ISAIA 10:5 - ASII LAKDAP Bible (BSI)

⁵ Tatiwe raq nguto, “Asiria ka! Ngi raq Asiria ka riiwung ma tiijatiikang. Lata ju khuthaq niiwa itsankhiq sitlaq, kriiti ma mo tiiho buk tiikang.

Hawa Naga Bible 2001

⁵ Yehowa rueq, “Asiria lex! Ngvy thuinkhaq yaq jix muex murx tvgurc tvkoc wungc rawc vshiz ikhoc Asiria kuex ngaz rueq shuimx shaungx.

ISAIA 10:5 Referencias Cruzadas

RAPHA HIQWA LAK 10:11

Kriimiishe apaiq ka Asiria mung na wawanto. Raüta Ninewi chela, Rehoboth Ir chela, Kala chela,

2 HOKHVMX 18:25

Ümniinga ngi raq nam mung khat wan kang arka, lata tiithen baiq wan kang arka Tatiwe raq khrumkehü maq khat wan kang ngutiisha tiima tlaü? Tatiwe apaiq raq ngi ma armung ara khatkikiq, laüta tiithenbaiq kikiq nguta chongto.”

2 HOKHVMX 19:25

“Ngi raq arthun arka man na rathup raphaji niiphü dongdii asü rii wanha ngutiika taimaü dea shea riilaü? Krai mren, Ngi raq ümchaü she arthun ara klo wan kang. Ngi raq ümniima kiitelong maq trotam maq rukje chela thun kra botkhulai rai shotbaiq wan miitu ningkun kuqkang.

Tvtsvmc 125:3

Abi maiqse raq kechu maiqse mung ka wranaiqshe ka siqlot mak; tsangshiq raq siq raüka, kechu maiqse thun riimin abi moklo wan moraq miraq.

Tvtsvmc 17:14

Ngi ka mangjong rilung na jamlai wa lungwiitlaq kra laptibi jaq wa tiichhiilaq. Tsangshiq ma chamchao mo tiiho chang ümniiraq tiihong laü kriimaq tsangshiq mo ka tiiholaq; kra mo homa ka tsangsetiim miitu min honglu mirlaq kiimaq mo wiijam ka tsangsaütiim miitu mitiichonglaq!

ISAIA 10:15

Shatmaq Tati raq ngutlo, “Mangchi kaü riika, mangshamtiwe thaq na ajong nguta mitiingolot shea? Pehan chang tansang ka pehantiwe tansang shamtiwe thaq na renghea shea? Riiwung raq maiqwe ka domak, maiqwe raq riiwung ka dotlo.”

ISAIA 10:25

Ngi raq namshiq ma imo tiihotiikang arka jaqloli she mihohan. Kra jai miika, Ngi raq tsangshiq kriishe mishthenbaiqha.

ISAIA 13:5

Tsangshiq ka ratsüko mung thun wa, hiqraikhü tiisup mung thun wa saü wantlo. Atsankhiqtsi ma Tatiwe ka kra mung ka hiq maq hutse tiithenbaiq miitu saü wantlo.

ISAIA 14:24

Tati Ajong Pinthumwe raq atiitum raüta ngutlo; “Ngi raq jamlai wa sürii wan kang, kriika mihong wan dongdii. Ngi raq jamlai klowan chang ngutiiwa thapthi wan kang, kriika miklo wan dongdii.

ISAIA 14:25

Ngi raq Asiria mungti ka ihiq shong Israil mung na mitiithen baiqha. Kiimaq tsangshiq ka ipum thun thaq kiijaq iji maq nishishi minyat baiqha. Ngi raq isenginok ka Asirianok kharü mong wa adü she mirbaiqha. Kiimaq tsangshiq ma holai jonghea tiihokuqtlaq kriiwa midok dawanha.

ISAIA 23:13

(Bebilonnok raq Tajar chela ka rum nyamsekong ma tlong raüta tiithen baiqto. Asirianok raq riimak. Bebilonnok raq Tajar chela tro na chela run wan chang kongmong chong thun hiqkhu haito. Raüta Tajar chela tro na kiitelong peruk ka tiibun bukbaiqto. Raüta chela ka hiqmiq changkhü ma tiijabaiqto.)

ISAIA 26:20

Isenginok lei, namshiq maiqmii jam na tapmong na waronglaq. Lantea kilü maq tiishaq ronglaq. Namshiq ka heashi miitu tiipaü ronglaq. Shiikeawe tsankhiq kra mishilaq.

ISAIA 29:2

Kra raütiitiq Shiikeawe raq “Shiikeawe berong-wacha” ngutlaq kriishe laimiq mitiithen baiq. Kiijaq maiq ka agi asii aho anyi watrangli she miraq. Kiimaq chela tlotli ka berong-wacha ikha maiq tiijai phongli she miraq.

ISAIA 30:27

Tatiwe ningkun jonglu nai apaiq khushü ngao chhainyii ka aluwiq miili tiichhi rashra. Apaiq tsankhiq ka watu nai wakhuk mongtlaq kriimaq tiichhi kuqtlo. Apaiq raq bom raüla, abomtsi raq wa ikha khiimtlo.

ISAIA 30:30

Tatiwe raq maiqse loweatek ma apaiq bomtsi henghea maiqphiip maiqjiip chang kra mitiitaikuq kiimaq apaiq tsankhiq walü heng kra mitiisapkuq. Kiijaq walü watrang la miraq, phumda mong na aphok watrangla miraq; rathaiq nai tsakhiiq rok wa trangla miraq. Kiimaq rajun düthaü diilii piikhaü kham raü ikha miraq.

ISAIA 30:9

Tsangshiq ka wranaiqshe Shiikeawe kiqkhii sru riitinokli. Wranaiqshe arot akiq bomchongtinok. Wranaiqshe Tatiwe raq shrin kuqtlaq kra tlea sruriitinok.

ISAIA 34:2

Tatiwe ka maiq mung kunli ma kiimaq tsangshiq phenlabi thun tlotli ma atsankhiq. Apaiq raq tsangshiq ka tiishaübaiqto she. Raüta chongthum tiijabaiq miitu kha tanto she.

ISAIA 66:14

Ümtiikiiwa ümniiraq ara hongtha wan kra michhi haü, ümniika chochi khiq she mirhaü. Krai mren ümniika ahong ala hü ahan phintsaqtsaq she mirhaü. Kiijiishetiq ümniiraq misap haü Ngi Tatiwe ardea iwokhong na siti khrumketiwe ka kiimaq Ngi riika ijaqtinok ma itsankhiq kra tiichhikuq tiikang nguta misap haü.”

ISAIA 7:17

“Tati raq ümkhu thaq na, ümsenginok khuthaq na, kiimaq hokham jamkun tlotli khuthaq na, Israil mungtan ka Juda mungtan rai tiikho raüta riiphea wanli maq, litkot chamchao ümchuwa leawan lan, kra thaq niimin chanhea pinthum litkot chamchao rahiq thun akhing misaü wan. Apaiq raq Asiria hokhamwe kra mishea wa.

ISAIA 7:20

“Kra akhing she saüwan raüla, Tati raq khusiketi maiq amaq kham na Euphretis mung wa Asiria mung Hokham Ajongwe kra mishiip! Kiimaq apaiq raq namshiq nübin thun kra misibaiq. Kiimaq namkhu bin thun nai namhan bin thun kra wiita asi mirbaiq.

ISAIA 8:4

Ara no ka, ‘Nyung-nyung’ nai ‘Wewe’ ngutiimin mibomtsü shaq liipan niili Damaskas chela wa tsiiq nai nyam tum thun kra wiita kiimaq Samaria chelati raq maiq tsiiq tek raüta atum atum ato thun kra Asiria mung hokhamwe raq wiita mihophaq wan.”

ISAIA 8:7

Arkha na, Ngi Tati raq Asiria mung Hokham ajongwe nai aseng phenlabi thun kra tsuq walata Juda mung kra mitiikhatha. Tsangshiq ka Euphretis rai chhang wan raüta jüraikii tan thun tümlüm tümli lümwantlaq ikha milüm man.

EJEKIEL 22:31

Arningkhan, Ngi raq itsankhiq walü tum ka tsangshiq khuthaq niishe miraü baiqha. Lata wa raq jamkho tiibunlak khiimbaiq tlaq ikha tsangshiq ngarai kha na mitiithen baiqha.” Arka Tati Rakaü Hiqwe raq toqtantlo.

EJEKIEL 7:10

Israilnok ma athen wan rahiq ka saü wanto she. Riitsea riita kiimung riili she ma wanto. Shiikong tsii kriika ratsan ramong nyang niishe saü wanto.

DANIEL 11:36

“Siria mung hokhamwe raq, apaiq raq athithi kli miklo wan. Apaiq raq apaiq ka phra thun thaq niimin, ajong nguta mitiishom rasiq. Apaiq ka Ajong Thaq Na Ajong Shiikeawe thaq niimin ajong nguta mitsütsitsiq. Apaiq raq ara abi kiimung arka, Shiikeawe raq apaiq ma mo tiiho akhing ranaiq na saüli miklo wan. Shiikeawe riika apaiq raq jamkho thimi wantaq kra phanphan miklo wan.

NAHUM 1:1

Arka Ninewi chela miitu Elkosh hiqti shammiwe Nahum ma atiichhi kuq riisham bomchong.

HABAKUK 1:12

O Tati i Shiikeawe lei, ümniika pattup pat-sa miiphü, Shiikeawe dongdii, ümniika i Shiikeawe, asii kiimaq pattup pat-sa, ümniiraq Bebilon mungti ka, naishiq kha phoke miitu she, shong wan laü. Naishiq ma sintsang tiiho wan miitu, tsangshiq ma munglang wan ningkun, kuq laü.

JEPHANIA 2:13

Tatiwe raq apaiq ningkun, jonghea rümtlaq kiimaq, Asiria mung ka mijiip baiq. Apaiq raq Ninewi chela ka, shaqmii shinriiq kumtsaiphii ma mitiijabaiq; khu akham min ahü hiq ma mitiijabaiq.

WEAWEA 24:24

Alongkaiti ka Saipras mung wa khamjong lam maq sangpho lai maq miki; Tsangshiq raq Asiria mung nai Ebar mung ka mitang wan, Shatmaq tsangshiq ka, maiqmii akhing na Pattup pat-sa miitu mithumki.”