Riita Rechel ka tsaiki kiita, apaiq maa ka Ephrath hiq na walam lamkii na lapto. Arka ümchaü Bethlehem ngutiishe ngutlo.
Mikha 5:1 - ASII LAKDAP Bible (BSI) O Jerusalem chelati lei, srea nolabi riichom ronglaq! Nashiq ha miqkai she! Chela trotam maq re raq kam wanto she. Tsangshiq raq Israilnok welawe khat wanto! Hawa Naga Bible 2001 Yerusalem miqsaz lex, nuimshiq nolaungx hungc kuex tvjomx taq shuiuz! Naungshiq kuex vtuimc wvnc rvhumc vtix! Tsuingshiq rueq Israel vyungx vlaungx waz kuex khvt yaq! |
Riita Rechel ka tsaiki kiita, apaiq maa ka Ephrath hiq na walam lamkii na lapto. Arka ümchaü Bethlehem ngutiishe ngutlo.
Juda raq hokham nyeakii kra misham, Kiimaq asaü ase phan raq pattup mung misiq wan. Maiq mung thun raq apaiq ma tijong tsiiq wa miho kuq wan Kiimaq ajichong na apaiq puk na minyap wan.
Kiijiishe shammiwe Jedekia ka Mika tho na chap wa raüta, atheaphi na riisiiq tsatto. Raüta apaiq ma, “Riita Tatiwe wenyi ka ikhum wa ümtincho wa kihota, raüta ümniiphana wawan raüta, ümniima bom ka chongkuqta?”
Shatmaq Tatiwe raq man na ashammibi nübok maq Juda mung ka mitiithen baiqha nguta tiithai wantaq kra phan phan she, Tatiwe raq Juda mung ka tiithen baiq miitu, Bebilon mungti phenlabi, Siria mungti phenlabi, Mob mungti phenlabi kiimaq Ammon mungti phenlabi ka Jehoiakim khatkai tiikito.
Maiq raq ngi ka shummiikhiq li liitlo; tsangshiq ka ngi tro na riitam raüta itheaphi na siiqsiiq tsat tlo.
Ngi raq Asiria mungti ka tiiki lata ra weahünok mungti, itsan tiikhiqtinok kra tiikhat tiikang. Ngi raq tsangshiq ka maiq mung wa tsiiq nai nyam trunkai kiimaq atiihuk kai kiimaq maiq ka ji maq nishishi, lam na botkhulai rai shottlii tiithenbaiq tiikikang.”
Kra mokkiitu thun thaq na shongtlaq khea chan chang raütu phong chantlaq kriika atuli she miraq. Khea rahai ma tiithu raüta mokkatu tiikhum chang kriimin chanlot mak she miraq! Nashiq raq renok mokkiitu wa tsiiq tum thun ka tlotli milap wan rong i. Kra sepat lopi tsiiq ka pahea kha maq aküwe rii saqseng min asi. Tatiwe apaiq kli she na mung na hokham miraq. Apaiq raq nashiq mipeng wan. Kiimaq nashiq ka mitiiwong kuq wan.
Lota, namshiq maiq mung thun lei, haisong lanta adam riitam rongliita! Tai ronglaq, namshiq mangjong hiqraikhü luhea na diimtlan maiqmung thun raq. Lantea chiqchap rechap kra sürii phaho ronglaq. Shatmaq tiina tiihaishat sirong liijo! Ngo hea, rekhat ma tiijetlo ronglaq. Shatmaq tiihaisong shat ronglaq!
Rewe phenlabi hokpa thun ka kiimaq tiijai da tamtili tsangshiq miirii thun ka, wa miishe chaq raüta mitiithenbaiq.
‘Ngi raq mangjong maiqse tlotli khuthaq na, shekhu nü mung wa, re mitiikiha, kiimaq ijaqshise Bebilon Hokhamwe Nebukadnejar kriishe mitiikiha. Ngi raq tsangshiq kra sheaho lata Juda mungti nai Juda mung tro na siti maiq mung thun kra mitiikhat wanha. Ngi raq armung ara kiimaq armung tro na siti maiq mung thun kra wiita re ma tiikhat lata botkhulai rai she pattup miitu mishotbaiqha. Maklii jai na tiijangphat kiimaq maiqphiip maiqjiip she mitiithen baiqha. Arka Ngi, Tatiwe raq toqtan tiikang.
Hangsikaü rum na bomhai raüta akhe dongkitlaq ikha, maiq mung thun tiithenkaitiwe kitlo she. Apaiq ka Juda mung tiithenkai kitlo. Juda mung wa chela thun ka botkhulai rai mishotbaiq, kiimaq kriithun na maiq jumin simak she miraq.
Nashiq ma apaiq mo tiiho wanto, raüta shummiito. Shatmaq nashiq raq, arka jiqkai dea nguta, apaiq bom ka tre wan changli she.
Namshiq ka wa maq chaq raüta mitiithumbaiq. Namshiq tiijai ka nammung kiijiili miraübaiq. Krai mren, namshiq ka jurmin tsan na tiitsang mak she miraq.’” Arka Tatiwe raq toqtantlo.
“Maiqse lei, ümchaü ranaiq jiwea ara waiq thülaq. Jamkhano ngukla ümchaü ranaiq akhing na Bebilon mung hokhamwe raq Jerusalem chela ka trotam maq kom wan raüta khat pha wantlo.
Ara bomtsi ara ümtsan na samhea tiitsang shaq laq. Laüta liichum ka tak laq: Jerusalem chela kra tiihea haiwan miitu, aming tat tlaq kra akhing maq phawan raüta, Shiikeawe raq asengi sheati wela weshi shong wan tlaq kra akhing na saüli ka, jang miishishi maq wiimiishi kra milea wan. Kra akhing leawan jai miishetiq, Jerusalem chela ka mitiihea hai wan. Chela mong wa lam thun nai chela trotam maq kiitelong ruk thun kra thepthep atang tingsang she mitiihea hai wan. Raüta kriika jang miishi maq wiiroqtrok ri wiinai misi wan. Shatmaq kra akhing bala ka pinthum litkot chamchao akhing miraq.
“Maiqmung thun na ara aming tiitai ronglaq. ‘Re riikhat miitu rechap sürii wan rong laq. Namshiq srea nolabi ka triitam hea ronglaq. Namshiq phenlabi ka triitam lanta, rechap tiipha ronglaq!
Ngi raq tsanghokham nai phukhu welabi, wiita mijiip baiq ha,” nguta Tatiwe raq chongtlo.
Jamkhano ngukla, ngi raq Bebilon mung ma, mangjong hiq lang wan miitu, ningkun she kuq tiikang. Tsangshiq ka ratho chiqhawe ikha, mangjong hiq hamli wa maiqmung thun ka, milongliiq wan. Raüta maiqmung thun ka mijam sha wan.
Arthun ara tai wan lata, ngi ka atiikhai rokrok riikang. Ichu inü hamlaklak hai kang. Irok irii wiita nin wanto; Kiim min wiiqtsü mang she, ihok tiikhai wanto. Kaishak shak maq kra akhing saü wan mikhe ha. Shiikeawe raq naishiq khatti, mitiichamchao wan.
Kiijiishe maiq wiijamti raq Jesuq ka atheaphi na tho ariiq maq phong tsoktsok she thosiq wanto. Kiimaq wiijamti riika apaiq ka hot-hot she buk hoto. Kiimaq maiq wiijamti riika, jaq phi maq apaiq ka siiqsiiq she tsat hoto.
Kra raütiishe hali, tsangshiq raq apaiq theaphi na, tho ariiq maq phong tsoktsok she thosiqto. Raüta, ajaq wa nyeakii kra nyea raütiishe akhupo kiijaq hot-hot she hali bukto.
Shatmaq, ümchaü ngi raq namshiq ma chongpha: Jurwa namshiq ma shuttlaq, kra phuk ka naq lam rongkiq. Ashi ra raq namthea theatsi nü na riisiiq tsat raüla, theako nü kri chiim kuq ronglaq.
Jesuq raq ara bomtre ara tai raüta, Shomjam kheti peta weshi raq Jesuq ka atheaphi na riisiiq tsatto. Raüta, “Ümniiraq Ramwe Ajong Pinthum we ma akha bomke min sha mai ta?” nguta siato.
Kra raütiishe, tsangshiq ka apaiq tho na chapwa hihi raüta, “Jehudinok Hokham we lei, rilung alu maq siliilii!” nguta slailii noqsiq wanto. Kiimaq tsangshiq raq atheaphi na tiijangkiki she tsatsiqto.
Kiijiishe Ramwe Ajong Pinthum we Ananias raq Paul tho na chapti bi ma, Paul ka anübok na riisiiq tsat ronglaq nguta aming kuqto.
Namshiq riika, namshiq ka tsangshiq jaqkhon mong na di ama ikha thü tlaq, kiimaq namshiq ka tsangshiq bi na tiimin tlaq, kiimaq namshiq ka anun ma tiija raüta, jamsha siq tlaq, kiimaq namtheaphi na tea tlaq, kriiti riiwe kriika, aheawiq maq nin tlan.
Tatiwe raq üm khuthaq na pong mungti rathup rapha mungti kra mishea wan. Kra mungti bom ka ümniiraq taimaü mirhaü. Tsangshiq ka wa raüta liihawe raq wu phiimtlaq ikhiishe ümniika miphiim wan.
Shiikeawe ka wranaiqshe ümnaq tiiwongti; pattup pat-sa jaq phum maq ümnaq thü datlo. Apaiq raq ümjaqtinok ka ümniiraq hiq jiiwantlaü kra phan phan jobaiq wanto, kiimaq ümniima tsangshiq ka wiita jiipbaiqlaq nguta ümniima chongto.