WEAWEA 23:23 - ASII LAKDAP Bible (BSI)

²³ Mintin riimin, awuq raü min, Israil mung thaq na tailot mak. Ümchaü maiqse raq Israilnok miitu akha mingu, ‘Liironglaq Shiikeawe raq jamlai wa shamtaq kra!’

Hawa Naga Bible 2001

²³ Israel phvnx httonx tueq nuex vlox phajic, ngvmc khic phaqjic kuex nyuip lot tuex rvmuq. Majuiuc kuex miq htenc rueq Israel lvmz kuex, ‘Lawc shuinz, Tishox rueq kvkhoc ruez gay tueq ix!’ ngoz tueq jungx wuez shuex.

WEAWEA 23:23 Referencias Cruzadas

RAPHA HIQWA LAK 3:15

Kiimaq Ngi raq jechak nyung nai ümnaq liipan na makshu rashe mitrii-riingengha. Apaiq laila nai ümlai ümla liipan na wranaiqshe wesang ralii she misi wan. Apaiq lai ala raq ümkhupo ka mitiibuntiiq. Kiimaq ümniiraq tsangshiq hokphi na mithaü haü.”

Tvtsvmc 31:19

Ümniiraq pinthum awang chang hupsam thütlaü, ümnaq shrengti maiqsetiim miitu! Maiq loweatek raq ümniika pinthum ahea nguta asap, ümniima kamtibi thun ka ümniiraq thep khupwong tlaü.

Tvtsvmc 64:9

Tsangshiq tarü ahai she miraq, Shiikeawe raq jamlai jaq wa shamtaq kra tsangshiq raq mitiima kiimaq apaiq jaqshamtaq thun kra michong.

ISAIA 41:4

Atinkhan arka juwero tiihong thalottla? Manphan ka juwero thapthi kuqta? Ngi, Tatiwe ka rapha hiqwa niiphü asi dongdii riikang, kiimaq Ngi, Tatiwe ka atiithum na saüli kiijaq asi mirha.

ISAIA 44:25

Ngi raq maiqjaq liitikong ka maiqjiq ma tiijabaiqkang; along bom tiithai thun ka tiibibaiqkang. Taksma bomchong ka Ngi raq khiibaiqkang, lata tsangshiq nyan bomtsi ka banbok mii tiijabaiqkang.

EJEKIEL 21:21

Bebilon hokhamwe ka kra lamhum riiphea chang miithii tiishongtlaq ba kiijaq chap raü miraq. Apaiq ka ümnii lamti maq kaichang wa kra sap miitu, apaiq raq liqsin kiite kra shan raüta abai miraq. Raüta apaiq raq apaiq sumla phra thun krai bom ka riiwaitlo. Raüta ngam ka ta raüta ngamtsan kriimaq lang ka liitlo.

DANIEL 9:15

“O, Tatiwe lei, naishiq Shiikeawe lei, ümniiraq ümsenginok ka Ejip mung wa tsuq wan laüta üm ningkun jong kra tiichhikuq wan laü. Krai mren, ümningkun jong ka ümchaü min tsan na tiitsang shat thütlo. Naishiq raq ngarai tang wankai; naishiq raq ashut klo wan kai.

Mikha 7:15

Tati lei, man na ümniiraq, naishiq ka Ejip mung wa, tsuq wan laü akhing na, jamkho amao chang, jaqsham pahea klo wan laü, ikhiisii ümchaü min naishiq miitu awang chang jaqsham kuq laq.

WEAWEA 24:1

Kra lak niika Tatiwe raq apaiq nangnga Israilnok ka shiiman ke raa dongdii nguta thaütlo nguta Balaam riimin asap wishe riito. Kra ningkhan apaiq raq kongkhu lak na kiikha lang liimak she riito. Apaiq ka kumtsaiphii wang nü nü kiina liito.

Matthew 12:25

Tsangshiq raq jamlai wa tiima tlaq kra heraüta, Jesuq raq tsangshiq ma akha chongto, “Ümra mungti wa maiqmii nai maiqmii liipan na riilong riiliiq maq sitlaq, kra mung ka alu ka tsing mak she ngushat. Kiimahali, ümra chelati wa lo, juta jamti wa tatso wawoli sitlaq, kra ta ka athen she mirki ngushat.

Matthew 12:27

Namshiq raq ngi ma, ngi raq Tha jobaiq tiikang arka Beljebul ningkun maq jobaiq tiikang nguta huk nyan tlan. Ahea na, riita ngi raq Tha ka Beljebul ningkun maq jobaiq tiikang jiika, namshiq sengibi ma tha jobaiq miitu ningkun ka jurshe wa kuq tla? Namsengibi jaqsham kra riili, namshiq ka ajiq dea bom tlan nguta tiishut tlo!

Matthew 16:18

Kriikha maq, ümchaü ngi raq ümniima chongtiikang; ümniika Petar. Ümniika longkaü she. Kiimaq ara longkaü arthaq na, ngi raq i phungtu ka mishong wan ha. Kiimaq ara phungtu shong tiikang arka atsai ningkun raq dongdii min tiimeshi lot mak miraq.

John 11:47

Krai mren, Phorisinok nai ramwe jongbi ka welabi rai ngongthun raüta bom ka akhiishe riiwaito, “Riita, ümchaü nashiq raq ara jamkhii riichang wa? Liimanta, apaiq raq atinkhan she awang chang jaqsham tlaq ara!

Acts 10:38

Najareth hiqti Jesuq ma Shiikeawe raq, Asii Wenyi nai ningkun ka asho awo kuqtaq kriimin ümniiraq asap haü. Krai mren, apaiq ka barap na khum raüta, maiqse ma jaqsham ahea pahea shamkuqto. Kiimaq Tha kharü mong wa maiq atsi asiti thun ka pahea tiihea kuqto. Shiikeawe ka apaiq rai asi kha maq, maiqse ma atin khan jaqsham ahea shamkuqto.

Acts 15:12

Krai mren, Barnabas nai Paul raq tsangnai lümaq, Shiikeawe raq Pongnok phan maiqse ma ümtinkhan wa awang chang nai amao chang jaqsham kuqtaq, kra tsütsa ka tiitai phanchan chongkuq wan kiita, ngongthunti kiimwebi nai phukhu welabi thun tarü raq bom ka sanglili maq tiitsang taito.

Acts 4:16

“Riita, welabi lei, nashiq raq arwe nai arka, jamkha she wa miraq rong i? Jerusalem na siti nokmaiqse tarü raq, ara awang chang pinthum ashi jaqsham wantaq arka, tsangnai riidea tiihea kuqto ngutri asapwi siisaq she. Ümchaü nashiq riika, tiihea mak dea ngutri trotlot mai she,” nguta bom ka riichongto.

Acts 5:12

Mungmaiqse liipan na kiimwebi raq awang chang nai amao chang jaqsham pahea sham wanto. Kamasham maiqse thun ka tsantsii ashi maq Solomon Jolitiip na riitam ngato.

Acts 5:14

Shatmaq, Tatiwe ma kamwanti maiq pahea maiqwere nai jechakre thun ka, tsangshiq phungtu kiijaq pong wan damto.

Romans 16:20

Kra riihan jiila, Shiikeawe, nashiq tarü khusang maq rüm wanti we raq, Thawe ka namshiq jitham takiq na tiibunlak mitiithenbaiq wan. Nashiq Tati Jesuq kaphap ka namshiq rai misilaq.

TRI CHONGKE 3:24

‘O Tati Rakaü Hiqwe lei, ngi raq asapha, ümniiraq ngi ma tiichhi kuq laü kriika ümniiraq jaqsham jonghea sham wan tlaü kiimaq awang chang jaq sham wan tlaü kriiwa, ralang apha wan lamlam se kli tiichhi kuq laü. Ümniiraq ningkun aheng maq jaq sham wan laü kriithun sham wanti phra ka ramungtan niimin ahü kiimaq mangjong hiq niimin ahü!

JOSHUA 13:22

Riita Israilnok raq tsatbaiqtaq phong niika Beor se, jaqliiti shammiwe Balaam kiimin tsatto.

Revelation 12:9

Kra ajong pinthum prenkaü ka, man niiwa paükaü nguta sitaq kriili. Apaiq ka Thawe riimak la Soitan ngutiimin ngutlo. Apaiq raq mangjong maiqse tlot li laolii wanto. Apaiq ka ra wa mangjong hiq na, akongti asengi rasekong rai tiidea baiqto.