Mikha 5:5 - ASII LAKDAP Bible (BSI)

⁵ Kiimaq apaiq ka mungtsing miitu miraq maiqse ma mung ka atsing maq mipeng wan. Asiria mung raq namung ka mikhat wan. Raüta nashiq peruk weshaü thun ka misiiq wan. Shatmaq nashiq raq nashiqnok phan wa, Sreajongbi thun ka tsangshiq khat wa mitiiwa rong i.

Hawa Naga Bible 2001

⁵ vpiq rueq nomic kuex lvmz laq shuex. Asiria miqsaz kuex naungshiq mungx vyuq nyuip khvt vtueq naungshiq nolaungx ghaqshungc htenc kuex tvbac gay shuex nuex, naungshiq rueq muinz tsuingshiq kuex khvt tvkoc hungc vlaungc vhttax vyungx vlaungx bix kuex tvkaz shix.

Mikha 5:5 Referencias Cruzadas

YOBA 5:19

Apaiq raq ümniika tiijangkiki chamchao thiikho wa mitiichhii kuq;

Tvtsvmc 72:7

Apaiq pat na kechu jaqsham kai mijonglulaq, kiimaq jipi kaü ka lishat wiiwii mung ka arong awin misilaq.

TAKSU LAK 30:18

Ngi ma phantsam asi kra, chhilata wangtiikang; kiimaq phanblai ngojati ma, ngi amao riitiikang.

TAKSU LAK 30:29

Phantsam atra phan asi; tsangshiq khum ka aliisea chang. Phanblai ngojati ka, maiqkha akii khumtlo.

TAKSU LAK 6:16

Ngarai phantrok ka Tatiwe raq saisitlo, Ngarai phan miishi ngojati ka apaiq raq aphai riitlo.

THARC TVLUINGC 11:2

Ümtsiiq ka pongbaba jaqsham na tiiwalaq - apawiq na, Jamkhano ngukla, rawiichii akhing na jamlai kharii wa saü wan jiiq, ümniiraq sap maü.

ISAIA 14:25

Ngi raq Asiria mungti ka ihiq shong Israil mung na mitiithen baiqha. Kiimaq tsangshiq ka ipum thun thaq kiijaq iji maq nishishi minyat baiqha. Ngi raq isenginok ka Asirianok kharü mong wa adü she mirbaiqha. Kiimaq tsangshiq ma holai jonghea tiihokuqtlaq kriiwa midok dawanha.

ISAIA 44:28

Ngi raq Sairas ma ngutiikang, ‘Ümniiraq mung ka imang na mipenghaü; ümniiriika ngi raq chongtiikang kra phan phan mishamhaü; ümniiraq Jerusalem tiiheahai miitu aming mikuqhaü; kiimaq Shomjam jamkhü longkaü kra mitiishong wan haü.’”

ISAIA 59:19

Shedong mung maq riita shenyap mung na saüli, maiqse kunli raq apaiq miishe mihai song wan. Apaiq raq ningkun jonghea riimtlaq kra chhi raüta mihai song wan. Apaiq ka jüchhang jonghea ikha misaü wan, kiimaq rathaiq henghea ikha misaü wan.

ISAIA 65:8

Tatiwe raq ngutlo, “Spiqtsi ahea ka jurmin tiithen baiq mak. Shatmaq kriimaq che klotlo. Ngi riimin isenginok tlotli ka tiithen baiq mang. Ngi shiikumpantibi ka Ngi raq atiichhii mirkuqha.

ISAIA 7:14

Ahea na ikhiijiika. Tati apaiq riishetiq ümniima miithii kiishi mishongkuq: Junrii wahüse ka wiihan she miraq. Apaiq raq ase ka maiqwe se michii. Kiimaq apaiq mang ka ‘Immanuel’ nguta mimang.

JEREMIA 33:15

Kra akhing na, Ngi raq Dawit saüse phan wa, kechu hokhamwe ashi mishongha. Kra hokhamwe raq tingting kappe sham raüta mung tlot li ka mipeng wan.

AMO LUIK DVP (AMOS) 1:3

Tatiwe raq akha ngutlo, “Siria mung nyungchong Damaskas chelati raq, atang wan ngarai homa, hiq ma ra ma she tang wanto, tsangshiq kha tiijoq mang maq mipho ha. Tsangshiq raq tri weahü, Gilead wangti jinshuk wi hea na tiichopto, Raüta tsatbaiqto.

AMO LUIK DVP (AMOS) 1:6

Tatiwe raq akha ngutlo, “Philistain mung wa Gaja chelati raq, atang wan ngarai homa, hiq ma ra ma she tang wanto. Tsangshiq kha tiijoq mang mipho ha. Jamkhano ngukla tsangshiq raq, maiq ka wiinoktam rewa shumwi ma tsuq wa raüta, Edom mungti jaq na di ma shaphaqto.

JEKERIA 10:11

Tsangshiq raq chamchao khamjong rap tlaq akhing na, Ngi Tatiwe raq, khamjong tso blun ka mibukha. Lata Nail rai khamchum tsaühea kra, wiita mitrü baiqha. Shiikong kumrong Asiria mungti raq jea mingaü, Kiimaq ajong ala Ejip mungti ningkun kiimin, wiitashe mithumki.

JEKERIA 10:3

Tatiwe raq ngutlo, “Isenginok pengti pongmung hokhambi ma, Itsankhiq tlo, Ngi raq tsangshiq mitiichamchao ha. Juda mungti isengi, Ngi Tati Ningkun Ajong Pinthumwe raq, tsangshiq mishliliiha. Tsangshiq ka irekhatti nolajongbi kumrang kong miraq.

JEKERIA 12:6

“Kra akhing na, ngi raq Juda mungti ka ralii na peshin arongchaq ikha, kiimaq tsamkü rü wa maq achaq ikha trotam na siti maiqmung thun ka wiita mitiikhiimbaiqha. Jerusalem chelati ka chela mong na hansang miraq.

JEKERIA 9:10

Tatiwe raq ngutlo, “Ngi raq Israil mung wa rekhat kumrang leng thun, wiita milambaiq ha, kiimaq leng thun ka Jerusalem wa, alam mirbaiq. Kiimaq rekhat chang liq thun kiimin, wiitashe mishthen baiq. Raüta apaiq raq mangjong tlotli na, mungthun ka atsing angang miishe mipeng wan. Apaiq raq lungwii tlaq maiqmung thun ka, sammoktra wiiqshi maq riita, wiiqshi na saüli she mipeng wan. Kiimaq Euphretis rai maq phawan raüta, ra raq aham mangjong tlotli mipeng wan.”

JEKERIA 9:13

Ngi raq Juda mungti, srea nolawe liq miishe mitiijaha. Kiimaq Israil mungti, liqsin chü miishe mitiijaha. Ngi raq Jajon chelati, i nep jasai miishe mitiijaha. Lata Grik mungti mikhat wan ha.”

Luke 2:14

“Sanseng ramungtan na Shiikeawe khushü mijong laq, apaiq raq lungwiitlaq asengibi, mangjong hiq na siti ma hansang mirlaq!”

John 14:27

“Namshiq ma ngi raq hansang rilung she kuq tiikang. Arka i tsan mong na sitlaq hansang khap kriiwa triisha tsümkuq tiikang. Arka mangjong maiqse raq akuq hansang rilung ikhiika riimak. Jai na jamlai mra wa pin wan tlaq, kra miitu namshiq ka akhiismin naq chapa rongkiq. Kiimaq naq hanghun rongkiq, kiimaq naqhai rongkiq.

John 16:33

Ngi raq namshiq ma ara bomtsi chongkuq tiipha arka, namshiq ka ngi rai pumshi hanshi maq silanta, hansang maq misi laq nguta ngo maq chongkuq tiikang. Mangjong maiqse raq namshiq ka mitiichamchao wan. Shatmaq, srea nola ma ja ronglaq! Ngi raq mangjong hiq ka tang kang she!”

Revelation 17:14

Kra ngamthaiq kaü nai hokham weroqshi raq, Skuse ka mikhat. Shatmaq, Skuse nai asengi raq tsangshiq ka mikhat wan. Raüta mitang. Apaiq ka Tati ajong pinthum. Apaiq ka hokham thaq na Hokham. Tatiwe thun thaq na Tati. Kiimaq tsangshiq ka Shiikeawe raq ashong kiimaq atsea wan kiimaq tsangshiq ka apaiq ma pinthum kamtsantsii thü raüta siwanti.”

Revelation 19:14

Ramungtan wa phenlabi thun ka apaiq jai phanphan wa tlo. Tsangshiq thun ka kumrang lü thaq na chao raqraq riito. Kiimaq tsangshiq miirii ka siirairai raihi-nairai khea samraqraq riito.