NEHEMIA 6:16 - ASII LAKDAP Bible (BSI) Riita, jaqsham ara ngut wanto she nguta nai mung tro tam na siti, naishiq ma chiqse rewenok maiq mung ahinti raq, kra tsütsa ka taito. Raüta tsangshiq ka pinthum ahai she riito. Kiimaq tsangshiq ka shut kai dea ngutiishe takto. Jamkhano ngukla, tsangshiq wiita raq, ara jaqsham ngut wan kai arka, Shiikeawe raq khrumke kha maq tang kai nguta sapto. Hawa Naga Bible 2001 Kvruex thaungc kuex tvroz nuex httax yaq mungtan htenc wawc nuiyshiq ralx hez rueq tay vtueq, vruex yauk shuimc kuex Tishox rueq romc kuq yaq lvmz miq ruip rawx rueq tuiuz wvnc wuez tueq, tsuingshiq htvlx phawc sumx wuez tueq kuex kvhelc wuez tueq. |
Shatmaq Beth Horon chela na sitiwe Sanballat raq, nai Ammon wang na sitiwe siihiipjong weshi, amang min Tobia nguta kra wenai raq, Israilnok mungmaiqse miitu jaqsham ahea shamketi maiq weshi she saühoto nguta, tsütsa ka taito. Raüta tsangnai ka pinthum makshu she khiqriqto.
Riita Sanballat raq naishiq Jehudinok raq ruk khetuk tiihea hai jaqsham ka aheawiq miishe hai wan kai nguta tsütsa ka taito. Kra tai raüta, apaiq ka pinthum amok dung dung she khiqriq wanto. Kiimaq atsan khiqtsi ma, naishiq ka thophi riiqphi, abom namtoktok shummii saisi wanto.
Shatmaq, Sanballat, Tobia, kiimaq Arabia hong na siti nok raq, Ammon hong na sitinok raq, kiimaq Ashdod hong na sitinok raq, naishiq raq Jerusalem chela ruk tiihea ka lot wan kai she nguta taito. Ruk heawea wa apu thun ka kunkun she tiitang wanto nguta taito. Kriikha na tsangshiq ka kai khiqriq wanto.
Ara jaqsham wan bala niika, Jehudinok mung welabi nai Tobia liipan na, miitut miikhai lak ka akiti aki, awati awa, miitutkhai shat riito.
Nashiq ka khoqriiqkhiq naitrangkai, chojong chise shingekai! Kiijiishe pongmungti thun raq nashiq miitu akha nguto, “Tati raq tsangshiq ma jonghea jaq shamkuqto.”
Tatiwe raq Jerusalem ka triitam nongtlo; apaiq raq pongmung na shumwi asi wa kong ka, tiijang tsuq wan nongtlo.
Apaiq raq tsangshiq kumrang leng thun jikom ka hiq niishe tiikan baiqto. Kra ningkhan tsangshiq ka la maq ngila nguraü shetiq khumtlo. Kiijiishe Ejip mungti raq nguto, “Tatiwe raq Israilnok miitu nashiqnok she khat wanto. Nashiq ka arwa jaqlo pintlo rong i!”
Jerusalem ka Ngi ma chochi raikuk, khushü tiijongti, kiimaq imangchong tiijongti she miraq. Mangjong hiq na siti maiq mung thun pahea raq atiikhai rokrok raüta mishreng wan. Jamkhano ngukla, Ngi raq Jerusalem chelati miitu ümtinkhan wa athuk atsom jaqsham kuq wan tiikang kiimaq Ngi raq chelati miitu ümtin khan wa achi achet chiithe liiwa tiijakuq wan tiikang kra tsütsa ka tsangshiq raq mitai wan.”
Mintin riimin, awuq raü min, Israil mung thaq na tailot mak. Ümchaü maiqse raq Israilnok miitu akha mingu, ‘Liironglaq Shiikeawe raq jamlai wa shamtaq kra!’
Riita, krai mren, ara ümchaü armin, ngi chong i, namshiq raq tsangshiq thaq na asiq areng bom ka naq bom rongkiq. Tsangshiq ka maiqmii singa ngali mirlaq! Tsangshiq raq ümchaü jamlai wa shamtlaq arka, maiqse phaqchi maq adong dea jiika, armin ranaiqshi shi ka, apaiq momo mimoki.
Naishiq raq kra tsütsa ka tailaita, naishiq ka pinthum atiikhairokrok she hai wan kai. Naishiq ka namshiq ma haima, tsitsü min dong mak she. Tengto. Namshiq Tatiwe Shiikeawe ka ramungtan nai mangjong hiq ara rümti dea.
Raüta apaiq raq, “Ngi raq asap ha, Tatiwe raq namshiq ma naimung arka kiinong kuqbaiqto she. Armungti maiq wiita ka namshiq hai ma phiip riishe tsaitlo.
Jordan rai maq shenyap mung nü na siti kunli Amoraiqnok hokhambi raq kiimaq Mediterenian Khamjongkii binjü mung thun na siti Kanannok hokhambi thun kunli raq, Israilnok kunli raq Jordan rai ka mijin wan lot shaq wiiwii, Tatiwe raq, Jordan rai kham ka tiisiirai tiisüroq trübaiqto; raüta jükok ka phiisü shinriiqriiq ma tiija baiqto nguta tsütsa ka taito. Tsangshiq ka Israilnok ma pinthum haito kiimaq tsaihü jihü she riito.