Mikha 5:3 - Hawa Naga Bible 2001

³ Kvkhoc rvtueq wuic khic thuiuz yaq nyuiuz kuex nox jawc jauz nuex httuiuc laz Yehowa rueq vpiq miqsaz kuex tsuingshiq ralx hez yauk nuex lekuq gay shuex. Kvruex yimaq vthuq vruez laq miqsaz htenc kuex miqmac phuz vnox bix rulc vdvmz nuex rvromc wvnc yek tuex.

ASII LAKDAP Bible (BSI)

³ Arningkhan ümchaü sanha, Tatiwe raq asenginok ka, chiqse rewe jaq mong niishe milikuqbaiq. Arka chongkai jechak nyung raq, nowüchhi akhing misaüshaq wiiwii. Kiijiishetiq aphu ano munglu asiwati kiimin, tsangmung niishe adam misi wan.

Mikha 5:3 Referencias Cruzadas

1 HOKHVMX 14:16

Jeroboam kuex mvrax yaq vtueq Israel miqsaz htenc mvrax lvmx nuex shvlc lvy ningkhvnc nuex Yehowa rueq Israel kuex tuip gay shec shuex,” ngoz tueq jungx tueq.

2 KAÜWA WERAÜ 30:7

Yehowa tsuingshiq Tishox muex kvmluimx muq nuimshiq jix vwaz tamx nuiyc phuz vnox Israel miqsaz htenc ikhoc nauk ruez kaz. Nuimshiq rueq khiz vshuinx rulc rv-ngvlc vpiq rueq tsuingshiq muex pinhtumc murx tvgurc kuq tueq.

Tvtsvmc 67:3

O Tishox lex, mmiqsaz htenc rueq mnoz muex mtvtsvmc wuez shueq; miq lotlaz rueq mnoz muex mtvtsvmc wuez shueq!

ISAIA 11:11

Kvruex raungnuiyq httuiuc tuex nuex, Taungjix rueq vpiq luimc vkawc kuex shuimx vtueq vpiq miqsaz kuex Asiria nuiyc Ejip wawc, Pathro, Ethiopi, Elam, Babelon nuiyc Hamat mungx htenc, svmuktvrax nuiyc julc lomx htenc nuex httaz jix htenc kuex gvl wvnc shuex.

ISAIA 49:6

Yehowa rueq ngaz muex, “Ngvy nvrc waz lex, ngaz rueq mnoz tvkoc yauk shuimc yunghvlc vshiz lvp tauk. Kvjungx yaq Israel miqsaz muex yungc loayc wvnc lvmz kuy tvkoc dvyx rvmuq, yuq muinz ngaz rueq mnoz kuex miqphvnx htenc tvkoc vwuic tvyaungc phaungx, kvkaq mungkawx lotlaz kuex palx daungc wvnc rvhumc tueq,” ngoz tueq.

JEREMIA 23:5

Yehowa rueq, “Dawid suiuz vsaz wawc tsuingrux hokhvmx vshiz ngaz rueq thvl taq shaungx vkhing httuiuc wvnc tuex. Kvruex hokhvmx waz rueq taksux maq guimz lawc vtueq wvmungx tuimx kuex tsuingrux nuiyc tvrac vlvmz maq guimz shuex.

JEREMIA 31:1

Yehowa rueq, “Ngaz kuex Israel miqsaz phvnx htenc lotlaz muex Tishox yaungx vtueq, tsuingshiq kuex ngvy miqsaz muex yaungc vkhing httuiuc wvnc yaq.

EJEKIEL 34:16

“Ngaz rueq vmoz vruez kaz hez kuex thuiyx shaungx, lvmx mawc jix hez muinz shvlx wvnc yek shaungx, vmac vtsac kuex yop kuq ruiux, vthuiuz vsac kuex tvhvlc kuq shaungx; yuq muinz puiz hvlc jix nuiyc hunglaungc hvlc jix kuex ngaz rueq tvbac gay shaungx, yvmx khoc lac ngoz ruiux lec ngaz kuex vlvmz rvkhauk shuimc jix khelbuenx remc jix waz rvtauk.

Hosea 11:8

“Israel lex, ngaz rueq mnoz kuex mkhoc lac gay shec lot phaungx? Ngaz rueq mnoz kuex mkhoc lac tuip gay lot phaungx? Ngaz rueq mnoz kuex Adma ghaq tvbac gay tueq ikhoc mkhoc lac tvbac gay lot phaungx? Zeboim ruez tauk ikhoc mnoz kuex mkhoc lac ruez lot phaungx? Ngvy thuinz vmungx rueq ngaz muex kvkhoc kuex tvshuimc muq! Ngvy lungwawc thuinz kuex nuimshiq tvkoc pinhtumc hungc vlaungc httaz hvlc.

Hosea 2:14

Kvkhoc rvtueq ngaz rueq piq kuex kumtsvy tvnx nuex shvlx laq yek ruiux; kvruex baung kvmaq lungwawc kvjaz jungx vtueq piq kuex tvlenc yek shaungx.

Hosea 2:9

Kvkhoc rvtueq tsvmz yut jauz ngvy yauk noalc htenc rvtueq tuiz vtsvmz nuiyc svpiq tix, piq rueq svmx yaq khoz vkhvy tvkoc ngaz rueq kuq tauk khelbuenx mul nuiyc ruiynyel khvy htenc kuex tvyez lvmz wvnc yek shaungx.

AMO LUIK DVP (AMOS) 5:15

Layx vbac kuex shuiuc ruiux, vlvmz kuex lungwawx shuinz, tvrac rungx htenc nuex tvrac vlvmz httaz tvkoc phvnx wuez shuinz. Yehowa rueq vruex miqphvnx vwawc tvraungx kvjungx yaq miq wvyvmc muex menjenc kuq ruiux kuq shuex wuez raz tvnx.

Mikha 4:4

Miq tek vtueq miqmac svpiq sunc htenc nuiyc phuiuq muiuq jungx htenc hvlwvl nuex nomic maq httax wuez tuex, uraq muinz tsuingshiq kuex tvhiz sungx shuex rvmuq. Tvphaungc Tvsuip Yehowa rueq vruex bomkhvmc taq tueq.

Mikha 4:7

Tsuingshiq kuex yaz kuix kaz vtueq yuimx maq vluz nuex httuiuc kaz wuez tueq, yuq muinz ngaz rueq kvjungx yaq jix htenc kuex vnyalx tvjvp guirx yek vtueq, tsuingshiq kuex miqphvnx yunghvlc yaungx wvnc tuex. Ngaz rueq tsuingshiq kuex Zion Kanx htauk nuex kvruex vkhing maq phaungc vtueq pattup guimz lawc shaungx,” ngoz tueq jungx tueq.

Mikha 5:7

Tvraungx kvjungx yaq Israel miqsaz htenc kuex Yehowa tvdvy yaq buing ikhoc mungtan paunghvlc muex tvruip tvhemc kuq shuex, vkemc htenc htauk nuex yunx yaq raungyunc ikhoc yaungx tuex. Kvruex raq miqsaz nvr yaq kuex phvnx muq, Tishox rueq nvr yaq kvdvyx phvnx yaq.

Mikha 5:8

Kvjungx yaq hez kuex miqphvnx htenc hvlwvl luingx vlak nuex, rvmuq ngoz ruiux ngac remc juing nuex phuiuz vsvy thuiyc khuyx yaq hangsic ikhoc yaungx tuex. Piq kuex khelbuenx phungc nuex nyuip vtueq puinthuing puinthaung juir gay shuex; kvruex baung wawc palc wvnc tvkoc thuinz tvluimc juing httax tuex rvmuq.

Mikha 6:14

Nuimshiq rueq phuiuz vsvy phauk saq ruiux muinz nuimshiq thuinz suing muq; nuimshiq kuex rvmc sac hvlc dvyx rvtuinx. Nuimshiq rueq lvp shuinx phvnx ruip saz kuex yoalc taq lvp shuinx rvmuq, yoalc tvjomx taq shuinx hup vsvmx phvnx ruip saz kuex ngaz rueq ralx lungc nuex tvbac gay shaungx.

Mikha 7:13

Yuq muinz kvruex mungx miqsaz htenc tharc vbac ningkhvnc nuex tsuingshiq httaz juing baung htenc kuex kumtsvy tvnx muex yaungx wvnc tuex.

JEKERIA 10:6

“Ngaz rueq Yuda miqsaz kuex tvhung laungx shaungx; Ngaz rueq Israel miqsaz kuex palc wvnc shaungx. Ngaz rueq tsuingshiq muex menjenc vtueq tsuingshiq lotlaz kuex yuimx nuex shvlx wvnc yek shaungx. Tsuingshiq kuex ngaz rueq mkaq muinz tvdux gay mauk doc ikhoc yaungx wuez tuex. Ngaz kuex Yehowa tsuingshiq Tishox rvtauk; tsuingshiq rueq vjux thoz yaq kuex ngaz rueq tvralc shaungx.

Matthew 1:21

Piq rueq miqwaz saz jawx shuex, mnoz rueq vpiq muingc kuex Yesu ngoz tueq muingc shuiux. Yvmx khoc lac ngoz ruiux lec vpiq miqsaz htenc kuex mvrax mungx wawc palc tvdungc wvnc jix waz rvtueq,” ngoz tueq.

Matthew 12:50

Raungmungx nuex httax yaq Iwaz thuinroc shuimc jix htenc kuex inox, ishvlx nyuiuz nuiyc inyuiuz rvtueq,” ngoz tueq jungx tueq.

Matthew 25:40

“Kvkaq Hokhvmx waz rueq, ‘Ngaz rueq nuimshiq muex vsuing jungx kuq ix, vruex inox tamx vwawc vruinx pinhtumc waz muex nuimshiq rueq shvlix lawx kuq shuinx kuex ngaz muex shvlix lawx kuy rvtueq!’ ngoz tueq tvralc tueq.

Romans 8:29

Tishox rueq vthvl taq htenc kuex vpiq Saz ikhoc yaungc wvnc tvkoc pungbaung nuex tvhttax yaq. Kvkhoc ruez yaq lvmx kuex, Vsaz kuex vnox tamx htenc htauk nuex pekhux waz tvyaungc tvkoc rvtueq.