JOSHUA 2:10 - Hawa Naga Bible 2001

¹⁰ Nuimshiq Ejip mungx maq kaz wvnc tuit nuex nuimshiq khaungx tvmax wawc Yuix Shawx Jumx kuex Yehowa rueq mkhoc lac tvruic gay tvnx kvmuinz, Yodan ruilx maq shaldungc kox nuex httaz jix Amori hokhvmx waz nueyc Sihon nuiyc Oga kuex nuimshiq rueq yvmx khoc lac thvt gay tuit kvmuinz nuiyshiq rueq tay tiq.

ASII LAKDAP Bible (BSI)

¹⁰ Jamkhano ngukla, namshiq ka Ejip mung maq laü wan lan akhing na, Tatiwe raq namshiq wawan miitu lam tanke wan, Khamshii khamjong rai kra wiita shinriiq trübaiqto nguta tsütsa ka taikai. Kiimaq ara Jordan rai reko binjü wiiq na siti Amoraiq mungti hokhamwe nai Sihon hokhamwe nai Ok hokhamwe kriimin, namshiq raq long wan lanta jamkho tiimiqchup jiipbaiq wan lan kriimin naishiq raq tsütsa ka taikai she.

JOSHUA 2:10 Referencias Cruzadas

Tvtsvmc 74:15

Mnoz rueq yuix tumz htenc nuiyc yuix saz ruilx htenc kuex tvkaz ruiux, yuix yungx ruilx htenc kuex tvruic gay toq.

WEAWEA 20:14

Moshe rueq Kadesh hong maq Edom hokhvmx kox nuex thaungc tvtay kay miq tvkaz tueq. Thaungc jungc jix rueq Edom hokhvmx muex ngoc, “Vruex bomjungc kuex mnoz muex taungnyuing sanox Israel miqsaz kox wawc rvtueq. Nuiyshiq kuilc daz htemc rvmc mtanc khvnc wuez rvhumc wvnc tiq lvmz kuex mnoz rueq tuiuz yaq,

WEAWEA 23:22

Tishox rueq tsuingshiq kuex Ejip mungx wawc tvdung shvlx laq tueq; Tsuingshiq kuex manx tsvy ikhoc hungc vlaungc httaz hvlc.

WEAWEA 24:8

Tishox rueq tsuingshiq kuex Ejip mungx wawc shvlx laq tueq; Tsuingshiq kuex manx tsvy ikhoc hungc vlaungc httaz hvlc. Tsuingshiq rueq ralx htenc kuex khvt gay tueq, Kvruex hez ruk vrawz htenc kuex tvhuyx tvhut tvbunx gay ruiux, laqsvnz htenc kuex tawk gay wuez tueq.

TRI CHONGKE 2:30

“Yuq muinz Hokhvmx Sihon rueq naungshiq muex piq mungtan maq yanc wvnc tvkoc kuq muq. Yehowa nuimshiq Tishox rueq kvruex waz khux poz kuex tvtsanc kuy ningkhvnc nuex naungshiq rueq piq kuex khvt taungx gay ruiux piq mungtan kuex nyvlc lvp wvnc vtueq majuiuc raungnuiyq nuex httuiuc laz httax ngaungc vtix.

JOSHUA 24:12

Nuimshiq waung wvnc tuit nuex Amori hokhvmx waz nueyc kuex yurc gay tvkoc tsuingshiq yix nuex kvhiz juing phvnx ngaz rueq tvkaz tauk. Nuimshiq yaung htenc nuiyc laq htenc maq taungx wvnc tuit rvmuq.

JOSHUA 4:24

Yvmx khoc lac ngoz ruiux lec mungkawx miqsaz ruip rawx rueq Yehowa luimc vkawc mtanc khvnc lac yungx yaq nguinx lvmz kuex tuiuz wvnc vtueq, Yehowa nuimshiq Tishox muex mkaq muinz hiyaz tvtsanc nganc wvnc wuez shuex,” ngoz tueq jungx tueq.

JOSHUA 5:1

Israel miqsaz rueq Yodan ruilx yanc wvnc lot nuex httuiuc laz Yehowa rueq Yodan ruilx tvruic gay tueq lvmz, Yodan ruilx maq shalx nyuip kox nuex httax yaq Amori hokhvmx bix lotlaz nuiyc Svmuktvrax Mediteranean kawx nuex httax yaq Kanaan hokhvmx bix lotlaz rueq tay lvp wuez tueq. Israel miqsaz ningkhvnc nuex tsuingshiq kuex hiyaz kawc yawc wvnc wuez vtueq thuinbac thuinz htumx wuez tueq.

JOSHUA 9:10

Yodan ruilx maq shaldungc kox nuex httax yaq Amori hokhvmx wanueyc rvtueq, Ashtarot httax yaq Heshbon Hokhvmx Sihon nuiyc Bashan Hokhvmx Oga hez kuex yvmx khoc lac khvt gay wvnc tuinx lvmx muinz nuiyshiq rueq tay tiq.