ISAIA 10:4 - ASII LAKDAP Bible (BSI)

⁴ Namshiq ka re na mitsaihan. Riimakla namshiq ka pongmung na munglu shumwi ma mihit wan. Kiitinkhan taü miimin Tati tsankhiq ka shimakli riishat shat miraq. Apaiq jaq ka ra na doshat namshiq ma motiiho miitu kheshat miraq.

Hawa Naga Bible 2001

⁴ Nuimshiq kuex ralx khvt nuex thvy rvhumc tuinx, rvmuq ngoz ruiux khoktep miqsaz htenc ikhoc het shvlc wvnc rvhumc tuinx. Kvkhoc rvyruiux doc muinz Yehowa thuinkhvy htumx muq; murx tvgurc tvkoc vyauk kuex tenz hvt dvyx rvshuex.

ISAIA 10:4 Referencias Cruzadas

ISAIA 22:2

Chelati mungmaiqse ka arii ariiq, agi asii watrang kiimaq achhang ahang watrangla. Ümsengi ara redong na tsaitaq thun ka rekhat lam maq tsaimak dea.

ISAIA 24:22

Shiikeawe raq hokhambi ka khobok mong na shumwikong ikha tsakhat mitübaiq. Apaiq raq tsangshiq ka tsangshiq kha phoraüta mo tiiho akhing misaü shaq wiiwii phaqtek mong na mishaqbaiq.

ISAIA 34:3

Tsang maa phong ka lap mak miraq. Shatmaq kiijaq riiphong raütli minam rai. Raüta maiq maa namtsangli miraq. Kiimaq pum thun ka maiq tiijai raq shiiroro miraq.

ISAIA 5:25

Tati ka asenginok ma atsankhiq. Kra ningkhan tsangshiq ma mo tiiho miitu ajaq ka ra na doshat she. Pum thun ka mitiikhai. Kiimaq maiq tsaitlaq maiqmaa phong ka chiihea wea lam thun kiijaq sinchiitsap ikha küramliira mirphong. Kiitinkhan taü miimin, Tati tsankhiq ka shimakli misi. Apaiq jaq ka ra na tiipiishat maq tsangshiq ka mitsat wan.

ISAIA 66:16

Watu nai nepjasai maq apaiq raq mangjong hiq na siti ashut maiqse thun kriima mo mitiiho. Kiimaq maiq pahea atsea mirbaiq.

ISAIA 9:11

Tati raq tsang jaqtinok re thun ka tsangshiq khatkai miitu tiishaibaiqto she.

ISAIA 9:12

Siria mungti raq shedong nü maq kiimaq Philistain mungti raq shenyap nü maq Israilnok phaq wan miitu tsangnü tiikiraq khetlo. Kiitinkhan taü maq dongdii min, Tati tsankhiq ka mishi shaqli. Apaiq jaq ka tsangshiq khuthaq na tiinyishatli, tsangshiq ma mo tiihoke miitu.

ISAIA 9:16

Ara mungmaiqse shunsheatibi raq tsangshiq ka lamjiq na shunsheato. Raüta tsangshiq ka wiita tiimangmii baiqto.

ISAIA 9:17

Arningkhan na, Tati raq jerobi thun ka weshi ra dongdii min tiijulap mak miraq. Kiimaq apaiq raq manti-nyungre miimin kiimaq jechisetiim miimin, atiihang mangchan ka tiitsi mak miraq. Jamkhano ngukla maiqse angu kunli ka ra weahü kong siisaq kiimaq abi kiimaq tsangshiq nübok maq ümchu wa bomtlaq ka ashut siisaqli bomtlo. Atinkhan mo tiiho wanlot jai min, Tati tsankhiq ka shimakli riishat shat miraq. Apaiq jaq ka ra na doshat maq tsangshiq ma mo tiiho miitu khekhamli miraq.

ISAIA 9:20

Tsang mung barapse na, maiqse angu raq tsangshiq mak maq achhichhi, maiqjaq na phaq nai sea phan akhiishe kra chhi raü min nyeawat wat raütli she riichhin phaqsiq hotlo. Kra taümaq dongdii min tsang ramtsi ka tsaqmak. Tsangshiq raq tsangsetiim noshiisetiim kra dongdii min aphaq riitlo!

ISAIA 9:21

Manase phan nai Ephraim phan liipan na wesang ralii riikhattlo. Kiimaq tsangshiq noknai ri ka adam na pong raüta Juda mungti ka khattlo. Atinkhan arjai miimin, Tatiwe tsankhiq ka shimakli riishatshat. Apaiq jaq ka tsangshiq ma mo tiihoke miitu tsangshiq phanü na tiinyishatli sitlo.

JEREMIA 15:2

Tsangshiq raq ümniima, riita tsangshiq ka ümbana kaiho chang wa ngutla wai raüla, tsangshiq ma ngi raq chongkang nguta chonglaq. Tsangshiq ka: Tsangshiq wiijam ka thatsi raq mitsai— kiijaq tsangshiq ka kaiho chang! Maiq wiijam ka re na miqchup mitsai— kiijaq tsangshiq ka kaiho chang! Maiq wiijam ka ram raq miqchup mijiim— kiijaq tsangshiq ka kaiho chang! Maiq wiijam ka munglu shumwi ma mitsuq wan— kiijaq tsangshiq ka kaiho chang!

JEREMIA 37:10

Bom shiiton ngu i, namshiq raq Bebilon mungti ka khat lanta tanghan jiimin, lanta tsangshiq ka asho ami atsi siisaq kli tsangshiq piitiip thun na bum raq raq kriili tiichong raü min, tsangshiq ka tiido nong raüta ara chela ka khat raüta wa maq hihut michaqbaiq. Raüta bot khulai rai mishotbaiq.”

JEREMIA 4:8

Arningkhan wunthaü riinaü samtong samlanta agiliilii hoq ronglaq, jamkhano ngukla Tatiwe tsankhiq ka Juda mung khuthaq wa jang wan mak dea.

Hosea 9:12

Anyungtiim raq tsangsetiim li hum raü min, wiita ngi raq mitsat baiqha. Laihü nyungtiim ma mitiijaha. Ngi raq tiishaübaiqkang miiphat, riitsitsaitsiiq michamchao.

LEWI 26:17

Ngi ka namshiq ma wesang miishe mijakiha. Krai mren namshiq ka re raq khat raüta mitang. Krai mren namshiq ngengtinok raq namshiq khuthaq na nga raüta mung ka mipeng. Namshiq ka phiip ajiiptsi raq tsai lanta, maiq raq ajo wanti ahü li ngu raü min namshiq ka tsaihü jihüshe miju han.

TRI CHONGKE 32:30

Rewe weshi riili maiq hingshi ka jamkho tangta, kiimaq maiq hingroqshi ka re we anai riili jamkho khatta? Tatiwe, tsang Shiikeawe raq tsangshiq ka tiishaübaiqto; tsang Shiikeawe ahong alawe raq tsangshiq ka miimbaiqto.