JOSHUA 2:11 - ASII LAKDAP Bible (BSI)

¹¹ Naishiq raq kra tsütsa ka tailaita, naishiq ka pinthum atiikhairokrok she hai wan kai. Naishiq ka namshiq ma haima, tsitsü min dong mak she. Tengto. Namshiq Tatiwe Shiikeawe ka ramungtan nai mangjong hiq ara rümti dea.

Hawa Naga Bible 2001

¹¹ Kvruex thaungc htenc kuex nuiyshiq rueq lvmz lvy dvyx tay vtueq hisungx wuez vtix; nuimshiq ningkhvnc nuex nuiyshiq kuex thuinbac vtueq hungc vlaungc yomx wuez yaq. Yehowa nuimshiq Tishox kuex raungmungx nuex muinz, ghaq htauk nuex muinz Tishox rvtueq.

JOSHUA 2:11 Referencias Cruzadas

1 HOKHVMX 8:60

Krai mren, mangjong hiq na maiqmung thun sitlaq tlotli raq, Tatiwe apaiq kli dea Shiikeawe ka ngutiishe misap wan. Apaiq ka tlea raüta shiikea ahin ka ahüshe.

2 HOKHVMX 5:15

Kiimaq apaiq asengikong rai Elisha phana jang wanto. Raüta akha nguto, “Riita ümchaü kla ngi riimin, ara mangjong hiq niika laihin shiikea ka ahü, Israilnok Shiikeawe sitlaq kli dea nguta saptiikang. Arningkhan, shiilangwe lei, ngi raq kongphiq kuq tiikang arka tao laq.”

NEHEMIA 6:16

Riita, jaqsham ara ngut wanto she nguta nai mung tro tam na siti, naishiq ma chiqse rewenok maiq mung ahinti raq, kra tsütsa ka taito. Raüta tsangshiq ka pinthum ahai she riito. Kiimaq tsangshiq ka shut kai dea ngutiishe takto. Jamkhano ngukla, tsangshiq wiita raq, ara jaqsham ngut wan kai arka, Shiikeawe raq khrumke kha maq tang kai nguta sapto.

ESTHAR 8:17

Kriithaq niimin, Hokhamwe aming lak ka chiiriim wan wan maq, chela tek na, wangtek na tiitai phatkuqto. Krai mren, Jehudinok ka barap na shreng chochi poi hai ranaiq she hum wanto. Kiimahali phan hin mungmaiqse pahea ka Jehudinok ma hai ma, tsangshiq min Jehudinok miishe jawanto.

Tvtsvmc 102:15

Maiqmung thun raq Tatiwe ma mihaisong wan; mangjong hiq na siti hokhambi kunli raq apaiq ningkun ma mihai.

Tvtsvmc 22:14

Iningkun ka ahüshe, hiq na kham araübaiq ikha wiikito. Irok irii thun ka asiilii siisaq she; itsan ka simi kii ikha jokito.

Tvtsvmc 58:7

Tsangshiq ka chhokche kham kihotlaq ikha siirai mikiholaq; lam na acham sangphii hok maq nibaiqtlaq ikha minibaiqlaq.

Tvtsvmc 83:18

Tsangshiq raq ümniikli dea Tatiwe nguta misaplaq, mangjong tlotli pengti ajong pinthum nguta misaplaq.

DUNGWVNC 15:14

Maiq mung thun raq taito, raüta haisitsi ma tiikhaito; Philistainnok ka phiip riishe tsai wanto.

DUNGWVNC 15:15

Edom mung welabi phiipjiip wanto; Mob mung nola jongbi atiikhai riitlo; Kanan mungti tsangshiq tsaiji tiidoqto.

ISAIA 13:7

Maiqse angu wiita jaq ka riibat rang she anin mirki. Maiqse wiita jurmin khulot makshe miraq.

ISAIA 19:1

Arka Ejip mungti miitu tsütsa. Tatiwe ka Ejip mung na saühotlo, phum thaq na ngaraüta jaqlo thitthit kitlo. Ejip mung wa sumla phra phong apaiq man na atiikhai rokrok she haiwanto. Kiimaq Ejip mungti raq tsang tsaiji ka tiidoqto.

EJEKIEL 21:15

Ariiraq isenginok tsaiji ka tranbaiqtlo. Raüta akü alii tiithap thatlo. Ngi raq tsang chela ka rachhaitlaq ikha achai lüplüp nepja kra tiidoqsiq lata tiiphiip wan tiikang. Maiqjiipbaiq wan miitu khekham.

NAHUM 2:10

Ninewi ka botkhulai rai shotto! maiq thun wiita pinto! Hiqmiq changkhü miishe jato! Tsaihü jihü phiipjiip wanto. Tsanghok tsangjaq tiikhai rokrok; rok-hü riihü tiimelot mak. Tsang theaphi na tapkhu da, munjuk mijuk!

TRI CHONGKE 1:28

Nashiq ka kiijaq jam nguto miwa rong? Nashiq ka haisi. Nashiqnok siwebi kiina tiiwakai kriiti raq chongtlo, kra mung na siti maiq thun ka ahong alanok siisaq. Kiimaq nashiqnok thaq na ajong alu siisaq. Kiimaq tsangshiq ka chela thun na sitlo. Kra chela thun ka kiitelong maq ra tsan ra mong nyang na saüli li siisaq aruk. Kiimaq tsangshiqnok ka tum tintin chhiwataq nguwa!’

TRI CHONGKE 20:8

“Kiimaq phentubi raq phenlabi ma akha hali mingu, ‘Riita arjaq maiq weshi ra atsaiji aranti kiimaq ahai asongti maiq asi sha? Kiikhiiti maiq siraüla, apaiq ka jam niili mijang wanlaq. Kra riimakla, apaiq raq kongtibi tsaiji kra mitran.’

TRI CHONGKE 4:39

Kra ningkhan ümchaü ranaiq tsan na tiitsang ronglaq. Kiimaq ümtiikiimin naqlaq rongkiq. Tatiwe ka ramungtan na min Shiikeawe. Kiimaq ara mangjong hiq niimin Shiikeawe. Apaiq tlea raüta shiikea ahin ka jumin ahü she.

JOSHUA 14:8

Shatmaq, ngi rai wadamti siwebi ahinti raq nashiqnok ka atiihai khoti riito. Shatmaq ngi raq Tatiwe I Shiikeawe aming ka tsapkapkap langkang.

JOSHUA 2:24

Kiimaq tsangnai raq akha nguto, “Tengto, Tatiwe raq nashiq ma armung arka kiinong kuqto she. Kiijaq siti mungmaiqse ka, nashiqnok ma haima, phiip raq atsai sitlo.”

JOSHUA 5:1

Jordan rai maq shenyap mung nü na siti kunli Amoraiqnok hokhambi raq kiimaq Mediterenian Khamjongkii binjü mung thun na siti Kanannok hokhambi thun kunli raq, Israilnok kunli raq Jordan rai ka mijin wan lot shaq wiiwii, Tatiwe raq, Jordan rai kham ka tiisiirai tiisüroq trübaiqto; raüta jükok ka phiisü shinriiqriiq ma tiija baiqto nguta tsütsa ka taito. Tsangshiq ka Israilnok ma pinthum haito kiimaq tsaihü jihü she riito.

JOSHUA 7:5

Ai chelati raq Israilnok ka, chela kilamchong maq joho raüta, long piikii chang binjü kiina saüli johoto. Raüta kra lamhong binjü kiiwiili Ai chelati raq, Israilnok ka maiq roqtsamri wetrok tin tsatbaiqto. Kra ningkhan Israilnok ka tsaiji ajom she riito kiimaq ahai she riito.

JOSHUA 9:24

Tsangshiq raq treto, “Shiilangwe lei, naishiq raq akha jamto klokai ngukla, naishiq raq tengteng bom ka akha taikai, Tatiwe namshiq Shiikeawe raq ajaqshi se Mosheq ma, apaiq raq armung ara kunli namshiq ma kebaiq wan miitu aming ake kun she. Krai mren, namshiq raq armung ka long wan wan lanta, maiq thun ka ajiipbaiq wan nguli mirhan nguta asaphai. Naishiq raq ara klokai ka, namshiq ma haisitsi ma phiip laita klokai. Naishiq raq naishiq miisaq tiichhii wan miitu klokai.

Revelation 6:16

Tsangshiq raq aho anyi lam maq, ku akin thun kiima, “Naishiq ara hokham ngacho na ngati we maklii wa tiiwong kuq rong laq. Kiimaq Skuse tsankhiq walü wa kiiwa tiiwong kuq rong laq!