JOSHUA 2:11 - Hawa Naga Bible 2001

¹¹ Kvruex thaungc htenc kuex nuiyshiq rueq lvmz lvy dvyx tay vtueq hisungx wuez vtix; nuimshiq ningkhvnc nuex nuiyshiq kuex thuinbac vtueq hungc vlaungc yomx wuez yaq. Yehowa nuimshiq Tishox kuex raungmungx nuex muinz, ghaq htauk nuex muinz Tishox rvtueq.

ASII LAKDAP Bible (BSI)

¹¹ Naishiq raq kra tsütsa ka tailaita, naishiq ka pinthum atiikhairokrok she hai wan kai. Naishiq ka namshiq ma haima, tsitsü min dong mak she. Tengto. Namshiq Tatiwe Shiikeawe ka ramungtan nai mangjong hiq ara rümti dea.

JOSHUA 2:11 Referencias Cruzadas

1 HOKHVMX 8:60

Kvkhoc rvtueq Yehowa vshiz dvyx Tishox rvtueq lvmz nuiyc vganc tishox vguez lvmz kuex mungkawx miqsaz rueq tuiuz wvnc shuex.

2 HOKHVMX 5:15

Piq kuex vmiq hez lotlaz rulc vdvmz Elisha kox nuex yek waung vtueq, “Majuiuc kuex Israel Tishox maq lvy vtueq vganc tishox vguez kuex ngaz rueq tuiux tauk shex; kvkhoc rvtueq jiyungx waz lex, kejux maq ngaz rueq yauk noalc kuq vphaungx kuex thoz koq,” ngoz tueq jungx tueq.

NEHEMIA 6:16

Kvruex thaungc kuex tvroz nuex httax yaq mungtan htenc wawc nuiyshiq ralx hez rueq tay vtueq, vruex yauk shuimc kuex Tishox rueq romc kuq yaq lvmz miq ruip rawx rueq tuiuz wvnc wuez tueq, tsuingshiq htvlx phawc sumx wuez tueq kuex kvhelc wuez tueq.

ESTHAR 8:17

Hokhvmx waz bomc tvdvy phvlc luik wvlc tvtay kuq tueq mungx ruip rawx nuiyc ghaqyungx ruip rawx nuex vbvmc raungnuiyq phuiuz svy moalx tvhungx ruiux kokez raungc raq wuez tueq. Vganc miqsaz htenc paunghvlc kuex tsuingshiq muex hiyaz ningkhvnc nuex Yuda miqsaz muex yaungx wvnc wuez tueq.

Tvtsvmc 102:15

Miq phvnx htenc rueq Yehowa muex tvtsanc nganc wuez shuex; mungkawx wawc hokhvmx lotlaz kuex vpiq luimc vkawc muex hiyaz wuez tuex.

Tvtsvmc 22:14

Ngvy hungc vlaungc kuex ghaq htauk nuex yuix shvy gay shix ikhoc ruic wvnc tueq. Ngvy ruk vrawz htenc muinz lotlaz rvpek wvnc tueq; ngvy thuinz vmungx muinz rvp ikhoc yuimx wvnc vtuex.

Tvtsvmc 58:7

Tsuingshiq kuex ruic wvnc yaq yuix ikhoc mmoz wvnc kueq; lvmx nuex kemz yaq httuingx ikhoc tsuingshiq kuex vnyek nuiuz gay mrvhumc kueq.

Tvtsvmc 83:18

Mnoz dvyx Yehowa rvtoq lvmx nuiyc ghaq ruiykhuix lotlaz guimz lawc jix waz rvtoq lvmz kuex tsuingshiq rueq mtuiuz wvnc wuez shueq.

DUNGWVNC 15:14

Miq phvnx ruip rawx rueq kvruex thaungc kuex tay vtueq hiyaz kvkhuirc wuez tueq; Philistin miqsaz kuex kawc yawc wuez tueq.

DUNGWVNC 15:15

Edom mungx wawc walaungx bix kuex kvkhuirc hisungx wuez tueq; Moba mungx wawc hungc vlaungc vhttax jix htenc kuex kvkhuirc wuez yaq; Kanaan miqsaz kuex thuinz bac vtueq nulx wuez yaq.

ISAIA 13:7

Miq ruip rawx yauk htenc kuex nulx wvnc vtueq, kvruex hez kuex vtawz rvkaz wuez tuex.

ISAIA 19:1

Vruex kuex Ejip nuex seng yaq bomjungc rvtueq. Yehowa kuex phuemx nuex ngaungc vtueq Ejip nuex yauk lox maq kaz yaq. Ejip yac yuimx htenc kuex vpiq khaungkac nuex kvkhuirc vtueq, Ejip miqsaz htenc khvmc thuinz kuex sumx wvnc tuex.

EJEKIEL 21:15

Kvruex kuex ngvy miqsaz htenc khvmc thuinz kuex tvsumx gay ruiux tvhtuip tvrul gay shaungx. Ngaz rueq tsuingshiq ghaqyungx kuex raunglep ikhoc lep yaq yaung maq tvhiz sungx vtueq thvy gay tvkoc tvyoalc yoalx shex.

NAHUM 2:10

Ninewe kuex tvbac gay tueq, tuip gay shec tueq, kuiyqshuik kuiyq khvmx yaungx tueq! Hisvy thuiuz muex thuinz vmungx yuimx wvnc khvm-khvmz; laungkuix htenc kvkhuirc dvn-dvnz, hungc vlaungc vguez; htvlx phawc htenc luiz lep lep shex.

TRI CHONGKE 1:28

Nuiyshiq kuex kvruex mungx kvyuq yvmx ngoz tueq tvkay lac? Nuiyshiq kuex kvhiz vtix. Nuiyshiq rueq tvkaz tiq jix rueq jungc kuex kvruex mungx wawc miq kuex naungshiq htauk nuex muinz hungc vlaungc httaz hvlc, vyungc vloayc muinz yungc loayc hvlc, tsuingshiq kuex raungx nuex kvhtuy laz vruk ghaqshungc mungx nuex httax yaq. Pinhtumc yungc loayc hvlc miq kuex khiz shec tueq,’ ngoz tueq nuimshiq rvjungc phvnc wuez vtuinx.

TRI CHONGKE 20:8

“Vyungx vlaungx bix rueq hulawx, ‘Nuimhez nuex vhiz thuinz httax vtueq tharc htumx yaq jix miq vhttax haz? Httax ruiux yuq yuimx nuex m-yek waung kueq. Kvkhoc rvmuq ngoz ruiux kuex vganc jix thuinz tvbac kuq shuex,’ ngoz tueq jungx tueq.

TRI CHONGKE 4:39

Kvkhoc rvtueq Yehowa kuex raungx nuiyc ghaq Tishox rvtueq kuex rvwvl vtueq mkaq muinz nauk lauk gay kaz. Vganc tishox kuex vguez.

JOSHUA 14:8

Ngaz rulc vdvmz kay naungc jix hez rueq jungx tueq kuex naungshiq miqsaz tvhiz yaz juing kvjaz rvtueq. Yuq muinz ngaz kuex Yehowa ngvy Tishox kvjaz kuex tvmtuing maq raz tueq phvnx tauk.

JOSHUA 2:24

“Vsuingc suing Yehowa rueq naungshiq muex kvruex mungx wvmungx tuimx kuex kuq phuex shex. Mungx miqsaz lotlaz naungshiq muex hisungx wuez yaq,” ngoz tueq jungx tueq.

JOSHUA 5:1

Israel miqsaz rueq Yodan ruilx yanc wvnc lot nuex httuiuc laz Yehowa rueq Yodan ruilx tvruic gay tueq lvmz, Yodan ruilx maq shalx nyuip kox nuex httax yaq Amori hokhvmx bix lotlaz nuiyc Svmuktvrax Mediteranean kawx nuex httax yaq Kanaan hokhvmx bix lotlaz rueq tay lvp wuez tueq. Israel miqsaz ningkhvnc nuex tsuingshiq kuex hiyaz kawc yawc wvnc wuez vtueq thuinbac thuinz htumx wuez tueq.

JOSHUA 7:5

Ai ghaq jix rueq tsuinghez kuex yurc vtueq ghaqyungx palx kaluix maq svt wvnc tueq kanx yaz lvmx wvlex miq waz 36 thvt gay tueq. Kvruex yimaq Israel miqsaz htenc thuinz htumx vtueq hiyaz wuez tueq.

JOSHUA 9:24

Tsuingshiq rueq, “Jiyungx waz lex, nuimshiq nyuip wvnc tuit nuex nuimshiq muex vruex mungtan wvtaungx kuq gay ruiux, kvruex mungtan nuex httax jix miqsaz htenc kuex thvy gay tvkoc Yehowa m-Tishox rueq vpiq nvrc waz Moshe muex nvr shec tueq kuex vsuing doc rvtueq lvmz nuiyshiq rueq tuiuz lvp tiq ningkhvnc nuex nuiyshiq rueq kvkhoc ruez itiq. Kvruex dvyx muinz rvmuq nuiyshiq rullungx tvkoc kvhiz sungx kawc yawc vtueq kvkhoc ruez vshix.

Revelation 6:16

Tsuingshiq rueq kuz vkanx htenc nuiyc lungrauk htenc muex, “Nuiyshiq htauk nuex kuimc wvnc vtueq hoc daungraungc htauk nuex ngaungc yaq waz htvlx kuex kvkhic muq tvkoc nuiyc Khelbuenx Saz thuinkhvy kvdaungc muq tvkoc nuiyshiq kuex tvkhup wungx kuq wvnc loq!