Mikha 4:13 - ASII LAKDAP Bible (BSI)

¹³ Tatiwe raq ngutlo, “Jerusalem lei, tiido laq, laüta ümrewe ka nibaiq laq! Ngi raq ümniika minpongwe arong jinrong, kiimaq ahoksan ka miiki ngam, ikha honghea ningkun mikuq kang, ümniiraq maiqphan pahea mithaü baiq wan haü. Kiimaq tsangshiq tsiiq anyam, sepat lope atsuq wan ka, Ngi ma michom kuq wan haü, Ngi ka ra ahiq rümti Tatiwe.”

Hawa Naga Bible 2001

¹³ Yehowa rueq, “Yerusalem miqsaz lex, mralx hez muex murx tvgurc kaz kuiuz! Yanx rungx htenc nuiyc nvyrvyx huk httuinc httax yaq manx pung ikhoc ngaz rueq mnoz kuex tvhung laungx phaungx. Mnoz rueq miqphvnx paunghvlc kuex tvbunx jek gay shuiux, tsuingshiq rueq yauk laungc yalawx maq vlvp tsak vnyvmx kuex mungkawx lotlaz Taungjix rvtauk, ngvy kox nuex kuq kaz wuez ruex,” ngoz tueq jungx tueq.

Mikha 4:13 Referencias Cruzadas

Tvtsvmc 24:1

Mangjonghiq nai kiijaq ümchuwa sitlaq kriika Tatiwe rii; hiqraikhü kiimaq kriithaq na jamlai wa sitlaq kriika apaiq rii.

Tvtsvmc 68:29

Jerusalem na üm Shomjam maq, hokhambi raq ümniima kongphiq thun kuqtlaq kriimaq.

Tvtsvmc 72:10

Spen mung hokhambi nai khamjong heawea mong na siti mung thun raq apaiq ma tijong kongphiq thun mikuq wan; kiimaq Sheba mung hokhambi nai Seba mung hokhamwe raq apaiq ma kongphiq thun mikuq wan.

ISAIA 18:7

Akhing ashi misaü wan, kra akhing na, Tati Ajong Pinthumwe raq armungti jaq wa honglu ka mijaü wan. Ara jürai pahea raq tiikho tlaq mung jaq wa. Ara ahong ala mung. Kiimaq ningkun jonghea riimti mung, ara maiq ajong alu kiimaq tsangshiq han ka nyeajok jok hea atsom wiq mung arjaq wa. Tsangmungti ma mangjong tlotli raq aphiip ajiip haitlaq armung jaq wa. Tsangshiq ka Tati Ajong Pinthumwe shomnoq chang Jajon pum na miwa.

ISAIA 21:10

Isengi Israilnok lei, namshiq ka bunwong ikha wiita athaübaiq kun she. Shatmaq ümchaü ngi raq namshiq ma tsütsa ahea tiitaitiikang. Arka ngi raq Tati Ajong Pinthumwe, Israilnok Shiikeawe raq achongkuq taikang.

ISAIA 23:18

Raüta apaiq laopan ja kampho ka Tatiwe ma mikiinong kuq. Apaiq raq tsiiqtum apaiq miitu thümak miraq. Shatmaq Tatiwe shomnoqtibi raq apaiq kampho kra lang raüta tü atsam mirisiq kiimaq tsangshiq miitu khu akhea ratlaq kra risam ma milang.

ISAIA 5:28

Tsangshiq liqsin ka asi min sihea. Kiimaq tsangshiq liq ka ahiip homa tiijeshat. Tsangshiq kumrang kong thun hoksan kriimin jamachong khupo ikha tsinhea. Kiimaq tsangshiq kumrang leng jikom thun kriimin rahai wan tlaq ikha phiqhea kwintlo.

JEREMIA 51:20

“Tatiwe raq ngutlo, Bebilon lei, ümniika i sintu, ire khat chang. Ngi raq ümniika ijaq na sham lata, maiq mung thun nai mungtan thun tiibun tiiqbaiq wan kang.

JEREMIA 51:33

Jaqlo liipan niili re raq tsangshiq ka mijiipbaiq. Raüta tsam khaolüm nitlaq ikha hiq na nishishi she minibaiq. Arka Ngi, Tati Ningkun Ajongwe, Israilnok Shiikeawe raq ngutiikang.”

DANIEL 2:44

Kra hokhambi raq mung lang wantlaq akhing niishe, ramungtan na siti Shiikeawe raq mungtan ashi she mishong wan. Kra mungtan ka pattup pat-sa thenki mak phan she miraq. Kra mungtan ka hokham ahinti juwe riimin khat lot mak she miraq. Shatmaq kra hokhamwe raq mungtan ahin thun ka wiita tiithumpak mikhat wan. Raüta apaiq mungtan kriili she pattup pat-sa thummak miqmak miishe mung ka misiq wan.

Hosea 10:11

“Israilnok ka minsaü saüshiikaü nithe atsin ikha riito. Khaolüm tsam phong niti riito. Shatmaq tsomhea adangkong na, phu tlak lata ahea jaqsham shrin wan kang. Juda miika wak hiq atsin tiithu wan kang. Israil ma wak ka phu maq tri wan kang.

Mikha 5:7

Kra mungbrak jaimaq aso atiichong, Israilnok ka maiqphan pahea ma Tatiwe raq, waitsi atrok ikha hüphin hanphin miraq. Wak na tsam cham rü na, waitsi bangkham sattlaq ikha, tsamcham miitu ahea miraq. Tsangshiq raq maiq jaq ka liimak miraq. Tatiwe miilishe mikam wan.

HABAKUK 3:12

Ümtsankhiq wa tsi ma, mangjong hiq raikhü kunli khumlaü; ümtsankhiq tsi ma pongmung maiqse, notnibaiq laü.

JEKERIA 12:3

Shatmaq kra akhing she saü raüla, ngi raq Jerusalem ka longkaü ashi ikhiishe mitiijaha. Ümra mungti riiwa kra longkaü ka dobaiq lai nguta danjiiq, kra mungti ka maiqmiili khoti mitiipatrai. Mangjong hiq wa maiqmung pahea adam pong raüta Jerusalem ka mikhat.

JEKERIA 12:6

“Kra akhing na, ngi raq Juda mungti ka ralii na peshin arongchaq ikha, kiimaq tsamkü rü wa maq achaq ikha trotam na siti maiqmung thun ka wiita mitiikhiimbaiqha. Jerusalem chelati ka chela mong na hansang miraq.

JEKERIA 4:14

Kiijiishe apaiq raq chongto, “Ara kü nai ka maiq wenai, Tati raq, apaiq jaqsham ma nguta phumramkham maq tiibok raüta ajaq akhaqkuq wenai riito.”

JEKERIA 6:5

Kiijiishe apaiq raq, “Ara kumrang leng blai chhitlaü arka, lamblai maq haiwan tlaq rahai kra tiichhikuqto. Arthun rahai haiwan tlaq arka, mangjong hiq rümti Tatiwe raq atiiwa,” nguta treto.

1 Corinthians 16:2

Chepat ranaiqtek na namshiq tarü khumtek raq, maiqmii raq ümchuwa lapkap tlan, kra tiiphan phan, maiqmii hii maq tiithi lanta, kampho ka hiwan lili rong laq. Kra riihan jiila, ümtiikiiwa ngi namshiq phana saü wan tiikang, kra ranaiq hirii rea ka raa mak she miraq.

TRI CHONGKE 33:25

Apaiq sichang chela thun ka jin kilam thun maq siisaq ruk raüta mitiiwonglaq, Kiimaq apaiq ka wranaiqshe tiiwong kuqshat misilaq.”

JOSHUA 6:19

Phanrap hup nai sam kampho maq atiiq, chaq maq atiiq, nairai maq atiiq, kiimaq jin maq atiiq, thun wiita ka Tatiwe rii pong na asii ngamrea arai thüwi she. Arka Tatiwe tsamtiip khok na thü chang,” nguta aming kuqto.