ISAIA 10:6 - Hawa Naga Bible 2001

⁶ Ngvy thuinkhvy naq jix, tishox vguez phvnx miqsaz htenc kuex khvt tvkoc Asiria kuex tvkaz tauk. Ngaz rueq tsuingshiq muex tv-nyvlc tvguiuq vtueq lvmx laungx wawc bokkhuyx ikhoc miq htenc kuex tvnuiuz tv-nyet gay tvkoc tvkaz tauk,” ngoz tueq jungx tueq.

ASII LAKDAP Bible (BSI)

⁶ Ngi raq Asiria mungti ka tiiki lata ra weahünok mungti, itsan tiikhiqtinok kra tiikhat tiikang. Ngi raq tsangshiq ka maiq mung wa tsiiq nai nyam trunkai kiimaq atiihuk kai kiimaq maiq ka ji maq nishishi, lam na botkhulai rai shottlii tiithenbaiq tiikikang.”

ISAIA 10:6 Referencias Cruzadas

2 SAMUEL 22:43

Bokkhuyx ikhoc yaungx laz juing ngaz rueq tsuingshiq kuex tvbunx jek gay tauk; lvmx laungx wawc bokbiq ikhoc tsuingshiq kuex nyet nuiuz gay tauk.

2 HOKHVMX 18:25

Yehowa rueq romc kuy vguez maq mmungtan kuex ngaz rueq khvt kaz vtueq ngaz rueq tvbac gay shuex ngoz tueq mnoz rueq tvmaung taq vshuiux haz? Yehowa vpiq rueq kvruex mungtan kuex khvt vtueq tvbac gay tvkoc ngaz muex jungx phuex,” ngoz tueq jungx tueq.

ISAIA 19:17

Ejip miqsaz htenc kuex Tvphaungc Tvsuip Yehowa rueq tsuingshiq tvkoc tvhungx kuq tueq vtvsuip wawc lvmz kuex tsuingshiq rueq vkhing ruip rawx rvwvl yaq ningkhvnc nuex Yuda muex hiyaz kawc yawc wuez tuex.

ISAIA 22:5

Vruex kuex Romzyac Tvkhic Warc tvnx nuex Tvphaungc Tvsuip Johvlc Yehowa rueq vhiz vsungx, vsumx vrumx nuiyc vpanc vyanc juing htenc kuex naungshiq htauk nuex tvkaz shuex vkhing rvtueq. Naungshiq ghaqyungx palx ruk htenc httak tvbunx gay ruiux, romc kuy tvkoc guyc sez tvruingc kuex ghaqluimx htenc nuex rv-nyawx yaq.

ISAIA 24:5

Miq htenc rueq Tishox tvrac htenc kuex tvbac gay tueq ikhoc maq muinz, pattup phaungx ngaungx tvkoc vpiq rueq vkuq bomkhvrc htenc kuex yaq gay tueq ikhoc maq muinz, ghaq kuex tvshuy shac gay tueq.

ISAIA 29:13

Yehowa rueq, “Vruex miq htenc vraq ngaz muex nawk palx tvkoc jungx wuez yaq, yuq muinz tsuingshiq kvjaz htenc kuex vlvmz vguez, tsuingc thuinz vmungx muinz baungshiz shiz nuex phaungx wuez yaq. Tsuingshiq nawk palx htungx kuex tsuingshiq rueq khuec guez tvtsuingc miq tvrac htenc nuiyc htungx vlayx htenc maq lvy vtueq khuec guez dvyx rvtueq.

ISAIA 32:6

Miqyaq waz kuex miqyaq maq kvjak vtueq layx vbac shuimc tvkoc dvnc yaq. Piq rueq shuimx yaq nuiyc piq rueq jungx yaq bomc kuex Yehowa yomnamc muex yaungx yaq, piq rueq rvmc svy jix muex mkaq muinz kuq saq muq, rvmuq ngoz ruiux khvmx svy jix miq muex kuq nuingx muq.

ISAIA 33:1

Naungshiq ralx htenc kuex vphoc rvhumc yaq! Tsuingshiq kuex uraq muinz nyvlc khvt muq, tvmtuing wawc kv-phelc kaz muq rvhvt maq tsuingshiq rueq nyvlc khvt vtueq tvmtuing wawc kv-phelc kaz tueq. Yuq muinz nyvlc khvt muex tsuingshiq vkhing nuiyc tvmtuing kv-phelc wvnc vkhing htumx wvnc tuex, tsuingshiq shauk pumz maq nyvlc khvt vtueq nuiyc tvmtuing wawc kv-phelc wvnc rvhumc tuex.

ISAIA 33:14

Mvrax kop yaq tueq Zion miqsaz htenc kuex hiyaz kvkhuirc wuez yaq. Tsuingshiq rueq, “Tishox rueq phox yaq kuex pattup tsauz yaq wvr ikhoc rvtueq. Tsuingshiq kvwawc mruex jix waz lac kvkhoc wvr kvyuq rullungx tvraungx httax lot yaq nguinx?” ngoz tueq jungx wuez tueq.

ISAIA 41:25

“Ngaz rueq shaldungc kox nuex httax yaq miq washiz kuex thvl taq tauk; Ngaz rueq piq kuex ghaqkhux kox maq khvt tvkoc shvlx laq shaungx. Tuik lauz jix waz rueq gvmlawx kuex yaz maq nuiuz yaq ikhoc, piq rueq mungx walaungx bix kuex gvmlawx ghaq ikhoc nuiuz gay shuex.

ISAIA 49:17

“Mnoz tvhvlc guirc jix kuex mtanc htvmx muq nuex httuiuc wvnc yaq, mnoz tvbac gay jix hez kuex vwaungc rvwvnc tuex.

ISAIA 49:25

Yehowa rueq, “Vruex kuex vkhoc yaungx wvnc tueq lvmz rvtueq. Nolaungx waz khoktep miqsaz htenc kuex dung wvnc wuez lot tuex, vbac waz hup vsvmx kuex vlvp gay rvhumc tuex. Mnoz khvt jix waz kuex ngaz rueq khvt shaungx, kvmaq msaz hez kuex ngaz rueq daungc wvnc shaungx.

ISAIA 5:25

Yehowa kuex vpiq miqsaz muex khaq vtueq tsuingshiq muex murx tvgurc tvkoc vyauk tenz tueq. Kanx htenc kvbuilc vtueq, vthueyc vruez kaz maungx htenc kuex lvmx nuex suingkez namx yauk ikhoc kv-phungc tuex. Yehowa thuinkhvy kuex shix kaz tuex rvmuq, yuq muinz murx tvgurc muex vpiq yauk kuex tenz ruq dvyx rvshuex.

ISAIA 5:29

Nolaungx bix kuex ngvmx vshiz kauk vtueq uraq muinz nyvlc lot muq juing baung nuex het taq wvnc tueq hangsic ikhoc thuiz yaq.

ISAIA 5:5

“Vruex kuex ngvy svpiq sunc nuex ngaz rueq shuimc wvnc juing yauk shuimc rvtueq: ngaz rueq sunc tvroz ruk htenc kuex lvmz gay ruiux, kvruex tvguing tvwungx juing ruk htenc kuex httak gay vtueq yaruix ngvmx saz htenc mphauk gay shuex kvruex sunc kuex tvnuiuz gay shaungx.

ISAIA 63:3

Yehowa rueq tvralc tueq, “Ngaz rueq miqphvnx htenc kuex svpiq thuey ikhoc sur nuiuz gay tauk, ngaz muex romc kuy jix vshiz muinz kaz muq. Ngvy thuinkhvy thuiuz muex tsuingshiq kuex nuiuz gay koq tueq, ngvy khvy nuex tsuingshiq tvguiy rv-nyvt kaz tueq.

ISAIA 63:6

Ngvy thuinkhaq tueq rulc rv-ngvlc miqphvnx htenc kuex tvhuyx nyet nuiuz gay ruiux tsuingshiq kuex wuinc gay tauk. Ngaz rueq tsuingshiq tvguiy kuex ghaq nuex ruiuc gay tauk,” ngoz tueq.

ISAIA 7:17

“Israel mungx kuex Yuda mungx wawc rv-phvlc wvnc tueq maq phaungc vtueq, majuiuc nuex httuiuc laz yaungx wvnc muq phvnx kuilc vdaz raungwuic htenc kuex nuimshiq htauk nuex muinz, nuimshiq phvnx vmaq htenc htauk nuex muinz, honoc hokhvmx yuimx taungx htenc nuex muinz Yehowa rueq tvdung shuex. Vpiq rueq Asiria hokhvmx waz kuex shvlx laq shuex.

ISAIA 8:4

Kvruex nox kuex ‘Inyuiuz nuiyc iwaz,’ ngoz tueq max gvl thenc nuex Asiria hokhvmx waz rueq Damasku wawc hup vsvmx lotlaz nuiyc Samaria ghaq khvt vtueq vlvp wvnc hup svmx htenc kuex lvmz wvnc shuex,” ngoz tueq jungx phuex.

ISAIA 8:8

Tsuingshiq kuex phauk khaq nuex httuiuc laz duiz puingx wvnc tueq yuix puingc nuiyc taungx vwawx lotlaz puingc wvnc vtueq, Yuda mungx kuex luimz wvnc shuex,” ngoz tueq jungx phuex. Tishox kuex naungshiq rulc vdvmz httax yaq! Vpiq raungkungx htenc maq ghaq vraungx kuex tvwungx kuq yaq.

ISAIA 9:17

Kvkhoc rvtueq Taungjix rueq yalxrox waz washiz muinz tvdung gay shuex rvmuq, nojix saz tamx nuiyc mvntix nyuiuz tamx muex muinz menjenc shuex rvmuq, yvmx khoc lac ngoz ruiux lec miq lotlaz kuex tishox vguez, layx bac nuiyc tsuingshiq kvjak tuex ruip rawx kuex vshuy vshac kvjaz dvyx rvtueq. Kvkhoc rvtueq Yehowa vpiq thuinkhvy kuex htumx muq, murx tvgurc muex vyauk kuex tenz hvt dvyx.

ISAIA 9:19

Tvphaungc Tvsuip Yehowa kuex khaq vtueq, vpiq rueq murx tvgurc shuex kuex mungtan tvlot laz khamc wvnc yaq wvr ikhoc khamc vtueq, miq htenc kuex tvbac gay yaq, miq htenc rueq tsuingshiq phuz vnox htenc kuex tvjungx shec shuex rvmuq.

JEREMIA 25:9

‘Ngaz rueq ghaqkhux kox wawc miq lotlaz kuex ngvy nvrc waz Babelon Hokhvmx Nebukhadnezar tvkoc tvlaq gay shaungx. Ngaz rueq Yuda mungx nuiyc mungx miqsaz htenc, phic vphaungx wawc miqphvnx lotlaz kuex khvt tvkoc tsuingshiq kuex shvlx laq shaungx. Ngaz rueq vruex miqphvnx nuiyc phic vphaungc wawc htenc kuex khvt gay kaz ruiux, kvruex baung htenc kuex pattup ghaqkuiyq ghaqkhvmx baung, vkawc yawc juing nuiyc kv-khuirc hiyaz juing ikhoc muex tvyaungc gay shaungx. Ngaz, Yehowa rueq jungx vshaungx.

JEREMIA 3:10

Kvkhoc shuimc kay yix maq, Israel nox tvmtuing vguez nyuiuz Yuda kuex ngaz kox nuex yek waung ruex; piq thuinz vmungx vlomx maq rvmuq. Ngaz, Yehowa rueq jungx vshaungx.”

JEREMIA 34:22

Ngaz rueq nvr ruiux yuq, tsuingshiq kuex vruex ghaqyungx vyuq yek waung tuex. Tsuingshiq kvruex khvt tueq, lvp tueq, nuiyc wvr maq jauk gay tueq. Ngaz rueq Yuda mungx wawc miqghaq ruinx htenc kuex ukhaq muinz httax muq ghaqkuiyq ghaqkhvmx kumtsvy tvnx ikhoc tvyaungc gay shaungx. Ngaz, Yehowa rueq jungx vshaungx.”

JEREMIA 4:14

Yerusalem lex, mnoz palc wvnc rvhumc tvkoc mthuinz mungx wawc layx bac kuex hoal gay shuiuz. Mnoz kuex mtanc nuex httuiuc laz lac vbac kvmungx hvt rvtuiux?

EJEKIEL 29:20

Piq nolaungx bix htenc rueq ngvy tvkoc shuimx kaz kuq phuex ningkhvnc nuex ngaz rueq Ejip mungx kuex piq muex kuq vshaungx. Ngaz, Johvlc Yehowa rueq jungx vshaungx.

EJEKIEL 38:12

Mnoz rueq laukshiz kvhttak bac wvnc vtueq kuiyqshuik kuiyq khvmx yaungx wvnc tueq ghaqyungx htenc nuex httax yaq miq htenc kuex khvt vtueq nyvlc tvkoc kvmungx shuiuz. Tsuingshiq kuex miqphvnx htenc kox wawc tvtuimx wvnc vtueq majuiuc nyvmx saz htenc nuiyc tsak vnyvmx htenc lvp luz wvnc ruiux mungkawx lvmx htenc rvhumc yaq nuex httax yaq.

EJEKIEL 38:13

Sheba nuiyc Dedan wawc miq htenc, Spain ghaq htenc wawc pvkac pvylvyc jix htenc rueq mnoz muex, ‘Taungx vwawx nyvlc kuy tvkoc mnolaungx bix kuex mnoz rueq tvtuimx vtueq haz khvt shuiux? Kuimphox sawx nuiyc kuimshawx, nyvmx saz htenc nuiyc taungx vwawx phvnx ruip saz kuex tvbac gay tvkoc haz kvmungx vshuiux?’” ngoz tueq wiz shuex.

Mikha 7:10

Kvkaq, “Yehowa nuimshiq Tishox kuex m-yuq lac?” ngoz tueq ngoz ngax wiz yaq naungshiq ralx htenc rueq vruex kuex khiz vtueq yvlc svy rvhumc tuex, tsuingshiq kuex rul wvnc vtueq lvmx mungx wawc bok ikhoc nuiuz gay rvhumc yaq kuex naungshiq rueq khiz shix.

HABAKUK 1:12

Yehowa lex, mnoz kuex raungphaungc ghaqwaungc maq phuex Tishox rvtoq. Mnoz kuex ngvy Tishox rvtoq, vsawc nuiyc pattup httax vtuiux. Yehowa ngvy Tishox nuiyc ngaz muex tvkhup wungx kuy jix waz lex, mnoz rueq Babelon miqsaz htenc kuex thvl wvnc vtueq tsuingshiq muex hungc vlaungc tvhungc kuq toq, kvkhoc rvtueq tsuingshiq rueq nuiyshiq muex murx tvgurc kuq lot yaq.

JEKERIA 10:5

Yuda miqsaz htenc rueq lvmx laungx wawc bokbiq kvyuq ralx htenc kuex nyet nuiuz gay jix nolaungx bix rueq ikhoc khvt taungx gay shuex. Yehowa kuex tsuingshiq rulc vdvmz ningkhvnc nuex tsuingshiq rueq khvt vtueq, mvre nuex ngaungc jix ralx shvrvyx bix kuex khvt taungx gay shuex.

Matthew 15:7

Kvyonc yuk thuinz httaz jix nuk lex! Shvmmax Esaia rueq nuimshiq htauk nuex tvhungx vtueq vjungx kvjaz kuex vsuing hungx waung vtuex!