Mikha 5:2 - ASII LAKDAP Bible (BSI)

² Tatiwe raq ngutlo, “Bethlehem Ephrath le!, ümniika Juda mung na chela aranse pinthum. Shatmaq ngi raq ümchelati wa, Israil mung rümti hokham ashi, Mishong wan ha. Apaiq weraü manphan ka, rathup rapha pat achat wa miraq.”

Hawa Naga Bible 2001

² Yehowa rueq, “Betlehem Ephratha lex, mnoz kuex Yuda mungx wawc miqghaq vruinx pinhtumc vshiz rvtoq, yuq muinz Israel tvkoc guimz lawc jix washiz kuex mnoz kox wawc ngaz rueq tvdung shaungx, piq waruiuz kuex vjix vwaz pat maq phuex vhttax rvtueq,” ngoz tueq jungx tueq.

Mikha 5:2 Referencias Cruzadas

RAPHA HIQWA LAK 35:16

Jakob nai ajamtitiim raq Bethel hiq ka baiq thüto. Kiimaq tsangshiq ka Ephrath hiq na saü ma ashaqpuq dea niili, Rechel ma nodo akhing ka saüto. Kiimaq apaiq ma nodo ka ahawiq chamchaoto. Apaiq ma nowüchhi tsi ka henghea pinthum riito.

RAPHA HIQWA LAK 35:19

Riita Rechel ka tsaiki kiita, apaiq maa ka Ephrath hiq na walam lamkii na lapto. Arka ümchaü Bethlehem ngutiishe ngutlo.

RAPHA HIQWA LAK 48:7

Ngi raq ara klo tiikang arka üm-nyung Rechel miitu klotiikang. Ngi ma itsan tsihea bunlaklak, apaiq ka Kanan mung maq tsaikito. Ngi ka Mesapotamia mung maq jang wan akhing na, Ephrath hiqshong tho maq tsaito. Ngi raq amaa ka Ephrath hiqshong na walam na lam kii niili lap kang.” (Ephrath ka ümchaü Bethlehem nguta ngutlo.)

RAPHA HIQWA LAK 49:10

Juda raq hokham nyeakii kra misham, Kiimaq asaü ase phan raq pattup mung misiq wan. Maiq mung thun raq apaiq ma tijong tsiiq wa miho kuq wan Kiimaq ajichong na apaiq puk na minyap wan.

1 KAÜWA WERAÜ 2:54

Salma ka Bethlehem chela teiwantiwe. Apaiq ka Netophath chelati ma, Atroth Beth Joab chelati ma, kiimaq Joraiq chelati ma, tsangshiq ka Mahanath phan wa maiq aweraü anai kiiwa weraüshiti rii, kriima ati.

1 KAÜWA WERAÜ 5:2

Li jiimin Juda phan ka tarii thaq na maiq apa pinthum puwanto kiimaq ahong ala pinthum riito. Kiimaq Juda phan wa Israilnok maiq phan kunli khuthaq na wela jaq sham wanti maiq ka dong wanto.)

Tvtsvmc 132:6

Bethlehem maq Tongshong tek asi nguta tsütsa taikai, kra naishiq raq Jearim wakram wa humkai.

Tvtsvmc 90:2

Ümniiraq kin thun mitiiqhaüshaq niiphü riimakla mangjonghiq ka mitiiqhaüshaq niiphü, ümniika pattup pat-sa miiphü Shiikeawe dongdii, kiimaq pattup thummak Shiikeaweli mirhaü.

DUNGWVNC 18:21

Shatmaq kriithaq niimin, ümniiraq maiq asap atsintibi kra tsea laüta mungmaiqse khuthaq na welabi ma shonglaq: welabi ka maiq ahing thun pengtibi, ashi thun pengtibi, roqbiingi thun pengtibi, kiimaq aroq thun kra pengtibi kra shonglaq. Tsangshiq thun ka Shiikeawe ma haisong tsantsii rümtibi kiimaq maiq kamsea chang kiimaq tsiiqlap simakti riichang.

DUNGWVNC 18:25

Raüta Israilnok tlotli liipan wa maiq asap atsintibi thun ka tseato. Raüta apaiq raq tsangshiq ka welabi ma ahing thun thaq na, ashi thun thaq na, roqbiingi thun thaq na, kiimaq aroq thun thaq na apengti thun ma shongto.

ISAIA 11:1

Dawit hokham weraü saüse phan ka pechong ashi adaq arbaiqrat ikha. Shatmaq achongkhuk kiiwa asongsetiim song wantlaq ikha Dawit weraü phan asaü asetiim phong wa hokham weshi midong wan.

ISAIA 53:2

Kriika Tatiwe apaiq raq dongdii thimi wanto, ajaqshi se ka pechamse ikha hiq shinriiqriiq ba na cham raüta arang ka hiq mong na cham chang nguta thapthi wanto. Apaiq sham ari ka achaq awaq ka riimak. Kiimaq shamhea shamjü alüsea chang ka riimak. Nashiq raq apaiq ka maiqse wiqwiq dea nguta chhiha wanli chang ka riimak. Apaiq sham na liiraüta atsomwiqse dea nguta maiq maklii ranphan chang ka ahü riito. Nashiq raq apaiq ma tsan tiitsi chang sham ka ahü riito.

ISAIA 55:4

Ngi raq apaiq ka wela ma shongkang, kiimaq mangjong tlotli thaq na phentuwe ma shongkang, kiimaq apaiq lümaq Ngi raq tsangshiq ma iningkun tiichhikuq kang.

ISAIA 7:14

Ahea na ikhiijiika. Tati apaiq riishetiq ümniima miithii kiishi mishongkuq: Junrii wahüse ka wiihan she miraq. Apaiq raq ase ka maiqwe se michii. Kiimaq apaiq mang ka ‘Immanuel’ nguta mimang.

JEREMIA 30:21

Tsangshiq pengti tuwe ka tsang mungti wa mishong, tsang hokham se ka tsangshiqnok wa mishong wan. Ngi raq apaiq hea tiikang na Ngi phana miwa, tiiheahü miika juwa miwalot? Tsangshiq ka isenginok miraq; kiimaq Ngi ka tsangshiq Shiikeawe mirha. Arka Ngi, Tatiwe raq ngutiikang.”

Hosea 6:3

Nashiq raq apaiq tiima tsantsii, khonwan miitu shiichaq rong i. Apaiq nashiq phana, ranap rashe kii li ikha miki dongdii. Lamse sat ma rajuntsi paü pan ikha, apaiq nashiq phana misaüki. Raüta nashiq ma achu shiiman mikuq.”

AMO LUIK DVP (AMOS) 9:11

Tatiwe raq ngutlo, “Ranaiqshi akhing saü wan tlo, kra ranaiq ngi raq, Dawit Hokham mungtan jam ari arwa hiq na, phintsiiptsiip bumtlaq kra, mitiichap kuq wan nongha. Ngi raq khetuk thun wiita arüm arki, wiitashe mitiihea hai wan ha. Man na rathup rapha ji na jamkho ajong ala sitaq, kiikha mitii jonglu wan ha.

Mikha 4:10

O Jerusalem lei, akap atsea phetrang rong laq. Jechakre ase chiitsi na phetrangtlaq ikha. Ümchaü namshiq raq chela ka abaiqthü chang miraq, Lanta hiqsii thung na sichang miraq, Namshiq ka Bebilon na wawan chang she miraq, Shatmaq kiijaq rewe jaqkhon mong wa Tatiwe raq namshiq mitiichhii kuq.

JEKERIA 13:7

Tati Ningkun Ajong Pinthumwe raq ngutlo, “O jasai lei, tiidolaq, Laüta isku rümtiwe ka riithit se laq! Apaiq ka tsatbaiq laq, skukong ka mipinholaq. Ngi raq isenginok mikhat ha.

JEKERIA 9:9

O Jajon chelati lei, chochi rong laq, chochi ronglaq, O, Jerusalem chelati lei chochi ronglaq! tiihong lanta gitrang ronglaq! Liimanta, nam hokhamwe ka saüwato she; Apaiq ka tingting maiqse kiimaq tiichhiiketi, apaiq ka tsannin woknin, kumtoq kaü thaq na ngaraü; kumtoq kaüse thaq na ngaraüta watlo.

Matthew 2:1

Jesuq ka Judia wang na Bethlehem chela na chiito. Kra akhing na hokham jati ka Herod riito. Kra jai maq jaqlo sijai niili Jerusalem maq shedong mung na siti, ra na raiqsaiq jipi khumshiim shri ra liiwanti taksu maiqsebi ka Jerusalem na kito.

Matthew 2:6

‘Judia wang wa Bethlehem chela lei, ümniika Judia wang na chela phong na akhek ashi; ümchela wa munglangti wela ashi michii, Apaiq raq i sengi Israil mung ka mirüm wan.’ ”

Matthew 28:18

Kiijiishe, Jesuq ka tsangshiq tiinap niishe tiisotto. Raüta tsangshiq ma akhiishe chongkuqto, “Ramungtan nai mangjong hiq ara lang miitu arang ka ngi ma thumli ake kun she.

Luke 23:2

Raüta, tsangshiq raq apaiq ma kha ka akha nyanto, “Arwe ariiraq, naishiq nok mungmaiqse thun kriika, mungshuk lam phan na sheaho wa, naishiq raq apaiq ara lap wan kai. Apaiq raq Roman Hokham we ma phunta kewan ra mak nguta mungmaiqse ka tiishontlo chhi tiikai. Kiimaq, apaiq ka naishiq Jehudinok mung thaq na Khristo nguta tiichongtlo. Kriika hokham we nguta tiingo riito.”

Luke 23:38

Apaiq khupo thaq niika ara bomtsi ara waiq thüto: “Arhata Jehudinok Hokhamwe.”

John 7:42

Asii Bomtsi na Khristo ka Dawit weraü phan wa mipoki. Kiimaq Dawit changkhü Bethlehem hiq na michiiki nguta chongtlo,” nguta riibomto.

TRI CHONGKE 1:15

Krai mren dea ngi riimin namshiq raq atsea han taksubi nai asap atsintibi thun ka namshiq khuthaq na welabi ma shong wan kang. Welabi wiijam ka mungmaiqse hingshi khuthaq na wela, wiijam ka shishi khuthaq na wela, wiijam ka maiq roq biingi khu thaq na wela, kiimaq wiijam ka maiq roqshi khuthaq na wela ma shong kang. Kiimaq hali ngi raq maiq phan thun tlotli khuthaq na ahin siihiipbi thun kiimin shong wan kang.

Colossians 1:17

Khristo ka rapha hiqwa min mishaq niiphü asi dongdii. Krai mren, ara ra nai hiq liipan na, phanrap ümchuwa sitlaq kriika, Khristo wokhong na, maiqmiimii singa chang tiihongkuqtaq kriijaq, tiisuk rangrang siraütiq, maiqmii rilung thii ka riikhaqli maq mikuwan.

Hebrews 13:8

Jesuq Khristo ka klaimak. Apaiq ka man niimin klaimak. Ümchaü min klaimak. Kiimaq rawiichii niimin klaimak.

Hebrews 7:14

Riita, apaiq ka Juda weraü phan ta na rawü chhikito nguta, wiitarü raq ra tsa ikha asap siisaq. Shatmiitiq, Mosheq raq ramwebi jaqsham chong tlaq kiijiika, Juda weraü wa ramwe jaq misham dam ngutiika chong mak dea riito.

1 John 1:1

Naishiq raq namshiq ma rilung Bomtsi manphan waiq tiikai. Ara Bomtsi arka man na rapha hiq wa niiphü asi dongdii. Naishiq raq ara tsütsa ka tai wan kai. Kiimaq naishiq raq maiqmii mak maq chhi wan kai. Ara chongtiikai arka tengteng. Naishiq raq chhi wan kai kiimaq naishiq jaq maq sham kai.

Revelation 19:16

Apaiq samtong jong samtlaq thaq na nai apaiq wütong niika ara mang ara tiiwaiq raü riito chhikang: “Hokham thaq na Hokham kiimaq tati thaq Tati.”

Revelation 2:8

“Smarna na phungtu sitlaq kra liiti rase ma ara waiq laq: “Ara tsütsa arka aphati we nai atiisupti we raq atiiwan. Apaiq ka atsai riikito. Shatmaq, ümchaü ka atra sinong tlo.

Revelation 21:6

Kiimaq apaiq raq treto, “Ümchaü phanrap jaqsham ka kunto she! Ngi ka aphati kiimaq atiisupti. Ngi ka apha wan chang kiimaq atiisup wan chang. Juwa khamnyang tsi, kriiti ma rilung khamphokrai se kiiwa phe maq nyang miitu ngi raq arang mikuq ha.

PHOWEBI 17:7

Kra akhing na Lewi phan wa jero weshi ka Juda mung na Bethlehem chela na sito.

RUTHA 1:1

Phowebi raq Israil mung lang tlaq pat na, lakshi ram jonghea dongto. Ramdong kha na Juda wang wa Bethlehem chela na siti maiqwe ashi ka tsangnyung rai asenai kra sheaho raüta, Mob mung na sikai laühoto.

RUTHA 4:11

Kiijiishe, mung shiilangbi nai nanok ahinti thun tarü raq, “Tengto. Naishiq tarü ka ara miitu saqsebi. Tatiwe raq ümjamti nyung ka nawi nai Israilnok phan ma wipai Rechel nai Lea raq nati Jakob ma asetiim ka wiqrai rü atang tiipuchi kuq wantaq ikha, mitiipu kuq wan laq. Namsetiim ka tere rü atang ikha Ephrath hiq shong na mipuchi wan laq. Raüta, Bethlehem chela na tsangshiq mangchong ka, ra tsa ikha mijong wan laq.

1 SAMUEL 10:19

Ngi ka namshiq Shiikeawe, phanrap litkot chamchao sangrai mong wa dokdake wanti. Shatmaq ümchaü ranaiq namshiq raq ngi ka shishebaiq lan. Lanta ngi la na, hokham weshi shongkuq laq nguta ijaq wa jaü lan. Ikhiijiika ahea. Ümchaü min, namshiq ka maiq aphan aphan maq kiimaq ata ata maq Tatiwe man na thung rong laq.’”

1 SAMUEL 17:12

Dawit ka Jesi se. Jesi ka Juda wang na Ephrath binjü na Bethlehem chela na siti. Jesi setiim ka siphu wetiichat. Saul raq hokham jaqsham wan tlaq akhing na apaiq ka tikiishe.

1 SAMUEL 17:18

Kiimaq ara minsaü nyakpü maq apho winsii thoproqshi ariiri phentu ajongwe kiima kuqholaq.

1 SAMUEL 23:23

Apaiq tiipaüshan chang hiq ba thun kra riikhaqli liiki rongkiq. Lanta kra tsütsa ka ngi ma tlothit tiitai chong wa rongkiq. Kiijiishetiq, ngi ka namshiq rai mikidam kang. Lata apaiq ka kra chhikilan binjü kiijiili dea jiila, ngi raq apaiq ka tiikot trot miritha. Lata Juda mung kra tlotli na shokchhum nochhum mirit kiha.”

1 SAMUEL 8:12

Apaiq raq maiq wiijam ka maiq hingshi khuthaq na siihiip ma mishong. Kiimaq wiijam ka maiq roq biingi khuthaq na siihiip ma mishong. Kiimaq namsetiim raq apaiq wak thun kra theke chang miraq. Raüta atü atsam thun ka jutke chang miraq. Kiimaq apaiq rekhat chang hupsam thun kra kloke chang miraq. Kiimaq apaiq kumrang leng thun mii akhiiq thun kra tiiqloke chang miraq.