JOSHUA 2:12 - Hawa Naga Bible 2001

¹² Ngaz rueq nuimnueyc muex menjenc vtueq tvluenx phaungx vkhoc, iyuimx wuinz htenc muex muinz menjenc kuq phix ngoz tueq majuiuc vpiq muex kvtuemc kuinz. Ngaz nuimshiq muex kvmx laz juing hakhix phvnx shishiz kuq shec kuit.

ASII LAKDAP Bible (BSI)

¹² Riita, ümchaü min, ngi raq namnai ka jamkho lungwii tsantsii maq khrum kuq kang, kiikhiisii hali, namshiq riimin, ngi nai ijamtitiim ka mikhrum hai nguta apaiq mang na ngi raq kamli chang sinkham miithii kii shongthü ronglaq.

JOSHUA 2:12 Referencias Cruzadas

RAPHA HIQWA LAK 21:23

Kvkhoc rvtueq mnoz rueq ngaz muex muinz isaz hez muex muinz guirguenz mauk ngoz tueq, Tishox khaungkac nuex kvtuemc kuiuz. Ngaz rueq mnoz muex tvmtuing taq vphaungx kvkhoc mnoz rueq ngaz nuiyc mnoz httax vtuiux mungx vruex htauk nuex tvmtuing httax taungx ngoz tueq bomkhvmc shuiuz,” ngoz tueq jungx tueq.

RAPHA HIQWA LAK 24:3

Mnoz rueq isaz tvkoc miq kuex Kanaan miqsaz wawc thuiyx kuq mauk ngoz tueq, raungx nuiyc ghaq Yehowa Tishox muingc ruingc vtueq kvtuemc kuiuz.

RAPHA HIQWA LAK 24:9

Kvkhoc rvtueq Abraham nvrc waz rueq vyauk kuex vjiyungx waz wex khung nuex taq vtueq, mnoz rueq nvr phux htenc kuex shuimx kaz shaungx ngoz tueq kvtuemc jungx tueq.

RAPHA HIQWA LAK 40:14

Yuq muinz mnoz rueq lvp luz wvnc yek shuiux kvkaq ngaz muex nauk lauk kuq vkueq, hokhvmx waz mvnz nuex ngvy lvmz vruex jungx kuq vtueq khoktep vwawc dungc tvkoc romc kuq koq.

2 KAÜWA WERAÜ 36:13

Zedekia kuex Tishox muingc maq piq muex tvtuemc vtueq tvkhvmc tueq Hokhvmx Nebukhadnezar kuex khawx lvlx tueq. Piq kuex thuinz kvlayc vtueq Yehowa Israel Tishox kox nuex kvyez tvkoc tvlvlc tueq.

ESTHAR 8:6

Ngvy miqsaz htenc htauk nuex httuiuc tuex vkuilc vdaz kvmuinz, ngvy taungnyuing sanox shauk htenc thvt gay kvmuinz, ngaz rueq yvmx khoc laz lawc lot shaungx?” ngoz tueq jungx tueq.

DUNGWVNC 12:13

Nuimshiq httax vtuinx yuimx kaluix nuex nyvt taq shec tuit tvguiy kuex tvtsuingc juing hakhix muex yaungx tuex. Ngaz rueq tvguiy kuex khiz ruiux yuq, nuimshiq kuex lvy shec ruiux, Ejip miqsaz kuex murx tvgurc shaungx yuq, nuimshiq kuex heq mauk.

JEREMIA 12:16

Tsuingshiq rueq Bala muingc jungx vtueq kvtuemc tvkoc ngvy miqsaz htenc muex tvluing kuq wvnc tueq rulc rv-ngvlc, tsuingshiq thuinz vmungx lotlaz maq ngvy miqsaz htenc nawk palx htungx kuex lvp wvnc vtueq, ‘Yehowa vtvraungx,’ ngoz tueq kvtuemc ruiux yuq, tsuingshiq kuex ngvy miqsaz htenc nuex lomx vtueq rungwanx wvnc wuez tuex.

Mark 14:44

Yesu kuex ralx yauk nuex lekuy gay jix waz rueq, “Ngaz rueq shup shaungx waz kuex nuimshiq rueq roc vshuinx waz kvruex rvtueq. Vpiq kuex lvp vtueq rvkhauk laz shvlx wvnc shuinz,” ngoz tueq vlvp kay jix hez muex helc juing phvnx shiz kuq tueq.

Romans 1:31

vhvlx vbac tuiuz thuinz vguez jix, tsuingshiq bomkhvmc taq muq jix, lungwawc menjenc thuinz vguez jix htenc rvtueq.

1 Timothy 5:8

Yuq muinz miq vshiz shiz rueq miqmac taungnyuing sanox, miqmac yuimx wuinz ranc jix muex shvlix lawx kuq muq waz kuex kvmluimx lvmz tvdux gay jix waz ningkhvnc nuex, kvmluimx muq jix htauk nuex muinz bac hvlc waz rvtueq.

James 2:13

Yvmx khoc lac ngoz ruiux lec Tishox rueq menjenc thuinz vguez jix waz muex menjenc thuinz vguez maq phox kuq shuex: yuq muinz menjenc kuy lvmx rueq vphoc rvyaq kuex taungx gay lot yaq.

JOSHUA 2:13

Inyuiuz iwaz, iphuz inox hez nuiyc tsuingshiq taungnyuing sanox lotlaz kuex palc daungc lvmz bomkhvmc kuq shec kuit! Nuiyshiq kuex nauk tvthvt gay vkueq!” ngoz tueq jungx tueq.

JOSHUA 2:18

Vruex kuex mnoz rueq shuimc juing rvtueq. Mmungx vyuq nuiyshiq nyuip vtueq khvt wvnc shix nuex, majuiuc nvnueyc tvsvt vphux katvnc puc vyuq vruex ruiuz shawx loz vruex pauk taq shec shuiuz. Mnyuiuz m-waz nuiyc mphuz mnox hez mphvnx mmaq htenc kuex m-yuimx vyuq tvtuimx taq shuiuz.

JOSHUA 2:19

Ukhaq yuq muinz yuimx vwawc yuz phic nuex dungc kay jix kuex piq thueyc lvmx kuex piq rueq yaq gay mvrax ningkhvnc nuex rvtuex; yuq muinz mnoz rulc vdvmz nuex yuimx mungx vyuq wawc tvthuiuz sac rvhumc ruiux yuq kuex nvnueyc muex seng yaq.

JOSHUA 6:22

Kvruex yimaq Yoshua rueq kvruex mungx kuex tvhelc kaz tueq sisunx jix wanueyc muex ngoc, “Mephex nyuiuz yuimx nuex kaz vtueq, piq muex nuimnueyc rueq bomkhvmc taq shec tuit rulc rv-ngvlc, piq nuiyc vyuimx wuinz htenc kuex gvl laq luit,” ngoz tueq jungx tueq.

JOSHUA 9:15

Yoshua rueq Gibeon miqsaz rulc nomic rvyaungc luik kuex wuiyq ruiux tvraungx taq tueq. Israel miqsaz walaungx bix rueq muinz nomic luik kuex mphaungx ngaungx kueq ngoz tueq bomkhvmc taq tueq.

PHOWEBI 1:24

kvruex waz muex, “Ghaqyungx kvyuq mkhoc maq nyuip juing lac nuiyhez muex tvkhic kuq koq, ngoz ruiux mnoz kuex nuiyhez rueq tvthuiuz sac miq,” ngoz tueq jungx tueq.

1 SAMUEL 30:15

Dawid rueq, “Kvkhoc tvbac httak jix hez httax yaq kvyuq ngaz kuex mnoz rueq shvlx kuq phux haz?” ngoz tueq wiz tueq. Piq rueq, “Mnoz rueq ngaz thvt gay muq, ngvy jiyungx waz yauk nuex muinz lekuq gay muq lvmz, Tishox muingc maq bomkhvmc taq ruiux kuex mnoz muex lvmx shvlx kuq phaungx,” ngoz kuq tueq.