JOSHUA 2:9 - Hawa Naga Bible 2001

⁹ tsuingnueyc muex ngoc, “Yehowa rueq nuimshiq muex vruex mungx kuex kuq tueq lvmz ngaz rueq tuiuz yaq. Vruex mungx wuinz kuex nuimshiq muex hisungx wuez yaq.

ASII LAKDAP Bible (BSI)

⁹ Raüta apaiq raq, “Ngi raq asap ha, Tatiwe raq namshiq ma naimung arka kiinong kuqbaiqto she. Armungti maiq wiita ka namshiq hai ma phiip riishe tsaitlo.

JOSHUA 2:9 Referencias Cruzadas

RAPHA HIQWA LAK 35:5

Yaku nuiyc vsaz hez kvmaq luiuz wvnc tueq nuex, kvruex tvroz nuex httax yaq ghaq wuinz htenc kuex pinhtumc hiyaz wuez vtueq, tsuinghez kuex yurc vtueq khvt khvmc muq.

2 SAMUEL 17:10

M-waz kuex rv-khvt rvlungc nuex shvrvyx yungx rvtueq, piq nolaungx bix muinz tv-nuip tv-nulx khvt jix hez rvtueq kuex Israel miqsaz ruip rawx rueq tuiuz yaq ningkhvnc nuex, hangsic ikhoc hisungx thuinz vguez maq khvmc hvlc jix miq doc muinz vhiz rvwuez yaq.

2 HOKHVMX 5:15

Piq kuex vmiq hez lotlaz rulc vdvmz Elisha kox nuex yek waung vtueq, “Majuiuc kuex Israel Tishox maq lvy vtueq vganc tishox vguez kuex ngaz rueq tuiux tauk shex; kvkhoc rvtueq jiyungx waz lex, kejux maq ngaz rueq yauk noalc kuq vphaungx kuex thoz koq,” ngoz tueq jungx tueq.

2 HOKHVMX 7:6

Yehowa rueq nolaungx daungx yungx nuex mvre htenc, nolaungx renc htenc maq buk wvnc yaq ikhoc tvruingc kuex Siria miqsaz muex tvtay vtueq, Israel hokhvmx rueq tsuinghez kuex khvt tvkoc Hitti nuiyc Ejip hokhvmx htenc kuex ralx khvt muex nuic tueq ngoz tueq rvwvl wuez tueq.

NEHEMIA 6:16

Kvruex thaungc kuex tvroz nuex httax yaq mungtan htenc wawc nuiyshiq ralx hez rueq tay vtueq, vruex yauk shuimc kuex Tishox rueq romc kuq yaq lvmz miq ruip rawx rueq tuiuz wvnc wuez tueq, tsuingshiq htvlx phawc sumx wuez tueq kuex kvhelc wuez tueq.

ESTHAR 8:17

Hokhvmx waz bomc tvdvy phvlc luik wvlc tvtay kuq tueq mungx ruip rawx nuiyc ghaqyungx ruip rawx nuex vbvmc raungnuiyq phuiuz svy moalx tvhungx ruiux kokez raungc raq wuez tueq. Vganc miqsaz htenc paunghvlc kuex tsuingshiq muex hiyaz ningkhvnc nuex Yuda miqsaz muex yaungx wvnc wuez tueq.

YOBA 19:25

Yuq muinz raungmungx wawc washiz shiz rueq tvsuip nuex ngaz kuex tvkhup wungx wvnc tvkoc httuiuc kaz yaq kuex ngaz rueq tuiuz yaq.

Tvtsvmc 112:10

Layx bac jix htenc rueq kvruex lvmx kuex khiz vtueq thuinkhaq wuez yaq; tsuingshiq kuex wac tvtsuir vtueq thuinbac wvnc ruiux; tsuingshiq rueq tvluimc yaq lvmx htenc kuex pattup moz wvnc tuex.

Tvtsvmc 115:16

Raungmungx kuex Yehowa rueq dvyx guimz yaq, yuq muinz ghaq kuex miqsaz muex kuq tueq.

DUNGWVNC 18:11

Ejip miqsaz htenc rueq Israel miqsaz htenc muex kvkhoc wvlc guez waqguez ruez tueq nuex, vpiq rueq vkhoc shuimx wvnc tueq ningkhvnc nuex Yehowa kuex tishox htenc lotlaz htauk nuex pinhtumc vyungx yaungx yaq kuex majuiuc ngaz rueq tuiuz tauk shex,” ngoz tueq jungx tueq.

DUNGWVNC 23:27

“Nuimshiq khawc lvlc jix miq htenc kuex ngaz muex hiyaz wuez tuex; nuimshiq rueq khvt wvnc shuinx miq htenc kuex ngaz rueq tvmvruz raung vtueq, nuimshiq muex ralx yaungc jix lotlaz kuex tvyek tvpanc gay shaungx.

THARC TVLUINGC 8:12

Mvrax kop yaq waz kuex vbac khuec vkhac lauk shashiz yaq ruiux muinz tvraungx shauk dvyx httax yaq. Oh rvtueq, tsuingshiq rueq vkhoc jungx yaq kvjaz kuex ngaz rueq tuiuz tauk: “Tishox kvjaz kuex phvnx ruiux yuq, phvnx ruip saz kuex vlvmx rvwvnc tuex,

ISAIA 19:1

Vruex kuex Ejip nuex seng yaq bomjungc rvtueq. Yehowa kuex phuemx nuex ngaungc vtueq Ejip nuex yauk lox maq kaz yaq. Ejip yac yuimx htenc kuex vpiq khaungkac nuex kvkhuirc vtueq, Ejip miqsaz htenc khvmc thuinz kuex sumx wvnc tuex.

ISAIA 23:5

Tire ghaq bac kaz tueq thaungc kuex tsuinghez rueq tuiuz tueq nuex, Ejip miqsaz htenc doc muinz kawc yawc vtueq hiz kvkhuirc wuez yaq.

JEREMIA 27:5

“Ngaz yungx luz vtaungx luimc vkawc nuiyc hungc vlaungc maq ngaz rueq mungkawx muinz, miq muinz, ghaq htauk nuex httax yaq ngvmx saz lotlaz muinz tvdung sung taq tauk; ngaz rueq vthvl wvnc miq ukhaq muex muinz ngaz rueq kuq vshaungx.

NAHUM 2:10

Ninewe kuex tvbac gay tueq, tuip gay shec tueq, kuiyqshuik kuiyq khvmx yaungx tueq! Hisvy thuiuz muex thuinz vmungx yuimx wvnc khvm-khvmz; laungkuix htenc kvkhuirc dvn-dvnz, hungc vlaungc vguez; htvlx phawc htenc luiz lep lep shex.

WEAWEA 20:14

Moshe rueq Kadesh hong maq Edom hokhvmx kox nuex thaungc tvtay kay miq tvkaz tueq. Thaungc jungc jix rueq Edom hokhvmx muex ngoc, “Vruex bomjungc kuex mnoz muex taungnyuing sanox Israel miqsaz kox wawc rvtueq. Nuiyshiq kuilc daz htemc rvmc mtanc khvnc wuez rvhumc wvnc tiq lvmz kuex mnoz rueq tuiuz yaq,

WEAWEA 20:24

“Arun kuex vthueyc shex rvtuex, piq kuex Israel miqsaz muex ngaz rueq bomkhvmc vkuq mungx nuex nyuip lvp tuex rvmuq; yvmx khoc lac ngoz ruiux lec nuimnueyc rueq Meriba maq ngaz rueq nvr phaungx tueq ngvy kvjaz phvnx muit ningkhvnc nuex rvtueq.

Matthew 20:15

Ngvy kuimphox kuex ngvy thuinroc shuimc mvy yaq rvmuq haz? Ngvy thuinroc shuimx shaungx lvmx kuex mkhunc nyerc haz sac yaq nguinx?’” ngoz tueq jungx tueq.

TRI CHONGKE 11:25

Yehowa nuimshiq Tishox rueq nuimshiq httuiuc wvnc tuinx baung ruip saz wawc miq htenc kuex tvhiz yaz wvnc shuex, vpiq bomkhvmc httax yaq rulc rv-ngvlc uraq muinz nuimshiq kuex gawx gay lot muq.

TRI CHONGKE 2:25

Majuiuc raungnuiyq baung ruip saz wawc miq htenc kuex nuimshiq muex kawc yawc hisungx tvkoc ngaz rueq ruez shaungx. Nuimshiq muingc jungc kuex tay ruiux dvyx miq tek hiyaz kvkhuirc wuez tuex,’ ngoz tueq jungx phuex.

TRI CHONGKE 28:10

Kvruex yimaq nuimshiq kuex Yehowa rueq vthvl taq vpiq miq rvtuit lvmz kuex mungkawx miq htenc rueq khiz vtueq tsuingshiq kuex nuimshiq muex hiyaz wuez tuex.

TRI CHONGKE 32:8

Johvlc Pinhtumc Waz rueq miq phvnx htenc muex tsuingshiq ghaqruiy htenc muinz; miq htenc httaz ngaungc juing mungx htenc muinz phvlx kuq tueq nuex, Vpiq rueq Israel sahez muingc wvlc kuex tv-phvnc, miq htenc muex ghaqruiy ruiy kuq shec tueq,

Hebrews 11:31

Kvmluimx vtueq Mephex nyuiuz Rahab rueq Israel miqsaz vsisunx jix kuex vhvlx waq malc wvnc ningkhvnc nuex, Tishox kvjaz tay phvnx muq jix miqsaz rulc vdvmz nuex thvy gay rvhumc muq.

JOSHUA 2:11

Kvruex thaungc htenc kuex nuiyshiq rueq lvmz lvy dvyx tay vtueq hisungx wuez vtix; nuimshiq ningkhvnc nuex nuiyshiq kuex thuinbac vtueq hungc vlaungc yomx wuez yaq. Yehowa nuimshiq Tishox kuex raungmungx nuex muinz, ghaq htauk nuex muinz Tishox rvtueq.

JOSHUA 2:24

“Vsuingc suing Yehowa rueq naungshiq muex kvruex mungx wvmungx tuimx kuex kuq phuex shex. Mungx miqsaz lotlaz naungshiq muex hisungx wuez yaq,” ngoz tueq jungx tueq.

JOSHUA 2:8

Sisunx jix nueyc max kvtsoalx shauk nuex Rahab kuex yuimx wux khux htauk nuex duiz woz vtueq,

JOSHUA 5:1

Israel miqsaz rueq Yodan ruilx yanc wvnc lot nuex httuiuc laz Yehowa rueq Yodan ruilx tvruic gay tueq lvmz, Yodan ruilx maq shalx nyuip kox nuex httax yaq Amori hokhvmx bix lotlaz nuiyc Svmuktvrax Mediteranean kawx nuex httax yaq Kanaan hokhvmx bix lotlaz rueq tay lvp wuez tueq. Israel miqsaz ningkhvnc nuex tsuingshiq kuex hiyaz kawc yawc wvnc wuez vtueq thuinbac thuinz htumx wuez tueq.

JOSHUA 6:2

Yehowa rueq Yoshua muex ngoc, “Ngaz rueq Yerikho ghaq nuiyc kvruex wawc hokhvmx waz tauk, hungc vlaungc httaz hvlc nolaungx bix lotlaz kuex m-yauk nuex lekuq phaungx.

JOSHUA 9:10

Yodan ruilx maq shaldungc kox nuex httax yaq Amori hokhvmx wanueyc rvtueq, Ashtarot httax yaq Heshbon Hokhvmx Sihon nuiyc Bashan Hokhvmx Oga hez kuex yvmx khoc lac khvt gay wvnc tuinx lvmx muinz nuiyshiq rueq tay tiq.

JOSHUA 9:24

Tsuingshiq rueq, “Jiyungx waz lex, nuimshiq nyuip wvnc tuit nuex nuimshiq muex vruex mungtan wvtaungx kuq gay ruiux, kvruex mungtan nuex httax jix miqsaz htenc kuex thvy gay tvkoc Yehowa m-Tishox rueq vpiq nvrc waz Moshe muex nvr shec tueq kuex vsuing doc rvtueq lvmz nuiyshiq rueq tuiuz lvp tiq ningkhvnc nuex nuiyshiq rueq kvkhoc ruez itiq. Kvruex dvyx muinz rvmuq nuiyshiq rullungx tvkoc kvhiz sungx kawc yawc vtueq kvkhoc ruez vshix.

JOSHUA 9:9

Kvkaq tsuinghez rueq vkhoc phvnx jvnx kuq tueq: “Nuiyhez rueq Yehowa m-Tishox ngauz vngax thaungc kuex tay vtueq lvmx luz mungx maq kaz rix. Ejip mungx nuex vpiq rueq shuimx wvnc tueq htenc muinz,

PHOWEBI 7:14

Vkungjix waz kvraq muinz, “Kvruex wanx phux kuex Israel miqsaz Joash saz Gideon yaung rvtueq! Wanx phux kuex vganc nuex vlvmz jalc mvy muq! Tishox rueq Median miqsaz nuiyc naungshiq nolaungx daungx htenc kuex taungx gay juing piq muex kuq tueq,” ngoz tueq jungx tueq.