JOSHUA 2:9 - ASII LAKDAP Bible (BSI)

⁹ Raüta apaiq raq, “Ngi raq asap ha, Tatiwe raq namshiq ma naimung arka kiinong kuqbaiqto she. Armungti maiq wiita ka namshiq hai ma phiip riishe tsaitlo.

Hawa Naga Bible 2001

⁹ tsuingnueyc muex ngoc, “Yehowa rueq nuimshiq muex vruex mungx kuex kuq tueq lvmz ngaz rueq tuiuz yaq. Vruex mungx wuinz kuex nuimshiq muex hisungx wuez yaq.

JOSHUA 2:9 Referencias Cruzadas

RAPHA HIQWA LAK 35:5

Kiimaq ümtiikiiwa Jakob nai asetiim ka kra hiq wa laühotaq, kra tro binjü chela thun na siti mungmaiqse ka phiip raq tsaito. Kiimaq tsangshiq raq Jakob nai asetiim ka joki mak riito.

2 SAMUEL 17:10

Kiikhiishe tsütsa tai raüla, srea nolajongbi, hangsikaü ikha siti thun kra dongdii min, tsangshiq haisitsi ma aphiip ajiip she mihai song wan. Jamkhano ngukla, Israil mung tlotli raq ümwe ka srea nolajong pinthum kiimaq asengi phenlabi thun ka nolajongbi kong siisaq, kiimaq rekhat na sreajong kong siisaq nguta tarü raq asap siisaq.

2 HOKHVMX 5:15

Kiimaq apaiq asengikong rai Elisha phana jang wanto. Raüta akha nguto, “Riita ümchaü kla ngi riimin, ara mangjong hiq niika laihin shiikea ka ahü, Israilnok Shiikeawe sitlaq kli dea nguta saptiikang. Arningkhan, shiilangwe lei, ngi raq kongphiq kuq tiikang arka tao laq.”

2 HOKHVMX 7:6

Tatiwe raq Sirianok niki na phenlabi maiq mung pahea sheawan raüta, kumrang kong nai kumrang leng thun hitti kong warai trang ikha tiitaito. Krai mren, Sirianok raq kriika Israil hokhamwe raq Hitaiq mung nai Ejip mung hokhamwe ka tsangnai sengi phenlabi thun nongnong maq tsangshiq tiikhat ma shiipto nguta tiimato.

NEHEMIA 6:16

Riita, jaqsham ara ngut wanto she nguta nai mung tro tam na siti, naishiq ma chiqse rewenok maiq mung ahinti raq, kra tsütsa ka taito. Raüta tsangshiq ka pinthum ahai she riito. Kiimaq tsangshiq ka shut kai dea ngutiishe takto. Jamkhano ngukla, tsangshiq wiita raq, ara jaqsham ngut wan kai arka, Shiikeawe raq khrumke kha maq tang kai nguta sapto.

ESTHAR 8:17

Kriithaq niimin, Hokhamwe aming lak ka chiiriim wan wan maq, chela tek na, wangtek na tiitai phatkuqto. Krai mren, Jehudinok ka barap na shreng chochi poi hai ranaiq she hum wanto. Kiimahali phan hin mungmaiqse pahea ka Jehudinok ma hai ma, tsangshiq min Jehudinok miishe jawanto.

YOBA 19:25

Shatmaq ngi raq asapha ramungtan na weshi ra asi atiisup na apaiq ka kiraüta ngi mitiiwong kuqki.

Tvtsvmc 112:10

Abi kloti raq ara chhitlo raüta kai khiqtlo, tsangshiq makshutsi ma liitlo; raüta tsangshiq ka mokitlo; tsangshiq ranphan chang ka pattup miitu thumkitlo.

Tvtsvmc 115:16

Ramungtan ka Tati apaiq riili dongdii, shatmaq apaiq raq hiq ka maiqse ma kuqto.

DUNGWVNC 18:11

Ümchaü ngi raq sapkang Tatiwe ka tarü phra kong thaq na ajong. Jamkhano ngukla Ejip mungti raq Israilnok ka atinkhan hok maq nishishi haihü wan kiita, apaiq raq tsangshiq ka tiichhii kuqto.”

DUNGWVNC 23:27

“Ümnaq ngengti maiq thun ka Ngi ma haisong tsii mitiithüha. Ümniiraq khat wan tlaünok tsii ka Ngi raq wiita abrak mirbaiqha. Kiimaq Ngi raq ümjaqtinok thun ka ümnaq chhi raüta wiita pongpin riipin mitiipin baiqha.

THARC TVLUINGC 8:12

Ngarai maiqse ashi riika, jangroq shishi ngarai mitang wan. Kra taü maq dongdii min apaiq ka atrali misi. Tengto: Ngi raq asap ha, tsangshiq raq akha mingu, “Ümniiraq Shiikeawe aming lang laüta sihaüla, ümniima jammin ngusiq mak miraq.

ISAIA 19:1

Arka Ejip mungti miitu tsütsa. Tatiwe ka Ejip mung na saühotlo, phum thaq na ngaraüta jaqlo thitthit kitlo. Ejip mung wa sumla phra phong apaiq man na atiikhai rokrok she haiwanto. Kiimaq Ejip mungti raq tsang tsaiji ka tiidoqto.

ISAIA 23:5

Ejip mungti dongdii min Tajar chela ka thento she nguta tsütsa tairaüla, akiinyii rai miraq. Raüta tsaihü jihü mithang tham rai.

JEREMIA 27:5

“Ngi arang jonghea riimtiikang kra lümaq kiimaq iningkun jonghea hotiikang kra lümaq, Ngi raq ara mangjong hiq ara, maiqphan kra, kiimaq ngamsaü ngiqse phan hiq raikhü na diimtlaq thun kra klowan kang. Kiimaq Ngi raq juma ke wan wa rotiikang, kriiwe ma arthun ara kuq tiikang.

NAHUM 2:10

Ninewi ka botkhulai rai shotto! maiq thun wiita pinto! Hiqmiq changkhü miishe jato! Tsaihü jihü phiipjiip wanto. Tsanghok tsangjaq tiikhai rokrok; rok-hü riihü tiimelot mak. Tsang theaphi na tapkhu da, munjuk mijuk!

WEAWEA 20:14

Mosheq raq Kadesh wang maq Edom mung hokhamwe phana tsasoqti tiiwato kiimaq tsangshiq raq akha chongto, “Ara tsütsa arka ümphu ümno Israilnok maiq phan thun raq atiichong wan. Ümniiraq naishiq chamchao wankai thun kra asap haü.

WEAWEA 20:24

“Aron ka Ngi raq Israilnok ma mung ashi mikuqha nguta kiq kham kuq kang kiijaq saü wa lot mak. Apaiq ka atsai she miraq. Jamkhano ngukla namnai wiita Meriba wang maq ikiq khiilan.

Matthew 20:15

Ngi raq i kampho arka, ngi raq aroro na shaphaq lot mang sha? Shea ngi raq nanok ma jaq chii jichii maq phong tsoktsok kewan kra chhi laüta, ümkhun nü sha tsi rai tla?’ ”

TRI CHONGKE 11:25

Namshiq ka kra mung na ümra hiq no watlan, Shiikeawe raq kra nok ka namshiq ma ahai asong wa rak rak mitiihai. Arka apaiq raq kiqkham kuqtaq kra phan phan miraq. Krai mren namshiq ka juwe riimin tangtalot mak miraq.

TRI CHONGKE 2:25

Ümchaü ranaiq miishe barap binrii wa maiq thun ka Ngi raq namshiq ma ahai rak rak she mitiisiha. Namshiq mang chong kra tai raütli maiq thun ka wiita phiip raq mitsai.’

TRI CHONGKE 28:10

Kiijiishe mangjong hiq raikhü na siti maiq phan tlotli raq ümniika Tatiwe raq asengi miishe dea tsea tsiiq wanto nguta michhi wan. Kiimaq tsangshiq ka ümniima ahai she miraq.

TRI CHONGKE 32:8

Ratsan Ramong Nyang Na Sitiwe raq maiq mung thun ma tsangshiq hiqshong chum kuqto; apaiq raq maiq phan thun ma asi anga chang hiq tiihong kuqto. Apaiq raq maiq mungtek ma phra achhuq chhuq kuqto.

Hebrews 11:31

Kiimahali, kamtsantsii maq sii hali, mephe nyung Rahab raq, Israilnok siwe wenai wataq kra, ahea wiq maq, siphu sino ikha shiikum pan kuqto. Kriikha maq, Shiikeawe kiqkhiiti, anok abin ümchuwa jiimtaq, kra rai jiimrai chang wa, apaiq ka tiichhiito.

JOSHUA 2:11

Naishiq raq kra tsütsa ka tailaita, naishiq ka pinthum atiikhairokrok she hai wan kai. Naishiq ka namshiq ma haima, tsitsü min dong mak she. Tengto. Namshiq Tatiwe Shiikeawe ka ramungtan nai mangjong hiq ara rümti dea.

JOSHUA 2:24

Kiimaq tsangnai raq akha nguto, “Tengto, Tatiwe raq nashiq ma armung arka kiinong kuqto she. Kiijaq siti mungmaiqse ka, nashiqnok ma haima, phiip raq atsai sitlo.”

JOSHUA 2:8

Siwenai ka mikon wan shaq liipan na Rahab ka wukhu na wato.

JOSHUA 5:1

Jordan rai maq shenyap mung nü na siti kunli Amoraiqnok hokhambi raq kiimaq Mediterenian Khamjongkii binjü mung thun na siti Kanannok hokhambi thun kunli raq, Israilnok kunli raq Jordan rai ka mijin wan lot shaq wiiwii, Tatiwe raq, Jordan rai kham ka tiisiirai tiisüroq trübaiqto; raüta jükok ka phiisü shinriiqriiq ma tiija baiqto nguta tsütsa ka taito. Tsangshiq ka Israilnok ma pinthum haito kiimaq tsaihü jihü she riito.

JOSHUA 6:2

Kra akhing na Tatiwe raq Joshua ma nguto, “Ngi raq Jeriko chela ka tsangshiq hokhamwe krai nong nong maq, mungmaiqse srea nolabi wiita ümjaq khon mong na kiinong kuq kang she.

JOSHUA 9:10

Kiimaq apaiq raq Jordan rai maq shedong mung na siti, Amoraiqnok hokham wenai, Heshbon chela Hokhamwe Sihon, kiimaq Ashtaroth chela na siti, Bashan mung Hokhamwe Og, kra jamkho riitaq kra tsütsa ka taikai.

JOSHUA 9:24

Tsangshiq raq treto, “Shiilangwe lei, naishiq raq akha jamto klokai ngukla, naishiq raq tengteng bom ka akha taikai, Tatiwe namshiq Shiikeawe raq ajaqshi se Mosheq ma, apaiq raq armung ara kunli namshiq ma kebaiq wan miitu aming ake kun she. Krai mren, namshiq raq armung ka long wan wan lanta, maiq thun ka ajiipbaiq wan nguli mirhan nguta asaphai. Naishiq raq ara klokai ka, namshiq ma haisitsi ma phiip laita klokai. Naishiq raq naishiq miisaq tiichhii wan miitu klokai.

JOSHUA 9:9

Kiijiishe, tsangshiq raq akhiishe phankuqto: “Shiilangwe lei, naishiq ka mung luhea maq akihai. Jamkhano ngukla, naishiq raq, Tatiwe üm Shiikeawe tsütsa ka taikai. Apaiq raq Ejip mung na jamlai wa shamtaq kra wiita taikai.

PHOWEBI 7:14

Kiijiishe akongtiwe raq treto, “Arka Israilnok nepjasai. Joash se Gideon kra malaü! Shiikeawe raq apaiq ma nashiq Midiannok nai phenlabi ka wiita tiitang kuqto she!”