Mikha 5:2 - Hawa Naga Bible 2001

² Yehowa rueq, “Betlehem Ephratha lex, mnoz kuex Yuda mungx wawc miqghaq vruinx pinhtumc vshiz rvtoq, yuq muinz Israel tvkoc guimz lawc jix washiz kuex mnoz kox wawc ngaz rueq tvdung shaungx, piq waruiuz kuex vjix vwaz pat maq phuex vhttax rvtueq,” ngoz tueq jungx tueq.

ASII LAKDAP Bible (BSI)

² Tatiwe raq ngutlo, “Bethlehem Ephrath le!, ümniika Juda mung na chela aranse pinthum. Shatmaq ngi raq ümchelati wa, Israil mung rümti hokham ashi, Mishong wan ha. Apaiq weraü manphan ka, rathup rapha pat achat wa miraq.”

Mikha 5:2 Referencias Cruzadas

RAPHA HIQWA LAK 35:16

Yaku nuiyc vyuimx wuinz htenc kuex Bethel maq kaz wvnc vtueq, Ephrat ghaq nuex max httuiuc, lvmx vshauk puq rvhvl yaq baung nuex httuiuc kaz vtueq, Rakhel kuex nox wuic khic tumc wvnc vtueq, nox wuic khic gvrc hvlc gvrx kaz tueq.

RAPHA HIQWA LAK 35:19

Rakhel thueyc kaz koq tueq majuiuc Betlehem ghaq ngoz yaq Ephrat ghaq nuex kay juing lvmx kawx nuex luip tueq.

RAPHA HIQWA LAK 48:7

Ngaz rueq mnyuiuz Rakhel ningkhvnc nuex vkhoc tvhungx htaungx vshaungx. Ngaz kuex Mesopotamia mungx ghaqkhux kox maq yek waung tauk nuex, mnyuiuz Rakhel kuex Kanaan mungx Ephrat ghaq hep nuex thueyc kaz vtueq, ngaz kuex pinhtumc yonzyex tauk. Ngaz rueq vmaungx kuex Ephrat ghaq nuex kay juing lvmx phic nuex shuz luip shec tauk,” ngoz tueq jungx tueq. (Ephrat ghaq kuex majuiuc Betlehem ghaq ngoz yaq.)

RAPHA HIQWA LAK 49:10

Yuda rueq hokhvmx jowvyx kuex shuimx shuex, Piq suiuz vsaz phvnx rueq rullungx wvlex guimz lawc shuex. Miq phvnx ruip rawx rueq piq kox nuex yauk noalc htenc lvmz wvnc vtueq, piq khaungkac nuex nawk vtueq piq yix phvnx wuez shuex.

1 KAÜWA WERAÜ 2:54

Salma kuex Betlehem ghaq shunshvlc tec jix waz ningkhvnc nuex Netophat, Atrot Bet Joab nuiyc Manahat waruiuz vnueyc wawc Zori miqsaz htenc muex jix vwaz rvtueq.

1 KAÜWA WERAÜ 5:2

Yuda phvnx kuex hungc vlaungc httaz hvlc muex yaungx wvnc vtueq, vphvnx lotlaz guimz lawc jix washiz dung wvnc tueq.)

Tvtsvmc 132:6

Betlehem ghaq nuex Bomkhvrc Jep httax yaq lvmx kuex naungshiq rueq tay vtueq, kvruex kuex Jearim nax nuex naungshiq rueq khiz vshix.

Tvtsvmc 90:2

Kuz vkanx htenc max tvdung sung shauk nuiyc mungkawx max dung jauz nuex phuex mnoz kuex vphaungc vyaungc Tishox rvtoq, vhtumx vguez pattup pat-sac Tishox muinz mnoz rvtoq.

DUNGWVNC 18:21

Yuq muinz kvruex htauk nuex vshunc vshvlc jix miq wvyvmc kuex mnoz rueq thvl vtueq: miq hingshiz, shashiz, rok bv-ngac, rokshiz kuex shunshvlc lot jix walaungx bix kuex taq shuiuz; kvruex hez kuex Tishox muex hiyaz jix tvluimc juing miq, khauloayc yauk noalc lvmz muq jix yaungc rax.

DUNGWVNC 18:25

Israel miqsaz lotlaz wawc vshunc vshvlc lot jix miqwaz rulx kuex thvl taq tueq. Piq rueq miq hingshiz, shashiz, rok bv-ngac, rokshiz phungc htenc shunshvlx jix walaungx bix nuiyc piq walaungx bix kuex tvhungx taq tueq.

ISAIA 11:1

Dawid hokhvmx phvnx vmaq kuex vduiuz vruez gay pulx rulc rv-ngvlc yaq; yuq muinz vjungx khuiuq maq vnyalx sung yek yaq ikhoc Dawid suiuz vsaz htenc wawc hokhvmx vnyalx washiz dung tuex.

ISAIA 53:2

Yehowa rueq vpiq nvrc waz kuex ghaqshanx nuex kemz vtueq vruingx waungc yaq vkemc ikhoc tvpeluz roc yaq. Piq nuex ngauz vguez vshvmx muinz svp rvp muq, piq kuex vroc svy juing shvmx rvmuq. Piq nuex vsvp rvp marrarc yvmx muinz vguez, naungshiq thuinz kuex het laz vlawc svy juing piq nuex yvmx muinz vguez.

ISAIA 55:4

Ngaz rueq piq kuex miqphvnx ruip rawx walaungx nuiyc nolaungx yungx muex tvyaungc ruiux, ngvy luimc vkawc kuex tsuingshiq max nuex hakhix tvyaungc shaungx.

ISAIA 7:14

Kvkhoc rvtueq Taungjix vpiq rueq nuimshiq muex vyac mal vshiz kuq kv-phuinx; yalxtux nyuiuz shiz rueq nox miqwaz saz jawx shuex, vpiq muingc kuex, ‘Emanuel’ ngoz tueq muingc shuex.

JEREMIA 30:21

Tsuingshiq guimz lawc jix waz kuex tsuingshiq phvnx wawc httuiuc kaz tuex, tsuingshiq hokhvmx saz kuex tsuingshiq miqsaz wawc dung tuex. Ngaz rueq gvl ruiux yuq piq kuex ngaz kox nuex kvnvp kaz tuex, vgvlc rvhumc muq maq ukhaq lac kaz khvmc tvnx? Tsuingshiq kuex ngvy miqsaz muex yaungx tuex, ngaz kuex tsuingshiq Tishox yaungx taungx. Ngaz, Yehowa rueq jungx vshaungx,” ngoz tueq jungx tueq.

Hosea 6:3

Naungshiq rueq Yehowa kuex tuiuz laz juing hunglaungx ix. Vpiq kuex raungnvp raungwuic dung wvnc yaq ikhoc muinz, raungyunc yac ghaq htauk nuex raungyunx yaq ikhoc muinz naungshiq kox nuex vsuing httuiuc kaz ruex.”

AMO LUIK DVP (AMOS) 9:11

Yehowa rueq, “Ngaz rueq kvhttak wvnc tueq yuimx vshiz ikhoc yaungx yaq Dawid mungtan kuex tvjvp guirx yek shaungx raungnuiyq httuiuc wvnc tuex. Ngaz rueq kvruex palx ruk htenc kuex tvhvlc yek ruiux kvruex guirx yek shaungx. Ngaz rueq kvruex tvhvlc guirx yek ruiux mvnnuex wawc ikhoc tec yek shaungx.

Mikha 4:10

Yerusalem miqsaz lex, wuic khic thuiuz yaq nyuiuz ikhoc nox jawc tvkoc kvruip rux phoal kuinz, yvmx khoc lac ngoz ruiux lec mnoz kuex vruex ghaqyungx maq kaz wvnc vtueq ghaqsawc htungx nuex httaz kaz tuiux rvtueq. Mnoz kuex Babelon mungx nuex httuiuc laz kaz wvnc tuiux, yuq muinz Yehowa rueq mnoz kuex kvruex baung mralx hez kox wawc palc wvnc kv-phux.

JEKERIA 13:7

Tvphaungc Tvsuip Yehowa rueq, “Yaung lex, kvtenc kuiuz, ngvy tvkoc yauk shuimc jix khelbuenx remc jix waz kuex khvt shuiuz! Piq kuex thvt gay shuiuz, kvkaq khelbuenx htenc kuex panx wvnc tuex. Ngaz rueq ngvy miqsaz kuex khvt shaungx yuq,

JEKERIA 9:9

Zion miqsaz lex, kokez wuez kuinz, kokez wuez kuinz! Yerusalem miqsaz lex, vkoz vkez maq guyc sez wuez kuinz! Lawc shuinz, nuimshiq hokhvmx waz kuex nuimshiq kox nuex kaz yaq! Vpiq rueq taungx vtueq lotlaungc wvnc tueq, yuq muinz thuinz tvyomz vtueq loze htauk nuex ngaungc yaq, loze saz vshiz htauk nuex, loze kuiux kvruex saz htauk nuex ngaungc yaq.

Matthew 2:1

Herod hokhvmx pat, Yuda mungx Betlehem ghaq nuex Yesu jawx kaz tueq. Kvkaq yauk lox nuex dvyx, shaldungc mungx wawc phaqjic vhttax jix miq wvyvmc Yerusalem nuex httuiuc kaz vtueq,

Matthew 2:6

‘Yuda mungx Betlehem ghaq lex, mnoz kuex Yuda mungx ghaq yungx htenc htauk nuex vruinx pinhtumc yaungx tuiux rvmuq, ngvy miqsaz Israel kuex remc lawc tvkoc walaungx washiz kuex, mnoz kox wawc dung tuex,’” ngoz tueq jungx tueq.

Matthew 28:18

Yesu kuex tsuinghez hep nuex kaz vtueq, “Raungmungx nuex muinz ghaq htauk nuex muinz vrangx vpangx lotlaz kuex ngaz muex lekuq phuex.

Luke 23:2

Tsuingshiq rueq, “Vruex waz kuex mungx miqsaz muex lvmx tvmawc kuy tvkoc Kesar honoc muex muinghic kuy lvmx rac muq ngoz tueq tuingshaung muinz, vpiq pumz ngoc Mesia hokhvmx rvtauk ngoz tueq kv-ngoc yaq kvjaz kuex nuiyshiq rueq khiz tay lvp tiq,” ngoz tueq mvrax tvgurc tueq.

Luke 23:38

Vpiq htauk nuex muinz, “Vruex Waz kuex Yuda miqsaz Hokhvmx Waz,” ngoz tueq wuiyq tvkop taq tueq.

John 7:42

Mesia kuex Dawid Hokhvmx waruiuz wawc rvtuex ngoz tueq muinz, Dawid httaz juing Betlehem ghaq wawc dung tuex ngoz tueq muinz Rumvrc luik nuex jungx shec tueq,” ngoz tueq.

TRI CHONGKE 1:15

Kvkhoc rvtueq ngaz rueq tsuingshiq phvnx htenc kvwawc wvhonc wvtharc jix nuiyc vthenc vtuiuz jix, vkhic vtay vpaung jix walaungx bix htenc kuex thvl vtueq, tsuinghez muex tvguimz tvlawc tauk. Wvyvmc kuex miq hingshiz guimz jix, wvyvmc kuex miq shashiz guimz jix, wvyvmc kuex miq rok bv-ngac guimz jix, wvyvmc kuex miq rokshiz guimz jix muex tvhungx taq tauk. Ngaz rueq walaungx bix vganc muinz vphvnx tv-phvnc tvhungx taq shex tauk.

Colossians 1:17

Christu kuex phvnx ruip saz max dung nuex phuex vhttax waz rvtueq, httax yaq lotlaz kuex vpiq ningkhvnc nuex khauk khauk miqmac baungbaung nuex httax yaq.

Hebrews 13:8

Yesu Christu kuex m-yac raungnuiyq, majuiuc raungnuiyq, yix wawc pat vjat mkaq muinz rv-ngvlc dvyx httaz yaq.

Hebrews 7:14

Vpiq kuex Yuda waruiuz wawc vjawx rvtueq kuex lotlaz rueq tuiuz yaq; Moshe rueq shomc waz bix lvmz nuex seng vtueq jungx tueq nuex Yuda waruiuz wawc shomc waz lvmz yvmx muinz jungx shec muq doc.

1 John 1:1

Vphaungc vyaungc maq phuex vhttax dodoc rullungx tvraungx Bomjungc lvmx nuimshiq kox nuex nuiyshiq rueq wuiyq tvgurc vphix.Thuiuzthuic ngoz yaq bomjungc lvmx kuex luik nuex wuiyq tvwvnc vphaungx, kvruex bomjungc kuex vphaungc vyaungc maq phuex vhttax rvtueq, nuiyshiq rueq vtay muinz tay wvnc tiq, muik maq muinz khiz wvnc tiq, nuiyshiq rueq yauk maq muinz shuimx lawc wvnc tiq.

Revelation 19:16

Vpiq svmhung nuex nuiyc yaz wuenc nuex, “Hokhvmx htauk nuex Hokhvmx, taungjix htauk nuex Taungjix,” ngoz tueq vmuingc kuex wuiyq shec tueq.

Revelation 2:8

“Samurna phungc wawc kamx waz hez muex vkhoc wuiyq shuiuz: “Vruex kuex vphaungc nuiyc tvsuip waz, thueyc vtueq thuiuzthuic tvraungx wvnc yek jix waz kox wawc rvtueq.

Revelation 21:6

Kvmaq hulawx vpiq rueq, “Yauk shuimc lot tauk shex! Ngaz kuex Alpha nuiyc Omega, vphaungc vyaungc muinz, vtvsuip muinz rvtauk. Khvmsvy jix ukhaq yuq muinz rullungx yuix kuiuq wawc yuix kuex vhtawz vrawz kuy rac muq maq nuingc lvp vkhangx ngaz rueq kuq shaungx.

PHOWEBI 17:7

Kvtanc jauz Yuda mungx Betlehem ghaq nuex httaz jix Lewi miqsaz yalxrox washiz httax tueq.

RUTHA 1:1

Mvnnuex Israel hokhvmx max dung shauk nuex, kvruex mungtan kvyuq rvmc dung tueq. Kvkhoc rvtueq Yuda mungx Betlehem nuex httaz jix Ephrat waruiuz wawc vmuingc Elimelek ngoz yaq waz kuex, vtaungx nyuiuz Naomi nuiyc vsaz miqwaz sanueyc Malon nuiyc Kilion rulc Moba mungx nuex baunglaung shiz httaz kay kaz wvnc tueq. Kvyuq tsuinghez httax yaq nuex,

RUTHA 4:11

Ghaqshungc walaungx bix nuiyc vganc jix htenc rueq muinz, “Rvtueq, nuiyhez kuex hakhix muex yaungx vtix. Mtaungx nyuiuz kuex Yaku muex vsaz hez paunghvlc jawc kuy jix Rakhel nuiyc Lea ikhoc yaungc muex Yehowa rueq mtvhungx htaungx kuq kv-phux. Mnoz muinz Ephrat waruiuz wawc luizsuiuz waungsaz yaungx vtueq Betlehem ghaqyungx nuex muingc jungc mdung kueq.

1 SAMUEL 10:19

Nuimshiq kuilc daz gvrx tsvrx vtuinx lotlaz wawc nuimshiq kuex palc wvnc jix waz muinz nuimshiq Tishox ngaz rvtauk, yuq muinz majuiuc raungnuiyq nuimshiq rueq ngaz kuex tvdux gay ruiux, hokhvmx kuq kuit ngoz tueq ngvy kox wawc thoz phuinx. Vhvlx, kvkhoc ngoz ruiux kuex Yehowa htumc nuex vphvnx maq vphvnx vwaruiuz maq vwaruiuz nuimshiq rvtuimx wuez kuinz,’ ” ngoz tueq jungx tueq.

1 SAMUEL 17:12

Dawid kuex Yuda mungx Betlehem ghaq wawc Ephrathi hong wuinz Jese saz rvtueq. Jese sahez kuex waz tvjvt httax yaq, Sholu hokhvmx yaungx tueq pat nuex Jese kuex nyuiuz waz likawx shec rvtueq.

1 SAMUEL 17:18

Vruex puix daungx rokshiz vtauk tsuinghez nolaungx yungx waz tvkoc lvmz kuq laq shuiuz. Mphuz hez yvmx khoc lac httax yaq nguinx kuex lawc kaz vtueq, tsuinghez vphenz shuex, phenz muq lac kuex lawc vtueq, tsuinghez kox wawc hakhix phvnx shishiz lvmz wvnc loq.

1 SAMUEL 23:23

Piq kvhttuiyq yaq hong kuex rvkhauk laz tvtsuingc shex ruiux raz tueq ngaz kox nuex yauk lox maq thaungc tvtay kuit. Kvkaq ngaz nuimhez rulc vdvmz kaz vtueq, kvruex hong kvyuq piq httax yaq doc ngoz ruiux kuex Yuda mungx wvmungx tuimx nuex thuiyx vtueq piq kuex yurc shaungx,” ngoz tueq jungx tueq.

1 SAMUEL 8:12

Piq rueq wvyvmc kuex miq hingshiz guimz jix vyungx vlaungx bix, kvmaq vganc kuex rok bv-ngac guimz jix vyungx bix muex tvyaungc shuex. Nuimshiq saz miqwaz sahez vganc kuex piq wuik vnax shuimx muex, piq tuiz vtsvmz yut muex wvyvmc kuex koz vlaq htenc tvjek muex nuiyc piq mvre renc htenc tvhungx jix muex tvyaungc shuex.