ISAIA 10:6 - ASII LAKDAP Bible (BSI)

⁶ Ngi raq Asiria mungti ka tiiki lata ra weahünok mungti, itsan tiikhiqtinok kra tiikhat tiikang. Ngi raq tsangshiq ka maiq mung wa tsiiq nai nyam trunkai kiimaq atiihuk kai kiimaq maiq ka ji maq nishishi, lam na botkhulai rai shottlii tiithenbaiq tiikikang.”

Hawa Naga Bible 2001

⁶ Ngvy thuinkhvy naq jix, tishox vguez phvnx miqsaz htenc kuex khvt tvkoc Asiria kuex tvkaz tauk. Ngaz rueq tsuingshiq muex tv-nyvlc tvguiuq vtueq lvmx laungx wawc bokkhuyx ikhoc miq htenc kuex tvnuiuz tv-nyet gay tvkoc tvkaz tauk,” ngoz tueq jungx tueq.

ISAIA 10:6 Referencias Cruzadas

2 SAMUEL 22:43

Ngi raq tsangshiq ka botkhulai ma tiija tlii riikang; Ngi raq tsangshiq ka lam wa boqda ikha, hok maq nyatshatshat nibaiq kang.

2 HOKHVMX 18:25

Ümniinga ngi raq nam mung khat wan kang arka, lata tiithen baiq wan kang arka Tatiwe raq khrumkehü maq khat wan kang ngutiisha tiima tlaü? Tatiwe apaiq raq ngi ma armung ara khatkikiq, laüta tiithenbaiq kikiq nguta chongto.”

ISAIA 19:17

Ejip mungti ka Juda mung mang chong kra taitlaq akhingtek na phiip raq mitsai. Jamkhano ngukla Ajong Pinthum Tatiwe raq Ejip mung ma apaiq mo tiiho chang nguta kha atoqtan wishe sitlo.

ISAIA 22:5

Ara akhing arka aphiip ajiip, re jaq na sum, kiimaq arka Riisham Bomchang Hiqthung Tan na mungbrakshaq akhing. Arka Ajong Pinthum Tatiwe raq namung na atiisaü. Nashiq chela tro kiitelong ruk ka wiita tiibun bukbaiqto she. Kiimaq mungmaiqse raq khrum jaü agi asii hoqtrangtlaq kriika kin thun niishe riinya wanto.

ISAIA 24:5

Maiqse raq Shiikeawe tri jin raüta kiimaq apaiq raq pattup pat-sa miitu tongshong wantaq tri ka jin raüta hiqraikhü ka tiisheshibaiqto.

ISAIA 29:13

Tatiwe raq nguto, “Arnok riika tsangshiq raq ngi shomnoq tiikai nguta tiitsakitlo. Shatmaq tsangshiq bomtsi ka jamlai liichum min ahü, hiqti li banbok miili. Kiimaq tsangshiq tsantsii ka ahin na. Tsangshiq raq shomnoqtlaq kriika miinan maiqse thungtri lamlam li. Kriika tsangshiq raq tsan na tiitsangtlii ashrin wan tri raütuli.

ISAIA 32:6

Maiqjiqwe riika ajiq aphiqli mibom. Kiimaq ajiq jaqsham kli tiimatlo. Raüta ajiq kiimung kra süriitlo. Apaiq raq jamlai jaq wa shamtlaq kiimaq anü maq jamlai wa bomtlaq kriika Tatiwe shummii bom siisaqli bomtlo. Kiimaq apaiq raq ümtiikiimin amang aleiti ka dunghiq mak phan. Kiimaq khamnyang wiikiitsi chamchaotlaq kriima min khan kok tsiim kuq mak phan.

ISAIA 33:1

Naishiq renok ka miqto she! Tsangshiq raq nanok ka thiimeaq ma jaraüta tekto. Kiimaq nanok ka tiishaübaiqto. Shatmaq tsangshiq ka jurmin tek mak dea. Kiimaq jurmin tiishaübaiq mak dea. Shatmaq tsangshiq raq maiq tektlaq kra nanok tiishaübaiqtlaq akhing ka athum mirki. Tsangshiq maiqmii klishe thiimeaq raq mitek wan. Kiimaq tsangshiq kli she maiq raq mitiishaü baiq.

ISAIA 33:14

Ngaraibuli sitlaq Jajon chelati ka haisitsi ma atiikhairokrok she sitlo. Tsangshiq raq ngutlo, “Shiikeawe raq khapho ka pattup pat-sa walü nyai raitlaq raüta khiimtlaq ikha. Nashiq phong wa maiq weshi ra ka ara wamong wa milun lot rong i shea?”

ISAIA 41:25

“Ngi raq maiq weshi shedong mung na sitiwe ka tsea wan kang she; Ngi raq apaiq ka sheawa lata shekhu nü mung maq mitiikhat phahoha. Apaiq raq hokhambi ka boqda ikhli nishishi miraq, hamtak loti raq hamliihiq nitlaq ikha.

ISAIA 49:17

“Ümnaq tiihea haitibi ka jaqloli she misaü wan, kiimaq ümnaq tiithenbaiqtibi ka awa mirwan.

ISAIA 49:25

Tatiwe raq tretlo, “Kra mihongtha wan ngutiikang ahata. Phenlawe jaqkhon wa shumwikong ka minyea wan, kiimaq abi pinthum tuwe jaqkhon wa, sepat lopi kra wiita minyea wan. Ümnaq khatti ka Ngi raq mikhat wanha; lata ümsetiim ka Ngi raq mitiichhii wanha.

ISAIA 5:25

Tati ka asenginok ma atsankhiq. Kra ningkhan tsangshiq ma mo tiiho miitu ajaq ka ra na doshat she. Pum thun ka mitiikhai. Kiimaq maiq tsaitlaq maiqmaa phong ka chiihea wea lam thun kiijaq sinchiitsap ikha küramliira mirphong. Kiitinkhan taü miimin, Tati tsankhiq ka shimakli misi. Apaiq jaq ka ra na tiipiishat maq tsangshiq ka mitsat wan.

ISAIA 5:29

Phenlabi kong ka hangsikong raq ngam kaq raüta, anü na kam raqraq maq ngam maa ka jurmin tsangnü wa nyeaholot mak hiq ba na hit hotlaq ikha gantrangtlo.

ISAIA 5:5

“Ngi raq ispiqro ka akhiishe mirha. Sonruk tro wa ruk ka asiiqshe mirbaiqha, atiiwong chang ruk ka arun she mirbaiqha. Lata rum nyamse kong miishe mitiiphaqha. Lata rumnyamse kong ma ji maq wiita mitiinibaiqha.

ISAIA 63:3

Tatiwe raq treto, “Ngi raq maiq mung thun ka spiqtsi tiikit nitlaq ikha nibaiq kang she. Kiimaq Ngi khrumkai maiq ka jumin kimak dea. Ngi raq tsangshiq ka itsankhiqtsi ma nibaiq kang. Kiimaq tsangshiq tiijai na ikhea thun ka tlotli tiinyat raito.

ISAIA 63:6

Itsankhiq tsi ma, Ngi raq maiq mung thun ka tlotli ji maq nishishi nibaiq kang. Lata tsang mung thun ka bunlak buncha tiibunbaiq kang. Lata Ngi raq tsangshiq tiijai ka hiq na kham ikha raübaiq kang.”

ISAIA 7:17

“Tati raq ümkhu thaq na, ümsenginok khuthaq na, kiimaq hokham jamkun tlotli khuthaq na, Israil mungtan ka Juda mungtan rai tiikho raüta riiphea wanli maq, litkot chamchao ümchuwa leawan lan, kra thaq niimin chanhea pinthum litkot chamchao rahiq thun akhing misaü wan. Apaiq raq Asiria hokhamwe kra mishea wa.

ISAIA 8:4

Ara no ka, ‘Nyung-nyung’ nai ‘Wewe’ ngutiimin mibomtsü shaq liipan niili Damaskas chela wa tsiiq nai nyam tum thun kra wiita kiimaq Samaria chelati raq maiq tsiiq tek raüta atum atum ato thun kra Asiria mung hokhamwe raq wiita mihophaq wan.”

ISAIA 8:8

Tsangshiq raq Juda mung tlotli ka kham raq lümwantlaq ikha, kham ka phaqlam na saüli mawan raüta phanrap phanrii laimiq mihut wan.” Shiikeawe ka nashiq rai! Apaiq rakong wiinai ka tiipiishat maq namung ka tiichhiikuqtlo.

ISAIA 9:17

Arningkhan na, Tati raq jerobi thun ka weshi ra dongdii min tiijulap mak miraq. Kiimaq apaiq raq manti-nyungre miimin kiimaq jechisetiim miimin, atiihang mangchan ka tiitsi mak miraq. Jamkhano ngukla maiqse angu kunli ka ra weahü kong siisaq kiimaq abi kiimaq tsangshiq nübok maq ümchu wa bomtlaq ka ashut siisaqli bomtlo. Atinkhan mo tiiho wanlot jai min, Tati tsankhiq ka shimakli riishat shat miraq. Apaiq jaq ka ra na doshat maq tsangshiq ma mo tiiho miitu khekhamli miraq.

ISAIA 9:19

Jamkhano ngukla Ajong Pinthum Tatiwe ka atsan khiqhea, arningkhan tiina apaiq raq tsangshiq ma mo tiihotlaq wa ka tsang mung tlotli na wakchaq walü wa ikha tiinyai chaq wantlo. Raüta mungmaiqse ka wiita thumpak tsatbaiq wantlo. Kiimaq maiq pumsii loweatek ka apaiq miituli she sitlo.

JEREMIA 25:9

‘Ngi raq mangjong maiqse tlotli khuthaq na, shekhu nü mung wa, re mitiikiha, kiimaq ijaqshise Bebilon Hokhamwe Nebukadnejar kriishe mitiikiha. Ngi raq tsangshiq kra sheaho lata Juda mungti nai Juda mung tro na siti maiq mung thun kra mitiikhat wanha. Ngi raq armung ara kiimaq armung tro na siti maiq mung thun kra wiita re ma tiikhat lata botkhulai rai she pattup miitu mishotbaiqha. Maklii jai na tiijangphat kiimaq maiqphiip maiqjiip she mitiithen baiqha. Arka Ngi, Tatiwe raq toqtan tiikang.

JEREMIA 3:10

Riita ija, arthun ngarai ara tang wan jai she, Juda, Israil ma anyino nyung sethoq nyung ka iwokhong niishe nyap wan nongtiikang nguta tiimanhiito. Shatmaq apaiq raq atsantsii kuq raütiika riimak. Arka, Ngi Tatiwe raq ngutiikang.”

JEREMIA 34:22

Ngi raq aming mikuqha. Tsangshiq ka ara chela khatkai nong mijangki. Tsangshiq raq ara chela ara mikhat. Raüta chela ka milap wan. Raüta arka wa maq michaqbaiq. Ngi raq Juda mung wa chela thun ka rumnyangkhi kumtsaiphii miishe mitiija baiqha. Kiijaq maiq asiti jumin ahü she miraq. Arka Ngi, Tatiwe raq toqtan tiikang.”

JEREMIA 4:14

Jerusalem lei, ümtsan mong na abi kra hebaiqlaq. Kra riihaü jiiqtiq ümniika mitiichhiilot haü. Ashut ashai ngarai tsantsii ka ümtincho na saüli wa mithii haü?

EJEKIEL 29:20

Ngi raq Ejip mung ka apaiq ma apaiq raq ijaq shamkuqtaq kra miitu ningchang maq kuqtiikang. Jamkhano ngukla aphenlabi raq Ijaq shamkuqto. Arka Ngi, Tati Rakaü Hiqwe raq toqtan tiikang.

EJEKIEL 38:12

Ümniiraq chela thun man na atiithen arbaiq kiijaq siti mungmaiqse ka khat laüta wiita mirun baiqhaü, laüta tsangshiq tsiiq anyam thun ka mirun wan haü. Tsangshiq ka maiq mung thun wa atriichom wan nong riito. Kiimaq tsangshiq jaq na jam nyamsekong asi, kiimaq tachong hupsam asi riito. Kiimaq tsangshiq ka mangjong hiq raikhü na maiq mung thun khum chang lamhum thun riihum chang ba na shong ngatlo.

EJEKIEL 38:13

Sheba mungti nai Dedan mungti raq, kiimaq laopanbi Spen mung chela thun na siti raq, ümniima akha miwai, ‘Ümniiraq üm phenlabi thun triitam laü ka armung ara khat laüta, tsiiq anyam tum thun kra rut wan ma ngutiisha triitam laü? Ümniiriika kampho kiimaq chaq, kiimaq jam nyamse kong kiimaq tachong hupsam thun kra run wan laüta hophaq wan ma ngutiisha tiima tlaü?’”

Mikha 7:10

Kra akhing na najaqtinok, nashiq nangnga, “Nam Tati Shiikeawe ka, ümbano?” nguta slaiti raq, nashiq tiichhii wan ka michhi. Raüta tsangshiq jea mingaü. Nashiq raq tsangshiq ka, re raq atang wan wishe, lam na boq jimaq nibaiq tlaq ikha michhi rong i.

HABAKUK 1:12

O Tati i Shiikeawe lei, ümniika pattup pat-sa miiphü, Shiikeawe dongdii, ümniika i Shiikeawe, asii kiimaq pattup pat-sa, ümniiraq Bebilon mungti ka, naishiq kha phoke miitu she, shong wan laü. Naishiq ma sintsang tiiho wan miitu, tsangshiq ma munglang wan ningkun, kuq laü.

JEKERIA 10:5

Juda mungti ka srea nolajongbi ma mija wan, phenlabi raq tsangjaqtinok boqchiim na, nibaiq wan tlaq ikha mitang wan. Tsangshiq raq re mikhat wan, jamkhano ngukla Tatiwe ka tsangshiq rai. Raüta tsangshiq raq kumrang thaq na chaoti, jaqtibi ka mitang wan.

Matthew 15:7

Namshiq ka mongnam! Shiikeawe raq Isaia shammiwe lümaq, namshiq thaq na ara bom tiithai chongkuq wantaq arka ümchaü riikhaqli she kuwanto!