Mikha 5:1 - Hawa Naga Bible 2001

¹ Yerusalem miqsaz lex, nuimshiq nolaungx hungc kuex tvjomx taq shuiuz! Naungshiq kuex vtuimc wvnc rvhumc vtix! Tsuingshiq rueq Israel vyungx vlaungx waz kuex khvt yaq!

ASII LAKDAP Bible (BSI)

¹ O Jerusalem chelati lei, srea nolabi riichom ronglaq! Nashiq ha miqkai she! Chela trotam maq re raq kam wanto she. Tsangshiq raq Israilnok welawe khat wanto!

Mikha 5:1 Referencias Cruzadas

RAPHA HIQWA LAK 35:19

Rakhel thueyc kaz koq tueq majuiuc Betlehem ghaq ngoz yaq Ephrat ghaq nuex kay juing lvmx kawx nuex luip tueq.

RAPHA HIQWA LAK 49:10

Yuda rueq hokhvmx jowvyx kuex shuimx shuex, Piq suiuz vsaz phvnx rueq rullungx wvlex guimz lawc shuex. Miq phvnx ruip rawx rueq piq kox nuex yauk noalc htenc lvmz wvnc vtueq, piq khaungkac nuex nawk vtueq piq yix phvnx wuez shuex.

1 HOKHVMX 22:24

Kvruex yimaq shvmmax Zedekia kuex Mikaia kox nuex duiz woz vtueq vhtvlx nuex thvt ruiux jungx tueq kuex, “Yehowa siyac kuex ngvy kox wawc dung wvnc vtueq mnoz kox nuex mkaq muinz lac rvbomc kaz ruiux tvnx?” ngoz tueq wiz tueq.

2 HOKHVMX 24:2

Yehowa rueq vpiq nvrc waz shvmmax bix maq raz tueq jungx wvnc tueq rulc rv-ngvlc, Jehoiakim kuex khawx lvlx vtueq Yuda mungx kuex tvbac gay tvkoc Babelon miqsaz, Asiria miqsaz, Moba miqsaz nuiyc Ammon miqsaz nolaungx bix htenc kuex Yehowa rueq tvkaz tueq.

YOBA 16:10

Miq htenc rueq ngaz nueykuic wuez yaq, tsuingshiq rueq ngaz kuex tvroz tuimx vtueq ngvy htvlx nuex wung wuez yaq.

TAKSU LAK 8:23

Mungkawx max tvdung sung, khutuingx raungmuingx nuex, vphaungc shauk shauk ngaz kuex tvdung sung taq phuex.

ISAIA 10:6

Ngvy thuinkhvy naq jix, tishox vguez phvnx miqsaz htenc kuex khvt tvkoc Asiria kuex tvkaz tauk. Ngaz rueq tsuingshiq muex tv-nyvlc tvguiuq vtueq lvmx laungx wawc bokkhuyx ikhoc miq htenc kuex tvnuiuz tv-nyet gay tvkoc tvkaz tauk,” ngoz tueq jungx tueq.

ISAIA 33:22

Svngpholix htenc juinc htung nuiyc ruiuz htenc kuex kvdawc kaz ruiux; vjuinc juing khvy phux htenc kuex tvparc mvy muq shex! Ralx daungx rueq hup vsvmx htenc kuex nyvlc wvnc shuex, hup svmx kuex paunghvlc ningkhvnc nuex huk kuix jix rueq muinz miqmac mvnjuz phvlc kuex lvp wuez shuex. Yehowa vpiq kuex naungshiq hokhvmx muex yaungx tuex; vpiq rueq naungshiq kuex guimz lawc vtueq tvkhup wungx phuex.

ISAIA 8:9

Miq phvnx htenc lex, hiyaz hvt maq rvtuimx wuez kuinz! Lvmx luz jix lex, tay wuez shuinz. Ralx khvt tvkoc tvyoalc shuinz, yuq muinz kvhiz wuez kuinz! Rvtueq, kvkhoc tvyoalc shuinz, yuq muinz kvhiz wuez kuinz!

ISAIA 9:5

Vkhvt rvyaq ralx nolaungx bix jotac htenc nuiyc tvguiy kop yaq khvy htenc kuex wvr maq juiuz tvbac gay rvhumc tuex.

JEREMIA 25:9

‘Ngaz rueq ghaqkhux kox wawc miq lotlaz kuex ngvy nvrc waz Babelon Hokhvmx Nebukhadnezar tvkoc tvlaq gay shaungx. Ngaz rueq Yuda mungx nuiyc mungx miqsaz htenc, phic vphaungx wawc miqphvnx lotlaz kuex khvt tvkoc tsuingshiq kuex shvlx laq shaungx. Ngaz rueq vruex miqphvnx nuiyc phic vphaungc wawc htenc kuex khvt gay kaz ruiux, kvruex baung htenc kuex pattup ghaqkuiyq ghaqkhvmx baung, vkawc yawc juing nuiyc kv-khuirc hiyaz juing ikhoc muex tvyaungc gay shaungx. Ngaz, Yehowa rueq jungx vshaungx.

JEREMIA 4:7

Piq kvhttuiyq juing baung wawc dung kaz yaq hangsic ikhoc, miqphvnx ruip rawx tvbac gay jix waz kuex dung kaz yaq. Piq kuex Yuda mungx tvbac gay muex kaz yaq. Yuda ghaqyungx htenc kuex bac wvnc vtueq, miq vshiz muinz httax tuex rvmuq shex.

AJONJÜ 3:30

Wungthvt vtueq yomnamc ruiux muinz, naungshiq rueq kvruex lotlaz kuex rvhumc aungx yaq.

EJEKIEL 21:32

Mnoz kuex wvr maq tvbac gay rvhumc tuiux. Mtvguiy kuex mungtan nuex ruiuc gay vtueq, uraq muinz mnoz kuex rvwvl yek kv-phux rvmuq shex.’” Yehowa rueq jungx tueq.

EJEKIEL 24:2

Vpiq rueq, “Vthueyc rvyaq miq lex, majuiuc raungnuiyq kuex wuiyq tvtsuingc shuiuz, yvmx khoc lac ngoz ruiux lec Babelon hokhvmx waz rueq kvruex raungnuiyq Yerusalem kuex tuimc wvnc raungnuiyq rvtueq.

DANIEL 9:25

Kvruex tvtsuingc taq vtueq tuiuz taq shec shuiuz: Yerusalem tvhvlc guirc tvkoc nvr shuex kvjaz dung tuex vkhing maq raz tueq Tishox rueq thvlc rvhumc jix walaungx httuiuc kaz tuex nuex httuiuc laz, lauk mvshix shix maq wawc mvshix kuex lvy wvnc tuex. Yerusalem kuex lvmx htenc nuiyc phaungx ngaungx hvlc palx ruk htenc guirx yek shuex kuex, lauk mvshix shix maq wawc 62 httvmx tuex, yuq muinz kvruex kuex jamjaux kuilc daz vkhing rvtuex.

Yoel 3:9

“Miq phvnx htenc muex vruex jungx tvtay shuiuz: ‘Ralx lungc tvkoc tvyoalc shuinz; nuimshiq shvrvyx bix kuex gvl shuinz; nuimshiq nolaungx bix lotlaz tvtuimx vtueq kvtenc waung wvnc kuinz!

AMO LUIK DVP (AMOS) 2:3

Ngaz rueq Moba guimz lawc jix waz nuiyc kvruex mungx wawc vyungx vlaungx bix lotlaz kuex thvt gay shaungx,” ngoz tueq jungx tueq.

HABAKUK 1:6

Ngaz rueq kvhiz juing kvhtuip kvluip httax yaq Babelon miqsaz htenc muex luimc vkawc kuq shaungx. Tsuingshiq rueq vganc mungtan htenc kuex khvt gay tvkoc mungkawx nuex khuemx yaq.

HABAKUK 3:16

Ngaz rueq kvruex lvmz lotlaz tay vtueq kawc yawc kaz tauk; ngvy nuix bar htenc hisvy thuiuz muex kvkhuirc kaz tueq. Ngvy shauk gvnz yulx kaz tueq, ngvy yaz kuex kvwelc shelc wvnc tueq. Tishox rueq naungshiq khvt jix muex murx tvgurc shuex nuex, ngaz rueq kvruex vkhing httuiuc wvnc yaq kuex kuiyqshuik maq bvmc shaungx.

Matthew 26:67

Kvkaq tsuingshiq rueq vpiq htvlx nuex htawz maq htawz ruiux, yauk htuimx maq htuiuz tueq; wvyvmc rueq vhtvlx phawc nuex yauk phac maq wung vtueq,

Matthew 27:30

Tsuinghez rueq vpiq kuex htoz maq htoz ruiux lakphuec kawz lvmz vtueq vkhux poz nuex wung tueq.

Matthew 5:39

Yuq muinz majuiuc ngaz rueq nuimshiq muex jungx kuq ix; nuimshiq muex yaq kuy jix waz muex yauk nauk tvyez kaz, mhtvlx phawc vkeq kox nuex thvt ruiux yuq, vphvrx kox kvrac noalc kuq shuiuz.

John 18:22

Yesu rueq kvkhoc jungx koq tueq, vhep nuex jvp yaq vbvmc jix washiz rueq, “Shomc Wayungx muex mnoz rueq kvkhoc ngoz khvmc vshuiux ix!” ngoz tueq vhtvlx nuex wung tueq.

John 19:3

vpiq hep nuex kaz vtueq, “Yuda Hokhvmx waz, rullungx mluz kueq!” ngoz vtueq vhtvlx phawc nuex wung wuez tueq.

Acts 23:2

Shomc Wayungx Anania rueq piq hep nuex jvp jix hez muex vnuix kvyuq rvhut rvshuinz ngoz tueq nvr tueq.

2 Corinthians 11:20

Nuimshiq kuex nuimshiq muex nvrc phuiuz svy jix, vnyvlc phuiuz svy jix, vlap tvdungc jix, miq yomnamc jix nuiyc nuimshiq htvlx phawc nuex wungc jix htenc muex nanx kuq vshuinx.

TRI CHONGKE 28:49

Yehowa rueq nuimshiq kuex tvkhvt tvkoc nuimshiq rulc bomc rv-ngvlc muq raungtsec kawx wawc miqphvnx phvnshiz kuex gvl wvnc shuex. Tsuingshiq rueq nuimshiq kuex lawx butux rueq phamx yaq ikhoc khvt kv-phuinx.

TRI CHONGKE 33:27

Tishox rueq nuimshiq kuex pattup pat-sac tvkhup wungx kuq yaq; Vpiq rueq pattup yauk phumz maq nuimshiq muex romc kuq yaq. Vpiq rueq nuimshiq khuemc juing lvmx wawc ralx htenc kuex yurc gay tueq, ralx htenc kvruex tvbac gay tvkoc nuimshiq muex nvr yaq.

PHOWEBI 17:7

Kvtanc jauz Yuda mungx Betlehem ghaq nuex httaz jix Lewi miqsaz yalxrox washiz httax tueq.