JOSHUA 2:12 - ASII LAKDAP Bible (BSI)

¹² Riita, ümchaü min, ngi raq namnai ka jamkho lungwii tsantsii maq khrum kuq kang, kiikhiisii hali, namshiq riimin, ngi nai ijamtitiim ka mikhrum hai nguta apaiq mang na ngi raq kamli chang sinkham miithii kii shongthü ronglaq.

Hawa Naga Bible 2001

¹² Ngaz rueq nuimnueyc muex menjenc vtueq tvluenx phaungx vkhoc, iyuimx wuinz htenc muex muinz menjenc kuq phix ngoz tueq majuiuc vpiq muex kvtuemc kuinz. Ngaz nuimshiq muex kvmx laz juing hakhix phvnx shishiz kuq shec kuit.

JOSHUA 2:12 Referencias Cruzadas

RAPHA HIQWA LAK 21:23

Kra ningkhan ümchaü ümniiraq Shiikeawe man na, ümniiraq ngi ka kiimaq isetiim ka, kiimaq isaütiim thun kra laolii maü mirhaü nguta sinkhamlaq. Ngi ka ümniirai silu riija ramkhap toshat maq siwan kang. Kiimaq ümniiriimin silu riija ramkhap ka ngi ma thüshat silaü kiimaq ümchaü ümnaq sitlaü armung arma toshat mithüha nguta kiqkhamlaq.”

RAPHA HIQWA LAK 24:3

Laüta ümniiraq ara Kanan mung sheare phong wa ise ma achak ka lamkuq mang nguta Tatiwe, ramungtan nai mangjong hiq Shiikeawe mang na sinkhamlaq.

RAPHA HIQWA LAK 24:9

Krai mren she, ajaqshi se raq ajaq ka atijongwe Abraham wütong wiinai heawea na tiiweto. Raüta Abraham raq jamlai bom wa thaütaq kra mishamha nguta sinkhamto.

RAPHA HIQWA LAK 40:14

Shatmaq ümniima phanrap rahiq ahea she saü wan kiiphaüla, mangchan laüta, ngi ariiri ümtsan na tiitsang laq. Kiimaq mangchan laüta ngi miitu ri hokhamwe ma bom ka tiitai chonglaq. Laüta ngi ka ara phaqtek mong wa dongho miitu khrumlaq.

2 KAÜWA WERAÜ 36:13

Jedekia raq Hokhamwe Nebukadnejar puk wa dongho mat tanto. Apaiq ka Hokhamwe Nebukadnejar raq Shiikeawe mang na apaiq wokhong na wanse ma jalata tsapkapkap misiha nguta shiitep raüta atiitum atiisi riito. Apaiq ka wanshak shak mra tiidii mak riito. Kiimaq Tatiwe Israilnok Shiikeawe puk na nyap wan mak ngiimto.

ESTHAR 8:6

Ajongwe lei, riita ija, ngi raq iphan imaq, inok ibin ka thenjen wan, kiimaq ita iwii ka jiipbaiq wan ka jamriim mo mimin wan ha, kiimaq jam makmo milii ha?” nguta Esthar raq hokhamwe ma tiipaiqnea chongto.

DUNGWVNC 12:13

Kilamchong pumpat na ngam tiijai nyattlan kriika namshiq sitlan jam thun ka pong na araibaiq miithii shong miraq. Krai mren ümtiikiiwa Ngi raq ngam tiijai ka michhiha, Ngi raq namshiq jam thun ka alea mirwanha. Kiimaq Ejip mungti tsat baiq wan tiikang na, Ngi raq namshiq ka tsat mang mitiihangha.

JEREMIA 12:16

Kiimaq tsangshiq raq maiqmii tsan nai mongjii wiita kuq raüta, isenginok raq shomnoqtlaq lamphan kra phan raüta, kiimaq tsangshiq raq, ‘Tatiwe ka atra sishat wiiwii’ nguta tiitum wan raüla, tsangshiq raq man na isenginok ma Baal phra mang na tiitum ronglaq nguta shrinkuqtaq kiikha tsangshiq riimin tiitum wan raüla, tsangshiq kiimin isenginok rai kongshi ma mijawan kiimaq chiithe lüwanok ma mija wan.

Mark 14:44

Matwe raq, rewebi ma bomhuk ka kongkhu na akha achongke wishe riito: “Ngi raq ümriiti theaphi niiwa lungwii riimei wan nü maq mishup kang, kriiwe ka namshiq raq rittlan we kra ngushat. Kriiwe ka lap lanta, kharü maq kha raü, hitho ronglaq.”

Romans 1:31

Tsangshiq tsantsii ka ama. Tsangshiq raq maiqmii kiqkham ka tiiku wan mak. Kiimaq tsangshiq raq, nanok ma lungwii tsantsii thü mak.

1 Timothy 5:8

Phungmaiqse ngu raü, jurwa mantiliihi, akhek ka jamtap rinti sitlaq, kra dunghiq mak maq, shishe tlaq jiika, kriiti ka Phungmaiqse rilung kamasham lamphan ka, baiq raüta sitlo ngushat. Kiimaq kiikhiiti ka thatsang maiqse nam miimin naolaq, ajiq pinthum sitlo.

James 2:13

Shiikeawe raq khapho akhing ranaiq na, jurwa kongti ma mangchan tiichhi mak dea riitaq, kriiti miika apaiq riimin mangchan tiichhikuq mak miraq. Shatmaq jurwa nanok ma, mangchan tiichhi kuqtaq, kriiti miika Shiikeawe riimin mangchan mitiichhi kuq.

JOSHUA 2:13

Namshiq raq inyung nai iwe kra, kiimaq iphu ino maiqwesetiim kra kiimaq inung inotiim jechaksetiim kra kiimaq tsangshiq jamtitiim tarü, namshiq raq tsatbaiq mai mitiiwong kuq hai nguta ngi ma kiqkham kuqthü ronglaq!” nguta Rahab raq tsangnai ma chongto.

JOSHUA 2:18

Kiitiina, ümniiriika akha riichang. Naishiq raq ümra akhing niiwa ara nammung ara long tiikai, kra akhing na, ara raüshiilo arka ümchaü ümniiraq nainai tiisat laü khetuk kitanpu arjaq chan laüta thülaq. Laüta ümnyung nai ümwe kiimaq ümphu ümnotiim thun ka, kiimaq ümjamtitiim tarü ümjam mong arjaq triitam laüta ngarong laq.

JOSHUA 2:19

Riita ara bom riikham tiikai arai mren, ümjamti phong wa maiq ashi ra ka ara ümjam mong arwa kinphai niila dongki raüla, kriiti khupo ka tsangshiq maiqmii riili miho. Naishiq ka sepii miraq. Shamtaq ümjam mong wa maiq ka tsat raüla, kra mat kha ka naishiq khuthaq na miraq.

JOSHUA 6:22

Raütiishe, Joshua raq siwenai kiima thaüto, “Namnai raq mephe nyung ma, bom khamkuq lan kra phan phan, apaiq jam kiina walanta, apaiq nai ajamtitiim ka kinphai na sheawa rongkiq.”

JOSHUA 9:15

Joshua raq Gibeon hiqti rai phuno riija tongshongto. Tsangshiq ka khat mak tiisito. Kiimaq Israilnok welabi riimin phuno riija tongshong tri ka samhea mithü rong i nguta phumram kham maq batkuqto.

PHOWEBI 1:24

Siwebi raq kra chela tho na maiq weshi ka chela maq ahin nü na kaiho chhito. Raüta apaiq ma, “Naishiq ma chela mong na nyapwa chang lam ka chongkuq laq. Kra haüla, naishiq raq ümniika tsatmai mirkai,” nguta bomhuk ka waito.

1 SAMUEL 30:15

Kiijiishe, “Ikhla ümniiraq kra rehuk kong kra phana ngi ka misheaho haü shea?” ngutiishe Dawit raq apaiq ma waito. Kiijiishe apaiq raq, “Ümniiraq ngi ka Shiikeawe mang na tsatbaiq mang, kiimaq itijongwe ma kiinong kuq mang, nguta kiqkham kuq haüla, ngi raq ümniika misheaho kang,” nguta Dawit bom ka treto.