ISAIA 10:2 - ASII LAKDAP Bible (BSI)

² Akha lanta namshiq raq miitsan maiqse ka ajiq tri kriimaq khatlan. Lanta tsangshiq raq lapchang arang kiimin namshiq raq nyeahotlan. Lanta rung maq tsangshiq raq lap chang kiimin tlapkuq man ajiq photlan. Akha namshiq raq manti-nyungre nai jechisetiim tachong hupsam kra nyeahotlan.

Hawa Naga Bible 2001

² Kvkhoc rvtueq nuimshiq rueq htemz vrvmz miqsaz htenc rueq lvp aungx yaq vkhangx nuiyc tvrac vlvmz lvp juing kuex tuinghtuing vshuinx. Nuimshiq rueq mvntix nyuiuz tamx nuiyc nojix saz tamx tsak vnyvmx kuex lvmz wvnc tuit.

ISAIA 10:2 Referencias Cruzadas

YOBA 31:16

Ngi raq miitsan maiqse khrum jaqsham ka naq nguta jangshi min tlea mang; ngi raq manti-nyungre ka ümtiikiimin tlitkot mang

Tvtsvmc 94:6

Tsangshiq raq manti nyungre nai jechisetiim ka tsatbaiqtlo, kiimaq wanshawetiim naimung na siti tsatbaiqtlo.

DUNGWVNC 23:6

“Miitsan maiqse rung na chaptlaq akhing na, akha ka riikhaqli phokuqlaq. Naq tiishaüjikiq.

TAKSU LAK 22:22

Rung na chaptlaü akhing na, ümtang haü ngo maq, miitsan maiqse ka nanshanshan naq riikiq. Tsangshiq ka ümkoq ümphaq, kra chhilaüta naqnan shankiq.

TAKSU LAK 30:14

Maiq wiijamti ka phususang; tsangshiq raq miitsan maiqse ka, nanshanshan haihiitlo. Raüta tsangshiq chiithe ma jatlo.

ISAIA 1:17

Laüta tingting jaqsham kra shrinlaq. Liilaq, riikhaqli tingting jaqshamlaq. Di ama ikha maiq raq tiichamchaotlaq kra khrumlaq. Thüm waq mantise re ma tsangshiq raq jamlai phan lap phaq sea wan chang wa sitlaq kra khashkhaq kuqlaq. Kiimaq manti nyungre kra tiikhup wongkuq shat maq riimlaq.”

ISAIA 1:23

Ümwelabi thun ka ikiq khiitikong siisaq. Kiimaq ahuk arot kong kongti siisaq she; tsangshiq raq wranaiqshe mungmaiqse jaq wa kongphiq jaqmiiq kiimaq tsiiqlap jaütlo. Tsangshiq raq rung maq thümwaq mantisetiim ka ümtiikiimin tiiwongkuq mak. Kiimaq manti nyungre raq tsangshiq kha ka phokuq ronglaq nguta rung na shok raü min liikuq mak.

ISAIA 29:21

Shiikeawe raq maiq chong seatibi ka mishthenbaiq, matsaü tsaseti kra tiiwongketibi kiimaq arot saqse kuq raüta maiq setu sepiiti raq kha tsangshiq raq tang changwa tiitang mak riitaqti thun ka wiita mitsatbaiq.

ISAIA 3:14

Tati raq asenginok nyungwere thun nai mungtubi thun ka rung na khapho miishe tiichap wantlo. Apaiq raq tsangshiq ma kha ka ara nyantlo: “Namshiq raq spiqro thun ka wiita hukphaqsiq wan lan. Lantea namshiq jam thun ka miitsan maiqse jaq wa nyea wan lan tsiiq anyam raq amashe sitlo.

ISAIA 3:15

Namshiq raq isenginok ka ji maq nishishi tseabaiq ka thekmak arang ahü. Lantea miitsan maiqse thun ka nanshan shan haihü ka maimak. Ngi, Ajong Pinthum Tati raq toqtan tiikang.”

ISAIA 32:6

Maiqjiqwe riika ajiq aphiqli mibom. Kiimaq ajiq jaqsham kli tiimatlo. Raüta ajiq kiimung kra süriitlo. Apaiq raq jamlai jaq wa shamtlaq kiimaq anü maq jamlai wa bomtlaq kriika Tatiwe shummii bom siisaqli bomtlo. Kiimaq apaiq raq ümtiikiimin amang aleiti ka dunghiq mak phan. Kiimaq khamnyang wiikiitsi chamchaotlaq kriima min khan kok tsiim kuq mak phan.

ISAIA 5:23

Shatmaq khapho rung miishe ka ashutwe raq tsiiqlap kuq raüla, namshiq raq ajiqwe ka atiidong riibaiqtlan. Lantea maiqsangwe ka nanshan shan tiishut baiqtlan.

ISAIA 5:7

Israil ka Ajong Pinthum Tati spiqro; Juda mungti ka apaiq raq achhi jang spiqro, Tsangshiq raq ahea jaqli misham nguta tiimato; shatmaq tsangshiq raq maiq khoti tsatto. Tsangshiq riika athuk atsom jaq misham nguta apaiq raq tiimato, shatmaq tsangshiq jaqsho maiqse thun raq kha phokuqlaq nguta hoqtrangto.

ISAIA 59:15

Riikhaqli maq jaqshamti maiq ahü ngokha maq, jurwa ashut jaqsham kra thaqbaiq wan tlaq, kriiwe kiimin ashut kloti maiqse chuntsi kra ho raüta chamchao riihum wantlo.” Tatiwe raq arthun arka chhiito she. Kriikha na apaiq ka atsanbi sitlo. Jamkhano ngukla mung na tri tingting maq lang wanti maiq ahü.

JEREMIA 7:6

Pongmungti wanshawe namshiq rai sidamtlaq kra, manti liihi sekong, kiimaq manti nyungre kra naq nanshan rongkiq. Armung na maiqsangti ka kha ahü na naqtsatbaiq rongkiq. Sumla phra kong shomnoq ka athaqshe riibaiq ronglaq. Kra shomnoq tlan kriiriili namshiq ka mishthen baiq.

AJONJÜ 3:35

Apaiq raq nashiq ma thektlaq nguta athiiq ka, ümtiikiiwa lapmai riijiiq kra apaiq raq asap.

EJEKIEL 22:7

Chela na siti jurmin anyungwe ka shreng mak. Namshiq raq pong mungtibi ka laotlan. Kiimaq manti nyungre nai jechisetiim ka nanshan shan haihiitlan.

AMO LUIK DVP (AMOS) 2:6

Tatiwe raq akha ngutlo, “Israil mungti raq atang wan ngarai, hiq ma ra ma. Arningkhan Isengi Israilnok lei, ngi raq namshiq tiijoq mang. Tsangshiq raq thiitham kuqlot makti tingting maiqse, kiimaq hokkop pashi thiitham kuqlot makti, miitsan maiqsetiim di ma shaphaqto.

AMO LUIK DVP (AMOS) 2:7

Tsangshiq raq wepuq wese ümkoq ümphaq, ji maq nishishi nibaiq wanto. Kiimaq miitsan miijan maiqsetiim, lamkampii wa liiq baiq wanto. Kiimaq siwe sise anai jong raq, maiqmii dise jechakse rai adam hainga wanto. Raüta maiqse kra haihii wanto. Raüta imang asii tiisheshi wanto.

AMO LUIK DVP (AMOS) 5:19

Kra ranaiq akhing ka, maiq weshi ka hangsikaü raq jowan raüta aju, chapbi kaü rai riihum rainong tlaq ikha miraq! Kiimaq maiq weshi ka wakmaq awa ajam na saü, ajaq hiqkhu chong na arwiiq, kiiwa paü raq athaü ikha miraq!

Mikha 3:1

Israilnok tuwebi lei tairong laq! Namshiq raq tri raütu ka tingting shamchang riimak shea?

MALAKI 3:5

Tati Ningkun Ajong Pinthumwe raq ngutlo, “Ngi ka namshiq phong na midongkiha. Lata namshiq kha ka miphoha. Mintin loqle kloti, maiqchak rai srati, rung na arot saqse keti, ningchang jaqmaq kuq mak haihiiti, kiimaq thümwaq manti-nyungre nanshanti, jechi-nomi kiimaq wanshawe haihiiti kha, kiimaq ngi ma shreng manto thüwan makti thun kha kra miphoha.

Matthew 23:13

“Namshiq ma phiiptsi chang jonghea asi, Phorisinok nai Thungtri shrinketibi le! Mongnam nok le! Namshiq raq mangjong maiqse ka Shiikeawe sengi ma jawanti wachang lam kilü kra ashaq riibaiq tlan. Namshiq maiqmii kiimin wawan man. Kiimaq nanok juwa awa wan tiima tlaq, kriiti kiimin tiiwa man maq lam ka tangta tlan!