Mikha 5:5 - Hawa Naga Bible 2001

⁵ vpiq rueq nomic kuex lvmz laq shuex. Asiria miqsaz kuex naungshiq mungx vyuq nyuip khvt vtueq naungshiq nolaungx ghaqshungc htenc kuex tvbac gay shuex nuex, naungshiq rueq muinz tsuingshiq kuex khvt tvkoc hungc vlaungc vhttax vyungx vlaungx bix kuex tvkaz shix.

ASII LAKDAP Bible (BSI)

⁵ Kiimaq apaiq ka mungtsing miitu miraq maiqse ma mung ka atsing maq mipeng wan. Asiria mung raq namung ka mikhat wan. Raüta nashiq peruk weshaü thun ka misiiq wan. Shatmaq nashiq raq nashiqnok phan wa, Sreajongbi thun ka tsangshiq khat wa mitiiwa rong i.

Mikha 5:5 Referencias Cruzadas

YOBA 5:19

Vpiq rueq mnoz kuex lauk wvruip ruip vthuiuz vsac rvhumc vtuiux kvwawc palc wvnc kv-phux;

Tvtsvmc 72:7

Tsuingrux lvmx kuex ngvy rullungx wvlex m-yungx luz wvnc kueq, yapix rueq piq lez kuex kuq yaq wawwawx rungwanx lvmx mhttax wvnc kueq.

TAKSU LAK 30:18

Ngvy tvkoc vtuiuz lot mauk juing tanc khvnc vwangc juing phvnx bvlic httax yaq kuex:

TAKSU LAK 30:29

Lvmx khuemx ruiux yuq vkix tvjauz vtueq khuemc jix phvnx bvlic httax yaq kvruex kuex:

TAKSU LAK 6:16

Yehowa rueq shuiuc yaq phvnx nuiyc nanx lot muq phvnx kuex phvnx mvshix httax yaq: kvruex kuex vngamc vngax htvlx phawc, vrot vkaq kvjaz jungx yaq tvlix, mvrax vguez miq thvy jix yauk, layx vbac phvnx tvnkhvnz yaq thuinz, honc bac yauk shuimc tvkoc lvwvnz yaq huk, vrot vkaq kvjaz jungx vtueq, vyaq hakhix khvmc jix waz, kungjix kamjix vdvmz dvmz hvlwvl nuex kuilc daz kuex tvpaungc jix htenc rvtueq.

THARC TVLUINGC 11:2

Mnoz vrangc htenc kuex baung ruip saz nuex, paunghvlc baung nuex vrangc htawc shuiuz, yvmx khoc lac ngoz ruiux lec vruex mungkawx vyuq vbac phvnx yauk shuimc yvmx wuez yaungx wvnc tvnx kuex mnoz rueq mkaq muinz tuiuz muq.

ISAIA 14:25

Ngaz rueq Asiria miqsaz kuex ngvy ghaq vraungx ngoz vshaungx Israel mungx wawc tvbac gay ruiux tsuingshiq kuex ngvy kanx htenc htauk nuex nyet nuiuz gay shaungx. Ngaz rueq ngvy miqsaz htenc kuex Asiria kandaungc wawc nuiyc tsuingshiq rueq gurx yaq gurc htenc wawc tvdung gay shaungx.

ISAIA 44:28

Ngaz rueq Kiru hokhvmx muex, ‘Mnoz kuex ngvy tvkoc guimz lawc jix waz muex yaungx tuiux; ngaz rueq mnoz muex tvshuimx roc phaungx yauk shuimc kuex mnoz rueq shuimx shuiux: Yerusalem tvhvlc guirc yek tvkoc nuiyc Shomc Yuimx fongteshin tvdvy tvkoc kvmuinz mnoz rueq nvr shuiux,’ ” ngoz tueq ngoz tueq.

ISAIA 59:19

Shaldungc kox maq shalx nyuip kox nuex httuiuc laz wawc miq kuex vpiq luimc kawc yungc kvmac hiyaz wuez tuex. Vpiq kuex kuk laungx kaz yaq yuix ruilx ikhoc muinz, hungc hvlc guil yaq raungguil ikhoc muinz vpiq kaz tuex.

ISAIA 65:8

Yehowa rueq, “Svpiq thuey vhvlx htenc kuex vshiz rueq muinz tvbac muq; tsuingshiq rueq svpiq tix kuex tvhungx wuez yaq. Ngaz rueq muinz ngvy miqsaz htenc kuex tvbac gay shaungx rvmuq, ngaz muex nawk palx jix kuex ngaz rueq palc wvnc shaungx.

ISAIA 7:14

Kvkhoc rvtueq Taungjix vpiq rueq nuimshiq muex vyac mal vshiz kuq kv-phuinx; yalxtux nyuiuz shiz rueq nox miqwaz saz jawx shuex, vpiq muingc kuex, ‘Emanuel’ ngoz tueq muingc shuex.

JEREMIA 33:15

Kvkaq tsuingrux yaq Dawid suiuz vsaz wawc hokhvmx kuex ngaz rueq thvl taq shaungx. Kvruex hokhvmx waz rueq wvmungx tuimx nuex tsuingrux nuiyc rvkhauk laz vlvmz maq yauk shuimc shuimx shuex.

AMO LUIK DVP (AMOS) 1:3

Yehowa rueq, “Damasku miqsaz htenc rueq tvyez kakaz mvrax yaq wuez yaq, vruex ningkhvnc nuex ngaz rueq tsuingshiq muex vsuing murx tvgurc shaungx. Tsuingshiq rueq Gilead miqsaz htenc kuex bac hvlc guirguenz wvnc tueq.

AMO LUIK DVP (AMOS) 1:6

Yehowa rueq, “Gaza miqsaz htenc rueq tvyez kakaz mvrax yaq wuez yaq, vruex ningkhvnc nuex ngaz rueq tsuingshiq muex vsuing murx tvgurc shaungx. Tsuingshiq kuex wvphvnx tuimx lvp vtueq Edom miqsaz yauk nuex dax muex shaung gay tueq.

JEKERIA 10:11

Tsuingshiq rueq kvhiz juing svmuktvrax kuex yanz wvnc shuex nuex, Ngaz, Yehowa rueq svmuktvrax yuix daungx kuex wung shaungx, Nile ruilx yuix vthuiuz baung htenc kuex httuiz ruic wvnc tuex. Ngamc boq wuez yaq Asiria kuex tvyomx gay rvhumc tuex, hungc vlaungc mvrc yaq Ejip muinz piq luimc vkawc nulx wvnc tuex.

JEKERIA 10:3

Yehowa rueq, “Ngvy miqsaz htenc kuex guimz jix pungnuk miqsaz htenc muex ngvy thuinkhaq vtueq, tsuingshiq muex ngaz rueq murx tvgurc shaungx. Yuda miqsaz htenc kuex ngaz muex rvtueq, ngaz, Tvphaungc Tvsuip Yehowa rueq tsuingshiq kuex tvwungx shaungx. Tsuingshiq kuex luimc vkawc yunghvlc ralx khvt mvre htenc yaungx tuex.

JEKERIA 12:6

“Kvkaq Yuda phvnx waruiuz htenc kuex yaruix wvr ikhoc muinz, tsvmz muinc ruix nuex luic yaq wvr ikhoc muinz tvyaungc gay shaungx, tsuingshiq rueq tvroz wawc miqphvnx htenc kuex tvbac gay shuex. Yerusalem ghaq wuinz kuex ghaqyungx mungx nuex kvwungx httax wuez tuex.

JEKERIA 9:10

Yehowa rueq, “Ngaz rueq Israel wawc ralx lungc renc htenc kuex tvhttot lvmz gay ruiux Yerusalem wawc mvre htenc kuex lvmz gay shaungx; ralx khvt nuex shuimx yaq laq htenc kuex tvbac gay shaungx. Nuimshiq hokhvmx waz kuex miqphvnx htenc hvlwvl nuex nomic tvhttax vtueq; vpiq rueq svmuktvrax maq svmuktvrax nuex httuiuc laz, Euphrat Ruilx maq ghaq tvsuip nuex httuiuc laz guimz shuex,” ngoz tueq jungx tueq.

JEKERIA 9:13

Ngaz rueq Yuda kuex nolaungx washiz laq ikhoc Israel kuex laqsvnz htenc ikhoc tvyaungc vtueq shuimx shaungx. Ngaz rueq Zion ghaq wuinz kuex yaung ikhoc shuimx vtueq, Greek waz hez kuex khvt shaungx.”

Luke 2:14

“Johvlc raungmungx wawc Tishox ngauz vngax kuex mhttax kueq, ghaq htauk vyuq vpiq rueq raungc raq yaq miqsaz lotlaz nuex nomic mhttax kueq!” ngoz wuez tueq.

John 14:27

“Nomic kuex nuimshiq muex ngaz rueq taq kuq shec phaungx. Ngvy nomic kuex nuimshiq muex ngaz rueq kuq vphaungx, mungkawx miqsaz rueq kuq yaq kvkhoc rvmuq. Nuimshiq thuinz maq nauk rvwvl kaz, nauk hiz kaz.

John 16:33

Nuimhez kuex ngaz rulc vshiz dvyx yaungc ningkhvnc nuex nomic lvp wvnc shuinx, yuq muinz nuimhez kuex mungkawx nuex htemrvmz kuilc daz rvhumc tuinx. Yuq muinz thuinz nauk tvruinc kaz! Ngaz rueq mungkawx kuex taungx gay tauk shex!” ngoz tueq.

Revelation 17:14

Tsuingshiq kuex Khelbuenx Saz kvrulc rvkhvt rvlungc wvnc tuex; yuq muinz Khelbuenx Saz kuex taungjix htauk nuex Taungjix, hokhvmx htauk nuex Hokhvmx ningkhvnc nuex tsuingshiq kuex yurc gay shuex. Vpiq rueq vgvl shec hez nuiyc vpiq muex tvmtuing httaz jix htenc kuex vpiq rulc vroc nuex taungx wvnc vkhangx lvp wvnc wuez shuex,” ngoz tueq.

Revelation 19:14

Raungmungx wawc nolaungx bix htenc muinz mvre vluiz nuex ngaungc vtueq vsawc vluiz khvynyel svmx ruiux piq yix nuex phvnx wuez yaq.