Mikha 5:3 - ASII LAKDAP Bible (BSI)

³ Arningkhan ümchaü sanha, Tatiwe raq asenginok ka, chiqse rewe jaq mong niishe milikuqbaiq. Arka chongkai jechak nyung raq, nowüchhi akhing misaüshaq wiiwii. Kiijiishetiq aphu ano munglu asiwati kiimin, tsangmung niishe adam misi wan.

Hawa Naga Bible 2001

³ Kvkhoc rvtueq wuic khic thuiuz yaq nyuiuz kuex nox jawc jauz nuex httuiuc laz Yehowa rueq vpiq miqsaz kuex tsuingshiq ralx hez yauk nuex lekuq gay shuex. Kvruex yimaq vthuq vruez laq miqsaz htenc kuex miqmac phuz vnox bix rulc vdvmz nuex rvromc wvnc yek tuex.

Mikha 5:3 Referencias Cruzadas

1 HOKHVMX 14:16

Tatiwe raq Israilnok ka amiimshe mirbaiqthü. Jamkhano ngukla Jeroboam raq ngarai klowanto. Raüta Israil mung ka ngarai thü kho bok na tiidea baiq wanto.”

2 KAÜWA WERAÜ 30:7

Namshiq ka namtitiim pat na kiimaq namphan nammaq Israilnok raq tsangshiq Tatiwe, tsangshiq Shiikeawe ka tsapkap mak shipoq wantaq kiikhii ka naqsi rongkiq she. Apaiq raq tsangshiq ma pinthum mo jonghea tiiho raüta tiichamchaotaq kriika namshiq raq chhi wan lan she kata.

Tvtsvmc 67:3

Maiqphan thun raq ümnaq mitiitsam laq, O Shiikeawe lei; maiqphan kunli raq ümnaq mitiitsamlaq!

ISAIA 11:11

Kra ranaiq akhing she saü wan raüla, Tati raq jangshi ri hali aningkun maq, asenginok Asiria mung na nai Ejip mung na, kiimaq Pathros mung na, Sudan mung na, Elam mung na, Bebilon mung na, kiimaq Hamath mung na, kiimaq khamjong chumkii wang binjü na kiimaq khamjong chum mong na siti maiqmung thun na atiichongki thun kra tsangmung na mitsuq wan nong.

ISAIA 49:6

Tatiwe raq ngi ma nguto, “Ngi raq ümniima jaqsham jonghea tiisham chang asi, Ijaqshi se lei. Ümniiraq Israilnok aso tiichongtaq ka, atiijonglu wan lam lam li ka riimak; shatmaq Ngi raq ümniika maiqphan thun ma walüli ashi ma mitiijaha; krai mren mangjong maiqse kunli mitiichhii wanlaq.”

JEREMIA 23:5

Tatiwe raq ngutlo, “Ngi raq Dawit saüse phan wa kechu hokhamwe ashi mishongha. Kra hokhamwe raq taksu tsü maq kiimaq tri raü ka riikhaqli sham raüta mung hamli ka aheawiq mipeng wan.

JEREMIA 31:1

Tatiwe raq ngutlo, “Jai na akhing misaü wan, Ngi ka Israilnok maiq phan tlotli thaq na Shiikeawe mijaha. Kiimaq tsangshiq ka isenginok miraq.

EJEKIEL 34:16

“Rum na miikitaq thun skusetiim ka arit mirkiha. Lata jam na misheawan nongha. Ami atsi tiibuktaq thun kra tsiq maq aphum mirkuqha. Lata ami ba ka khea maq ajop mirkuqha. Kiimaq atsi asiti thun ka atiihea mirkuqha. Shatmaq piitatati thun kra kiimaq ahong alati thun ka atsea mirbaiqha. Jamkhano ngukla Ngi ka riikhaqli tri maq skusekong rümtiwe.

Hosea 11:8

“Ngi raq jamkho mimiimbaiq ha, O Ephraim lei? Ngi raq ümniika re jaq na jamkho mithaq baiq ha, O, Israilnok lei? Adma chela shiithen baiq kang ikha, namshiq jamkho mishthen ha? Jeboiim chela shiithen baiq kang ikha, namshiq ka jamkho mishthen baiq ha? Itsan mong na tsihea namshiq miitu! Namshiq ma ngi mangchan tsihea!

Hosea 2:14

Arkha na ngi raq apaiq ka, rumnyangkhi kumtsaiphii na hali misheaho nongha. Lata kiijaq ngi raq apaiq ma, tlung tiiwii bomtsi chongkuq lata, ngi rai siwan nong miitu mitlin wanha.

Hosea 2:9

Arningkhan ümchaü ngi raq, itii itsam apaiq ma ashiiman kuqha kra, akhing hongto angu na alam she mirwan nongha, kiimaq skurai nai raihi-nairai thun, akhea taqsam chang, kra wiita milam wan ha.

AMO LUIK DVP (AMOS) 5:15

Ashut lamphan shummii laq, Tingting lamphan lungwii laq. Rung maq tingting kha pho laq. Jursap, Tati raq, Joseph saüse aso atiichong ma, tiihang mangchan lo tiichhi jiiq.

Mikha 4:4

Maiqse angu tarü mungtsing maq misi, maiqmiimii spiqro na kiimaq maiqmiimii phupmup ro na misi. Kiimaq apaiq ka jurmin tiihaisong mak she miraq. Arka Ningkun Ajong Pinthum Tatiwe kiqkham kuqto.

Mikha 4:7

Tsangshiq ka achuk akü luhea mung na. Shatmaq aso tiichong tlaq kiiwa, ngi raq mung anye tingsang niishe mitiichhan chhi wan ha. Tsang mung ka jonghea ashi miishe mija wan. Kra akhing miishe ngi raq, tsangshiq ka Jajon pum maq, ngalata pattup pat-sa miitushe mi peng wan ha.”

Mikha 5:7

Kra mungbrak jaimaq aso atiichong, Israilnok ka maiqphan pahea ma Tatiwe raq, waitsi atrok ikha hüphin hanphin miraq. Wak na tsam cham rü na, waitsi bangkham sattlaq ikha, tsamcham miitu ahea miraq. Tsangshiq raq maiq jaq ka liimak miraq. Tatiwe miilishe mikam wan.

Mikha 5:8

Israilnok pongmung na atiichongki thun ka, Rum na hangsi raq rum ngamse riimakla, skukong sangphii rü na atsam phaq wa, chaiham chaihiiq jom phaq wan tlaq ikha, tsangshiq tiichhii kewanti junim ahüshe miraq.

Mikha 6:14

Ümniiraq dung siqhaü min, wok miphe riimak, ramtsi riili mihaü haü, ümniiraq hupsam lam wan laüta, apaü riihaü min, chiithe mijahaü riimak, ümniiraq jamlai wa rümtlaü, kra ngi raq redong na mitiithen baiqha.

Mikha 7:13

Shatmaq mangjong maiqse ngarai henghea kha maq, mangjong hiq ka hiq miq changkhü ikha mijaki.

JEKERIA 10:6

“Ngi raq Juda mungti mitiitsing ngangha, Ngi raq Israil mungti ka mitiichhii ha. Ngi raq tsangshiq ka mimangchanha, Lata wiitarü tsangmung niishe mitsuq wan ha. Tsangshiq ka ngi raq jangshi min tiishaübaiq mang dongdii ikhiishe, ikhuk na mipom wan ha. Ngi ka tsangshiq Tati Shiikeawe. Ngi raq tsangshiq achu jaü mitreha.

Matthew 1:21

Apaiq raq ase ka maiqwe se michii. Kiimaq ümniiraq no ka Jesuq nguta mimang haü. Apaiq raq anok abin wiita tsangshiq ngarai mong wa michhii kuq wan.”

Matthew 12:50

Jurwa i We ramungtan na sitiwe raq achong bomtsi kra tai tlaq, kriiti kata ngi ma i no, i sheanyung kiimaq i nyung.”

Matthew 25:40

Kiijiishe Hokham we raq mitre, ‘Ngi chongpha, namshiq raq ümtiikiiwa ara i phu i notiim phong wa juwa wepuq pinthum kra liikuq lan, kriika ngi liike taitlo!’ ”

Romans 8:29

Shiikeawe raq maiqse phong wa ümriiti wa, kongkhu miiphü tsea wantaq, kriiti ka Ase sham sham tiija wan miitu, athiiq raüta pong na rairii thü wanto. Krai mren, Ase ka aphu anotiim pahea siwan tlaq kra phong na, chhikhu pinthum we ma mija wan.