ISAIA 10:3 - ASII LAKDAP Bible (BSI)

³ Riita Shiikeawe raq namshiq ma mo tiihotlaq akhing na jamkho mijahan? Apaiq raq pongmungti luhea wa tsuqho raüta namshiq ka tiithen baiqtlaq akhing na jamlai she wa mirhan? Namshiq ka khrum jaüwa jupha niishe wa mijuhan? Namshiq tsiiq nai nyamtum phong ka ümbano mipaühan?

Hawa Naga Bible 2001

³ Nuimshiq muex Tishox rueq murx tvgurc shuex nuex, nuimshiq rueq yvmx khoc lac rvshuinx? Vpiq rueq lvmx luz mungx wawc nuimshiq htauk nuex thuimkux kuex tvhttuiuc wvnc shuex nuex, nuimshiq rueq yvmx khoc lac rvshuinx? Romc kuy jix thuiyc kay m-yuq lac yuz tuinx? Nuimshiq tsak vnyvmx kuex m-yuq lac httuiyq shuinx?

ISAIA 10:3 Referencias Cruzadas

RAPHA HIQWA LAK 31:1

Jakob raq Laban setiim raq akha ngutlo nguta bom ka taito, “Jakob raq nawe rii hupsam wiita she lamhoto. Nawe tachong tsiiq maq piikii raüta apaiq ka chiithe jong she jakito.”

2 HOKHVMX 7:15

Krai mren, kra tsasoq watibi ka Jordan rai na saüli phanho raüta liikito. Raüta tsangshiq raq kra lam na lam wiilülü na Sirianok raq tsangshiq aju lam maq lam na amiimbaiq rat thü khu akhea phong kiimaq laihin hupsam rekhat chang hupsam abaiqthü thun kra chhito. Raütiishe tsangshiq ka jang wan raüta hokhamwe miishe tsütsa ka chong wanto.

YOBA 31:14

Ngi raq liikuq mang riiha jiika, Shiikeawe rung na jamkho michap waha? Shiikeawe ka ikha phokai kitlaq akhing na ngi raq jambom she wa michong hata?

TAKSU LAK 11:4

Ningthoi ranaiq tsiiqtum raq, ümrilung tiichhii lot mak. Kechu jaqsham raq üm rilung mitiichhiilot.

ISAIA 13:6

Amitsi ma gitrang ronglaq! Tatiwe ranaiq ka saühoto she. Ajong Pinthumwe raq tiithenbaiq ranaiq akhing ka saükito she.

ISAIA 17:4

Tatiwe raq nguto, “Ranaiqshi akhing misaü wan, Israil mung jonglu ka athum she mirki. Kiimaq atsiiq tum thun toraüta chiithe jong sitlaq kriika miitsankaq miishe mitiijabaiq.

ISAIA 20:6

Kra akhing she saüwa raüla, Philistain mung na sammoktra chum wang na sitibi raq akha mingu, ‘Liironglaq nashiq ka Asiria mung ajong hokhamwe jaqkhon wa mitiikhup wongkuq nguta ranphan wankainok ka jamkho jakita! Nashiq ka jamkhiishewa milun rong i?’”

ISAIA 26:14

Ümchaü tsangshiq ka tsaikito she thongshi atra jalot mak she; tsangshiq majikong ka dong wan lot mak. Jamkhano ngukla ümniiraq tsangshiq ka tsatbaiqlaü, kiimaq thumthum tiithenbaiq laü. Tsangshiq ka jurmin tsan na tiitsang mak she.

ISAIA 26:21

Tatiwe ka apaiq sichang ramungtan jam maq aki saühotlo she. Apaiq ka mangjong maiqse raq ngarai thun klo khana tsangshiq ma mo tiihokai kitlo. Mangjong hiq na ahukse maq maiq atsatbaiq thun ka wiita mitiichhikuq. Kiimaq maiq ümchu wa tsatbaiqtaq thun ka hiqraikhü riimin paülot mak she miraq.

ISAIA 28:20

Namshiq ka maiqwe ashi taksu bomtsi na chongtlaq ikha miraq. Apaiq ka changdü ka toqhea se na konla nguta dankla ahok ka atlii min maimak, kiimaq adü na samchang kheathum ka ranhease kha maq, akhum hamli ka hammak chamchaotlaq ikha mirhan.

ISAIA 29:6

Ajong Pinthum Tatiwe raq ümniika ramok rachhai wa trangla rathaiq wan raüta kiimaq hiq jong tiimu wan raüta mitiichhii kuq wan. Apaiq raq henghea pinthum rathaiq mitiisaü. Kiimaq walü wa amok dung dung mitiikhiim wan.

ISAIA 30:16

Kra rii na, namshiq riika phiqhea jutlaq kumrang kong thaq na chao lanta namjaqti makki wa jurong i nguta thapthitlan. Kriika tengto. Riikhaqli dea. Namshiq ka namchiim jin aju changli she dea! Namshiq riika namkumrang kong ka phiqhea mijulot nguta tiimatlan. Shatmaq namshiq jotinok ka aphiqlin miju kiiphan!

ISAIA 30:5

Li jiimin, Juda mungti ka jaimaq pinthum atiishudaq mirwan. Jamkhano ngukla tsangshiq raq akam seachang mung riimak, tijong hophaq tsin maknok ma, tsangshiq kamtsantsii ka thü wanto, tsangshiq ma ran raüta tijong thükiita khoti, tsangshiq kli tiishaübaiq rat.”

ISAIA 30:7

Ejip mungti raq khrum jaqshamtlaq kriika jamlai achu ahü thiihü atuli. Kriikhana Ngi raq Ejip mung ka ‘Pusut prenkaü, ngutiishe mangkuq kang.’”

ISAIA 33:14

Ngaraibuli sitlaq Jajon chelati ka haisitsi ma atiikhairokrok she sitlo. Tsangshiq raq ngutlo, “Shiikeawe raq khapho ka pattup pat-sa walü nyai raitlaq raüta khiimtlaq ikha. Nashiq phong wa maiq weshi ra ka ara wamong wa milun lot rong i shea?”

ISAIA 39:3

Kiijiishe shammiwe Isaia ka Hokhamwe Hejekia phana wato. Raüta waito, “Arwetiim arka ümba maq aki wa kiimaq tsangshiq raq ümniima jamlai bom asa wa chongta?” Kiijiishe Hejekia raq treto, “Tsangshiq ka maiq mung luhea wa aki. Bebilon mung wa.”

ISAIA 5:14

Wulum mung ka tsangshiq khephaq kamto sitlo. Kiimaq anübok ka jonghea tiiki shatmaq khetlo. Awok mong na Jerusalemti aki miikiimbi thun ka mungmaiqse agi asii watrangla kriirai adam maq jok wantlo.

ISAIA 5:26

Tati raq pongmungti luhea wa raüpot pheakuq raüta mitiihea. Apaiq raq ajaqshi tsü raüta tsangshiq hiq tiisup ra tiisup mung thun wa warongra nguta tiiheatlo. Krai mren tsangshiq ka arjaq jaqlo thitthit she saühotlo!

JEREMIA 22:7

Ngi raq ara tiithen baiqkai miitu re kong she tiiki tiikang. Tsangshiq tarü raq mang doraq chhaq maq kiraüta, maisak pe maq toqpum kham thun tsomhea ahai kra wiita midaqbaiq. Raüta wa niishe michaq baiq.

JEREMIA 4:30

Jerusalem lei, ümniika miqlaü she! Jam nguto kheashii miirii maq tiimiikhiiq tlaü? Jam nguto longseng laktum lak tlaü, laüta ümmak na rong maq nyat tlaü? Ümkhum tiitsomrom rattlaü ka atuli! Ümkongtiwetiim raq ümniika miimbaiqto she, kiimaq tsangshiq raq ümniika atseabaiq tantlo.

JEREMIA 5:31

Shammibi raq arot akiq kriili chongtlo. Ramwebi raq mung ka shammibi aming kra phan phan pengtlo. Kiimaq isenginok raq tsangshiq kiq ka khii wan tsü mak. Shatmaq arthun ara athum riiwantlaq kiijaq tsangshiq raq jamlai she wa miraq?”

JEREMIA 9:9

Tsangshiq raq atinkhan ashut klotlaq arkha na, Ngi raq tsangshiq ma mo tiiho mangli shea mirha? Akhnok mungti khuthaq na iphuk lam mang li shea misiha? Arka, Ngi, Tatiwe raq ngutiikang.”

Hosea 5:13

“Israil mung raq tsangshiq ngarai thatsi chhito. Kiimaq Juda mung riimin tsangshiq ngarai homa chhito. Raüta Israil raq Asiria hokham tijong howato. Shatmaq Asiria hokham raq, tsangshiq ngarai tsi ka tiihea lot mak riito.

Hosea 9:5

Ikhiijiika, rawiitek kuk nai mei klo wantlaq ikha, Tatiwe shreng poi akhing ranaiq kiiha? tsangshiq raq jamlai honglu she wa mikuq wan?

Hosea 9:7

Shiikeawe manson saüto she Israilnok ma. Tsangshiq khapho akhing saüto. Israilnok hoqtlo, “Shammiwe ka angiwe! riisham bomchongti ka aruwe!” nguta ngutlo. “Namshiq ngarai jonghea, kra ningkhan ngi ngengtlan,” nguta Tatiwe raq ngutlo.

AMO LUIK DVP (AMOS) 5:19

Kra ranaiq akhing ka, maiq weshi ka hangsikaü raq jowan raüta aju, chapbi kaü rai riihum rainong tlaq ikha miraq! Kiimaq maiq weshi ka wakmaq awa ajam na saü, ajaq hiqkhu chong na arwiiq, kiiwa paü raq athaü ikha miraq!

Mikha 7:4

Tsangshiq phong wa maiqshaq pinthumwe kriimin, kiida raü tsung ikha mairam maiq raq. Shiikeawe raq tsangshiq ma tiichamchao ranaiq ka saüto she, arka apaiq raq shammibi lumaq, kiq akhamkuq kriishe.

JEPHANIA 1:18

Tatiwe raq apaiq tsankhiq tiichhi tlaq akhing na, tsangshiq chaq nai kampho riimin, tsangshiq tiiwongkuq lot mak miraq. Apaiq tsankhiq wa raq, mangjong hiq raikhü ka, wiita wa raq mikhiimbaiq. Apaiq raq mungmaiqse wiita, tiihanghiiq miili mitiithumbaiq, mangjong hiq na siti wiita mitiithumbaiq.

Luke 19:44

Tsangshiq raq ümniika botkhulai rai she mishot baiq wan. Kiimaq chela mong na siti, maiq angu thun kriika, tiimiqchup she mithaü baiq! Ümniiraq ara ümnaq tsai lam riihum tlaü arka, Shiikeawe ka ümnaq tiichhiike kai saüki phaüta, ümniiraq kra akhing ka sap maü dea riilaü, kriikha miishe miqphaq wan tlaü!”

TRI CHONGKE 28:49

Tatiwe raq üm khuthaq na pong mungti rathup rapha mungti kra mishea wan. Kra mungti bom ka ümniiraq taimaü mirhaü. Tsangshiq ka wa raüta liihawe raq wu phiimtlaq ikhiishe ümniika miphiim wan.

1 Peter 2:12

Namshiq rong arai ka thatsang maiqse maklii na ahea awa, athuk atsom, jam shut ahü maq siraa tlo. Krai mren, tsangshiq raq namshiq ka phanrap abi ati kiimungti nguta shra raü min, tsangshiq raq namshiq jaqsham, asap ada sham tlan kra, shamto dea nguta tsangshiq kiq khii chang ahü miraq. Kiimaq krai mren, Tatiwe saükai akhing Ranaiq na, namshiq dea riikhaqli nguta tsangshiq raq Shiikeawe ka mitiishom raa wan.