Mikha 5:4 - Hawa Naga Bible 2001

⁴ Vpiq httuiuc kaz tuex nuex, vpiq kuex Yehowa kox wawc hungc vlaungc nuiyc Yehowa Tishox vpiq ngauz vngax maq vpiq miqsaz kuex guimz wvnc shuex. Vpiq miqsaz htenc kuex kvwungx httax tuex, yvmx khoc lac ngoz ruiux lec ghaq wawc miqsaz lotlaz rueq vpiq yungx luz yaq kuex kvjungc wuez tuex,

ASII LAKDAP Bible (BSI)

⁴ Apaiq she saüki raüla, Tatiwe ningkun aheng, akhum na sitlaq kriimaq, mung ka mipeng wan. Kiimahali Tati Shiikeawe khushü chhainyii heng maq, mung ka mipeng wan. Aphan amaq ka mung atsing miishe misi wan. Jamkhano ngukla mangjong maiqse kunli raq, apaiq jonglu kriishe misap wan.

Mikha 5:4 Referencias Cruzadas

Tvtsvmc 145:12

Ekvkhoc miq ruip rawx rueq mnoz hungc vlaungc httax yaq yauk shuimc htenc nuiyc ngauz vngax maq mvrc yaq mmungtan lvmx htenc tuiuz wvnc wuez shuex.

Tvtsvmc 22:27

Miq phvnx lotlaz rueq Yehowa kuex rvwvl wuez shuex. Mungkawx baung ruip saz wawc miq htenc kuex vpiq kox nuex kvroz wvnc yek tuex, lotlaz rueq vpiq muex nawk palx wvnc wuez shuex.

Tvtsvmc 72:19

Vpiq ngauz vngax muingc jungc kuex pattup tvtsvmc wuez shuinz! Vpiq ngauz vngax kuex mungkawx lotlaz nuex mmvrc wvnc kueq. Amen! Amen!

Tvtsvmc 72:8

Piq mungtan kuex svmuktvrax maq svmuktvrax nuex httuiuc laz Euphrat ruilx maq ghaq tvsuip nuex httuiuc laz yungx wvnc tuex.

Tvtsvmc 93:1

Yehowa kuex hokhvmx rvtueq. Vpiq rueq ngauz vngax luimc vkawc nuiyc hungc vlaungc kuex svmx tueq. Ghaq kuex phaungx duingduing vpiq rueq tvhungx taq ruiux kvruex kuex kvmoay lot miq.

Tvtsvmc 98:3

Vpiq rueq Israel miqsaz htenc tsuingshiq tvkoc vpiq phaungx ngaungx yaq lungwawc nuiyc tvmtuing maq vpiq bomkhvmc kuex tvtsuir taq tueq. Baung ruip saz wawc miq lotlaz kuex naungshiq Tishox rueq taungx wvnc tueq lvmx kuex khiz wvnc wuez tueq.

DUNGWVNC 23:21

Piq muex tvtsanc nganc vtueq, piq kvjaz phvnx shuinz. Piq muex nauk khawx lvlx kaz, yvmx khoc lac ngoz ruiux lec piq kuex ngaz rueq vtvkaz rvtueq, piq rueq kvkhoc khawc lvlc jix muex mvrax dawc kuq shuex rvmuq.

ISAIA 45:22

“Mungkawx nuex httax yaq miqsaz lotlaz lex, palc daungc wvnc rvhumc tvkoc majuiuc dvyx ngvy kox nuex yek wuez luit! Ngaz vshiz dvyx Tishox rvtauk.

ISAIA 49:5

Ngaz kuex max jawx nuex phuex, ngaz kuex Yehowa rueq ngaz thvl wvnc phuex; vpiq miq htenc kuex tvyez shvlc wvnc yek tvkoc nuiyc, rv-phvlc nyvnc yaq Israel miqsaz kuex tvtuimx yek tvkoc ngaz kuex piq nvrc waz muex tvyaungc phuex. Yehowa rueq ngaz muex tvtsanc nganc kuq phuex; vpiq kuex ngvy hungc vlaungc vjungx rvtueq.

ISAIA 52:10

Yehowa rueq vpiq vsawc vpiq luimc vkawc maq; vpiq miqsaz htenc kuex palc wvnc shuex, mungkawx lotlaz rueq kvruex khiz wuez shuex.

ISAIA 52:13

Yehowa rueq, “Ngvy nvrc waz rueq piq yauk shuimc kuex taungx wvnc shuex; piq kuex johvlc tvtsanc nganc rvhumc wvnc tuex.

ISAIA 8:7

Ngaz Taungjix rueq Asiria honoc nuiyc piq nolaungx bix kuex shvlx vtueq Yuda mungx tvkhvt shaungx. Tsuingshiq kuex Euphrat Ruilx yuix puingx yaq ikhoc baung ruip maq buk wvnc shuex.

Mikha 7:14

Yehowa lex, mnoz rueq thvl wvnc toq mmiqsaz htenc kuex khelbuenx remc jix waz rueq ikhoc tvkhup wungx shuiuz. Tsuingshiq kuex khumz vrumz nuex pungpanc rvpanc httax ruiux muinz, kvruex baung kvyuq ghaq vbur vhvlx ghaq rueq tsuingshiq kuex tvkomc tuimz rvyaq. Bashan nuiyc Gilead mungx nuex shuimx lvmz phauk saq wvnc tueq ikhoc majuiuc muinz mungtan nuex tvhttax shuiuz.

JEKERIA 13:7

Tvphaungc Tvsuip Yehowa rueq, “Yaung lex, kvtenc kuiuz, ngvy tvkoc yauk shuimc jix khelbuenx remc jix waz kuex khvt shuiuz! Piq kuex thvt gay shuiuz, kvkaq khelbuenx htenc kuex panx wvnc tuex. Ngaz rueq ngvy miqsaz kuex khvt shaungx yuq,

JEKERIA 9:10

Yehowa rueq, “Ngaz rueq Israel wawc ralx lungc renc htenc kuex tvhttot lvmz gay ruiux Yerusalem wawc mvre htenc kuex lvmz gay shaungx; ralx khvt nuex shuimx yaq laq htenc kuex tvbac gay shaungx. Nuimshiq hokhvmx waz kuex miqphvnx htenc hvlwvl nuex nomic tvhttax vtueq; vpiq rueq svmuktvrax maq svmuktvrax nuex httuiuc laz, Euphrat Ruilx maq ghaq tvsuip nuex httuiuc laz guimz shuex,” ngoz tueq jungx tueq.

MALAKI 1:5

Israel miqsaz rueq kvkhoc yaungx wvnc tueq htenc kuex tsuingshiq muik maq khiz wvnc wuez vtueq, tsuingshiq rueq, “Yehowa kuex Israel mungtan phic vphaungx nuex httuiuc laz hungc vlaungc httax yaq!” ngoz tueq jungx wuez shuex.

Matthew 16:18

Kvkhoc rvtueq ngaz rueq mnoz muex jungx kuq ix, mmuingc kuex lung ngoz yaq Peter rvtoq, lung rauk ngoz yaq vjungx tvjvp htauk nuex ngvy phungc kuex ngaz rueq tec taq vshaungx, vthueyc vmvy rueq doc muinz kvruex taungx gay lot muq.

Matthew 2:6

‘Yuda mungx Betlehem ghaq lex, mnoz kuex Yuda mungx ghaq yungx htenc htauk nuex vruinx pinhtumc yaungx tuiux rvmuq, ngvy miqsaz Israel kuex remc lawc tvkoc walaungx washiz kuex, mnoz kox wawc dung tuex,’” ngoz tueq jungx tueq.

Matthew 25:31

“Miq Saz vruex kuex raungkamx bix lotlaz rulc vdvmz nuex Hokhvmx raz tueq httuiuc kaz tuex nuex, hoc daungraungc htauk nuex ngaungc vtueq,

Luke 1:32

Kvruex Nox kuex yungx luz wvnc vtueq, Johvlc Pinhtumc Tishox Saz ngoz tueq muingc shuex. Taungjix Tishox rueq vpiq jix vwaz Dawid hoc kuex vpiq muex kuq shuex.

John 10:38

Yuq muinz ngaz rueq shuimx vshaungx ngoz ruiux yuq kuex, ngaz muex kvmx muit ngoz ruiux yuq muinz ngvy yauk shuimc muex kvmx kuinz; kvkhoc ngoz ruiux jix Iwaz kuex ngaz rulc, ngaz muinz Iwaz rulc httax vtaungx lvmx kuex nuimshiq rueq tuiuz wvnc shuinx,” ngoz tueq.

John 20:17

Yesu rueq, “Ngvy gvnz nuex nauk kvtungc kaz, ngaz kuex Iwaz kox nuex max waung dvyx doc. Yuq muinz iphuz inox hez kox nuex waung vtueq, ngaz kuex Iwaz nuiyc nuimshiq Waz, ngvy Tishox nuiyc nuimshiq Tishox kox nuex waung wvnc taungx lvmz kuex jungx tvtay kaz kuiuz,” ngoz tueq piq muex jungx tueq.

Ephesians 1:3

Naungshiq Taungjix Yesu Christu Waz Tishox muex kejux vyungx ngoz kuq ix! Yvmx khoc lac ngoz ruiux lec naungshiq kuex Christu rulc vshiz dvyx yaungc ningkhvnc nuex vpiq rueq raungmungx htauk wawc siyac nuex seng yaq ruimrix kejux phvnx ruip kuex kuq phuex.

1 Peter 1:5

Kvruex kuex kvmluimx ningkhvnc nuex vtvsuip vkhing nuex mdung wvnc kueq ngoz tueq tvyoalc taq shec tueq palc daungc wvnc kejux kuex mlvp wvnc shueq, Tishox luimc vkawc maq tvkhup wungx kuy rvhumc jix nuimshiq tvkoc rvtueq.

Jude 1:1

Yesu Christu nvrc waz nuiyc Yaku nox ngaz Yuda kox maq, Tishox rueq gvl vtueq Vwaz Tishox lungwawc nuex kvwungx ruiux, Yesu Christu rueq tvkhup wungx yaq jix lotlaz muex luik wuiyq tvwvnc vphaungx.

Revelation 11:15

Kvruex yimaq mvshix ngoc yaungc raungkamx waz rueq piq bolic kuex tuimz tueq, kvkaq raungmungx wawc tvruingc yunghvlc guyc dung wvnc tueq kuex, “Mungkawx guimz juing luimc vkawc kuex naungshiq Taungjix Mesia yauk nuex httuiuc kaz tueq, vpiq rueq pattup pat-sac guimz wvnc shuex,” ngoz tueq jungx yaq.