungx htenc kuex phvnx muq.

JEREMIA 16:11 Referencias Cruzadas

1 HOKHVMX 9:9

Kiijiishe maiqse raq mitre wan, ‘Arka tsangshiq raq tsangshiq Tatiwe tsangshiq Shiikeawe tsangtitiim ka Ejip mung wa shea wantiwe kra miimbaiq kha na chaphaqto ahata. Tsangshiq ka laihin sumla phraphong wokhong na nyap wan raüta, laihin phra phong ka shomnoq wan kha na chaphaqto. Kra ningkhan tiina Tatiwe raq tsangshiq khuthaq na atinkhan chongthum khama tiiho pha wantaq ara,’ nguta mirchong.”

2 KAÜWA WERAÜ 7:22

Kiijiishe maiq raq akhiishe mitre, ‘Arka tsangshiq raq tsangshiq Tatiwe Shiikeawe tsangtitiim ka Ejip mung wa tsuq wantiwe kra miimbaiq kha chaphaqto. Tsangshiq ka laihin sumla phra thun puk niishe nyap wanto. Raüta sumla phra thun kiishe shomnoq wanto. Kriikha na tiina Tatiwe raq tsangshiq ma atin khan phiiptsi chang chamchao tiisaütaq ara.’”

JEREMIA 13:22

Kiimaq ümniiraq arthun mat dong ara jamkho saü wanta nguta bom waihaüla, ümkhu ümkhea thun ka wiita wunthaü riinaü she chaibaiqtaq kra, kiimaq ümniika maiq raq wiitashe haihü baiqtaq kra jamkhano ngukla ümnaq ngarai ka bihea pinthum tang wan laü. Kriikha na ümniika maiq raq haihü wanto.

JEREMIA 2:8

Ramwebi raq, ‘Tatiwe ha ümbano?’ nguta waimak, Iramwebi raq ngi sapmak. Mungtubi raq ikiq khü wanto; shammibi raq Baal phra mang na tra howanto, kiimaq thiihü sumla thun shomnoq wanto.

JEREMIA 22:9

Kiijiishetiq tsangshiq raq arka namshiq raq ngi namshiq Shiikeawe tongshong wokhong mong na siman, juho lanta, laihin phra thun shomnoq wanlan kha na tiithen baiqto nguta mitre.”

JEREMIA 44:3

Jamkhano ngukla kiijaq siti mungmaiqse raq abi kloto. Raüta itsan tiikhiqto. Tsangshiq raq phanhin sumla phrakaü thun ma honglu thun takuqto. Kiimaq phra kaü thun tsangshiq riimin sapmak, namshiq riimin sapman, namtitiim riimin sapmak phra thun ka shomnoq wanto.

JEREMIA 8:2

Kra maiqrii phong ka riichom raüta hiqkho ashi na lapbaiq rii na, tsangshiq rok ariiq phong kriika hiqraikhü na weram werok, hiq tiipii ma khoti miphong baiq. Kra maiqrii phong ka riinyin riishin rashekii na, jipi li na kiimaq raiqsaiq liliimtlaq kiijaq mirphong rong, tsangshiq raq lungwii wantaq kiimaq shiikumpan wantaq kiimaq tsangshiq raq phan rap sham akai na lang liiwantaq kiimaq shomnoq wantaq kra khaki na miphong wan.

JEREMIA 9:14

Kra langwan la na, tsangshiq tsantsii ka wanshakshak siwanto. Raüta tsangwetiim raq ashrinkuq thü Baal phra sumla thun kli shomnoq wanto.

AJONJÜ 5:7

Naititiim pat na ngarai tang wanto, shatmaq ümchaü tsangshiq ahü she. Naishiq ka tsangshiq ngarai kha na chamchao tiikai.

EJEKIEL 11:21

Shatmaq jurwa ashe ashi, maiqphai asi sumla thun shomnoq lungwiiti thun ka, Ngi raq mo mitiihoha. Tsangshiq raq jamlai wa ashut klowantaq kriikha na Ngi raq tsangshiq ma mo mitiihoha.” Arka, Tati Rakaü Hiqwe raq toq tantlo.

AMO LUIK DVP (AMOS) 2:4

Tatiwe raq ngutlo, “Juda mungti raq atang wan ngarai, hiq ma ra ma. Arningkhan ngi raq tsangshiq tiijoq mang. Jamkhano ngukla tsangshiq raq, Tati tri raü wiita jin wanto. Kiimaq tsangshiq raq, Tatiwe aming lang wan mak riito. Tsangtitiim raq phra sumla noq wanto, raüta lamjiq na shea wanto, kiikhiisii tsangshiq riimin phra sumla noq raüta, lamjiq na kihoto.

MALAKI 3:7

Namtitiim pat niimin la, tsangshiq ma ngi raq akuqha aming thun lang mak siwanto. Kra tiidada sii hali, ümchaü namshiq riimin ngi aming lang man, itri wokhong wa ahin na juho lan. Tri raütu ka lang man. Ümchaü min namshiq ka iphana jangwan rong rea. Raüla ngi min, namshiq phana mijang wan nongha. Shatmaq namshiq raq, ‘Riita naishiq ka jamkho ümphana mijang wan nong hai?’

1 Peter 4:3

Namshiq raq thatsang maiqse rilung ka man na, luhea asi wan kun she. Kra lea wan lan akhing na, ashe ashi rai riinyat shat, kiijoq kiicham, cherop nyiipthop, che raq chok lanta hi awaq kong ikha jechak maiqwe riitsam nyiim lanta, adam na riipo na siwan lan ihata. Kiimaq maiqphai asi chang sumla shomnoq riitsam nyiim lanta siwan lan ihata.

PHOWEBI 2:11

Kiitiikaq Israilnok raq Tatiwe man na ngarai tangto. Kiimaq tsangshiq raq Baal phra thun kriishe shomnoq hoto.