Biblia Todo Logo
La Biblia Online
- Anuncios -




Mikha 4:13 - Hawa Naga Bible 2001

13 Yehowa rueq, “Yerusalem miqsaz lex, mralx hez muex murx tvgurc kaz kuiuz! Yanx rungx htenc nuiyc nvyrvyx huk httuinc httax yaq manx pung ikhoc ngaz rueq mnoz kuex tvhung laungx phaungx. Mnoz rueq miqphvnx paunghvlc kuex tvbunx jek gay shuiux, tsuingshiq rueq yauk laungc yalawx maq vlvp tsak vnyvmx kuex mungkawx lotlaz Taungjix rvtauk, ngvy kox nuex kuq kaz wuez ruex,” ngoz tueq jungx tueq.

Ver Capítulo Copiar

ASII LAKDAP Bible (BSI)

13 Tatiwe raq ngutlo, “Jerusalem lei, tiido laq, laüta ümrewe ka nibaiq laq! Ngi raq ümniika minpongwe arong jinrong, kiimaq ahoksan ka miiki ngam, ikha honghea ningkun mikuq kang, ümniiraq maiqphan pahea mithaü baiq wan haü. Kiimaq tsangshiq tsiiq anyam, sepat lope atsuq wan ka, Ngi ma michom kuq wan haü, Ngi ka ra ahiq rümti Tatiwe.”

Ver Capítulo Copiar




Mikha 4:13
28 Referencias Cruzadas  

Mungkawx nuiyc kvyuq httax yaq phvnx lotlaz kuex Yehowa laung rvtueq; ghaq nuiyc kvruex htauk nuex httax yaq lotlaz muinz vpiq laung rvtueq.


Spain mungx nuiyc julc lomz htenc wawc hokhvmx bix rueq piq muex yauk noalc kuq wuez shuex; Sheba nuiyc Seba mungx wawc hokhvmx bix rueq piq muex shomc kuy juing yauk noalc htenc lvmz kuq laq shuex.


Tvphaungc Tvsuip Yehowa muex mungkawx lotlaz hiyaz vtueq, vshauk luz vtueq vshvmx svp hvlc miqsaz htenc, hungc hvlc raz tueq luimc vkawc mvrc yaq miqphvnx kuex yuix ruilx phvnx vtueq tv-phvlc taq shec tueq mungtan wawc vkuq shomc kuy juing kuex lvp wvnc vkhing httuiuc wvnc yaq. Tsuingshiq kuex Tvphaungc Tvsuip Yehowa muex nawk palx kuy tvkoc Zion Kanx nuex kaz wuez tuex.


Ngvy miqsaz Israel lex, mnoz kuex nyensaz nyvmx ikhoc nuiuz gay rvhumc vtuiux, yuq muinz majuiuc kuex Tvphaungc Tvsuip Yehowa Israel Tishox kox wawc ngaz rueq tay tauk thuix thaungx vhvlx kuex ngaz rueq mnoz muex tvtay vphaungx.


Pvkac vtueq vlvp kuimphox htenc kuex Yehowa muex lekuq shuex. Piq rueq kvruex kuimphox htenc vtvy taq muq, yuq muinz Yehowa muex nawk palx jix bix kuex tsuingshiq nuex rax yaq phuiuz vsvy nuiyc khoz vkhvy htenc rez tvkoc piq kuimphox kuex shuimx lvmz wuez shuex.


Tsuingshiq laqsvnz htenc httehvlc, tsuingshiq laq htenc vgap muex tvyoalc hvt. Tsuingshiq mvre huk top kuex lung ikhoc tsanz ruiux, tsuingshiq renc huk kuex raungguil tul ikhoc lvwvnz yaq.


Yehowa rueq, “Babelon lex, mnoz kuex ngvy wungc rawc, ngvy ralx khvt juing koz vlaq rvtoq. Ngaz kuex miqphvnx htenc nuiyc mungtan htenc kuex tvhuyx gay tvkoc muinz,


Mtanc httax muq nuex ralx rueq tsuingshiq kuex jumz tvrul gay ruiux, tsvmz nuiuz juing nuex tsvmz nuiuz shix ikhoc tsuingshiq kuex nuiuz gay shuex. Ngaz, Tvphaungc Tvsuip Yehowa Israel Tishox rueq jungx tauk,” ngoz tueq jungx tueq.


Kvruex mungx walaungx bix rueq guimz yaq nuex raungmungx Tishox rueq mkaq muinz vhtumx kay ngoz tueq vguez mungtan vshiz tec taq shuex. Kvruex kuex mkaq muinz taungx shuex rvmuq, yuq muinz honoc mungtan htenc tvsawc ric tvbac gay shuex yix maq jix pattup phaungx ngaungx wvnc tuex.


“Israel kuex tsvmz nuiuz tvkoc vtvyoalc taq manx pex pangx vshiz rulc rv-ngvlc yaq. Yuq muinz piq svp hvlc duingx htauk kvyuq kantaung tvdaungc vtueq yauk shuimc tvhungc tvkoc piq nuex kekox tvdaungc muex ngaz rueq htvp htaz taq tauk. Ngaz rueq Yuda muex tvhtuz ruiux Israel muex tv-nyet shaungx.


Tvraungx kvjungx yaq Israel miqsaz htenc kuex Yehowa tvdvy yaq buing ikhoc mungtan paunghvlc muex tvruip tvhemc kuq shuex, vkemc htenc htauk nuex yunx yaq raungyunc ikhoc yaungx tuex. Kvruex raq miqsaz nvr yaq kuex phvnx muq, Tishox rueq nvr yaq kvdvyx phvnx yaq.


Mnoz kuex thuinkhaq vtueq ghaq nuex khuemx vtuiux; mthuinz khvy thuiuz muex miqphvnx htenc kuex nyet nuiuz gay toq.


Yuq muinz kvkhoc raungnuiyq httuiuc tuex nuex, ngaz rueq Yerusalem kuex liz hvlc lung vshiz ikhoc tvyaungc shaungx, kvruex kawk gay tvkoc dvnc jix miqphvnx kuex vmac vtsac tvrvhumc shaungx. Mungkawx wawc miqphvnx htenc lotlaz rueq piq kuex tuimx khvt wuez shuex.


“Kvkaq Yuda phvnx waruiuz htenc kuex yaruix wvr ikhoc muinz, tsvmz muinc ruix nuex luic yaq wvr ikhoc muinz tvyaungc gay shaungx, tsuingshiq rueq tvroz wawc miqphvnx htenc kuex tvbac gay shuex. Yerusalem ghaq wuinz kuex ghaqyungx mungx nuex kvwungx httax wuez tuex.


Kvruex yimaq piq rueq, “Kvruex kuex ghaq wvtaungx wawc Taungjix vpiq muex shuimc kuy tvkoc Tishox rueq thvl vtueq vpuiz tix maq vshvy taq miq wanueyc rvtueq,” ngoz tueq jungx tueq.


Piq rueq, “Vruex htenc kuex raungguil bvlic rvtueq; kvruex kuex ghaq lotlaz guimz jix Taungjix khaungkac wawc httuiuc kaz yaq,” ngoz tueq tvralc phuex.


Ngaz httuiuc kaz ruiux yuq yauk noalc kuimphox rvhic rac muq tvkoc Taungjix raungnuiyq ruip rawx nuimshiq vshiz maq vshiz rueq lvp wvnc tuit ruimrix kvwawc rvhic tvyoalc taq laz shuinz.


Piq ghaqyungx htenc kuex yanx kaluix maq mtvwungx shueq, Piq kuex mkaq muinz kvkhup wungx vtueq mhttax kueq.”


Kuimshawx, kuimphox, yanx shawx, yanx htenc maq tvhungx hup vsvmx htenc kuex Yehowa laung vhtvp htaz taq ningkhvnc nuex kvruex kuex Yehowa tsak tumz nuex htawc tvy rax,” ngoz tueq jungx tueq.


Síguenos en:

Anuncios


Anuncios


¡Síguenos en WhatsApp! Síguenos