NEHEMIA 4:7 - ASII LAKDAP Bible (BSI)

⁷ Shatmaq, Sanballat, Tobia, kiimaq Arabia hong na siti nok raq, Ammon hong na sitinok raq, kiimaq Ashdod hong na sitinok raq, naishiq raq Jerusalem chela ruk tiihea ka lot wan kai she nguta taito. Ruk heawea wa apu thun ka kunkun she tiitang wanto nguta taito. Kriikha na tsangshiq ka kai khiqriq wanto.

Hawa Naga Bible 2001

⁷ Nuiyshiq rueq Yerusalem ghaq palx ruk vshix lvmz nuiyc vpuc vruez kaz palx ruk htenc tvhvlc httuiuq wvnc lot vshix lvmz kuex Sanbalat, Tobia nuiyc Arab, Ammon, Ashdod miqsaz htenc rueq tay vtueq, tsuingshiq thuinz pinhtumc khaq raq wuez yaq.

NEHEMIA 4:7 Referencias Cruzadas

RAPHA HIQWA LAK 3:15

Kiimaq Ngi raq jechak nyung nai ümnaq liipan na makshu rashe mitrii-riingengha. Apaiq laila nai ümlai ümla liipan na wranaiqshe wesang ralii she misi wan. Apaiq lai ala raq ümkhupo ka mitiibuntiiq. Kiimaq ümniiraq tsangshiq hokphi na mithaü haü.”

2 HOKHVMX 24:2

Shatmaq Tatiwe raq man na ashammibi nübok maq Juda mung ka mitiithen baiqha nguta tiithai wantaq kra phan phan she, Tatiwe raq Juda mung ka tiithen baiq miitu, Bebilon mungti phenlabi, Siria mungti phenlabi, Mob mungti phenlabi kiimaq Ammon mungti phenlabi ka Jehoiakim khatkai tiikito.

2 KAÜWA WERAÜ 20:1

Kriimaq ashaqpuq sijai na, Mob mungti phenlabi, kiimaq Ammon mungti phenlabi ka Meunaiq mungti rai adam na pongraüta Juda mung ka khatto.

EJRA 5:8

“Riita, Ajongwe Chaü lei, naishiq raq ümniima tsütsa akhek ashi tiitai wan rotiikai. Naishiq ka Judia wang na kilaita liikikai. Kiimaq ajong pinthum Shiikeawe Shomjam kaü ka longdam jonghea hea kaü hit raüta tiihea hai wantlo chhiki kai. Kiimaq long khetuk niika pepen tipi maq hai wantlo. Riita ara chongtiikai, Shomjam arka thukhea tsomhea maq tiisap tiida raüta hai wan tlo. Krai mren, jaqsham ka pinthum athuk atsom wiq maq shamtlo. Kiimaq jaqsham ka pharang rang maq tlot wan wan shamtlo chhiki kai.

NEHEMIA 2:10

Shatmaq Beth Horon chela na sitiwe Sanballat raq, nai Ammon wang na sitiwe siihiipjong weshi, amang min Tobia nguta kra wenai raq, Israilnok mungmaiqse miitu jaqsham ahea shamketi maiq weshi she saühoto nguta, tsütsa ka taito. Raüta tsangnai ka pinthum makshu she khiqriqto.

NEHEMIA 2:19

Ara jaqsham ahang sürii wan tsütsa ka tai raüta, Sanballat, Tobia, kiimaq Arab phan wa maiq weshi, amang min Geshem ngutlaq kriiwetiim raq, naishiq ka shumtsü miitsü raütiishe shummii siqto. “Ei, riita, namshiq riika jamlai riihokai ngutiiwa tiima tlan? Namshiq ka ajong hokhamwe wokhong wa dongho lanta maiqmii wela jaho ngutiisha dan tlan?”

NEHEMIA 4:1

Riita Sanballat raq naishiq Jehudinok raq ruk khetuk tiihea hai jaqsham ka aheawiq miishe hai wan kai nguta tsütsa ka taito. Kra tai raüta, apaiq ka pinthum amok dung dung she khiqriq wanto. Kiimaq atsan khiqtsi ma, naishiq ka thophi riiqphi, abom namtoktok shummii saisi wanto.

NEHEMIA 4:6

Krai mren naishiq ka nungpaq mai maq ruk tiihea jaqsham kli shiikut wankai. Kiimaq, jaqlo liipan niilishe naishiq raq ruk ka rajam niishe saüli hailot kai. Jamkhano ngukla, mungmaiqse ka tiima tsantsii ashii maq chap shat jaqsham wankai.

NEHEMIA 4:8

Kra ningkhan she, tsangshiq wiita ka kiqshi maq ri raüta Jerusalem khat wa miitu, reshe shunto. Raüta naishiq ka tiimrurang lai nguta mat kha tanto.

NEHEMIA 6:16

Riita, jaqsham ara ngut wanto she nguta nai mung tro tam na siti, naishiq ma chiqse rewenok maiq mung ahinti raq, kra tsütsa ka taito. Raüta tsangshiq ka pinthum ahai she riito. Kiimaq tsangshiq ka shut kai dea ngutiishe takto. Jamkhano ngukla, tsangshiq wiita raq, ara jaqsham ngut wan kai arka, Shiikeawe raq khrumke kha maq tang kai nguta sapto.

JEREMIA 41:10

Kra lot raütiishe apaiq raq hokham setiim jechaksere nai kiijaq Mijpa chela na siti mungmaiqse ajong phentuwe Nebujaradan raq Gedalia wokhong na atiisithü thun kra munglu shumwi ma lap wan raüta tsuq wanto. Raüta apaiq raq shumwikong ka shea wan raüta Ammon mung na walam nü kiiniishe wawanto.

AMO LUIK DVP (AMOS) 1:13

Tatiwe raq ngutlo, “Ammon mungti raq atang wan ngarai ma, hiq ma ra ma tangwanto, Arningkhan ngi raq tsangshiq tiijoq mang. Jamkhano ngukla tsangshiq raq Gilead wangti, hiq nyeataq rekhat akhing na, jechakre wiihanti, awok kholam kholiiq riip wanto.

AMO LUIK DVP (AMOS) 1:8

Ngi raq Philistain mung wa, Ashdod chela pengti nai Ashkelon chela pengtiwe ka, re ma mitiitsat ha. Ngi raq Philistain mung wa Ekron chelati kiimin, mishthen ha. Kiimaq aso atiichong Philistainnok ka, re ma chongthum mitiisat ha,” nguta Tatiwe raq ngutlo.

AMO LUIK DVP (AMOS) 3:9

Chiiriim lanta Ashdod chelati nai Ejip mungti ma, tiitai chongkuq ronglaq. “Namshiq tarü Samaria chela tro na, hiqlam thun kiijaq thung ronglaq. Lanta kiijaq tsangshiqnok liipan na, jasam piqsii riitsea riita siwan kra, liirong laq. Sephii nojii wiita tsasha wan.”

Acts 5:33

Riita, Rung na ngati welabi raq ara bomtre ka tai raüta, tsangshiq ka walü wa ikhiishe khiqtrangto. Krai mren, tsangshiq tsankhiq tsi ma, kiimwebi ka kiijiili tiitsea baiq nguta danto.

Revelation 12:17

Kra prenkaü ka jechak nyung ma kai khiqto. Kra ningkhan, jechak nyung ma ase ano ahinti Phungmaiqse, Shiikeawe wokhong na siti, kiimaq Jesuq raq achongkuq tengteng bomtsi aming kra tsapkapkap maq langtibi rai riikhat kai ngutiishe kihoto.

1 SAMUEL 11:2

Shatmaq Nahash raq treto, “Ngi raq namshiq ka itongshong maq tiiham hala tri ka akha mithüha: Ngi raq namshiq loweatek makpo maktsi nü ka atiiphok mirbaiqha. Lata Israil mung tlotli khushü ka mitiijamha.”